Shri Vishnu Panjara Stotram

ॐ

శ్రీ విష్ణు పఞ్జర స్తోత్రమ్

Vishnu Stotram Telugu

ఓం అస్య శ్రీవిష్ణుపఞ్జరస్తోత్ర మహామన్త్రస్య నారద ఋషిః । అనుష్టుప్ ఛన్దః । శ్రీవిష్ణుః పరమాత్మా దేవతా । అహం బీజమ్ । సోహం శక్తిః । ఓం హ్రీం కీలకమ్ । మమ సర్వదేహరక్షణార్థం జపే వినియోగః ।

నారద ఋషయే నమః ముఖే । శ్రీవిష్ణుపరమాత్మదేవతాయై నమః హృదయే । అహం బీజం గుహ్యే । సోహం శక్తిః పాదయోః । ఓం హ్రీం కీలకం పాదాగ్రే । ఓం హ్రాం హ్రీం హ్రూం హ్రైం హ్రౌం హ్రః ఇతి మన్త్రః ।

ఓం హ్రాం అఙ్గుష్ఠాభ్యాం నమః ।

ఓం హ్రీం తర్జనీభ్యాం నమః ।

ఓం హ్రూం మధ్యమాభ్యాం నమః ।

ఓం హ్రైం అనామికాభ్యాం నమః ।

ఓం హ్రౌం కనిష్ఠికాభ్యాం నమః ।

ఓం హ్రః కరతలకరపృష్ఠాభ్యాం నమః ।

ఇతి కరన్యాసః ।

ఓం హ్రాం హృదయాయ నమః ।

ఓం హ్రీం శిరసే స్వాహా ।

ఓం హ్రూం శిఖాయై వషట్ ।

ఓం హ్రైం కవచాయ హుమ్ ।

ఓం హ్రౌం నేత్రత్రయాయ వౌషట్ ।

ఓం హ్రః అస్త్రాయ ఫట్ ।

ఇతి అఙ్గన్యాసః ।

అహం బీజం ప్రాణాయామం మన్త్రత్రయేణ కుర్యాత్ ।

ధ్యానమ్ ।

పరం పరస్మాత్ప్రకృతేరనాదిమేకం నివిష్టం బహుధా గుహాయామ్ ।

సర్వాలయం సర్వచరాచరస్థం నమామి విష్ణుం జగదేకనాథమ్ ॥ 1 ॥

ఓం విష్ణుపఞ్జరకం దివ్యం సర్వదుష్టనివారణమ్ ।

ఉగ్రతేజో మహావీర్యం సర్వశత్రునికృన్తనమ్ ॥ 2 ॥

త్రిపురం దహమానస్య హరస్య బ్రహ్మణో హితమ్ ।

తదహం సమ్ప్రవక్ష్యామి ఆత్మరక్షాకరం నృణామ్ ॥ 3 ॥

పాదౌ రక్షతు గోవిన్దో జఙ్ఘే చైవ త్రివిక్రమః ।

ఊరూ మే కేశవః పాతు కటిం చైవ జనార్దనః ॥ 4 ॥

నాభిం చైవాచ్యుతః పాతు గుహ్యం చైవ తు వామనః ।

ఉదరం పద్మనాభశ్చ పృష్ఠం చైవ తు మాధవః ॥ 5 ॥

వామపార్శ్వం తథా విష్ణుర్దక్షిణం మధుసూదనః ।

బాహూ వై వాసుదేవశ్చ హృది దామోదరస్తథా ॥ 6 ॥

కణ్ఠం రక్షతు వారాహః కృష్ణశ్చ ముఖమణ్డలమ్ ।

మాధవః కర్ణమూలే తు హృషీకేశశ్చ నాసికే ॥ 7 ॥

నేత్రే నారాయణో రక్షేల్లలాటం గరుడధ్వజః ।

కపోలౌ కేశవో రక్షేద్వైకుణ్ఠః సర్వతోదిశమ్ ॥ 8 ॥

శ్రీవత్సాఙ్కశ్చ సర్వేషామఙ్గానాం రక్షకో భవేత్ ।

పూర్వస్యాం పుణ్డరీకాక్ష ఆగ్నేయ్యాం శ్రీధరస్తథా ॥ 9 ॥

దక్షిణే నారసింహశ్చ నైరృత్యాం మాధవోఽవతు ।

పురుషోత్తమో వారుణ్యాం వాయవ్యాం చ జనార్దనః ॥ 10 ॥

గదాధరస్తు కౌబేర్యామీశాన్యాం పాతు కేశవః ।

ఆకాశే చ గదా పాతు పాతాలే చ సుదర్శనమ్ ॥ 11 ॥

సన్నద్ధః సర్వగాత్రేషు ప్రవిష్టో విష్ణుపఞ్జరః ।

విష్ణుపఞ్జరవిష్టోఽహం విచరామి మహీతలే ॥ 12 ॥

రాజద్వారేఽపథే ఘోరే సఙ్గ్రామే శత్రుసఙ్కటే ।

నదీషు చ రణే చైవ చోరవ్యాఘ్రభయేషు చ ॥ 13 ॥

డాకినీప్రేతభూతేషు భయం తస్య న జాయతే ।

రక్ష రక్ష మహాదేవ రక్ష రక్ష జనేశ్వర ॥ 14 ॥

రక్షన్తు దేవతాః సర్వా బ్రహ్మవిష్ణుమహేశ్వరాః ।

జలే రక్షతు వారాహః స్థలే రక్షతు వామనః ॥ 15 ॥

అటవ్యాం నారసింహశ్చ సర్వతః పాతు కేశవః ॥

దివా రక్షతు మాం సూర్యో రాత్రౌ రక్షతు చన్ద్రమాః ॥ 16 ॥

పన్థానం దుర్గమం రక్షేత్సర్వమేవ జనార్దనః ।

రోగవిఘ్నహతశ్చైవ బ్రహ్మహా గురుతల్పగః ॥ 17 ॥

స్త్రీహన్తా బాలఘాతీ చ సురాపో వృషలీపతిః ।

ముచ్యతే సర్వపాపేభ్యో యః పఠేన్నాత్ర సంశయః ॥ 18 ॥

అపుత్రో లభతే పుత్రం ధనార్థీ లభతే ధనమ్ ।

విద్యార్థీ లభతే విద్యాం మోక్షార్థీ లభతే గతిమ్ ॥ 19 ॥

ఆపదో హరతే నిత్యం విష్ణుస్తోత్రార్థసమ్పదా ।

యస్త్విదం పఠతే స్తోత్రం విష్ణుపఞ్జరముత్తమమ్ ॥ 20 ॥

ముచ్యతే సర్వపాపేభ్యో విష్ణులోకం స గచ్ఛతి ।

గోసహస్రఫలం తస్య వాజపేయశతస్య చ ॥ 21 ॥

అశ్వమేధసహస్రస్య ఫలం ప్రాప్నోతి మానవః ।

సర్వకామం లభేదస్య పఠనాన్నాత్ర సంశయః ॥ 22 ॥

జలే విష్ణుః స్థలే విష్ణుర్విష్ణుః పర్వతమస్తకే ।

జ్వాలామాలాకులే విష్ణుః సర్వం విష్ణుమయం జగత్ ॥ 23 ॥

ఇతి శ్రీబ్రహ్మాణ్డపురాణే ఇన్ద్రనారదసంవాదే శ్రీవిష్ణుపఞ్జరస్తోత్రమ్ ॥

Roman (IAST) Transliteration

oṃ hrāṃ aṅguṣṭhābhyāṃ namaḥ |

oṃ hrīṃ tarjanībhyāṃ namaḥ |

oṃ hrūṃ madhyamābhyāṃ namaḥ |

oṃ hraiṃ anāmikābhyāṃ namaḥ |

oṃ hrauṃ kaniṣṭhikābhyāṃ namaḥ |

oṃ hraḥ karatalakarapṛṣṭhābhyāṃ namaḥ |

iti karanyāsaḥ |

oṃ hrāṃ hṛdayāya namaḥ |

oṃ hrīṃ śirase svāhā |

oṃ hrūṃ śikhāyai vaṣaṭ |

oṃ hraiṃ kavacāya hum |

oṃ hrauṃ netratrayāya vauṣaṭ |

oṃ hraḥ astrāya phaṭ |

iti aṅganyāsaḥ |

ahaṃ bījaṃ prāṇāyāmaṃ mantratrayeṇa kuryāt |

dhyānam |

paraṃ parasmātprakṛteranādimekaṃ niviṣṭaṃ bahudhā guhāyām |

sarvālayaṃ sarvacarācarasthaṃ namāmi viṣṇuṃ jagadekanātham || 1 ||

oṃ viṣṇupañjarakaṃ divyaṃ sarvaduṣṭanivāraṇam |

ugratejo mahāvīryaṃ sarvaśatrunikṛntanam || 2 ||

tripuraṃ dahamānasya harasya brahmaṇo hitam |

tadahaṃ sampravakṣyāmi ātmarakṣākaraṃ nṛṇām || 3 ||

pādau rakṣatu govindo jaṅghe caiva trivikramaḥ |

ūrū me keśavaḥ pātu kaṭiṃ caiva janārdanaḥ || 4 ||

nābhiṃ caivācyutaḥ pātu guhyaṃ caiva tu vāmanaḥ |

udaraṃ padmanābhaśca pṛṣṭhaṃ caiva tu mādhavaḥ || 5 ||

vāmapārśvaṃ tathā viṣṇurdakṣiṇaṃ madhusūdanaḥ |

bāhū vai vāsudevaśca hṛdi dāmodarastathā || 6 ||

kaṇṭhaṃ rakṣatu vārāhaḥ kṛṣṇaśca mukhamaṇḍalam |

mādhavaḥ karṇamūle tu hṛṣīkeśaśca nāsike || 7 ||

netre nārāyaṇo rakṣellalāṭaṃ garuḍadhvajaḥ |

kapolau keśavo rakṣedvaikuṇṭhaḥ sarvatodiśam || 8 ||

śrīvatsāṅkaśca sarveṣāmaṅgānāṃ rakṣako bhavet |

pūrvasyāṃ puṇḍarīkākṣa āgneyyāṃ śrīdharastathā || 9 ||

dakṣiṇe nārasiṃhaśca nairṛtyāṃ mādhavo'vatu |

puruṣottamo vāruṇyāṃ vāyavyāṃ ca janārdanaḥ || 10 ||

gadādharastu kauberyāmīśānyāṃ pātu keśavaḥ |

ākāśe ca gadā pātu pātāle ca sudarśanam || 11 ||

sannaddhaḥ sarvagātreṣu praviṣṭo viṣṇupañjaraḥ |

viṣṇupañjaraviṣṭo'haṃ vicarāmi mahītale || 12 ||

rājadvāre'pathe ghore saṅgrāme śatrusaṅkaṭe |

nadīṣu ca raṇe caiva coravyāghrabhayeṣu ca || 13 ||

ḍākinīpretabhūteṣu bhayaṃ tasya na jāyate |

rakṣa rakṣa mahādeva rakṣa rakṣa janeśvara || 14 ||

rakṣantu devatāḥ sarvā brahmaviṣṇumaheśvarāḥ |

jale rakṣatu vārāhaḥ sthale rakṣatu vāmanaḥ || 15 ||

aṭavyāṃ nārasiṃhaśca sarvataḥ pātu keśavaḥ ||

divā rakṣatu māṃ sūryo rātrau rakṣatu candramāḥ || 16 ||

panthānaṃ durgamaṃ rakṣetsarvameva janārdanaḥ |

rogavighnahataścaiva brahmahā gurutalpagaḥ || 17 ||

strīhantā bālaghātī ca surāpo vṛṣalīpatiḥ |

mucyate sarvapāpebhyo yaḥ paṭhennātra saṃśayaḥ || 18 ||

aputro labhate putraṃ dhanārthī labhate dhanam |

vidyārthī labhate vidyāṃ mokṣārthī labhate gatim || 19 ||

āpado harate nityaṃ viṣṇustotrārthasampadā |

yastvidaṃ paṭhate stotraṃ viṣṇupañjaramuttamam || 20 ||

mucyate sarvapāpebhyo viṣṇulokaṃ sa gacchati |

gosahasraphalaṃ tasya vājapeyaśatasya ca || 21 ||

aśvamedhasahasrasya phalaṃ prāpnoti mānavaḥ |

sarvakāmaṃ labhedasya paṭhanānnātra saṃśayaḥ || 22 ||

jale viṣṇuḥ sthale viṣṇurviṣṇuḥ parvatamastake |

jvālāmālākule viṣṇuḥ sarvaṃ viṣṇumayaṃ jagat || 23 ||

iti śrībrahmāṇḍapurāṇe indranāradasaṃvāde śrīviṣṇupañjarastotram ||