Shri Svarna Akarshana Bhairava Stotram

ॐ

శ్రీ స్వర్ణ ఆకర్షణ భైరవ స్తోత్రమ్

Shiva Stotram Telugu

ఓం అస్య శ్రీ స్వర్ణాకర్షణ భైరవ స్తోత్ర మహామన్త్రస్య బ్రహ్మ ఋషిః అనుష్టుప్ ఛన్దః శ్రీ స్వర్ణాకర్షణ భైరవో దేవతా హ్రీం బీజం క్లీం శక్తిః సః కీలకం మమ దారిద్ర్య నాశార్థే పాఠే వినియోగః ॥

ఋష్యాది న్యాసః ।

బ్రహ్మర్షయే నమః శిరసి ।

అనుష్టుప్ ఛన్దసే నమః ముఖే ।

స్వర్ణాకర్షణ భైరవాయ నమః హృది ।

హ్రీం బీజాయ నమః గుహ్యే ।

క్లీం శక్తయే నమః పాదయోః ।

సః కీలకాయ నమః నాభౌ ।

వినియొగాయ నమః సర్వాఙ్గే ।

హ్రాం హ్రీం హ్రూం ఇతి కర షడఙ్గన్యాసః ॥

ధ్యానమ్ ।

పారిజాతద్రుమ కాన్తారే స్థితే మాణిక్యమణ్డపే ।

సింహాసనగతం వన్దే భైరవం స్వర్ణదాయకమ్ ॥

గాఙ్గేయ పాత్రం డమరూం త్రిశూలం

వరం కరః సన్దధతం త్రినేత్రమ్ ।

దేవ్యాయుతం తప్త సువర్ణవర్ణ

స్వర్ణాకర్షణభైరవమాశ్రయామి ॥

మన్త్రః ।

ఓం ఐం హ్రీం శ్రీం ఐం శ్రీం ఆపదుద్ధారణాయ హ్రాం హ్రీం హ్రూం అజామలవధ్యాయ లోకేశ్వరాయ స్వర్ణాకర్షణభైరవాయ మమ దారిద్ర్య విద్వేషణాయ మహాభైరవాయ నమః శ్రీం హ్రీం ఐమ్ ।

స్తోత్రమ్ ।

నమస్తేఽస్తు భైరవాయ బ్రహ్మవిష్ణుశివాత్మనే ।

నమస్త్రైలోక్యవన్ద్యాయ వరదాయ పరాత్మనే ॥ 1 ॥

రత్నసింహాసనస్థాయ దివ్యాభరణశోభినే ।

దివ్యమాల్యవిభూషాయ నమస్తే దివ్యమూర్తయే ॥ 2 ॥

నమస్తేఽనేకహస్తాయ హ్యనేకశిరసే నమః ।

నమస్తేఽనేకనేత్రాయ హ్యనేకవిభవే నమః ॥ 3 ॥

నమస్తేఽనేకకణ్ఠాయ హ్యనేకాంశాయ తే నమః ।

నమోస్త్వనేకైశ్వర్యాయ హ్యనేకదివ్యతేజసే ॥ 4 ॥

అనేకాయుధయుక్తాయ హ్యనేకసురసేవినే ।

అనేకగుణయుక్తాయ మహాదేవాయ తే నమః ॥ 5 ॥

నమో దారిద్ర్యకాలాయ మహాసమ్పత్ప్రదాయినే ।

శ్రీభైరవీప్రయుక్తాయ త్రిలోకేశాయ తే నమః ॥ 6 ॥

దిగమ్బర నమస్తుభ్యం దిగీశాయ నమో నమః ।

నమోఽస్తు దైత్యకాలాయ పాపకాలాయ తే నమః ॥ 7 ॥

సర్వజ్ఞాయ నమస్తుభ్యం నమస్తే దివ్యచక్షుషే ।

అజితాయ నమస్తుభ్యం జితామిత్రాయ తే నమః ॥ 8 ॥

నమస్తే రుద్రపుత్రాయ గణనాథాయ తే నమః ।

నమస్తే వీరవీరాయ మహావీరాయ తే నమః ॥ 9 ॥

నమోఽస్త్వనన్తవీర్యాయ మహాఘోరాయ తే నమః ।

నమస్తే ఘోరఘోరాయ విశ్వఘోరాయ తే నమః ॥ 10 ॥

నమః ఉగ్రాయ శాన్తాయ భక్తేభ్యః శాన్తిదాయినే ।

గురవే సర్వలోకానాం నమః ప్రణవ రూపిణే ॥ 11 ॥

నమస్తే వాగ్భవాఖ్యాయ దీర్ఘకామాయ తే నమః ।

నమస్తే కామరాజాయ యోషిత్కామాయ తే నమః ॥ 12 ॥

దీర్ఘమాయాస్వరూపాయ మహామాయాపతే నమః ।

సృష్టిమాయాస్వరూపాయ విసర్గాయ సమ్యాయినే ॥ 13 ॥

రుద్రలోకేశపూజ్యాయ హ్యాపదుద్ధారణాయ చ ।

నమోఽజామలబద్ధాయ సువర్ణాకర్షణాయ తే ॥ 14 ॥

నమో నమో భైరవాయ మహాదారిద్ర్యనాశినే ।

ఉన్మూలనకర్మఠాయ హ్యలక్ష్మ్యా సర్వదా నమః ॥ 15 ॥

నమో లోకత్రయేశాయ స్వానన్దనిహితాయ తే ।

నమః శ్రీబీజరూపాయ సర్వకామప్రదాయినే ॥ 16 ॥

నమో మహాభైరవాయ శ్రీరూపాయ నమో నమః ।

ధనాధ్యక్ష నమస్తుభ్యం శరణ్యాయ నమో నమః ॥ 17 ॥

నమః ప్రసన్నరూపాయ హ్యాదిదేవాయ తే నమః ।

నమస్తే మన్త్రరూపాయ నమస్తే రత్నరూపిణే ॥ 18 ॥

నమస్తే స్వర్ణరూపాయ సువర్ణాయ నమో నమః ।

నమః సువర్ణవర్ణాయ మహాపుణ్యాయ తే నమః ॥ 19 ॥

నమః శుద్ధాయ బుద్ధాయ నమః సంసారతారిణే ।

నమో దేవాయ గుహ్యాయ ప్రబలాయ నమో నమః ॥ 20 ॥

నమస్తే బలరూపాయ పరేషాం బలనాశినే ।

నమస్తే స్వర్గసంస్థాయ నమో భూర్లోకవాసినే ॥ 21 ॥

నమః పాతాలవాసాయ నిరాధారాయ తే నమః ।

నమో నమః స్వతన్త్రాయ హ్యనన్తాయ నమో నమః ॥ 22 ॥

ద్విభుజాయ నమస్తుభ్యం భుజత్రయసుశోభినే ।

నమోఽణిమాదిసిద్ధాయ స్వర్ణహస్తాయ తే నమః ॥ 23 ॥

పూర్ణచన్ద్రప్రతీకాశవదనామ్భోజశోభినే ।

నమస్తే స్వర్ణరూపాయ స్వర్ణాలఙ్కారశోభినే ॥ 24 ॥

నమః స్వర్ణాకర్షణాయ స్వర్ణాభాయ చ తే నమః ।

నమస్తే స్వర్ణకణ్ఠాయ స్వర్ణాలఙ్కారధారిణే ॥ 25 ॥

స్వర్ణసింహాసనస్థాయ స్వర్ణపాదాయ తే నమః ।

నమః స్వర్ణాభపారాయ స్వర్ణకాఞ్చీసుశోభినే ॥ 26 ॥

నమస్తే స్వర్ణజఙ్ఘాయ భక్తకామదుఘాత్మనే ।

నమస్తే స్వర్ణభక్తానాం కల్పవృక్షస్వరూపిణే ॥ 27 ॥

చిన్తామణిస్వరూపాయ నమో బ్రహ్మాదిసేవినే ।

కల్పద్రుమాధఃసంస్థాయ బహుస్వర్ణప్రదాయినే ॥ 28 ॥

నమో హేమాదికర్షాయ భైరవాయ నమో నమః ।

స్తవేనానేన సన్తుష్టో భవ లోకేశభైరవ ॥ 29 ॥

పశ్య మాం కరుణావిష్ట శరణాగతవత్సల ।

శ్రీభైరవ ధనాధ్యక్ష శరణం త్వాం భజామ్యహమ్ ।

ప్రసీద సకలాన్ కామాన్ ప్రయచ్ఛ మమ సర్వదా ॥ 30 ॥

ఫలశ్రుతిః

శ్రీమహాభైరవస్యేదం స్తోత్రసూక్తం సుదుర్లభమ్ ।

మన్త్రాత్మకం మహాపుణ్యం సర్వైశ్వర్యప్రదాయకమ్ ॥ 31 ॥

యః పఠేన్నిత్యమేకాగ్రం పాతకైః స విముచ్యతే ।

లభతే చామలాలక్ష్మీమష్టైశ్వర్యమవాప్నుయాత్ ॥ 32 ॥

చిన్తామణిమవాప్నోతి ధేను కల్పతరుం ధృవమ్ ।

స్వర్ణరాశిమవాప్నోతి సిద్ధిమేవ స మానవః ॥ 33 ॥

సన్ధ్యాయాం యః పఠేత్ స్తోత్రం దశావృత్యా నరోత్తమైః ।

స్వప్నే శ్రీభైరవస్తస్య సాక్షాద్భూత్వా జగద్గురుః ॥ 34 ॥

స్వర్ణరాశి దదాత్యేవ తత్‍క్షణాన్నాస్తి సంశయః ।

సర్వదా యః పఠేత్ స్తోత్రం భైరవస్య మహాత్మనః ॥ 35 ॥

లోకత్రయం వశీకుర్యాదచలాం శ్రియమవాప్నుయాత్ ।

న భయం లభతే క్వాపి విఘ్నభూతాదిసమ్భవ ॥ 36 ॥

మ్రియన్తే శత్రవోఽవశ్యమలక్ష్మీనాశమాప్నుయాత్ ।

అక్షయం లభతే సౌఖ్యం సర్వదా మానవోత్తమః ॥ 37 ॥

అష్టపఞ్చాశతాణఢ్యో మన్త్రరాజః ప్రకీర్తితః ।

దారిద్ర్యదుఃఖశమనం స్వర్ణాకర్షణకారకః ॥ 38 ॥

య యేన సఞ్జపేత్ ధీమాన్ స్తోత్రం వా ప్రపఠేత్ సదా ।

మహాభైరవసాయుజ్యం స్వాన్తకాలే భవేద్ధ్రువమ్ ॥ 39 ॥

ఇతి రుద్రయామల తన్త్రే స్వర్ణాకర్షణ భైరవ స్తోత్రమ్ ॥

Roman (IAST) Transliteration

oṃ asya śrī svarṇākarṣaṇa bhairava stotra mahāmantrasya brahma ṛṣiḥ anuṣṭup chandaḥ śrī svarṇākarṣaṇa bhairavo devatā hrīṃ bījaṃ klīṃ śaktiḥ saḥ kīlakaṃ mama dāridrya nāśārthe pāṭhe viniyogaḥ ||

ṛṣyādi nyāsaḥ |

brahmarṣaye namaḥ śirasi |

anuṣṭup chandase namaḥ mukhe |

svarṇākarṣaṇa bhairavāya namaḥ hṛdi |

hrīṃ bījāya namaḥ guhye |

klīṃ śaktaye namaḥ pādayoḥ |

saḥ kīlakāya namaḥ nābhau |

viniyògāya namaḥ sarvāṅge |

hrāṃ hrīṃ hrūṃ iti kara ṣaḍaṅganyāsaḥ ||

dhyānam |

pārijātadruma kāntāre sthite māṇikyamaṇḍape |

siṃhāsanagataṃ vande bhairavaṃ svarṇadāyakam ||

gāṅgeya pātraṃ ḍamarūṃ triśūlaṃ

varaṃ karaḥ sandadhataṃ trinetram |

devyāyutaṃ tapta suvarṇavarṇa

svarṇākarṣaṇabhairavamāśrayāmi ||

mantraḥ |

oṃ aiṃ hrīṃ śrīṃ aiṃ śrīṃ āpaduddhāraṇāya hrāṃ hrīṃ hrūṃ ajāmalavadhyāya lokeśvarāya svarṇākarṣaṇabhairavāya mama dāridrya vidveṣaṇāya mahābhairavāya namaḥ śrīṃ hrīṃ aim |

stotram |

namaste'stu bhairavāya brahmaviṣṇuśivātmane |

namastrailokyavandyāya varadāya parātmane || 1 ||

ratnasiṃhāsanasthāya divyābharaṇaśobhine |

divyamālyavibhūṣāya namaste divyamūrtaye || 2 ||

namaste'nekahastāya hyanekaśirase namaḥ |

namaste'nekanetrāya hyanekavibhave namaḥ || 3 ||

namaste'nekakaṇṭhāya hyanekāṃśāya te namaḥ |

namostvanekaiśvaryāya hyanekadivyatejase || 4 ||

anekāyudhayuktāya hyanekasurasevine |

anekaguṇayuktāya mahādevāya te namaḥ || 5 ||

namo dāridryakālāya mahāsampatpradāyine |

śrībhairavīprayuktāya trilokeśāya te namaḥ || 6 ||

digambara namastubhyaṃ digīśāya namo namaḥ |

namo'stu daityakālāya pāpakālāya te namaḥ || 7 ||

sarvajñāya namastubhyaṃ namaste divyacakṣuṣe |

ajitāya namastubhyaṃ jitāmitrāya te namaḥ || 8 ||

namaste rudraputrāya gaṇanāthāya te namaḥ |

namaste vīravīrāya mahāvīrāya te namaḥ || 9 ||

namo'stvanantavīryāya mahāghorāya te namaḥ |

namaste ghoraghorāya viśvaghorāya te namaḥ || 10 ||

namaḥ ugrāya śāntāya bhaktebhyaḥ śāntidāyine |

gurave sarvalokānāṃ namaḥ praṇava rūpiṇe || 11 ||

namaste vāgbhavākhyāya dīrghakāmāya te namaḥ |

namaste kāmarājāya yoṣitkāmāya te namaḥ || 12 ||

dīrghamāyāsvarūpāya mahāmāyāpate namaḥ |

sṛṣṭimāyāsvarūpāya visargāya samyāyine || 13 ||

rudralokeśapūjyāya hyāpaduddhāraṇāya ca |

namo'jāmalabaddhāya suvarṇākarṣaṇāya te || 14 ||

namo namo bhairavāya mahādāridryanāśine |

unmūlanakarmaṭhāya hyalakṣmyā sarvadā namaḥ || 15 ||

namo lokatrayeśāya svānandanihitāya te |

namaḥ śrībījarūpāya sarvakāmapradāyine || 16 ||

namo mahābhairavāya śrīrūpāya namo namaḥ |

dhanādhyakṣa namastubhyaṃ śaraṇyāya namo namaḥ || 17 ||

namaḥ prasannarūpāya hyādidevāya te namaḥ |

namaste mantrarūpāya namaste ratnarūpiṇe || 18 ||

namaste svarṇarūpāya suvarṇāya namo namaḥ |

namaḥ suvarṇavarṇāya mahāpuṇyāya te namaḥ || 19 ||

namaḥ śuddhāya buddhāya namaḥ saṃsāratāriṇe |

namo devāya guhyāya prabalāya namo namaḥ || 20 ||

namaste balarūpāya pareṣāṃ balanāśine |

namaste svargasaṃsthāya namo bhūrlokavāsine || 21 ||

namaḥ pātālavāsāya nirādhārāya te namaḥ |

namo namaḥ svatantrāya hyanantāya namo namaḥ || 22 ||

dvibhujāya namastubhyaṃ bhujatrayasuśobhine |

namo'ṇimādisiddhāya svarṇahastāya te namaḥ || 23 ||

pūrṇacandrapratīkāśavadanāmbhojaśobhine |

namaste svarṇarūpāya svarṇālaṅkāraśobhine || 24 ||

namaḥ svarṇākarṣaṇāya svarṇābhāya ca te namaḥ |

namaste svarṇakaṇṭhāya svarṇālaṅkāradhāriṇe || 25 ||

svarṇasiṃhāsanasthāya svarṇapādāya te namaḥ |

namaḥ svarṇābhapārāya svarṇakāñcīsuśobhine || 26 ||

namaste svarṇajaṅghāya bhaktakāmadughātmane |

namaste svarṇabhaktānāṃ kalpavṛkṣasvarūpiṇe || 27 ||

cintāmaṇisvarūpāya namo brahmādisevine |

kalpadrumādhaḥsaṃsthāya bahusvarṇapradāyine || 28 ||

namo hemādikarṣāya bhairavāya namo namaḥ |

stavenānena santuṣṭo bhava lokeśabhairava || 29 ||

paśya māṃ karuṇāviṣṭa śaraṇāgatavatsala |

śrībhairava dhanādhyakṣa śaraṇaṃ tvāṃ bhajāmyaham |

prasīda sakalān kāmān prayaccha mama sarvadā || 30 ||

phalaśrutiḥ

śrīmahābhairavasyedaṃ stotrasūktaṃ sudurlabham |

mantrātmakaṃ mahāpuṇyaṃ sarvaiśvaryapradāyakam || 31 ||

yaḥ paṭhennityamekāgraṃ pātakaiḥ sa vimucyate |

labhate cāmalālakṣmīmaṣṭaiśvaryamavāpnuyāt || 32 ||

cintāmaṇimavāpnoti dhenu kalpataruṃ dhṛvam |

svarṇarāśimavāpnoti siddhimeva sa mānavaḥ || 33 ||

sandhyāyāṃ yaḥ paṭhet stotraṃ daśāvṛtyā narottamaiḥ |

svapne śrībhairavastasya sākṣādbhūtvā jagadguruḥ || 34 ||

svarṇarāśi dadātyeva tat‍kṣaṇānnāsti saṃśayaḥ |

sarvadā yaḥ paṭhet stotraṃ bhairavasya mahātmanaḥ || 35 ||

lokatrayaṃ vaśīkuryādacalāṃ śriyamavāpnuyāt |

na bhayaṃ labhate kvāpi vighnabhūtādisambhava || 36 ||

mriyante śatravo'vaśyamalakṣmīnāśamāpnuyāt |

akṣayaṃ labhate saukhyaṃ sarvadā mānavottamaḥ || 37 ||

aṣṭapañcāśatāṇaḍhyo mantrarājaḥ prakīrtitaḥ |

dāridryaduḥkhaśamanaṃ svarṇākarṣaṇakārakaḥ || 38 ||

ya yena sañjapet dhīmān stotraṃ vā prapaṭhet sadā |

mahābhairavasāyujyaṃ svāntakāle bhaveddhruvam || 39 ||

iti rudrayāmala tantre svarṇākarṣaṇa bhairava stotram ||