📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
పశుపత్యష్టకమ్
Pashupatyashtakam
Ashtakam Telugu
పశుపతీన్దుపతిం ధరణీపతిం భుజగలోకపతిం చ సతీపతిమ్ ।
ప్రణతభక్తజనార్తిహరం పరం భజత రే మనుజా గిరిజాపతిమ్ ॥1॥
న జనకో జననీ న చ సోదరో న తనయో న చ భూరిబలం కులమ్ ।
అవతి కోఽపి న కాలవశం గతం భజత రే మనుజా గిరిజాపతిమ్ ॥2॥
మురజడిణ్డిమవాద్యవిలక్షణం మధురపఞ్చమనాదవిశారదమ్ ।
ప్రమథభూతగణైరపి సేవితం భజత రే మనుజా గిరిజాపతిమ్ ॥3॥
శరణదం సుఖదం శరణాన్వితం శివ శివేతి శివేతి నతం నృణామ్ ।
అభయదం కరుణావరుణాలయం భజత రే మనుజా గిరిజాపతిమ్ ॥4॥
నరశిరోరచితం మణికుణ్డలం భుజగహారముదం వృషభధ్వజమ్ ।
చితిరజోధవలీకృతవిగ్రహం భజత రే మనుజా గిరిజాపతిమ్ ॥5॥
మఖవినాశకరం శశిశేఖరం సతతమధ్వరభాజిఫలప్రదమ్ ।
ప్రలయదగ్ధసురాసురమానవం భజత రే మనుజా గిరిజాపతిమ్ ॥6॥
మదమపాస్య చిరం హృది సంస్థితం మరణజన్మజరామయపీడితమ్ ।
జగదుదీక్ష్య సమీపభయాకులం భజత రే మనుజా గిరిజాపతిమ్ ॥7॥
హరివిరఞ్చిసురాధిపపూజితం యమజనేశధనేశనమస్కౄతమ్ ।
త్రినయనం భువనత్రితయాధిపం భజత రే మనుజా గిరిజాపతిమ్ ॥8॥
పశుపతేరిదమష్టకమద్భుతం విరచితం పృథివీపతిసూరిణా ।
పఠతి సంశ‍ఋణుతే మనుజః సదా శివపురీం వసతే లభతే ముదమ్ ॥9॥
ఇతి శ్రీపశుపత్యష్టకం సమ్పూర్ణమ్ ॥
Roman (IAST) Transliteration
paśupatīndupatiṃ dharaṇīpatiṃ bhujagalokapatiṃ ca satīpatim |
praṇatabhaktajanārtiharaṃ paraṃ bhajata re manujā girijāpatim ||1||
na janako jananī na ca sodaro na tanayo na ca bhūribalaṃ kulam |
avati ko'pi na kālavaśaṃ gataṃ bhajata re manujā girijāpatim ||2||
murajaḍiṇḍimavādyavilakṣaṇaṃ madhurapañcamanādaviśāradam |
pramathabhūtagaṇairapi sevitaṃ bhajata re manujā girijāpatim ||3||
śaraṇadaṃ sukhadaṃ śaraṇānvitaṃ śiva śiveti śiveti nataṃ nṛṇām |
abhayadaṃ karuṇāvaruṇālayaṃ bhajata re manujā girijāpatim ||4||
naraśiroracitaṃ maṇikuṇḍalaṃ bhujagahāramudaṃ vṛṣabhadhvajam |
citirajodhavalīkṛtavigrahaṃ bhajata re manujā girijāpatim ||5||
makhavināśakaraṃ śaśiśekharaṃ satatamadhvarabhājiphalapradam |
pralayadagdhasurāsuramānavaṃ bhajata re manujā girijāpatim ||6||
madamapāsya ciraṃ hṛdi saṃsthitaṃ maraṇajanmajarāmayapīḍitam |
jagadudīkṣya samīpabhayākulaṃ bhajata re manujā girijāpatim ||7||
harivirañcisurādhipapūjitaṃ yamajaneśadhaneśanamaskṝtam |
trinayanaṃ bhuvanatritayādhipaṃ bhajata re manujā girijāpatim ||8||
paśupateridamaṣṭakamadbhutaṃ viracitaṃ pṛthivīpatisūriṇā |
paṭhati saṃśa‍ṛṇute manujaḥ sadā śivapurīṃ vasate labhate mudam ||9||
iti śrīpaśupatyaṣṭakaṃ sampūrṇam ||
InfoLyter.in — Sacred Vedic Knowledge Portal · Free forever