Nanda Kumara Ashtakam — InfoLyter.in

ॐ

నన్ద కుమార అష్టకమ్

Nanda Kumara Ashtakam

Murugan Ashtakam Telugu

సున్దరగోపాలం ఉరవనమాలం నయనవిశాలం దుఃఖహరం

బృన్దావనచన్ద్రమానన్దకన్దం పరమానన్దం ధరణిధరమ్ ।

వల్లభఘనశ్యామం పూర్ణకామం అత్యభిరామం ప్రీతికరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 1 ॥

సున్దరవారిజవదనం నిర్జితమదనం ఆనన్దసదనం ముకుటధరం

గుఞ్జాకృతిహారం విపినవిహారం పరమోదారం చీరహరమ్ ।

వల్లభపటపీతం కృత ఉపవీతం కరనవనీతం విబుధవరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 2 ॥

శోభితసుఖమూలం యమునాకూలం నిపట అతూలం సుఖదతరం

ముఖమణ్డితరేణుం చారితధేనుం వాదితవేణుం మధురసురమ్ ।

వల్లభమతివిమలం శుభపదకమలం నఖరుచి అమలం తిమిరహరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 3 ॥

శిరముకుటసుదేశం కుఞ్చితకేశం నటవరవేషం కామవరం

మాయాకృతమనుజం హలధర అనుజం ప్రతిహతదనుజం భారహరమ్ ।

వల్లభవ్రజపాలం సుభగసుచాలం హితమనుకాలం భావవరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 4 ॥

ఇన్దీవరభాసం ప్రకటసరాసం కుసుమవికాసం వంశధరం

హృత్మన్మథమానం రూపనిధానం కృతకలగానం చిత్తహరమ్ ।

వల్లభమృదుహాసం కుఞ్జనివాసం వివిధవిలాసం కేలికరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 5 ॥

అతిపరమప్రవీణం పాలితదీనం భక్తాధీనం కర్మకరం

మోహనమతిధీరం ఫణిబలవీరం హతపరవీరం తరలతరమ్ ।

వల్లభవ్రజరమణం వారిజవదనం హలధరశమనం శైలధరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 6 ॥

జలధరద్యుతిఅఙ్గం లలితత్రిభఙ్గం బహుకృతిరఙ్గం రసికవరం

గోకులపరివారం మదనాకారం కుఞ్జవిహారం గూఢతరమ్ ।

వల్లభవ్రజచన్ద్రం సుభగసుఛన్దం కృత ఆనన్దం భ్రాన్తిహరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 7 ॥

వన్దితయుగచరణం పావనకరణం జగదుద్ధరణం విమలధరం

కాలియశిరగమనం కృతఫణినమనం ఘాతితయమనం మృదులతరమ్ ।

వల్లభదుఃఖహరణం నిర్మలచరణం అశరణశరణం ముక్తికరం

భజ నన్దకుమారం సర్వసుఖసారం తత్త్వవిచారం బ్రహ్మపరమ్ ॥ 8 ॥

ఇతి శ్రీమద్వల్లభాచార్యవిరచితం శ్రీనన్దకుమారాష్టకమ్ ॥

Roman (IAST) Transliteration

sundaragopālaṃ uravanamālaṃ nayanaviśālaṃ duḥkhaharaṃ

bṛndāvanacandramānandakandaṃ paramānandaṃ dharaṇidharam |

vallabhaghanaśyāmaṃ pūrṇakāmaṃ atyabhirāmaṃ prītikaraṃ

bhaja nandakumāraṃ sarvasukhasāraṃ tattvavicāraṃ brahmaparam || 1 ||

sundaravārijavadanaṃ nirjitamadanaṃ ānandasadanaṃ mukuṭadharaṃ

guñjākṛtihāraṃ vipinavihāraṃ paramodāraṃ cīraharam |

vallabhapaṭapītaṃ kṛta upavītaṃ karanavanītaṃ vibudhavaraṃ

bhaja nandakumāraṃ sarvasukhasāraṃ tattvavicāraṃ brahmaparam || 2 ||

śobhitasukhamūlaṃ yamunākūlaṃ nipaṭa atūlaṃ sukhadataraṃ

mukhamaṇḍitareṇuṃ cāritadhenuṃ vāditaveṇuṃ madhurasuram |

vallabhamativimalaṃ śubhapadakamalaṃ nakharuci amalaṃ timiraharaṃ

bhaja nandakumāraṃ sarvasukhasāraṃ tattvavicāraṃ brahmaparam || 3 ||

śiramukuṭasudeśaṃ kuñcitakeśaṃ naṭavaraveṣaṃ kāmavaraṃ

māyākṛtamanujaṃ haladhara anujaṃ pratihatadanujaṃ bhāraharam |

vallabhavrajapālaṃ subhagasucālaṃ hitamanukālaṃ bhāvavaraṃ

bhaja nandakumāraṃ sarvasukhasāraṃ tattvavicāraṃ brahmaparam || 4 ||

indīvarabhāsaṃ prakaṭasarāsaṃ kusumavikāsaṃ vaṃśadharaṃ

hṛtmanmathamānaṃ rūpanidhānaṃ kṛtakalagānaṃ cittaharam |

vallabhamṛduhāsaṃ kuñjanivāsaṃ vividhavilāsaṃ kelikaraṃ

bhaja nandakumāraṃ sarvasukhasāraṃ tattvavicāraṃ brahmaparam || 5 ||

atiparamapravīṇaṃ pālitadīnaṃ bhaktādhīnaṃ karmakaraṃ

mohanamatidhīraṃ phaṇibalavīraṃ hataparavīraṃ taralataram |

vallabhavrajaramaṇaṃ vārijavadanaṃ haladharaśamanaṃ śailadharaṃ

bhaja nandakumāraṃ sarvasukhasāraṃ tattvavicāraṃ brahmaparam || 6 ||

jaladharadyutiaṅgaṃ lalitatribhaṅgaṃ bahukṛtiraṅgaṃ rasikavaraṃ

gokulaparivāraṃ madanākāraṃ kuñjavihāraṃ gūḍhataram |

vallabhavrajacandraṃ subhagasuchandaṃ kṛta ānandaṃ bhrāntiharaṃ

bhaja nandakumāraṃ sarvasukhasāraṃ tattvavicāraṃ brahmaparam || 7 ||

vanditayugacaraṇaṃ pāvanakaraṇaṃ jagaduddharaṇaṃ vimaladharaṃ

kāliyaśiragamanaṃ kṛtaphaṇinamanaṃ ghātitayamanaṃ mṛdulataram |

vallabhaduḥkhaharaṇaṃ nirmalacaraṇaṃ aśaraṇaśaraṇaṃ muktikaraṃ

bhaja nandakumāraṃ sarvasukhasāraṃ tattvavicāraṃ brahmaparam || 8 ||

iti śrīmadvallabhācāryaviracitaṃ śrīnandakumārāṣṭakam ||