Ketu Ashtottara Shata Nama Stotram

ॐ

కేతు అష్టోత్తర శత నామ స్తోత్రమ్

Tara Ashtottara Sata Namavali Telugu

శృణు నామాని జప్యాని కేతో రథ మహామతే ।

కేతుః స్థూలశిరాశ్చైవ శిరోమాత్రో ధ్వజాకృతిః ॥ 1 ॥

నవగ్రహయుతః సింహికాసురీగర్భసమ్భవః ।

మహాభీతికరశ్చిత్రవర్ణో వై పిఙ్గలాక్షకః ॥ 2 ॥

స ఫలోధూమ్రసఙ్కాశః తీక్ష్ణదంష్ట్రో మహోరగః ।

రక్తనేత్రశ్చిత్రకారీ తీవ్రకోపో మహాసురః ॥ 3 ॥

క్రూరకణ్ఠః క్రోధనిధిశ్ఛాయాగ్రహవిశేషకః ।

అన్త్యగ్రహో మహాశీర్షో సూర్యారిః పుష్పవద్గ్రహీ ॥ 4 ॥

వరహస్తో గదాపాణిశ్చిత్రవస్త్రధరస్తథా ।

చిత్రధ్వజపతాకశ్చ ఘోరశ్చిత్రరథః శిఖీ ॥ 5 ॥

కులుత్థభక్షకశ్చైవ వైడూర్యాభరణస్తథా ।

ఉత్పాతజనకః శుక్రమిత్రం మన్దసఖస్తథా ॥ 6 ॥

గదాధరః నాకపతిః అన్తర్వేదీశ్వరస్తథా ।

జైమినీగోత్రజశ్చిత్రగుప్తాత్మా దక్షిణాముఖః ॥ 7 ॥

ముకున్దవరపాత్రం చ మహాసురకులోద్భవః ।

ఘనవర్ణో లమ్బదేహో మృత్యుపుత్రస్తథైవ చ ॥ 8 ॥

ఉత్పాతరూపధారీ చాఽదృశ్యః కాలాగ్నిసన్నిభః ।

నృపీడో గ్రహకారీ చ సర్వోపద్రవకారకః ॥ 9 ॥

చిత్రప్రసూతో హ్యనలః సర్వవ్యాధివినాశకః ।

అపసవ్యప్రచారీ చ నవమే పాపదాయకః ॥ 10 ॥

పఞ్చమే శోకదశ్చోపరాగఖేచర ఏవ చ ।

అతిపురుషకర్మా చ తురీయే (తు) సుఖప్రదః ॥ 11 ॥

తృతీయే వైరదః పాపగ్రహశ్చ స్ఫోటకారకః ।

ప్రాణనాథః పఞ్చమే తు శ్రమకారక ఏవ చ ॥ 12 ॥

ద్వితీయేఽస్ఫుటవాగ్దాతా విషాకులితవక్త్రకః ।

కామరూపీ సింహదన్తః సత్యేప్యనృతవానపి ॥ 13 ॥

చతుర్థే మాతృనాశశ్చ నవమే పితృనాశకః ।

అన్త్యే వైరప్రదశ్చైవ సుతానన్దనబన్ధకః ॥ 14 ॥

సర్పాక్షిజాతోఽనఙ్గశ్చ కర్మరాశ్యుద్భవస్తథా ।

ఉపాన్తే కీర్తిదశ్చైవ సప్తమే కలహప్రదః ॥ 15 ॥

అష్టమే వ్యాధికర్తా చ ధనే బహుసుఖప్రదః ।

జననే రోగదశ్చోర్ధ్వమూర్ధజో గ్రహనాయకః ॥ 16 ॥

పాపదృష్టిః ఖేచరశ్చ శామ్భవోఽశేషపూజితః ।

శాశ్వతశ్చ నటశ్చైవ శుభాఽశుభఫలప్రదః ॥ 17 ॥

ధూమ్రశ్చైవ సుధాపాయీ హ్యజితో భక్తవత్సలః ।

సింహాసనః కేతుమూర్తీ రవీన్దుద్యుతినాశకః ॥ 18 ॥

అమరః పీడకోఽమర్త్యో విష్ణుదృష్టోఽసురేశ్వరః ।

భక్తరక్షోఽథ వైచిత్ర్యకపటస్యన్దనస్తథా ॥ 19 ॥

విచిత్రఫలదాయీ చ భక్తాభీష్టఫలప్రదః ।

ఏతత్కేతుగ్రహస్యోక్తం నామ్నామష్టోత్తరం శతమ్ ॥ 20 ॥

యో భక్త్యేదం జపేత్కేతుర్నామ్నామష్టోత్తరం శతమ్ ।

స తు కేతోః ప్రసాదేన సర్వాభీష్టం సమాప్నుయాత్ ॥ 21 ॥

ఇతి శ్రీ కేతు అష్టోత్తరశతనామ స్తోత్రమ్ ।

Roman (IAST) Transliteration

śṛṇu nāmāni japyāni keto ratha mahāmate |

ketuḥ sthūlaśirāścaiva śiromātro dhvajākṛtiḥ || 1 ||

navagrahayutaḥ siṃhikāsurīgarbhasambhavaḥ |

mahābhītikaraścitravarṇo vai piṅgalākṣakaḥ || 2 ||

sa phalodhūmrasaṅkāśaḥ tīkṣṇadaṃṣṭro mahoragaḥ |

raktanetraścitrakārī tīvrakopo mahāsuraḥ || 3 ||

krūrakaṇṭhaḥ krodhanidhiśchāyāgrahaviśeṣakaḥ |

antyagraho mahāśīrṣo sūryāriḥ puṣpavadgrahī || 4 ||

varahasto gadāpāṇiścitravastradharastathā |

citradhvajapatākaśca ghoraścitrarathaḥ śikhī || 5 ||

kulutthabhakṣakaścaiva vaiḍūryābharaṇastathā |

utpātajanakaḥ śukramitraṃ mandasakhastathā || 6 ||

gadādharaḥ nākapatiḥ antarvedīśvarastathā |

jaiminīgotrajaścitraguptātmā dakṣiṇāmukhaḥ || 7 ||

mukundavarapātraṃ ca mahāsurakulodbhavaḥ |

ghanavarṇo lambadeho mṛtyuputrastathaiva ca || 8 ||

utpātarūpadhārī cā'dṛśyaḥ kālāgnisannibhaḥ |

nṛpīḍo grahakārī ca sarvopadravakārakaḥ || 9 ||

citraprasūto hyanalaḥ sarvavyādhivināśakaḥ |

apasavyapracārī ca navame pāpadāyakaḥ || 10 ||

pañcame śokadaścoparāgakhecara eva ca |

atipuruṣakarmā ca turīye (tu) sukhapradaḥ || 11 ||

tṛtīye vairadaḥ pāpagrahaśca sphoṭakārakaḥ |

prāṇanāthaḥ pañcame tu śramakāraka eva ca || 12 ||

dvitīye'sphuṭavāgdātā viṣākulitavaktrakaḥ |

kāmarūpī siṃhadantaḥ satyepyanṛtavānapi || 13 ||

caturthe mātṛnāśaśca navame pitṛnāśakaḥ |

antye vairapradaścaiva sutānandanabandhakaḥ || 14 ||

sarpākṣijāto'naṅgaśca karmarāśyudbhavastathā |

upānte kīrtidaścaiva saptame kalahapradaḥ || 15 ||

aṣṭame vyādhikartā ca dhane bahusukhapradaḥ |

janane rogadaścordhvamūrdhajo grahanāyakaḥ || 16 ||

pāpadṛṣṭiḥ khecaraśca śāmbhavo'śeṣapūjitaḥ |

śāśvataśca naṭaścaiva śubhā'śubhaphalapradaḥ || 17 ||

dhūmraścaiva sudhāpāyī hyajito bhaktavatsalaḥ |

siṃhāsanaḥ ketumūrtī ravīndudyutināśakaḥ || 18 ||

amaraḥ pīḍako'martyo viṣṇudṛṣṭo'sureśvaraḥ |

bhaktarakṣo'tha vaicitryakapaṭasyandanastathā || 19 ||

vicitraphaladāyī ca bhaktābhīṣṭaphalapradaḥ |

etatketugrahasyoktaṃ nāmnāmaṣṭottaraṃ śatam || 20 ||

yo bhaktyedaṃ japetketurnāmnāmaṣṭottaraṃ śatam |

sa tu ketoḥ prasādena sarvābhīṣṭaṃ samāpnuyāt || 21 ||

iti śrī ketu aṣṭottaraśatanāma stotram |