Garbharakshambika Stotram

ॐ

గర్భరక్షామ్బికా స్తోత్రమ్

Devi Stotram Telugu

శ్రీమాధవీ కాననస్థే గర్భరక్షామ్బికే పాహి భక్తాం స్తువన్తీమ్ ॥

వాపీతటే వామభాగే

వామదేవస్య దేవస్య దేవి స్థితా త్వమ్ ।

మాన్యా వరేణ్యా వదాన్యా

పాహి గర్భస్థజన్తూన్ తథా భక్తలోకాన్ ॥ 1 ॥

శ్రీమాధవీ కాననస్థే గర్భరక్షామ్బికే పాహి భక్తాం స్తువన్తీమ్ ॥

శ్రీగర్భరక్షాపురే యా

దివ్యసౌన్దర్యయుక్తా సుమాఙ్గల్యగాత్రీ ।

ధాత్రీ జనిత్రీ జనానాం

దివ్యరూపాం దయార్ద్రాం మనోజ్ఞాం భజే త్వామ్ ॥ 2 ॥

శ్రీమాధవీ కాననస్థే గర్భరక్షామ్బికే పాహి భక్తాం స్తువన్తీమ్ ॥

ఆషాఢమాసే సుపుణ్యే

శుక్రవారే సుగన్ధేన గన్ధేన లిప్తా ।

దివ్యామ్బరాకల్పవేషా

వాజపేయాదియాగస్థభక్తైః సుదృష్టా ॥ 3 ॥

శ్రీమాధవీ కాననస్థే గర్భరక్షామ్బికే పాహి భక్తాం స్తువన్తీమ్ ॥

కల్యాణదాత్రీం నమస్యే

వేదికాఢ్యస్త్రియా గర్భరక్షాకరీం త్వామ్ ।

బాలైస్సదా సేవితాఙ్ఘ్రిం

గర్భరక్షార్థమారాదుపేతైరుపేతామ్ ॥ 4 ॥

శ్రీమాధవీ కాననస్థే గర్భరక్షామ్బికే పాహి భక్తాం స్తువన్తీమ్ ॥

బ్రహ్మోత్సవే విప్రవీథ్యాం

వాద్యఘోషేణ తుష్టాం రథే సన్నివిష్టామ్ ।

సర్వార్థదాత్రీం భజేఽహం

దేవవృన్దైరపీడ్యాం జగన్మాతరం త్వామ్ ॥ 5 ॥

శ్రీమాధవీ కాననస్థే గర్భరక్షామ్బికే పాహి భక్తాం స్తువన్తీమ్ ॥

ఏతత్ కృతం స్తోత్రరత్నం

దీక్షితానన్తరామేణ దేవ్యాశ్చ తుష్ట్యై ।

నిత్యం పఠేద్యస్తు భక్త్యా

పుత్రపౌత్రాది భాగ్యం భవేత్తస్య నిత్యమ్ ॥ 6 ॥

శ్రీమాధవీ కాననస్థే గర్భరక్షామ్బికే పాహి భక్తాం స్తువన్తీమ్ ॥

ఇతి శ్రీఅనన్తరామదీక్షితవర్య విరచితం గర్భరక్షామ్బికా స్తోత్రమ్ ॥

Roman (IAST) Transliteration