gajānanāya gāṅgeyasahajāya sadātmane |
gaurīpriya tanūjāya gaṇeśāyāstu maṅgalam || 1 ||
nāgayajñopavītāya natavighnavināśine |
nandyādi gaṇanāthāya nāyakāyāstu maṅgalam || 2 ||
ibhavaktrāya cendrādi vanditāya cidātmane |
īśānapremapātrāya nāyakāyāstu maṅgalam || 3 ||
sumukhāya suśuṇḍāgrāt-kṣiptāmṛtaghaṭāya ca |
surabṛnda niṣevyāya ceṣṭadāyāstu maṅgalam || 4 ||
caturbhujāya candrārdhavilasanmastakāya ca |
caraṇāvanatānantatāraṇāyāstu maṅgalam || 5 ||
vakratuṇḍāya vaṭave vanyāya varadāya ca |
virūpākṣa sutāyāstu maṅgalam || 6 ||
pramodamodarūpāya siddhivijñānarūpiṇe |
prakṛṣṭā pāpanāśāya phaladāyāstu maṅgalam || 7 ||
maṅgalaṃ gaṇanāthāya maṅgalaṃ harasūnave |
maṅgalaṃ vighnarājāya vighahartrestu maṅgalam || 8 ||
ślokāṣṭakamidaṃ puṇyaṃ maṅgalaprada mādarāt |
paṭhitavyaṃ prayatnena sarvavighnanivṛttaye ||
|| iti śrī gaṇeśa maṅgalāṣṭakam ||