Dvadasha Jyotirlinga Stotram

ॐ

ద్వాదశ జ్యోతిర్లిఙ్గ స్తోత్రమ్

Shiva Dwadasanamam Adi Shankaracharya Telugu

లఘు స్తోత్రమ్

సౌరాష్ట్రే సోమనాధఞ్చ శ్రీశైలే మల్లికార్జునమ్ ।

ఉజ్జయిన్యాం మహాకాలం ఓఙ్కారేత్వమామలేశ్వరమ్ ॥

పర్ల్యాం వైద్యనాధఞ్చ ఢాకిన్యాం భీమ శఙ్కరమ్ ।

సేతుబన్ధేతు రామేశం నాగేశం దారుకావనే ॥

వారణాశ్యాన్తు విశ్వేశం త్రయమ్బకం గౌతమీతటే ।

హిమాలయేతు కేదారం ఘృష్ణేశన్తు విశాలకే ॥

ఏతాని జ్యోతిర్లిఙ్గాని సాయం ప్రాతః పఠేన్నరః ।

సప్త జన్మ కృతం పాపం స్మరణేన వినశ్యతి ॥

సమ్పూర్ణ స్తోత్రమ్

సౌరాష్ట్రదేశే విశదేఽతిరమ్యే జ్యోతిర్మయం చన్ద్రకలావతంసమ్ ।

భక్తప్రదానాయ కృపావతీర్ణం తం సోమనాథం శరణం ప్రపద్యే ॥ 1 ॥

శ్రీశైలశృఙ్గే వివిధప్రసఙ్గే శేషాద్రిశృఙ్గేఽపి సదా వసన్తమ్ ।

తమర్జునం మల్లికపూర్వమేనం నమామి సంసారసముద్రసేతుమ్ ॥ 2 ॥

అవన్తికాయాం విహితావతారం ముక్తిప్రదానాయ చ సజ్జనానామ్ ।

అకాలమృత్యోః పరిరక్షణార్థం వన్దే మహాకాలమహాసురేశమ్ ॥ 3 ॥

కావేరికానర్మదయోః పవిత్రే సమాగమే సజ్జనతారణాయ ।

సదైవ మాన్ధాతృపురే వసన్తం ఓఙ్కారమీశం శివమేకమీడే ॥ 4 ॥

పూర్వోత్తరే ప్రజ్వలికానిధానే సదా వసం తం గిరిజాసమేతమ్ ।

సురాసురారాధితపాదపద్మం శ్రీవైద్యనాథం తమహం నమామి ॥ 5 ॥

యం డాకినిశాకినికాసమాజే నిషేవ్యమాణం పిశితాశనైశ్చ ।

సదైవ భీమాదిపదప్రసిద్ధం తం శఙ్కరం భక్తహితం నమామి ॥ 6 ॥

శ్రీతామ్రపర్ణీజలరాశియోగే నిబధ్య సేతుం విశిఖైరసఙ్ఖ్యైః ।

శ్రీరామచన్ద్రేణ సమర్పితం తం రామేశ్వరాఖ్యం నియతం నమామి ॥ 7 ॥

యామ్యే సదఙ్గే నగరేఽతిరమ్యే విభూషితాఙ్గం వివిధైశ్చ భోగైః ।

సద్భక్తిముక్తిప్రదమీశమేకం శ్రీనాగనాథం శరణం ప్రపద్యే ॥ 8 ॥

సానన్దమానన్దవనే వసన్తం ఆనన్దకన్దం హతపాపబృన్దమ్ ।

వారాణసీనాథమనాథనాథం శ్రీవిశ్వనాథం శరణం ప్రపద్యే ॥ 9 ॥

సహ్యాద్రిశీర్షే విమలే వసన్తం గోదావరితీరపవిత్రదేశే ।

యద్దర్శనాత్ పాతకం పాశు నాశం ప్రయాతి తం త్ర్యమ్బకమీశమీడే ॥ 10 ॥

మహాద్రిపార్శ్వే చ తటే రమన్తం సమ్పూజ్యమానం సతతం మునీన్ద్రైః ।

సురాసురైర్యక్ష మహోరగాఢ్యైః కేదారమీశం శివమేకమీడే ॥ 11 ॥

ఇలాపురే రమ్యవిశాలకేఽస్మిన్ సముల్లసన్తం చ జగద్వరేణ్యమ్ ।

వన్దే మహోదారతరస్వభావం ఘృష్ణేశ్వరాఖ్యం శరణం ప్రపద్యే ॥ 12 ॥

జ్యోతిర్మయద్వాదశలిఙ్గకానాం శివాత్మనాం ప్రోక్తమిదం క్రమేణ ।

స్తోత్రం పఠిత్వా మనుజోఽతిభక్త్యా ఫలం తదాలోక్య నిజం భజేచ్చ ॥

Roman (IAST) Transliteration

laghu stotram

saurāṣṭre somanādhañca śrīśaile mallikārjunam |

ujjayinyāṃ mahākālaṃ oṅkāretvamāmaleśvaram ||

parlyāṃ vaidyanādhañca ḍhākinyāṃ bhīma śaṅkaram |

setubandhetu rāmeśaṃ nāgeśaṃ dārukāvane ||

vāraṇāśyāntu viśveśaṃ trayambakaṃ gautamītaṭe |

himālayetu kedāraṃ ghṛṣṇeśantu viśālake ||

etāni jyotirliṅgāni sāyaṃ prātaḥ paṭhennaraḥ |

sapta janma kṛtaṃ pāpaṃ smaraṇena vinaśyati ||

sampūrṇa stotram

saurāṣṭradeśe viśade'tiramye jyotirmayaṃ candrakalāvataṃsam |

bhaktapradānāya kṛpāvatīrṇaṃ taṃ somanāthaṃ śaraṇaṃ prapadye || 1 ||

śrīśailaśṛṅge vividhaprasaṅge śeṣādriśṛṅge'pi sadā vasantam |

tamarjunaṃ mallikapūrvamenaṃ namāmi saṃsārasamudrasetum || 2 ||

avantikāyāṃ vihitāvatāraṃ muktipradānāya ca sajjanānām |

akālamṛtyoḥ parirakṣaṇārthaṃ vande mahākālamahāsureśam || 3 ||

kāverikānarmadayoḥ pavitre samāgame sajjanatāraṇāya |

sadaiva māndhātṛpure vasantaṃ oṅkāramīśaṃ śivamekamīḍe || 4 ||

pūrvottare prajvalikānidhāne sadā vasaṃ taṃ girijāsametam |

surāsurārādhitapādapadmaṃ śrīvaidyanāthaṃ tamahaṃ namāmi || 5 ||

yaṃ ḍākiniśākinikāsamāje niṣevyamāṇaṃ piśitāśanaiśca |

sadaiva bhīmādipadaprasiddhaṃ taṃ śaṅkaraṃ bhaktahitaṃ namāmi || 6 ||

śrītāmraparṇījalarāśiyoge nibadhya setuṃ viśikhairasaṅkhyaiḥ |

śrīrāmacandreṇa samarpitaṃ taṃ rāmeśvarākhyaṃ niyataṃ namāmi || 7 ||

yāmye sadaṅge nagare'tiramye vibhūṣitāṅgaṃ vividhaiśca bhogaiḥ |

sadbhaktimuktipradamīśamekaṃ śrīnāganāthaṃ śaraṇaṃ prapadye || 8 ||

sānandamānandavane vasantaṃ ānandakandaṃ hatapāpabṛndam |

vārāṇasīnāthamanāthanāthaṃ śrīviśvanāthaṃ śaraṇaṃ prapadye || 9 ||

sahyādriśīrṣe vimale vasantaṃ godāvaritīrapavitradeśe |

yaddarśanāt pātakaṃ pāśu nāśaṃ prayāti taṃ tryambakamīśamīḍe || 10 ||

mahādripārśve ca taṭe ramantaṃ sampūjyamānaṃ satataṃ munīndraiḥ |

surāsurairyakṣa mahoragāḍhyaiḥ kedāramīśaṃ śivamekamīḍe || 11 ||

ilāpure ramyaviśālake'smin samullasantaṃ ca jagadvareṇyam |

vande mahodāratarasvabhāvaṃ ghṛṣṇeśvarākhyaṃ śaraṇaṃ prapadye || 12 ||

jyotirmayadvādaśaliṅgakānāṃ śivātmanāṃ proktamidaṃ krameṇa |

stotraṃ paṭhitvā manujo'tibhaktyā phalaṃ tadālokya nijaṃ bhajecca ||