Dashavatara Stuti — InfoLyter.in

ॐ

దశావతార స్తుతి

Dashavatara Stuti

Tara Telugu

నామస్మరణాదన్యోపాయం న హి పశ్యామో భవతరణే ।

రామ హరే కృష్ణ హరే తవ నామ వదామి సదా నృహరే ॥

వేదోద్ధారవిచారమతే సోమకదానవసంహరణే ।

మీనాకారశరీర నమో భక్తం తే పరిపాలయ మామ్ ॥ 1 ॥

మన్థానాచలధారణహేతో దేవాసుర పరిపాల విభో ।

కూర్మాకారశరీర నమో భక్తం తే పరిపాలయ మామ్ ॥ 2 ॥

భూచోరకహర పుణ్యమతే క్రీడోద్ధృతభూదేవహరే ।

క్రోడాకారశరీర నమో భక్తం తే పరిపాలయ మామ్ ॥ 3 ॥

హిరణ్యకశిపుచ్ఛేదనహేతో ప్రహ్లాదాఽభయధారణహేతో ।

నరసింహాచ్యుతరూప నమో భక్తం తే పరిపాలయ మామ్ ॥ 4 ॥

భవబన్ధనహర వితతమతే పాదోదకవిహతాఘతతే ।

వటుపటువేషమనోజ్ఞ నమో భక్తం తే పరిపాలయ మామ్ ॥ 5 ॥

క్షితిపతివంశక్షయకరమూర్తే క్షితిపతికర్తాహరమూర్తే ।

భృగుకులరామ పరేశ నమో భక్తం తే పరిపాలయ మామ్ ॥ 6 ॥

సీతావల్లభ దాశరథే దశరథనన్దన లోకగురో ।

రావణమర్దన రామ నమో భక్తం తే పరిపాలయ మామ్ ॥ 7 ॥

కృష్ణానన్త కృపాజలధే కంసారే కమలేశ హరే ।

కాలియమర్దన లోకగురో భక్తం తే పరిపాలయ మామ్ ॥ 8 ॥

దానవసతిమానాపహర త్రిపురవిజయమర్దనరూప ।

బుద్ధజ్ఞాయ చ బౌద్ధ నమో భక్తం తే పరిపాలయ మామ్ ॥ 9 ॥

శిష్టజనావన దుష్టహర ఖగతురగోత్తమవాహన తే ।

కల్కిరూపపరిపాల నమో భక్తం తే పరిపాలయ మామ్ ॥ 10 ॥

నామస్మరణాదన్యోపాయం న హి పశ్యామో భవతరణే ।

రామ హరే కృష్ణ హరే తవ నామ వదామి సదా నృహరే ॥

ఇతి దశావతార స్తుతిః ।

Roman (IAST) Transliteration

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

vedoddhāravicāramate somakadānavasaṃharaṇe |

mīnākāraśarīra namo bhaktaṃ te paripālaya mām || 1 ||

manthānācaladhāraṇaheto devāsura paripāla vibho |

kūrmākāraśarīra namo bhaktaṃ te paripālaya mām || 2 ||

bhūcorakahara puṇyamate krīḍoddhṛtabhūdevahare |

kroḍākāraśarīra namo bhaktaṃ te paripālaya mām || 3 ||

hiraṇyakaśipucchedanaheto prahlādā'bhayadhāraṇaheto |

narasiṃhācyutarūpa namo bhaktaṃ te paripālaya mām || 4 ||

bhavabandhanahara vitatamate pādodakavihatāghatate |

vaṭupaṭuveṣamanojña namo bhaktaṃ te paripālaya mām || 5 ||

kṣitipativaṃśakṣayakaramūrte kṣitipatikartāharamūrte |

bhṛgukularāma pareśa namo bhaktaṃ te paripālaya mām || 6 ||

sītāvallabha dāśarathe daśarathanandana lokaguro |

rāvaṇamardana rāma namo bhaktaṃ te paripālaya mām || 7 ||

kṛṣṇānanta kṛpājaladhe kaṃsāre kamaleśa hare |

kāliyamardana lokaguro bhaktaṃ te paripālaya mām || 8 ||

dānavasatimānāpahara tripuravijayamardanarūpa |

buddhajñāya ca bauddha namo bhaktaṃ te paripālaya mām || 9 ||

śiṣṭajanāvana duṣṭahara khagaturagottamavāhana te |

kalkirūpaparipāla namo bhaktaṃ te paripālaya mām || 10 ||

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

iti daśāvatāra stutiḥ |