Ashtavakra Gita Panchamo'dhyayah

ॐ

అష్టావక్ర గీతా పఞ్చమోఽధ్యాయః

Gita Ashtavakra Telugu

అష్టావక్ర ఉవాచ ॥

న తే సఙ్గోఽస్తి కేనాపి కిం శుద్ధస్త్యక్తుమిచ్ఛసి ।

సఙ్ఘాతవిలయం కుర్వన్నేవమేవ లయం వ్రజ ॥ 5-1॥

ఉదేతి భవతో విశ్వం వారిధేరివ బుద్బుదః ।

ఇతి జ్ఞాత్వైకమాత్మానమేవమేవ లయం వ్రజ ॥ 5-2॥

ప్రత్యక్షమప్యవస్తుత్వాద్ విశ్వం నాస్త్యమలే త్వయి ।

రజ్జుసర్ప ఇవ వ్యక్తమేవమేవ లయం వ్రజ ॥ 5-3॥

సమదుఃఖసుఖః పూర్ణ ఆశానైరాశ్యయోః సమః ।

సమజీవితమృత్యుః సన్నేవమేవ లయం వ్రజ ॥ 5-4॥

Roman (IAST) Transliteration

aṣṭāvakra uvāca ||

na te saṅgo'sti kenāpi kiṃ śuddhastyaktumicchasi |

saṅghātavilayaṃ kurvannevameva layaṃ vraja || 5-1||

udeti bhavato viśvaṃ vāridheriva budbudaḥ |

iti jñātvaikamātmānamevameva layaṃ vraja || 5-2||

pratyakṣamapyavastutvād viśvaṃ nāstyamale tvayi |

rajjusarpa iva vyaktamevameva layaṃ vraja || 5-3||

samaduḥkhasukhaḥ pūrṇa āśānairāśyayoḥ samaḥ |

samajīvitamṛtyuḥ sannevameva layaṃ vraja || 5-4||