Yati Panchakam (kaupina Panchakam) — InfoLyter.in

📄 Save this Stotram as PDF Click the button to open the Save dialog

How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save

ॐ

யதி பஞ்சகம் (கௌபீந பஞ்சகம்)

Yati Panchakam (kaupina Panchakam)

Panchakam Adi Shankaracharya Tamil

வேதாந்தவாக்யேஷு ஸதா ரமந்தஃ

பிக்ஷாந்நமாத்ரேண ச துஷ்டிமந்தஃ ।

விஶோகமந்தஃகரணே ரமந்தஃ

கௌபீநவந்தஃ கலு பாக்யவந்தஃ ॥ 1 ॥

மூலம் தரோஃ கேவலமாஶ்ரயந்தஃ

பாணித்வயம் போக்துமமந்த்ரயந்தஃ ।

ஶ்ரியம் ச கந்தாமிவ குத்ஸயந்தஃ

கௌபீநவந்தஃ கலு பாக்யவந்தஃ ॥ 2 ॥

தேஹாதிபாவம் பரிமார்ஜயந்தஃ

ஆத்மாநமாத்மந்யவலோகயந்தஃ ।

நாந்தம் ந மத்யம் ந பஹிஃ ஸ்மரந்தஃ

கௌபீநவந்தஃ கலு பாக்யவந்தஃ ॥ 3 ॥

ஸ்வாநந்தபாவே பரிதுஷ்டிமந்தஃ

ஸம்ஶாந்தஸர்வேந்த்ரியத்ரு'ஷ்டிமந்தஃ ।

அஹர்நிஶம் ப்ரஹ்மணி யே ரமந்தஃ

கௌபீநவந்தஃ கலு பாக்யவந்தஃ ॥ 4 ॥

ப்ரஹ்மாக்ஷரம் பாவநமுச்சரந்தஃ

பதிம் பஶூநாம் ஹ்ரு'தி பாவயந்தஃ ।

பிக்ஷாஶநா திக்ஷு பரிப்ரமந்தஃ

கௌபீநவந்தஃ கலு பாக்யவந்தஃ ॥ 5 ॥

கௌபீநபஞ்சரத்நஸ்ய மநநம் யாதி யோ நரஃ ।

விரக்திம் தர்மவிஜ்ஞாநம் லபதே நாத்ர ஸம்ஶயஃ ॥

இதி ஶ்ரீ ஶங்கரபகவத்பாத விரசிதம் யதிபஞ்சகம் ॥

Roman (IAST) Transliteration

vedāntavākyeṣu sadā ramantaḥ

bhikṣānnamātreṇa ca tuṣṭimantaḥ |

viśokamantaḥkaraṇe ramantaḥ

kaupīnavantaḥ khalu bhāgyavantaḥ || 1 ||

mūlaṃ taroḥ kevalamāśrayantaḥ

pāṇidvayaṃ bhoktumamantrayantaḥ |

śriyaṃ ca kanthāmiva kutsayantaḥ

kaupīnavantaḥ khalu bhāgyavantaḥ || 2 ||

dehādibhāvaṃ parimārjayantaḥ

ātmānamātmanyavalokayantaḥ |

nāntaṃ na madhyaṃ na bahiḥ smarantaḥ

kaupīnavantaḥ khalu bhāgyavantaḥ || 3 ||

svānandabhāve parituṣṭimantaḥ

saṃśāntasarvendriyadṛṣṭimantaḥ |

aharniśaṃ brahmaṇi ye ramantaḥ

kaupīnavantaḥ khalu bhāgyavantaḥ || 4 ||

brahmākṣaraṃ pāvanamuccarantaḥ

patiṃ paśūnāṃ hṛdi bhāvayantaḥ |

bhikṣāśanā dikṣu paribhramantaḥ

kaupīnavantaḥ khalu bhāgyavantaḥ || 5 ||

kaupīnapañcaratnasya mananaṃ yāti yo naraḥ |

viraktiṃ dharmavijñānaṃ labhate nātra saṃśayaḥ ||

iti śrī śaṅkarabhagavatpāda viracitaṃ yatipañcakam ||