6.96 Yuddhakanda - Shannavatitama Sargah

ॐ

6.96 யுத்தகாண்ட - ஷண்ணவதிதம ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத ஷண்ணவதிதமஸ்ஸர்கஃ ।

ஆர்தாநாம்ராக்ஷஸீநாந்துலங்காயாம்வைகுலேகுலே ।

ராவணஃகருணம்ஶப்தம்ஶுஶ்ராவபரிதேவிதம் ॥ 1 ॥

ஸ துதீர்கம்விநிஃஶ்வஸ்யமுஹூர்தந்த்யாநமாஸ்திதஃ ।

பபூவபரமக்ருத்தோராவணோபீமதர்ஶநஃ ॥ 2 ॥

ஸந்தஶ்யதஶநைரோஷ்டங்க்ரோதஸம்ரக்தலோசநஃ ।

ராக்ஷஸைரபிதுர்தர்ஶஃகாலாக்நிரிவமூர்சிதஃ ॥ 3 ॥

உவாச ச ஸமீபஸ்தாந்ராக்ஷஸாந்ராக்ஷஸேஶ்வரஃ ।

க்ரோதாவ்யக்தகதஸ்தத்ரநிர்தஹந்நிவசக்ஷுஷா ॥ 4 ॥

மஹோதரம்மஹாபார்ஶ்வம்விரூபாக்ஷம் ச ராக்ஷஸம் ।

ஶீக்ரம்வததஸைந்யாநிநிர்யாதேதிமமாஜ்ஞயா ॥ 5 ॥

தஸ்யதத்வசநம்ஶ்ருத்வாராக்ஷஸாஸ்தேபயார்திதாஃ ।

சோதயாமாஸுரவ்யக்ராந்ராக்ஷஸாம்ஸ்தாந்ந்ரு'பாஜ்ஞயா ॥ 6 ॥

தேதுஸர்வேததேத்யுக்த்வாராக்ஷஸாபீமதர்ஶநாஃ ।

க்ரு'தஸ்வஸ்த்வயநாஃஸர்வேதேரணாபிமுகாயயுஃ ॥ 7 ॥

ப்ரதிபூஜ்யயதாந்யாயம்ராவணந்தேமஹாரதாஃ ।

தஸ்துஃப்ராஞ்ஜலயஃஸர்வேபர்துர்விஜயகாங்க்ஷிணஃ ॥ 8 ॥

அதோவாசப்ரஹஸ்யைதாந்ராவணஃக்ரோதமூர்சிதஃ ।

மஹோதரமஹாபார்ஶ்வௌவிரூபாக்ஷம் ச ராக்ஷஸம் ॥ 9 ॥

அத்யபாணைர்தநுர்முக்ஸ்ஸைர்யுகாந்தாதித்யஸந்நிபைஃ ।

ராகவம்லக்ஷ்மணஞ்சைவநேஷ்யாமியமஸாதநம் ॥ 10 ॥

கரஸ்யகும்பகர்ணஸ்யப்ரஹஸேந்த்ரஜிதோஸ்ததா ।

கரிஷ்யாமிப்ரதீகாரமத்யஶத்ருவதாதஹம் ॥ 11 ॥

நைவாந்தரிக்ஷம் ந திஶோ ந நத்யௌர்நாபிஸாகராஃ ।

ப்ரகாஶத்வங்கமிஷ்யந்திமத்பாணஜலதாவ்ரு'தாஃ ॥ 12 ॥

அத்யவாநரமுக்யாநாந்தாநியூதாநிபாகஶஃ ।

தநுஷாஶரஜாலேநவதிஷ்யாமிபதத்ரிணா ॥ 13 ॥

அத்யவாநரஸைந்யாநிரதேநபவநௌஜஸா ।

தநுஸ்ஸமுத்ராதுத்பூதைர்மதிஷ்யாமிஶரோர்மிபிஃ ॥ 14 ॥

வ்யாகோஶபத்மவக்த்ராணிபத்மகேஸரவர்சஸாம் ।

அத்யயூததடாகாநிகஜவத்ப்ரமதாம்யஹம் ॥ 15 ॥

ஸஶரைரத்யவதநைஸ்ஸங்க்யேவாநரயூதபாஃ ।

மண்டயிஷ்யந்திவஸுதாம்ஸநாலைரிவபங்கஜைஃ ॥ 16 ॥

அத்யயூதப்ரசண்டாநாம்ஹரீணாந்த்ருமயோதிநாம் ।

முக்தேநைகேஷுணாயுத்தேபேத்ஸ்யாமி ச ஶதம்ஶதம் ॥ 17 ॥

ஹதோபர்தாஹதோப்ராதாயாஸாம் ச சதநயோஹதஃ ।

வதேநாத்யரிபோஸ்தாஸாங்கரோம்யஶ்ருப்ரமார்ஜநம் ॥ 18 ॥

அத்யமத்பாணநிர்பிந்நைஃப்ரகீர்ணைர்கதசேதநைஃ ।

கரோமிவாநரைர்யுத்தேயத்நாவேக்ஷ்யதலாம்மஹீம் ॥ 19 ॥

அத்யகோமயவோக்ரு'த்ராஶ்சயே ச மாம்ஸாஶிநோऽபரே ।

ஸர்வாம்ஸ்தாம்ஸ்தர்பயிஷ்யாமிஶத்ருமாம்ஸைஶ்ஶரார்திதைஃ ॥ 20 ॥

கல்ப்யதாம்மேரதம்ஶீக்ரங்க்ஷிப்ரமாநீயதாந்தநுஃ ।

அநுப்ரயாந்துமாம்யுத்தேயேऽத்ரஶிஷ்டாநிஶாசராஃ ॥ 21 ॥

தஸ்யதத்வசநம்ஶ்ருத்வாமஹாபார்ஶ்வோऽப்ரவீத்வசஃ ।

பலாத்யக்ஷாந் ஸ்திதாம்ஸ்தத்ரபலம்ஸந்த்வர்யதாமிதி ॥ 22 ॥

பலாத்யக்ஷாஸ்துஸம்ரப்தாராக்ஷஸாம்ஸ்தாந் க்ரு'ஹேக்ரு'ஹே ।

சோதயந்தஃபரியயுர்லங்காம்லகுபராக்ரமாஃ ॥ 23 ॥

ததோமுஹூர்தாந்நிஷ்பேதூராக்ஷஸாபீமதர்ஶநாஃ ।

நதந்தோபீமவதநாநாநாப்ரஹரணைர்புஜைஃ ॥ 24 ॥

அஸிபிஃபட்டஸைஃ ஶூலைர்கதாபிர்முஸலைர்ஹலைஃ ।

ஶக்திபிஸ்தீக்ஷ்ணதாராபிர்மஹத்பிஃ கூடமுத்கரைஃ ॥ 25 ॥

யஷ்டிபிர்விமலைஶ்சக்ரைர்நிஶிதைஶ்சபரஶ்வதைஃ ।

பிந்திபாலைஃஶதக்நீபிரந்யைஶ்சாபிவராயுதைஃ ॥ 26 ॥

அதாநயத்பலாத்யக்ஷஸ்ஸத்வரோராவணாஜ்ஞயா ।

த்ருதம்ஸூதஸமாயுக்தம்யுக்தாஷ்டதுரகம்ரதம் ।

ஆருரோஹததாபீமோதீப்யமாநம்ஸ்வதேஜஸா ॥ 27 ॥

ததஃப்ரயாதஸ்ஸஹஸாராக்ஷஸைர்பஹுபிர்வ்ரு'தஃ ॥ 28 ॥

ராவணஃஸத்த்வகாம்பீர்யாத்தாரயந்நிவமேதிநீம் ।

ராவணேநாப்யநுஜ்ஞாதௌமஹாபார்ஶ்வமஹோதரௌ ।

விரூபாக்ஷஶ்சதுர்தர்ஷோரதாநாருருஹுஸ்ததா ॥ 29 ॥

மோக்ஷிதந் சாத்மநோ த்ரு'ஷ்ட்வா ப்ரஹாரம் தேந ரக்ஷஸா ।

ஸ ததர்ஶாந்தரந் தஸ்ய விரூபாக்ஷஸ்ய வாநரஃ ॥ 30 ॥

ததோயுத்தாயதேஜஸ்வீரக்ஷோகணபலைர்வ்ரு'தஃ ।

நிர்யயாவுத்யததநுஃகாலாந்தகயமோபமஃ ॥ 31 ॥

ததஃப்ரஜவிதாஶ்வேநரதேந ஸ மஹாரதஃ ।

த்வாரேணநிர்யயௌதேநயத்ரதௌராமலக்ஷ்மணௌ ॥ 32 ॥

ததோநஷ்டப்ரபஃஸூர்யோதிஶஶ்சதிமிராவ்ரு'தாஃ ।

த்விஜாஶ்சநேதுர்கோராஶ்சஸஞ்சசால ச மேதிநீ ॥ 33 ॥

வவர்ஷருதிரந்தேவஶ்சஸ்கலுஶ்சதுரங்கமாஃ ।

த்வஜாக்ரேந்யபதத்க்ரு'த்ரோவிநேதுஶ்சாஶிவாஃஶிவாஃ ॥ 34 ॥

நயநஞ்சாஸ்புரத்வாமம்வாமோபாஹுரகம்பத ।

விவர்ணவதநஶ்ஸாகதிஞ்சிதப்ரஶ்யதஸ்வநஃ ॥ 35 ॥

ததோநிஷ்பததோயுத்தேதஶக்ரீவஸ்யரக்ஷஸஃ ।

ரணேநிதநஶம்ஸீநிரூபாண்யேதாநிஜஜ்ஞிரே ॥ 36 ॥

அந்தரிக்ஷாத்பபாதோல்காநிராகதஸமநிர்காஸ்வநா ।

விநேதுரஶிவாக்ரு'த்ராவாயஸைரபிமிஶ்ரிதாஃ ॥ 37 ॥

ஏதாநசிந்தயந்கோராநுத்பாதாந்ஸமவஸ்திதாந் ।

நிர்யயௌராவணோமோஹாத்வதார்தங்காலசோதிதஃ ॥ 38 ॥

தேஷாந்துரதகோஷேணராக்ஷஸாநாம்மஹாத்மநாம் ।

வாநராணாமபிசமூர்யுத்தாயைவாப்யவர்தத ॥ 39 ॥

தேஷாந்துதுமுலம்யுத்தம்பபூவகபிரக்ஷஸாம் ।

அந்யோந்யமாஹ்வயாநாநாங்க்ருத்தாநாஞ்ஜயமிச்சதாம் ॥ 40 ॥

ததஃக்ருத்தோதஶக்ரீவஶ்ஶரைஃகாஞ்சநபூஷணைஃ ।

வாநராணாமநீகேஷுசகாரகதநம்மஹத் ॥ 41 ॥

விக்ரு'த்தஶிரஸஃகேசித்ராவணேநவலீமுகாஃ ।

கேசித்விச்சிந்நஹ்ரு'தயாஃகேசிச்ச்ரோத்ரவிவர்ஜிதாஃ ॥ 42 ॥

நிருச்சவாஸாஹதாஃகேசித்கேசித்பார்ஶ்வேஷுதாரிதாஃ ।

கேசித்விபிந்நஶிரஸஃகேசிச்சக்ஷுர்விநாக்ரு'தாஃ ॥ 43 ॥

தஶாநநஃக்ரோதவிவ்ரு'த்தநேத்ரோயதோயதோऽப்யேதிரதேவஸங்க்யே ।

ததஸ்ததஸ்தஸ்யஶரப்ரவேகம்ஸோடும் ந ஶேகுர்ஹரியூதபாஸ்தே ॥ 44 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே ஷண்ணவதிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha ṣaṇṇavatitamassargaḥ |

ārtānāṃrākṣasīnāntulaṅkāyāṃvaikulekule |

rāvaṇaḥkaruṇaṃśabdaṃśuśrāvaparidevitam || 1 ||

sa tudīrghaṃviniḥśvasyamuhūrtandhyānamāsthitaḥ |

babhūvaparamakruddhorāvaṇobhīmadarśanaḥ || 2 ||

sandaśyadaśanairoṣṭhaṅkrodhasamraktalocanaḥ |

rākṣasairapidurdarśaḥkālāgnirivamūrchitaḥ || 3 ||

uvāca ca samīpasthānrākṣasānrākṣaseśvaraḥ |

krodhāvyaktakathastatranirdahannivacakṣuṣā || 4 ||

mahodarammahāpārśvaṃvirūpākṣaṃ ca rākṣasam |

śīghraṃvadatasainyāniniryātetimamājñayā || 5 ||

tasyatadvacanaṃśrutvārākṣasāstebhayārditāḥ |

codayāmāsuravyagrānrākṣasāṃstānnṛpājñayā || 6 ||

tetusarvetathetyuktvārākṣasābhīmadarśanāḥ |

kṛtasvastvayanāḥsarveteraṇābhimukhāyayuḥ || 7 ||

pratipūjyayathānyāyaṃrāvaṇantemahārathāḥ |

tasthuḥprāñjalayaḥsarvebharturvijayakāṅkṣiṇaḥ || 8 ||

athovācaprahasyaitānrāvaṇaḥkrodhamūrchitaḥ |

mahodaramahāpārśvauvirūpākṣaṃ ca rākṣasam || 9 ||

adyabāṇairdhanurmukssairyugāntādityasannibhaiḥ |

rāghavaṃlakṣmaṇañcaivaneṣyāmiyamasādanam || 10 ||

kharasyakumbhakarṇasyaprahasendrajitostathā |

kariṣyāmipratīkāramadyaśatruvadhādaham || 11 ||

naivāntarikṣaṃ na diśo na nadyaurnāpisāgarāḥ |

prakāśatvaṅgamiṣyantimadbāṇajaladāvṛtāḥ || 12 ||

adyavānaramukhyānāntāniyūthānibhāgaśaḥ |

dhanuṣāśarajālenavadhiṣyāmipatatriṇā || 13 ||

adyavānarasainyānirathenapavanaujasā |

dhanussamudrādudbhūtairmathiṣyāmiśarormibhiḥ || 14 ||

vyākośapadmavaktrāṇipadmakesaravarcasām |

adyayūthataṭākānigajavatpramathāmyaham || 15 ||

saśarairadyavadanaissaṅkhyevānarayūthapāḥ |

maṇḍayiṣyantivasudhāṃsanālairivapaṅkajaiḥ || 16 ||

adyayūthapracaṇḍānāṃharīṇāndrumayodhinām |

muktenaikeṣuṇāyuddhebhetsyāmi ca śataṃśatam || 17 ||

hatobhartāhatobhrātāyāsāṃ ca catanayohataḥ |

vadhenādyaripostāsāṅkaromyaśrupramārjanam || 18 ||

adyamadbhāṇanirbhinnaiḥprakīrṇairgatacetanaiḥ |

karomivānarairyuddheyatnāvekṣyatalāmmahīm || 19 ||

adyagomayavogṛdhrāścaye ca māṃsāśino'pare |

sarvāṃstāṃstarpayiṣyāmiśatrumāṃsaiśśarārditaiḥ || 20 ||

kalpyatāmmerathaṃśīghraṅkṣipramānīyatāndhanuḥ |

anuprayāntumāṃyuddheye'traśiṣṭāniśācarāḥ || 21 ||

tasyatadvacanaṃśrutvāmahāpārśvo'bravīdvacaḥ |

balādhyakṣān sthithāṃstatrabalaṃsantvaryatāmiti || 22 ||

balādhyakṣāstusamrabdārākṣasāṃstān gṛhegṛhe |

codayantaḥpariyayurlaṅkāṃlaghuparākramāḥ || 23 ||

tatomuhūrtānniṣpetūrākṣasābhīmadarśanāḥ |

nadantobhīmavadanānānāpraharaṇairbhujaiḥ || 24 ||

asibhiḥpaṭṭasaiḥ śūlairgadābhirmusalairhalaiḥ |

śaktibhistīkṣṇadhārābhirmahadbhiḥ kūṭamudgaraiḥ || 25 ||

yaṣṭibhirvimalaiścakrairniśitaiścaparaśvathaiḥ |

bhindipālaiḥśataghnībhiranyaiścāpivarāyudhaiḥ || 26 ||

athānayadbalādhyakṣassatvarorāvaṇājñayā |

drutaṃsūtasamāyuktaṃyuktāṣṭaturagaṃratham |

ārurohatadābhīmodīpyamānaṃsvatejasā || 27 ||

tataḥprayātassahasārākṣasairbhahubhirvṛtaḥ || 28 ||

rāvaṇaḥsattvagāmbhīryāddārayannivamedinīm |

rāvaṇenābhyanujñātaumahāpārśvamahodarau |

virūpākṣaścadurdharṣorathānāruruhustadā || 29 ||

mokṣitan cātmano dṛṣṭvā prahāraṃ tena rakṣasā |

sa dadarśāntaran tasya virūpākṣasya vānaraḥ || 30 ||

tatoyuddhāyatejasvīrakṣogaṇabalairvṛtaḥ |

niryayāvudyatadhanuḥkālāntakayamopamaḥ || 31 ||

tataḥprajavitāśvenarathena sa mahārathaḥ |

dvāreṇaniryayautenayatrataurāmalakṣmaṇau || 32 ||

tatonaṣṭaprabhaḥsūryodiśaścatimirāvṛtāḥ |

dvijāścanedurghorāścasañcacāla ca medinī || 33 ||

vavarṣarudhirandevaścaskhaluścaturaṅgamāḥ |

dhvajāgrenyapatadgṛdhrovineduścāśivāḥśivāḥ || 34 ||

nayanañcāsphuradvāmaṃvāmobāhurakampata |

vivarṇavadanaśsākatiñcidabhraśyatasvanaḥ || 35 ||

tatoniṣpatatoyuddhedaśagrīvasyarakṣasaḥ |

raṇenidhanaśaṃsīnirūpāṇyetānijajñire || 36 ||

antarikṣātpapātolkānirāghatasamanirghāsvanā |

vineduraśivāgṛdhrāvāyasairabhimiśritāḥ || 37 ||

etānacintayanghorānutpātānsamavasthitān |

niryayaurāvaṇomohādvadhārthaṅkālacoditaḥ || 38 ||

teṣānturathaghoṣeṇarākṣasānāmmahātmanām |

vānarāṇāmapicamūryuddhāyaivābhyavartata || 39 ||

teṣāntutumulaṃyuddhambabhūvakapirakṣasām |

anyonyamāhvayānānāṅkruddhānāñjayamicchatām || 40 ||

tataḥkruddhodaśagrīvaśśaraiḥkāñcanabhūṣaṇaiḥ |

vānarāṇāmanīkeṣucakārakadanammahat || 41 ||

vikṛttaśirasaḥkecidrāvaṇenavalīmukhāḥ |

kecidvicchinnahṛdayāḥkecicchrotravivarjitāḥ || 42 ||

nirucchavāsāhatāḥkecitkecitpārśveṣudāritāḥ |

kecidvibhinnaśirasaḥkeciccakṣurvinākṛtāḥ || 43 ||

daśānanaḥkrodhavivṛttanetroyatoyato'bhyetirathevasaṅkhye |

tatastatastasyaśarapravegaṃsoḍhuṃ na śekurhariyūthapāste || 44 ||

ityārṣe śrīmadrāmāyaṇe vālmīkīya ādikāvye yuddhakāṇḍe ṣaṇṇavatitamassargaḥ ||