6.83 Yuddhakanda - Tryashititama Sargah

ॐ

6.83 யுத்தகாண்ட - த்ர்யாஶீதிதம ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத த்ர்யாஶீதிதமஸ்ஸர்கஃ ।

ராகவஶ்சாபிவிபுலந்தம்ராக்ஷஸவநௌகஸாம் ।

ஶ்ருத்வாஸங்க்ராமநிர்கோஷஞ்ஜாம்பவந்தமுவாச ஹ ॥ 1 ॥

ஸௌம்யநூநம்ஹநுமதாக்ரு'தங்கர்மஸுதுஷ்கரம் ।

ஶ்ரூயதே ச யதாபீமஸ்ஸுமஹாவாயுதஸ்வநஃ ॥ 2 ॥

தத்கச்சகுருஸாஹாய்யம்ஸ்வபலேநாபிஸம்வ்ரு'தஃ ।

க்ஷிப்ரமக்ஷபதேதஸ்யகபிஶ்ரேஷ்டஸ்யயுத்யதஃ ॥ 3 ॥

ரு'க்ஷராக்ஷஸ்ததோக்தஸ்துஸ்வேநாநீகேநஸம்வ்ரு'தஃ ।

ஆகச்சத்பஶ்சிமத்வாரம்ஹநூமாந்யத்ரவாநரஃ ॥ 4 ॥

அதாயாந்தம்ஹநூமந்தந்ததர்ஶர்க்ஷபதிபதி ।

வாநரைஃக்ரு'தஸங்க்ராமைஶ்ஶ்வஸத்பிரபிஸம்வ்ரு'தம் ॥ 5 ॥

த்ரு'ஷ்டாபதிஹநூமாம்ஶ்சதத்ரு'க்ஷபலமுத்யதம் ।

நீலமேகநிபம்பீமம்ஸந்நிவார்யந்யவர்தத ॥ 6 ॥

ஸ தேநஸஹஸைந்யேநஸந்நிகர்ஷம்மஹாயஶாஃ ।

ஶீக்ரமாகம்யராமாயதுஃகிதோவாக்யமப்ரவீத் ॥ 7 ॥

ஸமரேயுத்யமாநாநாமஸ்மாகம்ப்ரேக்ஷதாம்புரஃ ।

ஜகாநருததீம்ஸீதாமிந்த்ரஜித்ராவணாத்மஜஃ ॥ 8 ॥

உத்ப்ராந்தசித்தஸ்தாந்த்ரு'ஷ்டவாவிஷண்ணோऽஹமரிந்தமஃ ।

ததஹம்பவதோவ்ரு'தம்விஜ்ஞாபயிதுமாகதஃ ॥ 9 ॥

தஸ்யதத்வசநம்ஶ்ருத்வாராகவஶ்ஶோகமூர்சிதஃ ।

நிபபாதததாபூமௌசிந்நமூலம்இவத்ருமஃ ॥ 10 ॥

தம்பூமௌதேவஸங்காஶம்பதிதந்த்ரு'ஶ்யராகவம் ।

அபிபேதுஸ்ஸமுத்பத்யஸர்வதஃகபிஸத்தமாஃ ॥ 11 ॥

ஆஸிஞ்சந் ஸலிலைஶ்சைநம்பத்மோத்பலஸுகந்திபிஃ ।

ப்ரதஹந்தமாநாஸாத்யம்ஸஹஸாக்நிமிவோத்யதம் ॥ 12 ॥

தம்லக்ஷ்மணோऽதபாஹுப்யாம்பரிஷ்வஜ்யஸுதுஃகிதஃ ।

உவாசராமமஸ்வஸ்தம்வாக்யம்ஹேத்வர்தஸம்யுதம் ॥ 13 ॥

ஶுபேவர்த்மநிதிஷ்டந்தந்த்வாமார்யவிஜிதேந்த்ரியம் ।

அநர்தேப்யோ ந ஶக்நோதித்ராதுந்தர்மோநிரர்தகஃ ॥ 14 ॥

பூதாநாம்ஸ்தாவாராணாம் ச ஜங்கமாநாம் ச தர்ஶநம் ।

யதாஸ்தி ந ததாதர்மஸ்தேநநாஸ்தீதிமேமதிஃ ॥ 15 ॥

யதைவஸ்தாவரம்வ்யக்தஞ்ஜங்கமம் ந ததாவிதம் ।

நாயமர்தஸ்ததாயுக்தஸ்த்வத்விதோ ந விபத்யதே ॥ 16 ॥

யத்யதர்மோபவேத்பூதோராவணோநரகம்வ்ரஜேத் ।

பவாம்ஶ்சதர்மஸம்யுக்தோநைவம்வ்யஸநமாப்நுயாத் ॥ 17 ॥

தஸ்ய ச வ்யஸநாபாவாத்வ்யஸநஞ்சாகதேத்வயி ।

தர்மோபவத்யதர்மஶ்சபரஸ்பரவிரோதிநௌ ॥ 18 ॥

தர்மேணோபலபேத்தர்மமதர்மஞ்சாப்யதர்மதஃ ।

யத்யதர்மேணயுஜ்யேயுர்யேஷ்வதர்மஃப்ரதிஷ்டிதஃ ॥ 19 ॥

யதிதர்மேணவியுஜ்யேரந்நதர்மருசயோஜநாஃ ।

தர்மேணசரதாந்தர்மஞ்சைஷாந்தர்மபலம்பவேத் ॥ 20 ॥

யஸ்மாதர்தாவிவர்தந்தேயேஷ்வதர்மஃப்ரதிஷ்டிதஃ ।

க்லிஶ்யந்தேதர்மஶீலாஶ்சதஸ்மாதேதௌநிரர்தகௌ ॥ 21 ॥

வத்யந்தேபாபகர்மாணோயத்யதர்மேணராகவ ।

வதகர்மஹதோऽதர்மஃ ஸ ஹதஃகிம்வதிஷ்யதி ॥ 22 ॥

அதவாவிஹிதேநாயம்ஹந்யதேஹந்திவாபரம் ।

விதிராலிப்யதேதேந ந ஸ பாபேநகர்மணா ॥ 23 ॥

அத்ரு'ஷ்டப்ரதிகாரேணத்வவ்யக்தேநாஸதாஸதா ।

கதம்ஶக்யம்பரம்ப்ராப்துந்தர்மேணாரிவிகர்ஷண ॥ 24 ॥

யதிஸத்ஸ்யாத்ஸதாம்முக்யநாஸத்ஸ்யத்தவகிஞ்சந ।

த்வயாயதீத்ரு'ஶம்ப்ராப்தந்தஸ்மாத்ஸந்நோபபத்யதே ॥ 25 ॥

பலஸ்ய யதி சேத்தர்மோ குணபூதஃ பராக்ரமே ।

தர்மமுத்ஸ்ரு'ஜ்ய வர்தஸ்வ யதா தர்மே ததா பலே ॥ 26 ॥

பலஸ்யயதிசேத்தர்மோகுணபூதஃபராக்ரமே ।

தர்மமுத்ஸ்ரு'ஜ்யவர்தஸ்வயதாதர்மேததாபலே ॥ 27 ॥

அதசேத்ஸத்யவசநந்தர்மஃ கிலபரந்தப ।

அந்ரு'தஸ்த்வய்யகருணஃகிம் ந பத்தஸ்த்வயாபிதா ॥ 28 ॥

அதர்மஸம்ஶ்ரிதோ தர்மோ விநாஶயதி ராகவ ।

ஸர்வமேதத்யதாகாமம் காகுத்ஸ்த குருதே நரஃ ॥ 29 ॥

அதர்மஸம்ஶ்ரிதோதர்மோவிநாஶயதிராகவ ।

ஸர்வமேதத்யதாகாமங்காகுத்ஸ்தகுருதேநரஃ ॥ 30 ॥

மமசேதம்மதந்தாததரோऽயமிதிராகவ ।

தர்மமூலந்த்வயாசிந்நம்ராஜ்யமுத்ஸ்ரு'ஜதாததா ॥ 31 ॥

அர்தேப்யோஹிப்ரவ்ரு'த்தேப்யஃஸம்வ்ரு'த்தேப்யஸ்ததஸ்ததஃ ।

க்ரியாஃஸர்வாஃப்ரவர்தந்தேபர்வதேப்யஃஇவாபகாஃ ॥ 32 ॥

அர்தேநஹிவிமுக்தஸ்யபுருஷஸ்யால்பசேதஸஃ ।

விச்சித்யந்தேக்ரியாஸ்ஸர்வாக்ரீஷ்மேகுஸரிதோயதா ॥ 33 ॥

ஸோऽயமர்தம்பரித்யஜ்யஸுககாமஃஸுகைதிதஃ ।

பாபமாரபதேகர்துந்ததாதோஷஃப்ரவர்ததே ॥ 34 ॥

யஸ்யார்தாஸ்தஸ்யமித்ராணியஸ்யார்தாஸ்யஸ்யபாந்தவாஃ ।

யஸ்யார்தாஸ்ஸபுமாந்லோகேயஸ்யார்தாஃ ஸ ச பண்டிதஃ ॥ 35 ॥

யஸ்யார்தாஸ்ஸ ச விக்ராந்தோயஸ்யார்தாஸ்ஸ ச புத்திமாந் ।

யஸ்யார்தாஸ்ஸமஹாபாகோயஸ்யார்தாஸ்ஸமஹாகுணஃ ॥ 36 ॥

அர்தஸ்யைதேபரித்யாகேதோஷாஃப்ரவ்யாஹ்ரு'தாமயா ।

ராஜ்யமுத்ஸ்ரு'ஜதாவீரயேநபுத்திஸ்த்வயாக்ரு'தா ॥ 37 ॥

யஸ்யார்தாஃதர்மகாமார்தாஸ்தஸ்யஸர்வம்ப்ரதக்ஷிணம் ।

அதநேநார்தகாமேநநார்தஶ்ஶக்யோவிசிந்வதா ॥ 38 ॥

ஹர்ஷஃகாமஶ்சதர்பஶ்சதர்மஃக்ரோதஶ்ஶமோதமஃ ।

அர்தாதேதாநிஸர்வாணிப்ரவர்தந்தேநராதிப ॥ 39 ॥

யேஷாந்நஶ்யத்யயம்லோகஶ்சரதாந்தர்மசாரிணாம் ।

தேऽர்தாஸ்த்வயி ந த்ரு'ஶ்யந்தேதுர்திநேஷுயதாக்ரஹாஃ ॥ 40 ॥

த்வயிப்ரவ்ரஜிதேவீரகுரோஶ்சவசநேஸ்திதே ।

ரக்ஷஸாபஹ்ரு'தாபார்யாப்ராணைஃப்ரியதராதவ ॥ 41 ॥

ததத்யவிபுலம்வீரதுஃகமிந்த்ரஜிதாக்ரு'தம் ।

கர்மணாவ்யபநேஷ்யாமிதஸ்மாதுத்திஷ்டராகவ ॥ 42 ॥

உத்திஷ்டநரஶார்தூலதீர்கபாஹோத்ரு'தவ்ரத ।

கிமாத்மாநம்மஹாத்மாநம்மாத்மாநம் ந புத்யஸே ॥ 43 ॥

அயமநகதவோதிதஃப்ரியார்தஞ்ஜநகஸுதாநிதநந்நிரீக்ஷ்யருஷ்டஃ ।

ஸரதகஜஹயாம்ஸராக்ஷஸேந்த்ராம்ப்ரு'ஶமிஷுபிர்விநிபாதயாமிலங்காம் ॥ 44 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே த்ர்யாஶீதிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha tryāśītitamassargaḥ |

rāghavaścāpivipulantaṃrākṣasavanaukasām |

śrutvāsaṅgrāmanirghoṣañjāmbavantamuvāca ha || 1 ||

saumyanūnaṃhanumatākṛtaṅkarmasuduṣkaram |

śrūyate ca yathābhīmassumahāvāyudhasvanaḥ || 2 ||

tadgacchakurusāhāyyaṃsvabalenābhisamvṛtaḥ |

kṣipramakṣapatetasyakapiśreṣṭhasyayudhyataḥ || 3 ||

ṛkṣarākṣastathoktastusvenānīkenasamvṛtaḥ |

āgacchatpaścimadvāraṃhanūmānyatravānaraḥ || 4 ||

athāyāntaṃhanūmantandadarśarkṣapatipathi |

vānaraiḥkṛtasaṅgrāmaiśśvasadbhirabhisamvṛtam || 5 ||

dṛṣṭāpathihanūmāṃścatadṛkṣabalamudyatam |

nīlameghanibhambhīmaṃsannivāryanyavartata || 6 ||

sa tenasahasainyenasannikarṣammahāyaśāḥ |

śīghramāgamyarāmāyaduḥkhitovākyamabravīt || 7 ||

samareyudhyamānānāmasmākamprekṣatāmpuraḥ |

jaghānarudatīṃsītāmindrajidrāvaṇātmajaḥ || 8 ||

udbhrāntacittastāndṛṣṭavāviṣaṇṇo'hamarindamaḥ |

tadahambhavatovṛtaṃvijñāpayitumāgataḥ || 9 ||

tasyatadvacanaṃśrutvārāghavaśśokamūrcitaḥ |

nipapātatadābhūmauchinnamūlaṃivadrumaḥ || 10 ||

tambhūmaudevasaṅkāśampatitandṛśyarāghavam |

abhipetussamutpatyasarvataḥkapisattamāḥ || 11 ||

āsiñcan salilaiścainampadmotpalasugandhibhiḥ |

pradahantamānāsādyaṃsahasāgnimivodyatam || 12 ||

taṃlakṣmaṇo'thabāhubhyāmpariṣvajyasuduḥkhitaḥ |

uvācarāmamasvasthaṃvākyaṃhetvarthasamyutam || 13 ||

śubhevartmanitiṣṭhantantvāmāryavijitendriyam |

anarthebhyo na śaknotitrātundharmonirarthakaḥ || 14 ||

bhūtānāṃsthāvārāṇāṃ ca jaṅgamānāṃ ca darśanam |

yathāsti na tathādharmastenanāstītimematiḥ || 15 ||

yathaivasthāvaraṃvyaktañjaṅgamaṃ na tathāvidham |

nāyamarthastathāyuktastvadvidho na vipadyate || 16 ||

yadyadharmobhavedbhūtorāvaṇonarakaṃvrajet |

bhavāṃścadharmasamyuktonaivaṃvyasanamāpnuyāt || 17 ||

tasya ca vyasanābhāvādvyasanañcāgatetvayi |

dharmobhavatyadharmaścaparasparavirodhinau || 18 ||

dharmeṇopalabheddharmamadharmañcāpyadharmataḥ |

yadyadharmeṇayujyeyuryeṣvadharmaḥpratiṣṭhitaḥ || 19 ||

yadidharmeṇaviyujyerannadharmarucayojanāḥ |

dharmeṇacaratāndharmañcaiṣāndharmaphalambhavet || 20 ||

yasmādarthāvivardhanteyeṣvadharmaḥpratiṣṭhitaḥ |

kliśyantedharmaśīlāścatasmādetaunirarthakau || 21 ||

vadhyantepāpakarmāṇoyadyadharmeṇarāghava |

vadhakarmahato'dharmaḥ sa hataḥkiṃvadhiṣyati || 22 ||

athavāvihitenāyaṃhanyatehantivāparam |

vidhirālipyatetena na sa pāpenakarmaṇā || 23 ||

adṛṣṭapratikāreṇatvavyaktenāsatāsatā |

kathaṃśakyamparamprāptundharmeṇārivikarṣaṇa || 24 ||

yadisatsyātsatāmmukhyanāsatsyattavakiñcana |

tvayāyadīdṛśamprāptantasmātsannopapadyate || 25 ||

balasya yadi ceddharmo guṇabhūtaḥ parākrame |

dharmamutsṛjya vartasva yathā dharme tathā bale || 26 ||

balasyayadiceddharmoguṇabhūtaḥparākrame |

dharmamutsṛjyavartasvayathādharmetathābale || 27 ||

athacetsatyavacanandharmaḥ kilaparantapa |

anṛtastvayyakaruṇaḥkiṃ na baddhastvayāpitā || 28 ||

adharmasaṃśrito dharmo vināśayati rāghava |

sarvametadyathākāmaṃ kākutstha kurute naraḥ || 29 ||

adharmasaṃśritodharmovināśayatirāghava |

sarvametadyathākāmaṅkākutsthakurutenaraḥ || 30 ||

mamacedammatantātadharo'yamitirāghava |

dharmamūlantvayāchinnaṃrājyamutsṛjatātadā || 31 ||

arthebhyohipravṛddhebhyaḥsamvṛttebhyastatastataḥ |

kriyāḥsarvāḥpravartanteparvatebhyaḥivāpagāḥ || 32 ||

arthenahivimuktasyapuruṣasyālpacetasaḥ |

vicchidyantekriyāssarvāgrīṣmekusaritoyathā || 33 ||

so'yamarthamparityajyasukhakāmaḥsukhaidhitaḥ |

pāpamārabhatekartuntadādoṣaḥpravartate || 34 ||

yasyārthāstasyamitrāṇiyasyārthāsyasyabāndhavāḥ |

yasyārthāssapumānlokeyasyārthāḥ sa ca paṇḍitaḥ || 35 ||

yasyārthāssa ca vikrāntoyasyārthāssa ca buddhimān |

yasyārthāssamahābhāgoyasyārthāssamahāguṇaḥ || 36 ||

arthasyaiteparityāgedoṣāḥpravyāhṛtāmayā |

rājyamutsṛjatāvīrayenabuddhistvayākṛtā || 37 ||

yasyārthāḥdharmakāmārthāstasyasarvampradakṣiṇam |

adhanenārthakāmenanārthaśśakyovicinvatā || 38 ||

harṣaḥkāmaścadarpaścadharmaḥkrodhaśśamodamaḥ |

arthādetānisarvāṇipravartantenarādhipa || 39 ||

yeṣānnaśyatyayaṃlokaścaratāndharmacāriṇām |

te'rthāstvayi na dṛśyantedurdineṣuyathāgrahāḥ || 40 ||

tvayipravrajitevīraguroścavacanesthite |

rakṣasāpahṛtābhāryāprāṇaiḥpriyatarātava || 41 ||

tadadyavipulaṃvīraduḥkhamindrajitākṛtam |

karmaṇāvyapaneṣyāmitasmāduttiṣṭharāghava || 42 ||

utthiṣṭhanaraśārdūladīrghabāhodhṛtavrata |

kimātmānammahātmānammātmānaṃ na budhyase || 43 ||

ayamanaghatavoditaḥpriyārthañjanakasutānidhanannirīkṣyaruṣṭaḥ |

sarathagajahayāṃsarākṣasendrāmbhṛśamiṣubhirvinipātayāmilaṅkām || 44 ||

ityārṣe śrīmadrāmāyaṇe vālmīkīya ādikāvye yuddhakāṇḍe tryāśītitamassargaḥ ||