5.44 Sundarakanda - Chatushchatvarimsha Sargah

ॐ

5.44 ஸுந்தரகாண்ட - சதுஶ்சத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத சதுஶ்சத்வாரிம்ஶஸ்ஸர்கஃ ।

ஸந்திஷ்டோ ராக்ஷஸேந்த்ரேண ப்ரஹஸ்தஸ்ய ஸுதோ பலீ ।

ஜம்புமாலீ மஹாதம்ஷ்ட்ரோ நிர்ஜகாம தநுர்தரஃ ॥ 1 ॥

ரக்தமால்யாம்பரதரஸ்ஸ்ரக்வீ ருசிரகுண்டலஃ ।

மஹாந்விவ்ரு'த்தநயநஶ்சண்டஸ்ஸமரதுர்ஜயஃ ॥ 2 ॥

தநுஶ்ஶக்ரதநுஃ ப்ரக்யம் மஹத்ருசிரஸாயகம் ।

விஷ்பாரயாணோ வேகேந வஜ்ராஶநிஸமஸ்வநம் ॥ 3 ॥

தஸ்ய விஷ்பாரகோஷேண தநுஷோ மஹதா திஶஃ ।

ப்ரதிஶஶ்ச நபஶ்சைவ ஸஹஸா ஸமபூர்யத ॥ 4 ॥

ரதேந கரயுக்தேந தமாகதமுதீக்ஷ்ய ஸஃ ।

ஹநுமாந்வேகஸம்பந்நோ ஜஹர்ஷ ச நநாத ச ॥ 5 ॥

தம் தோரணவிடங்கஸ்தம் ஹநுமந்தம் மஹாகபிம் ।

ஜம்புமாலீ மஹாபாஹுர்விவ்யாத நிஶிதைஶ்ஶரைஃ ॥ 6 ॥

அர்தசந்த்ரேண வதநே ஶிரஸ்யேகேந கர்ணிநா ।

பாஹ்வோர்விவ்யாத நாராசைர்தஶபிஸ்தம் கபீஶ்வரம் ॥ 7 ॥

தஸ்ய தச்சுஶுபே தாம்ரம் ஶரேணாபிஹதம் முகம் ।

ஶரதீவாம்புஜம் புல்லம் வித்தம் பாஸ்கரரஶ்மிநா ॥ 8 ॥

தத்தஸ்ய ரக்தம் ரக்தேந ரஞ்ஜிதம் ஶுஶுபே முகம் ।

யதாகாஶே மஹாபத்மம் ஸிக்தம் சந்தநபிந்துபிஃ ॥ 9 ॥

சுகோப பாணாபிஹதோ ராக்ஷஸஸ்ய மஹாகபிஃ ।

ததஃ பார்ஶ்வேऽதிவிபுலாம் ததர்ஶ மஹதீம் ஶிலாம் ॥ 10 ॥

தரஸா தாம் ஸமுத்பாட்ய சிக்ஷேப பலவத்பலீ ।

தாம் ஶரைர்தஶபிஃ க்ருத்தஸ்தாடயாமாஸ ராக்ஷஸஃ ॥ 11 ॥

விபந்நம் கர்ம தத்த்ரு'ஷ்ட்வா ஹநுமாம்ஶ்சண்டவிக்ரமஃ ।

ஸாலம் விபுலமுத்பாட்ய ப்ராமயாமாஸ வீர்யவாந் ॥ 12 ॥

ப்ராமயந்தம் கபிம் த்ரு'ஷ்ட்வா ஸாலவ்ரு'க்ஷம் மஹாபலம் ।

சிக்ஷேப ஸுபஹூந்பாணாந்ஜம்புமாலீ மஹாபலஃ ॥ 13 ॥

ஸாலம் சதுர்பிஶ்சிச்சேத வாநரம் பஞ்சபிர்புஜே ।

உரஸ்யேகேந பாணேந தஶபிஸ்து ஸ்தநாந்தரே ॥ 14 ॥

ஸ ஶரைஃ பூரிததநுஃ க்ரோதேந மஹதா வ்ரு'தஃ ।

தமேவ பரிகம் க்ரு'ஹ்ய ப்ராமயாமாஸ வேகிதஃ ॥ 15 ॥

அதிவேகோऽதிவேகேந ப்ராமயித்வா பலோத்கடஃ ।

பரிகம் பாதயாமாஸ ஜம்புமாலேர்மஹோரஸி ॥ 16 ॥

தஸ்ய சைவ ஶிரோ நாஸ்தி ந பாஹூ ந ச ஜாநுநீ ।

ந தநுர்ந ரதோ நாஶ்வாஸ்தத்ராத்ரு'ஶ்யந்த நேஷவஃ ॥ 17 ॥

ஸ ஹதஸ்ஸஹஸா தேந ஜம்புமாலீ மஹாபலஃ ।

பபாத நிஹதோ பூமௌ சூர்ணிதாங்கவிபூஷணஃ ॥ 18 ॥

ஜம்புமாலிம் ச நிஹதம் கிங்கராம்ஶ்ச மஹாபலாந் ।

சுக்ரோத ராவணஶ்ஶுத்வா கோபஸம்ரக்தலோசநஃ ॥ 19 ॥

ஸ ரோஷஸம்வர்திததாம்ரலோசநஃ ப்ரஹஸ்தபுத்த்ரே நிஹதே மஹாபலே ।

அமாத்யபுத்த்ராநதிவீர்யவிக்ரமாந் ஸமாதிதேஶாஶு நிஶாசரேஶ்வரஃ ॥ 20 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே சதுஶ்சத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha catuścatvāriṃśassargaḥ |

sandiṣṭo rākṣasendreṇa prahastasya suto balī |

jambumālī mahādaṃṣṭro nirjagāma dhanurdharaḥ || 1 ||

raktamālyāmbaradharassragvī rucirakuṇḍalaḥ |

mahānvivṛttanayanaścaṇḍassamaradurjayaḥ || 2 ||

dhanuśśakradhanuḥ prakhyaṃ mahadrucirasāyakam |

viṣphārayāṇo vegena vajrāśanisamasvanam || 3 ||

tasya viṣphāraghoṣeṇa dhanuṣo mahatā diśaḥ |

pradiśaśca nabhaścaiva sahasā samapūryata || 4 ||

rathena kharayuktena tamāgatamudīkṣya saḥ |

hanumānvegasampanno jaharṣa ca nanāda ca || 5 ||

taṃ toraṇaviṭaṅkasthaṃ hanumantaṃ mahākapim |

jambumālī mahābāhurvivyādha niśitaiśśaraiḥ || 6 ||

ardhacandreṇa vadane śirasyekena karṇinā |

bāhvorvivyādha nārācairdaśabhistaṃ kapīśvaram || 7 ||

tasya tacchuśubhe tāmraṃ śareṇābhihataṃ mukham |

śaradīvāmbujaṃ phullaṃ viddhaṃ bhāskararaśminā || 8 ||

tattasya raktaṃ raktena rañjitaṃ śuśubhe mukham |

yathākāśe mahāpadmaṃ siktaṃ candanabindubhiḥ || 9 ||

cukopa bāṇābhihato rākṣasasya mahākapiḥ |

tataḥ pārśve'tivipulāṃ dadarśa mahatīṃ śilām || 10 ||

tarasā tāṃ samutpāṭya cikṣepa balavadbhalī |

tāṃ śarairdaśabhiḥ kruddhastāḍayāmāsa rākṣasaḥ || 11 ||

vipannaṃ karma taddṛṣṭvā hanumāṃścaṇḍavikramaḥ |

sālaṃ vipulamutpāṭya bhrāmayāmāsa vīryavān || 12 ||

bhrāmayantaṃ kapiṃ dṛṣṭvā sālavṛkṣaṃ mahābalam |

cikṣepa subahūnbāṇānjambumālī mahābalaḥ || 13 ||

sālaṃ caturbhiściccheda vānaraṃ pañcabhirbhuje |

urasyekena bāṇena daśabhistu stanāntare || 14 ||

sa śaraiḥ pūritatanuḥ krodhena mahatā vṛtaḥ |

tameva parighaṃ gṛhya bhrāmayāmāsa vegitaḥ || 15 ||

ativego'tivegena bhrāmayitvā balotkaṭaḥ |

parighaṃ pātayāmāsa jambumālermahorasi || 16 ||

tasya caiva śiro nāsti na bāhū na ca jānunī |

na dhanurna ratho nāśvāstatrādṛśyanta neṣavaḥ || 17 ||

sa hatassahasā tena jambumālī mahābalaḥ |

papāta nihato bhūmau cūrṇitāṅgavibhūṣaṇaḥ || 18 ||

jambumāliṃ ca nihataṃ kiṅkarāṃśca mahābalān |

cukrodha rāvaṇaśśutvā kopasaṃraktalocanaḥ || 19 ||

sa roṣasaṃvartitatāmralocanaḥ prahastaputtre nihate mahābale |

amātyaputtrānativīryavikramān samādideśāśu niśācareśvaraḥ || 20 ||

ityārṣe śrīmadrāmāyaṇe vālmīkīya ādikāvye sundarakāṇḍe catuścatvāriṃśassargaḥ ||