📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
4.45 கிஷ்கிந்தாகாண்ட - பஞ்சசத்வாரிம்ஶ ஸர்கஃ
4.45 Kishkindhakanda - Panchachatvarimsha Sargah
Valmiki Tamil
ஶ்ரீமத்வால்மீகீய ராமாயணே கிஷ்கிந்தாகாண்டம் ।
அத பஞ்சசத்வாரிம்ஶஸ்ஸர்கஃ ।
ஸர்வாம்ஶ்சாஹூய ஸுக்ரீவஃ ப்லவகாந் ப்லவகர்ஷபஃ ।
ஸமஸ்தாநப்ரவீத்பூயோ ராமகார்யர்தஸித்தயே ॥ 1 ॥
ஏவமேதத்விசேதவ்யம் யந்மயா பரிகீர்திதம் ।
ததுக்ரஶாஸநம் பர்துர்விஜ்ஞாய ஹரிபுங்கவாஃ ॥ 2 ॥
ஶலபா இவ ஸஞ்சாத்ய மேதிநீம் ஸம்ப்ரதஸ்திரே ।
ராமஃ ப்ரஸ்ரவணே தஸ்மிந்யவஸத்ஸஹலக்ஷ்மணஃ ॥ 3 ॥
ப்ரதீக்ஷமாணஸ்தம் மாஸம் யஸ்ஸீதாதிகமே க்ரு'தஃ ।
உத்தராம் து திஶம் ரம்யாம் கிரிராஜஸமாவ்ரு'தாம் ॥ 4 ॥
ப்ரதஸ்தே ஸஹஸா வீரோ ஹரிஶ்ஶதவலிஸ்ததா ।
பூர்வாம் திஶம் ப்ரதியயௌ விநதோ ஹரியூதபஃ ॥ 5 ॥
தாராங்கதாதிஸஹிதஃ ப்லவங்கோ மாருதாத்மஜஃ ।
அகத்யாசரிதாமாஶாம் தக்ஷிணாம் ஹரியூதபஃ ॥ 6 ॥
பஶ்சிமாம் து ப்ரு'ஶம் கோராம் ஸுஷேணஃ ப்லவகேஶ்வரஃ ।
ப்ரதஸ்தே ஹரிஶார்தூலோ திஶம் வருணபாலிதாம் ॥ 7 ॥
ததஸ்ஸர்வா திஶோ ராஜா சோதயித்வா யதாததம் ।
கபிஸேநாபதீந்முக்யாந்முமோத ஸுகிதஸ்ஸுகம் ॥ 8 ॥
ஏவம் ஸம்போதிதாஸ்ஸர்வே ராஜ்ஞா வாநரயூதபாஃ ।
ஸ்வாம் ஸ்வாம் திஶமபிப்ரத்த்ய த்வரிதா ஸம்ப்ரதஸ்திரே ॥ 9 ॥
நதந்தஶ்சோந்நதந்தஶ்ச கர்ஜந்தஶ்ச ப்லவங்கமாஃ ।
க்ஷ்வேலந்தோ தாவமாநாஶ்ச விநதந்தோ மஹாபலாஃ ॥ 10 ॥
ஏவம் ஸம்போதிதாஸ்ஸர்வே ராஜ்ஞா வாநரயூதபாஃ ।
ஆநயிஷ்யாமஹே ஸீதாம் ஹநிஷ்யாமஶ்ச ராவணம் ॥ 11 ॥
அஹமேகோ ஹநிஷ்யாமி ராவணம் ப்ராப்தமாஹவே ।
ததஶ்சோந்மத்ய ஸஹஸா ஹரிஷ்யே ஜநகாத்மஜாம் ॥ 12 ॥
வேபமாநாம் ஶ்ரமேணாத்ய பவத்பிஃ ஸ்தீயதாமிதி ।
ஏக ஏவாஹரிஷ்யாமி பாதாலாதபி ஜாநகீம் ॥ 13 ॥
வதிஷ்யாம்யஹம் வ்ரு'க்ஷாந் தாரயிஷ்யாம்யஹம் கிரீந் ।
தரணீம் தாரயிஷ்யாமி க்ஷோபயிஷ்யாமி ஸாகராந் ॥ 14 ॥
அஹம் யோஜநஸங்க்யாயாஃ ப்லவிதா நாத்ர ஸம்ஶயஃ ।
ஶதம் யோஜநஸங்க்யாயாஶ்ஶதம் ஸமதிகம் ஹ்யஹம் ॥ 15 ॥
பூதலே ஸாகரே வாऽபி ஶைலேஷு ச வநேஷு ச ।
பாதாலஸ்யாபி வா மத்யே ந மமாச்சித்யதே கதிஃ ॥ 16 ॥
இத்யேகைகம் ததா தத்ர வாநரா பலதர்பிதாஃ ।
ஊசுஶ்ச வசநம் தத்ர ஹரிராஜஸ்ய ஸந்நிதௌ ॥ 17 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே பஞ்சசத்வாரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe kiṣkindhākāṇḍam |
atha pañcacatvāriṃśassargaḥ |
sarvāṃścāhūya sugrīvaḥ plavagān plavagarṣabhaḥ |
samastānabravīdbhūyo rāmakāryarthasiddhaye || 1 ||
evametadvicetavyaṃ yanmayā parikīrtitam |
tadugraśāsanaṃ bharturvijñāya haripuṅgavāḥ || 2 ||
śalabhā iva sañchādya medinīṃ sampratasthire |
rāmaḥ prasravaṇe tasminyavasatsahalakṣmaṇaḥ || 3 ||
pratīkṣamāṇastaṃ māsaṃ yassītādhigame kṛtaḥ |
uttarāṃ tu diśaṃ ramyāṃ girirājasamāvṛtām || 4 ||
pratasthe sahasā vīro hariśśatavalistadā |
pūrvāṃ diśaṃ pratiyayau vinato hariyūthapaḥ || 5 ||
tārāṅgadādisahitaḥ plavaṅgo mārutātmajaḥ |
agatyācaritāmāśāṃ dakṣiṇāṃ hariyūthapaḥ || 6 ||
paścimāṃ tu bhṛśaṃ ghorāṃ suṣeṇaḥ plavageśvaraḥ |
pratasthe hariśārdūlo diśaṃ varuṇapālitām || 7 ||
tatassarvā diśo rājā codayitvā yathātatham |
kapisenāpatīnmukhyānmumoda sukhitassukham || 8 ||
evaṃ sambodhitāssarve rājñā vānarayūthapāḥ |
svāṃ svāṃ diśamabhiprattya tvaritā sampratasthire || 9 ||
nadantaśconnadantaśca garjantaśca plavaṅgamāḥ |
kṣvelanto dhāvamānāśca vinadanto mahābalāḥ || 10 ||
evaṃ samboditāssarve rājñā vānarayūthapāḥ |
ānayiṣyāmahe sītāṃ haniṣyāmaśca rāvaṇam || 11 ||
ahameko haniṣyāmi rāvaṇaṃ prāptamāhave |
tataśconmathya sahasā hariṣye janakātmajām || 12 ||
vepamānāṃ śrameṇādya bhavadbhiḥ sthīyatāmiti |
eka evāhariṣyāmi pātālādapi jānakīm || 13 ||
vadhiṣyāmyahaṃ vṛkṣān dārayiṣyāmyahaṃ girīn |
dharaṇīṃ dārayiṣyāmi kṣobhayiṣyāmi sāgarān || 14 ||
ahaṃ yojanasaṅkhyāyāḥ plavitā nātra saṃśayaḥ |
śataṃ yojanasaṅkhyāyāśśataṃ samadhikaṃ hyaham || 15 ||
bhūtale sāgare vā'pi śaileṣu ca vaneṣu ca |
pātālasyāpi vā madhye na mamācchidyate gatiḥ || 16 ||
ityekaikaṃ tadā tatra vānarā baladarpitāḥ |
ūcuśca vacanaṃ tatra harirājasya sannidhau || 17 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe pañcacatvāriṃśassargaḥ ||
InfoLyter.in — Sacred Vedic Knowledge Portal · Free forever