📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.44 அரண்யகாண்ட - சதுஶ்சத்வாரிம்ஶ ஸர்கஃ
3.44 Aranyakanda - Chatushchatvarimsha Sargah
Valmiki Tamil
ஶ்ரீமத்வால்மீகீய ராமாயணே அரண்யகாண்டம் ।
அத சதுஶ்சத்வாரிம்ஶஸ்ஸர்கஃ ।
ததா து தம் ஸமாதிஶ்ய ப்ராதரம் ரகுநந்தநஃ ।
பபந்தாஸிம் மஹாதேஜா ஜாம்பூநதமயத்ஸரும் ॥ 1 ॥
தத ஸ்த்ர்யவநதம் சாபமாதாயாऽத்மவிபூஷணம் ।
ஆபத்ய ச கலாபௌ த்வௌ ஜகாமோதக்ரவிக்ரமஃ ॥ 2 ॥
தம் வஞ்சயாநோ ராஜேந்த்ரமாபதந்தம் நிரீக்ஷ்யவை ।
பபூவாந்தர்ஹிதஸ்த்ராஸாத்புநஸ்ஸந்தர்ஶநேऽபவத் ।
ச ॥ 3 ॥
பத்தாஸிர்தநுராதாய ப்ரதுத்ராவ யதோ ம்ரு'கஃ ।
தம் ஸ்ம பஶ்யதி ரூபேண த்யோதமாநமிவாக்ரதஃ ॥ 4 ॥
அவேக்ஷ்யாவேக்ஷ்ய தாவந்தம் தநுஷ்பாணிர்மஹாவநே ।
அதிவ்ரு'த்தமிஷோஃ பாதால்லோபயாநம் கதாசந ॥ 5 ॥
ஶங்கிதந்து ஸமுத்ப்ராந்தமுத்பதந்தமிவாம்பரே ।
த்ரு'ஶ்யமாநமத்ரு'ஶ்யம் ச வநோத்தேஶேஷு கேஷுசித் ॥ 6 ॥
சிந்நாப்ரைரிவ ஸம்வீதம் ஶாரதம் சந்த்ரமண்டலம் ।
முஹுர்தாதேவ தத்ரு'ஶே முஹுர்தூராத்ப்ரகாஶதே ॥ 7 ॥
தர்ஶநாதர்ஶநாதேவம் ஸோऽபாகர்ஷத ராகவம் ।
ஸுதூரமாஶ்ரமஸ்யாஸ்ய மாரீசோ ம்ரு'கதாம் கதஃ ॥ 8 ॥
ஆஸீத் க்ருத்தஸ்து காகுத்ஸ்தோ விவஶஸ்தேந மோஹிதஃ ।
அதாவதஸ்தே ஸம்ப்ராந்தஶ்சாயாமாஶ்ரித்ய ஶாத்வலே ॥ 9 ॥
ஸ தமுந்மாதயாமாஸ ம்ரு'கரூபோ நிஶாசரஃ ।
ம்ரு'கைஃ பரிவ்ரு'தோ வந்யைரதூராத்ப்ரத்யத்ரு'ஶ்யத ॥ 10 ॥
க்ரு'ஹீதுகாமம் த்ரு'ஷ்ட்வைவம் புநரேவாப்யதாவத ।
தத்க்ஷணாதேவ ஸந்த்ராஸாத்புநரந்தர்ஹிதோऽபவத் ॥ 11 ॥
புநரேவ ததோ தூராத்வ்ரு'க்ஷஷண்டாத்விநிஸ்ஸ்ரு'தம் ।
த்ரு'ஷ்ட்வா ராமோ மஹாதேஜாஸ்தம் ஹந்தும் க்ரு'தநிஶ்சயஃ ॥ 12 ॥
பூயஸ்து ஶரமுத்த்ரு'த்ய குபிதஸ்தத்ர ராகவஃ ।
ஸூர்யரஶ்மிப்ரதீகாஶம் ஜ்வலந்தமரிமர்தநஃ ॥ 13 ॥
ஸந்தாய ஸுத்ரு'டே சாபே விக்ரு'ஷ்ய பலவத்பலீ ।
தமேவ ம்ரு'கமுத்திஶ்ய ஶ்வஸந்தமிவ பந்நகம் ॥ 14 ॥
முமோச ஜ்வலிதம் தீப்தமஸ்த்ரம் ப்ரஹ்மவிநிர்மிதம் ।
ஶரீரம் ம்ரு'கரூபஸ்ய விநிர்பித்ய ஶரோத்தமஃ ॥ 15 ॥
மாரீசஸ்யைவ ஹ்ரு'தயம் பிபேதாஶநிஸந்நிபஃ ।
தாலமாத்ரமதோத்ப்லுத்ய ந்யபதத்ஸஶராதுரஃ ॥ 16 ॥
விநதந்பைரவம் நாதம் தரண்யாமல்பஜீவிதஃ ।
ம்ரியமாணஸ்து மாரீசோ ஜஹௌ தாம் க்ரு'த்ரிமாம் தநும் ॥ 17 ॥
ஸ்ம்ரு'த்வா தத்வசநம் ரக்ஷோ தத்யௌ கேந து லக்ஷ்மணம் ।
இஹ ப்ரஸ்தாபயேத்ஸீதா ஶூந்யே தாம் ராவணோ ஹரேத் ॥ 18 ॥
ஸ ப்ராப்தகாலமாஜ்ஞாய சகார ச தத ஸ்வநம் ।
ஸத்ரு'ஶம் ராகவஸ்யேஹ ஹா ஸீதே லக்ஷ்மணேதி ச ॥ 19 ॥
தேந மர்மணி நிர்வித்தம் ஶரேணாநுபமேந ஹி ।
ம்ரு'கரூபம் து தத்த்யக்த்வா ராக்ஷஸம் ரூபமாஸ்திதஃ ॥ 20 ॥
சக்ரே ஸ ஸுமஹாகாயம் மாரீசோ ஜீவிதம் த்யஜந் ।
தம் த்ரு'ஷ்ட்வா பதிதம் பூமௌ ராக்ஷஸம் கோரதர்ஶநம் ॥ 21 ॥
ராமோ ருதிரஸிக்தாங்கம் சேஷ்டமாநம் மஹீதலே ।
ஜகாம மநஸா ஸீதாம் லக்ஷ்மணஸ்ய வசஸ்ஸ்மரந் ॥ 22 ॥
மாரீசஸ்ய து மாயைஷா பூர்வோக்தம் லக்ஷ்மணேந து ।
தத்ததா ஹ்யபவச்சாத்ய மாரீசோऽயம் மயா ஹதஃ ॥ 23 ॥
ஹா ஸீதே லக்ஷ்மணேத்யேவமாக்ருஶ்ய ச மஹாஸ்வரம் ।
மமார ராக்ஷஸஸ்ஸோऽயம் ஶ்ருத்வா ஸீதா கதம் பவேத் ॥ 24 ॥
லக்ஷ்மணஶ்ச மஹாபாஹுஃ காமவஸ்தாம் கமிஷ்யதி ।
இதி ஸஞ்சிந்த்ய தர்மாத்மா ராமோ ஹ்ரு'ஷ்டதநூருஹஃ ॥ 25 ॥
தத்ர ராமம் பயம் தீவ்ரமாவிவேஶ விஷாதஜம் ।
ராக்ஷஸம் ம்ரு'கரூபம் தம் ஹத்வா ஶ்ருத்வா ச தத்ஸ்வரம் ॥ 26 ॥
நிஹத்ய ப்ரு'ஷதம் சாந்யம் மாம்ஸமாதாய ராகவஃ ।
த்வரமாணோ ஜநஸ்தாநம் ஸஸாராபிமுகஸ்ததா ॥ 27 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே சதுஶ்சத்வாரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha catuścatvāriṃśassargaḥ |
tathā tu taṃ samādiśya bhrātaraṃ raghunandanaḥ |
babandhāsiṃ mahātejā jāmbūnadamayatsarum || 1 ||
tata stryavanataṃ cāpamādāyā'tmavibhūṣaṇam |
ābadhya ca kalāpau dvau jagāmodagravikramaḥ || 2 ||
taṃ vañcayāno rājendramāpatantaṃ nirīkṣyavai |
babhūvāntarhitastrāsātpunassandarśane'bhavat |
ca || 3 ||
baddhāsirdhanurādāya pradudrāva yato mṛgaḥ |
taṃ sma paśyati rūpeṇa dyotamānamivāgrataḥ || 4 ||
avekṣyāvekṣya dhāvantaṃ dhanuṣpāṇirmahāvane |
ativṛttamiṣoḥ pātāllobhayānaṃ kadācana || 5 ||
śaṅkitantu samudbhrāntamutpatantamivāmbare |
dṛśyamānamadṛśyaṃ ca vanoddeśeṣu keṣucit || 6 ||
chinnābhrairiva saṃvītaṃ śāradaṃ candramaṇḍalam |
muhurtādeva dadṛśe muhurdūrātprakāśate || 7 ||
darśanādarśanādevaṃ so'pākarṣata rāghavam |
sudūramāśramasyāsya mārīco mṛgatāṃ gataḥ || 8 ||
āsīt kruddhastu kākutstho vivaśastena mohitaḥ |
athāvatasthe sambhrāntaścāyāmāśritya śādvale || 9 ||
sa tamunmādayāmāsa mṛgarūpo niśācaraḥ |
mṛgaiḥ parivṛto vanyairadūrātpratyadṛśyata || 10 ||
gṛhītukāmaṃ dṛṣṭvaivaṃ punarevābhyadhāvata |
tatkṣaṇādeva santrāsātpunarantarhito'bhavat || 11 ||
punareva tato dūrādvṛkṣaṣaṇḍādvinissṛtam |
dṛṣṭvā rāmo mahātejāstaṃ hantuṃ kṛtaniścayaḥ || 12 ||
bhūyastu śaramuddhṛtya kupitastatra rāghavaḥ |
sūryaraśmipratīkāśaṃ jvalantamarimardanaḥ || 13 ||
sandhāya sudṛḍhe cāpe vikṛṣya balavadbalī |
tameva mṛgamuddiśya śvasantamiva pannagam || 14 ||
mumoca jvalitaṃ dīptamastraṃ brahmavinirmitam |
śarīraṃ mṛgarūpasya vinirbhidya śarottamaḥ || 15 ||
mārīcasyaiva hṛdayaṃ bibhedāśanisannibhaḥ |
tālamātramathotplutya nyapatatsaśarāturaḥ || 16 ||
vinadanbhairavaṃ nādaṃ dharaṇyāmalpajīvitaḥ |
mriyamāṇastu mārīco jahau tāṃ kṛtrimāṃ tanum || 17 ||
smṛtvā tadvacanaṃ rakṣo dadhyau kena tu lakṣmaṇam |
iha prasthāpayetsītā śūnye tāṃ rāvaṇo haret || 18 ||
sa prāptakālamājñāya cakāra ca tata svanam |
sadṛśaṃ rāghavasyeha hā sīte lakṣmaṇeti ca || 19 ||
tena marmaṇi nirviddhaṃ śareṇānupamena hi |
mṛgarūpaṃ tu tattyaktvā rākṣasaṃ rūpamāsthitaḥ || 20 ||
cakre sa sumahākāyaṃ mārīco jīvitaṃ tyajan |
taṃ dṛṣṭvā patitaṃ bhūmau rākṣasaṃ ghoradarśanam || 21 ||
rāmo rudhirasiktāṅgaṃ ceṣṭamānaṃ mahītale |
jagāma manasā sītāṃ lakṣmaṇasya vacassmaran || 22 ||
mārīcasya tu māyaiṣā pūrvoktaṃ lakṣmaṇena tu |
tattathā hyabhavaccādya mārīco'yaṃ mayā hataḥ || 23 ||
hā sīte lakṣmaṇetyevamākruśya ca mahāsvaram |
mamāra rākṣasasso'yaṃ śrutvā sītā kathaṃ bhavet || 24 ||
lakṣmaṇaśca mahābāhuḥ kāmavasthāṃ gamiṣyati |
iti sañcintya dharmātmā rāmo hṛṣṭatanūruhaḥ || 25 ||
tatra rāmaṃ bhayaṃ tīvramāviveśa viṣādajam |
rākṣasaṃ mṛgarūpaṃ taṃ hatvā śrutvā ca tatsvaram || 26 ||
nihatya pṛṣataṃ cānyaṃ māṃsamādāya rāghavaḥ |
tvaramāṇo janasthānaṃ sasārābhimukhastadā || 27 ||
ityārṣe śrīmadrāmāyaṇe vālmīkīya ādikāvye araṇyakāṇḍe catuścatvāriṃśassargaḥ ||
InfoLyter.in — Sacred Vedic Knowledge Portal · Free forever