1.7 Balakanda - Saptama Sargah

ॐ

1.7 பாலகாண்ட - ஸப்தம ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத ஸப்தமஸ்ஸர்கஃ ।

. தஸ்யாமாத்யா குணைராஸந்நிக்ஷ்வாகோஸ்து மஹாத்மநஃ ।

மந்த்ரஜ்ஞாஶ்சேங்கிதஜ்ஞாஶ்ச நித்யம் ப்ரியஹிதே ரதாஃ ॥ 1 ॥

அஷ்டௌ பபூவுர்வீரஸ்ய தஸ்யாமாத்யா யஶஸ்விநஃ ।

ஶுசயஶ்சாநுரக்தாஶ்ச ராஜக்ரு'த்யேஷு நித்யஶஃ ॥ 2 ॥

த்ரு'ஷ்டிர்ஜயந்தோ விஜயஸ்ஸித்தார்தோ ஹ்யர்தஸாதகஃ ।

அஶோகோ மந்த்ரபாலஶ்ச ஸுமந்த்ரஶ்சாஷ்டமோऽபவத் ॥ 3 ॥

ரு'த்விஜௌ த்வாவபிமதௌ தஸ்யாऽऽஸ்தாம்ரு'ஷிஸத்தமௌ ।

வஸிஷ்டோ வாமதேவஶ்ச மந்த்ரிணஶ்ச ததாபரே ॥ 4 ॥

வித்யாவிநீதா ஹ்ரீமந்தஃ குஶலா நியதேந்த்ரியாஃ ।

ஶ்ரீமந்தஶ்ச மஹாத்மாநஶ்ஶாஸ்த்ரஜ்ஞா த்ரு'டவிக்ரமாஃ ॥ 5 ॥

கீர்திமந்தஃ ப்ரணிஹிதாஃ யதாவசநகாரிணஃ ।

தேஜஃ க்ஷமாயஶஃப்ராப்தா ஸ்மிதபூர்வாபிபாஷிணஃ ॥ 6 ॥

க்ரோதாத்காமார்தஹேதோர்வா ந ப்ரூயுரந்ரு'தம் வசஃ ।

தேஷாமவிதிதம் கிஞ்சித்ஸ்வேஷு நாஸ்தி பரேஷு வா ।

க்ரியமாணம் க்ரு'தம் வாபி சாரேணாபி சிகீர்ஷிதம் ॥ 7 ॥

குஶலா வ்யவஹாரேஷு ஸௌஹ்ரு'தேஷு பரீக்ஷிதாஃ ।

ப்ராப்தகாலம் து தே தண்டம் தாரயேயுஸ்ஸுதேஷ்வபி ॥ 8 ॥

கோஶஸங்க்ரஹணே யுக்தா பலஸ்ய ச பரிக்ரஹே ।

அஹிதம் சாபி புருஷம் ந விஹிம்ஸ்யுரதூஷகம் ॥ 9 ॥

வீராஶ்ச நியதோத்ஸாஹா ராஜஶாஸ்த்ரமநுஷ்டிதாஃ ।

ஶுசீநாம் ரக்ஷிதாரஶ்ச நித்யம் விஷயவாஸிநாம் ॥ 10 ॥

ப்ரஹ்ம க்ஷத்ரமஹிம்ஸந்தஸ்தே கோஶம் ஸமபூரயந் ।

ஸுதீக்ஷ்ணதண்டாஸ்ஸம்ப்ரேக்ஷ்ய புருஷஸ்ய பலாபலம் ॥ 11 ॥

ஶுசீநாமேகபுத்தீநாம் ஸர்வேஷாம் ஸம்ப்ரஜாநதாம் ।

நாஸீத்புரே வா ராஷ்ட்ரே வா ம்ரு'ஷாவாதீ நரஃ க்வசித் ॥ 12 ॥

கஶ்சிந்ந துஷ்டஸ்தத்ராஸீத்பரதாரரதோ நரஃ ।

ப்ரஶாந்தம் ஸர்வமேவாஸீத்ராஷ்ட்ரம் புரவரம் ச தத் ॥ 13 ॥

ஸுவாஸஸஸ்ஸுவேஷாஶ்ச தே ச ஸர்வே ஸுஶீலிநஃ ।

ஹிதார்தம் ச நரேந்த்ரஸ்ய ஜாக்ரதோ நயசக்ஷுஷா ॥ 14 ॥

குரோர்குணக்ரு'ஹீதாஶ்ச ப்ரக்யாதாஶ்ச பராக்ரமே ।

விதேஶேஷ்வபி விஜ்ஞாதாஸ்ஸர்வதோ புத்திநிஶ்சயாத் ॥ 15 ॥

ஸந்திவிக்ரஹதத்த்வஜ்ஞாஃ ப்ரக்ரு'த்யா ஸம்பதாந்விதாஃ ॥ 16 ॥

மந்த்ரஸம்வரணே ஶக்தாஶ்ஶ்லக்ஷ்ணாஸ்ஸூக்ஷ்மாஸு புத்திஷு ।

நீதிஶாஸ்த்ரவிஶேஷஜ்ஞாஸ்ஸததம் ப்ரியவாதிநஃ ॥ 17 ॥

ஈத்ரு'ஶைஸ்தைரமாத்யைஸ்து ராஜா தஶரதோऽநகஃ ।

உபபந்நோ குணோபேதைரந்வஶாஸத்வஸுந்தராம் ॥ 18 ॥

அவேக்ஷமாணஶ்சாரேண ப்ரஜா தர்மேண ரஞ்ஜயந் ।

ப்ரஜாநாம் பாலநம் குர்வந்நதர்மாந்பரிவர்ஜயந் ॥ 19 ॥

விஶ்ருதஸ்த்ரிஷு லோகேஷு வதாந்யஸ்ஸத்யஸங்கரஃ ।

ஸ தத்ர புருஷவ்யாக்ரஶ்ஶஶாஸ ப்ரு'திவீமிமாம் ॥ 20 ॥

நாத்யகச்சத்விஶிஷ்டம் வா துல்யம் வா ஶத்ருமாத்மநஃ ।

மித்ரவாந்நதஸாமந்தஃ ப்ரதாபஹதகண்டகஃ ॥ 21 ॥

ஸ ஶஶாஸ ஜகத்ராஜா திவம் தேவபதிர்யதா ।

தைர்மந்த்ரிபிர்மந்த்ரஹிதே நியுக்தை ர்வ்ரு'தோऽநுரக்தைஃ குஶலைஸ்ஸமர்தைஃ ।

ஸ பார்திவோ தீப்திமவாப யுக்த ஸ்தேஜோமயைர்கோபிரிவோதிதோऽர்கஃ ॥ 22 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஸப்தமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha saptamassargaḥ |

. tasyāmātyā guṇairāsannikṣvākostu mahātmanaḥ |

mantrajñāśceṅgitajñāśca nityaṃ priyahite ratāḥ || 1 ||

aṣṭau babhūvurvīrasya tasyāmātyā yaśasvinaḥ |

śucayaścānuraktāśca rājakṛtyeṣu nityaśaḥ || 2 ||

dhṛṣṭirjayanto vijayassiddhārtho hyarthasādhakaḥ |

aśoko mantrapālaśca sumantraścāṣṭamo'bhavat || 3 ||

ṛtvijau dvāvabhimatau tasyā''stāmṛṣisattamau |

vasiṣṭho vāmadevaśca mantriṇaśca tathāpare || 4 ||

vidyāvinītā hrīmantaḥ kuśalā niyatendriyāḥ |

śrīmantaśca mahātmānaśśāstrajñā dṛḍhavikramāḥ || 5 ||

kīrtimantaḥ praṇihitāḥ yathāvacanakāriṇaḥ |

tejaḥ kṣamāyaśaḥprāptā smitapūrvābhibhāṣiṇaḥ || 6 ||

krodhātkāmārthahetorvā na brūyuranṛtaṃ vacaḥ |

teṣāmaviditaṃ kiñcitsveṣu nāsti pareṣu vā |

kriyamāṇaṃ kṛtaṃ vāpi cāreṇāpi cikīrṣitam || 7 ||

kuśalā vyavahāreṣu sauhṛdeṣu parīkṣitāḥ |

prāptakālaṃ tu te daṇḍaṃ dhārayeyussuteṣvapi || 8 ||

kośasaṅgrahaṇe yuktā balasya ca parigrahe |

ahitaṃ cāpi puruṣaṃ na vihiṃsyuradūṣakam || 9 ||

vīrāśca niyatotsāhā rājaśāstramanuṣṭhitāḥ |

śucīnāṃ rakṣitāraśca nityaṃ viṣayavāsinām || 10 ||

brahma kṣatramahiṃsantaste kośaṃ samapūrayan |

sutīkṣṇadaṇḍāssamprekṣya puruṣasya balābalam || 11 ||

śucīnāmekabuddhīnāṃ sarveṣāṃ samprajānatām |

nāsītpure vā rāṣṭre vā mṛṣāvādī naraḥ kvacit || 12 ||

kaścinna duṣṭastatrāsītparadārarato naraḥ |

praśāntaṃ sarvamevāsīdrāṣṭraṃ puravaraṃ ca tat || 13 ||

suvāsasassuveṣāśca te ca sarve suśīlinaḥ |

hitārthaṃ ca narendrasya jāgrato nayacakṣuṣā || 14 ||

gurorguṇagṛhītāśca prakhyātāśca parākrame |

videśeṣvapi vijñātāssarvato buddhiniścayāt || 15 ||

sandhivigrahatattvajñāḥ prakṛtyā sampadānvitāḥ || 16 ||

mantrasaṃvaraṇe śaktāśślakṣṇāssūkṣmāsu buddhiṣu |

nītiśāstraviśeṣajñāssatataṃ priyavādinaḥ || 17 ||

īdṛśaistairamātyaistu rājā daśaratho'naghaḥ |

upapanno guṇopetairanvaśāsadvasundharām || 18 ||

avekṣamāṇaścāreṇa prajā dharmeṇa rañjayan |

prajānāṃ pālanaṃ kurvannadharmānparivarjayan || 19 ||

viśrutastriṣu lokeṣu vadānyassatyasaṅgaraḥ |

sa tatra puruṣavyāghraśśaśāsa pṛthivīmimām || 20 ||

nādhyagacchadviśiṣṭaṃ vā tulyaṃ vā śatrumātmanaḥ |

mitravānnatasāmantaḥ pratāpahatakaṇṭakaḥ || 21 ||

sa śaśāsa jagadrājā divaṃ devapatiryathā |

tairmantribhirmantrahite niyuktai rvṛto'nuraktaiḥ kuśalaissamarthaiḥ |

sa pārthivo dīptimavāpa yukta stejomayairgobhirivodito'rkaḥ || 22 ||

ityārṣe śrīmadrāmāyaṇe vālmīkīya ādikāvye bālakāṇḍe saptamassargaḥ ||