1.69 Balakanda - Ekonasaptatitama Sargah

ॐ

1.69 பாலகாண்ட - ஏகோநஸப்ததிதம ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத ஏகோநஸப்ததிதமஸ்ஸர்கஃ ।

ததோ ராத்ர்யாம் வ்யதீதாயாம் ஸோபாத்யாயஃ ஸபாந்தவஃ ।

ராஜா தஶரதோ ஹ்ரு'ஷ்ட ஸ்ஸுமந்த்ரமிதமப்ரவீத் ॥ 1 ॥

அத்ய ஸர்வே தநாத்யக்ஷா தநமாதாய புஷ்கலம் ।

வ்ரஜந்த்வக்ரே ஸுவிஹிதா நாநாரத்நஸமந்விதாஃ ॥ 2 ॥

சதுரங்கபலம் சாபி ஶீக்ரம் நிர்யாது ஸர்வஶஃ ।

மமஜ்ஞாஸமகாலம் ச யாநயுக்யமநுத்தமம் ॥ 3 ॥

வஸிஷ்டோ வாமதேவஶ்ச ஜாபாலிரத காஶ்யபஃ ।

மார்கண்டேயஶ்ச தீர்காயுஃரு'ஷிஃ காத்யாயநஸ்ததா ॥ 4 ॥

ஏதே த்விஜாஃ ப்ரயாந்த்வக்ரே ஸ்யந்தநம் யோஜயஸ்வ மே ।

யதா காலாத்யயோ ந ஸ்யா த்தூதா ஹி த்வரயந்தி மாம் ॥ 5 ॥

வசநாத்து நரேந்த்ரஸ்ய ஸா ஸேநா சதுரங்கிணீ ।

ராஜாநம்ரு'ஷிபி ஸ்ஸார்தம் வ்ரஜந்தம் ப்ரு'ஷ்டதோऽந்வகாத் ॥ 6 ॥

கத்வா சதுரஹம் மார்கம் விதேஹாநப்யுபேயிவாந் ।

ராஜா து ஜநக ஶ்ஶ்ரீமாந் ஶ்ஶ்ருத்வா பூஜாமகல்பயத் ॥ 7 ॥

ததோ ராஜாநமாஸாத்ய வ்ரு'த்தம் தஶரதம் ந்ரு'பம் ।

ஜநகோ முதிதோ ராஜா ஹர்ஷம் ச பரமம் யயௌ ॥ 8 ॥

உவாச ச நரஶ்ரேஷ்டோ நரஶ்ரேஷ்டம் முதாऽந்விதஃ ।

ஸ்வாகதம் தே மஹாராஜ திஷ்ட்யா ப்ராப்தோऽஸி ராகவ ॥ 9 ॥

புத்ரயோருபயோஃ ப்ரீதிம் லப்ஸ்யஸே வீர்யநிர்ஜிதாம் ।

திஷ்ட்யா ப்ராப்தோ மஹாதேஜா வஸிஷ்டோ பகவாந்ரு'ஷிஃ ॥ 10 ॥

ஸஹ ஸர்வைர்த்விஜஶ்ரேஷ்டைர்தேவைரிவ ஶதக்ரதுஃ ।

திஷ்ட்யா மே நிர்ஜிதா விக்நா திஷ்ட்யா மே பூஜிதம் குலம் ॥ 11 ॥

ராகவை ஸ்ஸஹ ஸம்பந்தாத்வீர்யஶ்ரேஷ்டைர்மஹாத்மபிஃ ।

ஶ்வஃ ப்ரபாதே நரேந்த்ரேந்த்ர நிர்வர்தயிதுமர்ஹஸி ॥ 12 ॥

யஜ்ஞஸ்யாந்தே நரஶ்ரேஷ்ட விவாஹம்ரு'ஷிஸம்மதம் ।

தஸ்ய தத்வசநம் ஶ்ருத்வா ரு'ஷிமத்யே நராதிபஃ ॥ 13 ॥

வாக்யம் வாக்யவிதாம் ஶ்ரேஷ்டஃ ப்ரத்யுவாச மஹீபதிம் ।

ப்ரதிக்ரஹோ தாத்ரு'வஶ ஶ்ஶ்ர்ரு'தமேதந்மயா புரா ॥ 14 ॥

யதா வக்ஷ்யஸி தர்மஜ்ஞ தத்கரிஷ்யாமஹே வயம் ।

தர்மிஷ்டம் ச யஶஸ்யம் ச வசநம் ஸத்யவாதிநஃ ॥ 15 ॥

ஶ்ருத்வா விதேஹாதிபதிஃ பரம் விஸ்மயமாகதஃ ।

தத ஸ்ஸர்வே முநிகணாஃ பரஸ்பரஸமாகமே ॥ 16 ॥

ஹர்ஷேண மஹதா யுக்தாஸ்தாம் நிஶாமவஸந் ஸுகம் ।

ராஜா ச ராகவௌ புத்ரௌ நிஶாம்ய பரிஹர்ஷிதஃ ॥ 17 ॥

உவாஸ பரமப்ரீதோ ஜநகேந ஸுபூஜிதஃ ।

ஜநகோऽபி மஹாதேஜாஃ க்ரியாம் தர்மேண தத்த்வவித் ॥ 18 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகோநஸப்ததிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha ekonasaptatitamassargaḥ |

tato rātryāṃ vyatītāyāṃ sopādhyāyaḥ sabāndhavaḥ |

rājā daśaratho hṛṣṭa ssumantramidamabravīt || 1 ||

adya sarve dhanādhyakṣā dhanamādāya puṣkalam |

vrajantvagre suvihitā nānāratnasamanvitāḥ || 2 ||

caturaṅgabalaṃ cāpi śīghraṃ niryātu sarvaśaḥ |

mamajñāsamakālaṃ ca yānayugyamanuttamam || 3 ||

vasiṣṭho vāmadevaśca jābāliratha kāśyapaḥ |

mārkaṇḍeyaśca dīrghāyuḥṛṣiḥ kātyāyanastathā || 4 ||

ete dvijāḥ prayāntvagre syandanaṃ yojayasva me |

yathā kālātyayo na syā ddūtā hi tvarayanti mām || 5 ||

vacanāttu narendrasya sā senā caturaṅgiṇī |

rājānamṛṣibhi ssārdhaṃ vrajantaṃ pṛṣṭhato'nvagāt || 6 ||

gatvā caturahaṃ mārgaṃ videhānabhyupeyivān |

rājā tu janaka śśrīmān śśrutvā pūjāmakalpayat || 7 ||

tato rājānamāsādya vṛddhaṃ daśarathaṃ nṛpam |

janako mudito rājā harṣaṃ ca paramaṃ yayau || 8 ||

uvāca ca naraśreṣṭho naraśreṣṭhaṃ mudā'nvitaḥ |

svāgataṃ te mahārāja diṣṭyā prāpto'si rāghava || 9 ||

putrayorubhayoḥ prītiṃ lapsyase vīryanirjitām |

diṣṭyā prāpto mahātejā vasiṣṭho bhagavānṛṣiḥ || 10 ||

saha sarvairdvijaśreṣṭhairdevairiva śatakratuḥ |

diṣṭyā me nirjitā vighnā diṣṭyā me pūjitaṃ kulam || 11 ||

rāghavai ssaha sambandhādvīryaśreṣṭhairmahātmabhiḥ |

śvaḥ prabhāte narendrendra nirvartayitumarhasi || 12 ||

yajñasyānte naraśreṣṭha vivāhamṛṣisammatam |

tasya tadvacanaṃ śrutvā ṛṣimadhye narādhipaḥ || 13 ||

vākyaṃ vākyavidāṃ śreṣṭhaḥ pratyuvāca mahīpatim |

pratigraho dātṛvaśa śśrṛtametanmayā purā || 14 ||

yathā vakṣyasi dharmajña tatkariṣyāmahe vayam |

dharmiṣṭhaṃ ca yaśasyaṃ ca vacanaṃ satyavādinaḥ || 15 ||

śrutvā videhādhipatiḥ paraṃ vismayamāgataḥ |

tata ssarve munigaṇāḥ parasparasamāgame || 16 ||

harṣeṇa mahatā yuktāstāṃ niśāmavasan sukham |

rājā ca rāghavau putrau niśāmya pariharṣitaḥ || 17 ||

uvāsa paramaprīto janakena supūjitaḥ |

janako'pi mahātejāḥ kriyāṃ dharmeṇa tattvavit || 18 ||

ityārṣe śrīmadrāmāyaṇe vālmīkīya ādikāvye bālakāṇḍe ekonasaptatitamassargaḥ ||