📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
1.52 பாலகாண்ட - த்விபஞ்சாஶ ஸர்கஃ
1.52 Balakanda - Dvipanchasha Sargah
Valmiki Tamil
ஶ்ரீமத்வால்மீகீய ராமாயணே பாலகாண்டம் ।
அத த்விபஞ்சாஶஸ்ஸர்கஃ ।
ஸ த்ரு'ஷ்ட்வா பரமப்ரீதோ விஶ்வாமித்ரோ மஹாபலஃ ।
ப்ரணதோ விநயாத்வீரோ வஸிஷ்டம் ஜபதாம் வரம் ॥ 1 ॥
ஸ்வாகதம் தவ சேத்யுக்தோ வஸிஷ்டேந மஹாத்மநா ।
ஆஸநம் சாஸ்ய பகவாந் வஸிஷ்டோ வ்யாதிதேஶ ஹ ॥ 2 ॥
உபவிஷ்டாய ச ததா விஶ்வாமித்ராய தீமதே ।
யதாந்யாயம் முநிவரஃ பலமூலமுபாஹரத் ॥ 3 ॥
ப்ரதிக்ரு'ஹ்ய து தாம் பூஜாம் வஸிஷ்டாத்ராஜஸத்தமஃ ।
தபோக்நிஹோத்ரஶிஷ்யேஷு குஶலம் பர்யப்ரு'ச்சத ॥ 4 ॥
விஶ்வாமித்ரோ மஹாதேஜா வநஸ்பதிகணே ததா ।
ஸர்வத்ர குஶலம் சாஹ வஸிஷ்டோ ராஜஸத்தமம் ॥ 5 ॥
ஸுகோபவிஷ்டம் ராஜாநம் விஶ்வாமித்ரம் மஹாதபாஃ ।
பப்ரச்ச ஜபதாம் ஶ்ரேஷ்டோ வஸிஷ்டோ ப்ரஹ்மணஸ்ஸுதஃ ॥ 6 ॥
கச்சித்தே குஶலம் ராஜந் கச்சித்தர்மேண ரஞ்ஜயந் ।
ப்ரஜாஃ பாலயஸே வீர ராஜவ்ரு'த்தேந தார்மிக ॥ 7 ॥
கச்சித்தே ஸம்ப்ரு'தா ப்ரு'த்யாஃ கச்சித்திஷ்டந்தி ஶாஸநே ।
கச்சித்தே விஜிதாஸ்ஸர்வே ரிபவோ ரிபுஸூதந ॥ 8 ॥
கச்சித்பலேஷு கோஶேஷு மித்ரேஷு ச பரந்தப ।
குஶலம் தே நரவ்யாக்ர புத்ரபௌத்ரே தவாநக ॥ 9 ॥
ஸர்வத்ர குஶலம் ராஜா வஸிஷ்டம் ப்ரத்யுதாஹரத் ।
விஶ்வாமித்ரோ மஹாதேஜா வஸிஷ்டம் விநயாந்விதஃ ॥ 10 ॥
க்ரு'த்வோபௌ ஸுசிரம் காலம் தர்மிஷ்டௌ தாஃ கதாஃ ஶுபாஃ ।
முதா பரமயா யுக்தௌ ப்ரீயேதாம் தௌ பரஸ்பரம் ॥ 11 ॥
ததோ வஸிஷ்டோ பகவாந் கதாऽந்தே ரகுநந்தந ।
விஶ்வாமித்ரமிதம் வாக்யமுவாச ப்ரஹஸந்நிவ ॥ 12 ॥
ஆதித்யம் கர்துமிச்சாமி பலஸ்யாஸ்ய மஹாபல ।
தவ சைவாப்ரமேயஸ்ய யதார்ஹம் ஸம்ப்ரதீச்ச மே ॥ 13 ॥
ஸத்க்ரியாம் து பவாநேதாம் ப்ரதீச்சது மயோத்யதாம் ।
ராஜா த்வமதிதிஶ்ரேஷ்டஃ பூஜநீயஃ ப்ரயத்நதஃ ॥ 14 ॥
ஏவமுக்தோ வஸிஷ்டேந விஶ்வாமித்ரோ மஹாமதிஃ ।
க்ரு'தமித்யப்ரவீத்ராஜா ப்ரியவாக்யேந மே த்வயா ॥ 15 ॥
பலமூலேந பகவந் வித்யதே யத்தவாஶ்ரமே ।
பாத்யேநாசமநீயேந பகவத்தர்ஶநேந ச ॥ 16 ॥
ஸர்வதா ச மஹாப்ராஜ்ஞ பூஜார்ஹேண ஸுபூஜிதஃ ।
கமிஷ்யாமி நமஸ்தேऽஸ்து மைத்ரேணேக்ஷஸ்வ சக்ஷுஷா ॥ 17 ॥
ஏவம் ப்ருவந்தம் ராஜாநம் வஸிஷ்டஃபுநரேவ ஹி ।
ந்யமந்த்ரயத தர்மாத்மா புநஃபுநருதாரதீஃ ॥ 18 ॥
பாடமித்யேவ காதேயோ வஸிஷ்டம் ப்ரத்யுவாச ஹ ।
யதா ப்ரியம் பகவதஸ்ததாऽஸ்து முநிபுங்கவ ॥ 19 ॥
ஏவமுக்தோ மஹாதேஜா வஸிஷ்டோ ஜபதாம் வரஃ ।
ஆஜுஹாவ ததஃ ப்ரீதஃ கல்மாஷீம் தூதகல்மஷஃ ॥ 20 ॥
ஏஹ்யேஹி ஶபலே க்ஷிப்ரம் ஶ்ர்ரு'ணு சாபி வசோ மம ।
ஸபலஸ்யாஸ்ய ராஜர்ஷேஃகர்தும் வ்யவஸிதோऽஸ்ம்யஹம் ॥ 21 ॥
போஜநேந மஹார்ஹேண ஸத்காரம் ஸம்விதத்ஸ்வ மே ।
யஸ்ய யஸ்ய யதாகாமம் ஷட்ரஸேஷ்வபிபூஜிதம் ।
தத்ஸர்வம் காமதுக்க்ஷிப்ரமபிவர்ஷ க்ரு'தே மம ॥ 22 ॥
ரஸேநாந்நேந பாநேந லேஹ்யசோஷ்யேண ஸம்யுதம் ।
அந்நாநாம் நிசயம் ஸர்வம் ஸ்ரு'ஜஸ்வ ஶபலே த்வர ॥ 23 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே த்விபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha dvipañcāśassargaḥ |
sa dṛṣṭvā paramaprīto viśvāmitro mahābalaḥ |
praṇato vinayādvīro vasiṣṭhaṃ japatāṃ varam || 1 ||
svāgataṃ tava cetyukto vasiṣṭhena mahātmanā |
āsanaṃ cāsya bhagavān vasiṣṭho vyādideśa ha || 2 ||
upaviṣṭāya ca tadā viśvāmitrāya dhīmate |
yathānyāyaṃ munivaraḥ phalamūlamupāharat || 3 ||
pratigṛhya tu tāṃ pūjāṃ vasiṣṭhādrājasattamaḥ |
tapognihotraśiṣyeṣu kuśalaṃ paryapṛcchata || 4 ||
viśvāmitro mahātejā vanaspatigaṇe tathā |
sarvatra kuśalaṃ cāha vasiṣṭho rājasattamam || 5 ||
sukhopaviṣṭaṃ rājānaṃ viśvāmitraṃ mahātapāḥ |
papraccha japatāṃ śreṣṭho vasiṣṭho brahmaṇassutaḥ || 6 ||
kaccitte kuśalaṃ rājan kacciddharmeṇa rañjayan |
prajāḥ pālayase vīra rājavṛttena dhārmika || 7 ||
kaccitte sambhṛtā bhṛtyāḥ kaccittiṣṭhanti śāsane |
kaccitte vijitāssarve ripavo ripusūdana || 8 ||
kaccidbaleṣu kośeṣu mitreṣu ca parantapa |
kuśalaṃ te naravyāghra putrapautre tavānagha || 9 ||
sarvatra kuśalaṃ rājā vasiṣṭhaṃ pratyudāharat |
viśvāmitro mahātejā vasiṣṭhaṃ vinayānvitaḥ || 10 ||
kṛtvobhau suciraṃ kālaṃ dharmiṣṭhau tāḥ kathāḥ śubhāḥ |
mudā paramayā yuktau prīyetāṃ tau parasparam || 11 ||
tato vasiṣṭho bhagavān kathā'nte raghunandana |
viśvāmitramidaṃ vākyamuvāca prahasanniva || 12 ||
ātithyaṃ kartumicchāmi balasyāsya mahābala |
tava caivāprameyasya yathārhaṃ sampratīccha me || 13 ||
satkriyāṃ tu bhavānetāṃ pratīcchatu mayodyatām |
rājā tvamatithiśreṣṭhaḥ pūjanīyaḥ prayatnataḥ || 14 ||
evamukto vasiṣṭhena viśvāmitro mahāmatiḥ |
kṛtamityabravīdrājā priyavākyena me tvayā || 15 ||
phalamūlena bhagavan vidyate yattavāśrame |
pādyenācamanīyena bhagavaddarśanena ca || 16 ||
sarvathā ca mahāprājña pūjārheṇa supūjitaḥ |
gamiṣyāmi namaste'stu maitreṇekṣasva cakṣuṣā || 17 ||
evaṃ bruvantaṃ rājānaṃ vasiṣṭhaḥpunareva hi |
nyamantrayata dharmātmā punaḥpunarudāradhīḥ || 18 ||
bāḍhamityeva gādheyo vasiṣṭhaṃ pratyuvāca ha |
yathā priyaṃ bhagavatastathā'stu munipuṅgava || 19 ||
evamukto mahātejā vasiṣṭho japatāṃ varaḥ |
ājuhāva tataḥ prītaḥ kalmāṣīṃ dhūtakalmaṣaḥ || 20 ||
ehyehi śabale kṣipraṃ śrṛṇu cāpi vaco mama |
sabalasyāsya rājarṣeḥkartuṃ vyavasito'smyaham || 21 ||
bhojanena mahārheṇa satkāraṃ saṃvidhatsva me |
yasya yasya yathākāmaṃ ṣaḍraseṣvabhipūjitam |
tatsarvaṃ kāmadhukkṣipramabhivarṣa kṛte mama || 22 ||
rasenānnena pānena lehyacoṣyeṇa saṃyutam |
annānāṃ nicayaṃ sarvaṃ sṛjasva śabale tvara || 23 ||
ityārṣe śrīmadrāmāyaṇe vālmīkīya ādikāvye bālakāṇḍe dvipañcāśassargaḥ ||
InfoLyter.in — Sacred Vedic Knowledge Portal · Free forever