1.4 Balakanda - Chaturtha Sargah

ॐ

1.4 பாலகாண்ட - சதுர்த ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத சதுர்தஸ்ஸர்கஃ ।

ப்ராப்தராஜ்யஸ்ய ராமஸ்ய வால்மீகிர்பகவாந்ரு'ஷிஃ ।

சகார சரிதம் க்ரு'த்ஸ்நம் விசித்ரபதமாத்மவாந் ॥ 1 ॥

சதுர்விம்ஶத்ஸஹஸ்ராணி ஶ்லோகாநாமுக்தவாந்ரு'ஷிஃ ।

ததா ஸர்கஶதாந்பஞ்ச ஷட்காண்டாநி ததோத்தரம் ॥ 2 ॥

க்ரு'த்வாபி தந்மஹாப்ராஜ்ஞஸ்ஸபவிஷ்யம் ஸஹோத்தரம் ।

சிந்தயாமாஸ கோந்வேதத்ப்ரயுஞ்ஜீயாதிதி ப்ரபுஃ ॥ 3 ॥

தஸ்ய சிந்தயமாநஸ்ய மஹர்ஷேர்பாவிதாத்மநஃ ।

அக்ரு'ஹ்ணீதாம் ததஃ பாதௌ முநிவேஷௌ குஶீலவௌ ॥ 4 ॥

குஶீலவௌ து தர்மஜ்ஞௌ ராஜபுத்ரௌ யஶஸ்விநௌ ।

ப்ராதரௌ ஸ்வரஸம்பந்நௌ ததர்ஶாஶ்ரமவாஸிநௌ ॥ 5 ॥

ஸ து மேதாவிநௌ த்ரு'ஷ்ட்வா வேதேஷு பரிநிஷ்டிதௌ ।

வேதோபப்ரு'ம்ஹணார்தாய தாவக்ராஹயத ப்ரபுஃ ॥ 6 ॥

காவ்யம் ராமாயணம் க்ரு'த்ஸ்நம் ஸீதாயாஶ்சரிதம் மஹத் ।

பௌலஸ்த்யவதமித்யேவ சகார சரிதவ்ரதஃ ॥ 7 ॥

பாட்யே கேயே ச மதுரம் ப்ரமாணைஸ்த்ரிபிரந்விதம் ।

ஜாதிபிஸ்ஸப்தபிர்பத்தம் தந்த்ரீலயஸமந்விதம் ॥ 8 ॥

ரஸைஶ்ஶ்ரு'ங்காரகாருண்யஹாஸ்யவீரபயாநகைஃ ।

ரௌத்ராதிபிஶ்ச ஸம்யுக்தம் காவ்யமேததகாயதாம் ॥ 9 ॥

தௌ து காந்தர்வதத்த்வஜ்ஞௌ மூர்சநாஸ்தாநகோவிதௌ ।

ப்ராதரௌ ஸ்வரஸம்பந்நௌ கந்தர்வாவிவ ரூபிணௌ ॥ 10 ॥

ரூபலக்ஷணஸம்பந்நௌ மதுரஸ்வரபாஷிணௌ ।

பிம்பாதிவோத்த்ரு'தௌ பிம்பௌ ராமதேஹாத்ததா¶உ ॥ 11 ॥

தௌ ராஜபுத்ரௌ கார்த்ஸ்ந்யேந தர்ம்யமாக்யாநமுத்தமம் ।

வாசோவிதேயம் தத்ஸர்வம் க்ரு'த்வா காவ்யமநிந்திதௌ ॥ 12 ॥

ரு'ஷீணாம் ச த்விஜாதீநாம் ஸாதூநாம் ச ஸமாகமே ।

யதோபதேஶம் தத்த்வஜ்ஞௌ ஜகதுஸ்ஸுஸமாஹிதௌ ॥ 13 ॥

மஹாத்மாநௌ மஹாபாகௌ ஸர்வலக்ஷணலக்ஷிதௌ ।

தௌ கதாசித்ஸமேதாநாம்ரு'ஷீணாம் பாவிதாத்மநாம் ।

ஆஸீநாநாம் ஸமீபஸ்தாவிதம் காவ்யமகாயதாம் ॥ 14 ॥

தச்ச்ருத்வா முநயஸ்ஸர்வே பாஷ்பபர்யாகுலேக்ஷணாஃ ।

ஸாதுஸாத்விதி தாவூசுஃ பரம் விஸ்மயமாகதாஃ ॥ 15 ॥

தே ப்ரீதமநஸஸ்ஸர்வே முநயோ தர்மவத்ஸலாஃ ।

ப்ரஶஶம்ஸுஃ ப்ரஶஸ்தவ்யௌ காயமாநௌ குஶீலவௌ ॥ 16 ॥

அஹோ கீதஸ்ய மாதுர்யம் ஶ்லோகாநாம் ச விஶேஷதஃ ।

சிரநிர்வ்ரு'த்தமப்யேதத்ப்ரத்யக்ஷமிவ தர்ஶிதம் ॥ 17 ॥

ப்ரவிஶ்ய தாவுபௌ ஸுஷ்டு பாவம் ஸம்யககாயதாம் ।

ஸஹிதௌ மதுரம் ரக்தம் ஸம்பந்நம் ஸ்வரஸம்பதா ॥ 18 ॥

ஏவம் ப்ரஶஸ்யமாநௌ தௌ தபஶ்ஶ்லாக்யைர்மஹாத்மபிஃ ।

ஸம்ரக்ததரமத்யர்தம் மதுரம் தாவகாயதாம் ॥ 19 ॥

ப்ரீதஃ கஶ்சிந்முநிஸ்தாப்யாம் ஸம்ஸ்திதஃ கலஶம் ததௌ ।

ப்ரஸந்நோ வல்கலம் கஶ்சித்ததௌ தாப்யாம் மஹாயஶாஃ ॥ 20 ॥

ஆஶ்சர்யமிதமாக்யாநம் முநிநா ஸம்ப்ரகீர்திதம் ।

பரம் கவீநாமாதாரம் ஸமாப்தம் ச யதாக்ரமம் ॥ 21 ॥

அபிகீதமிதம் கீதம் ஸர்வகீதேஷு கோவிதௌ ।

ஆயுஷ்யம் புஷ்டிஜநகம் ஸர்வஶ்ருதிமநோஹரம் ॥ 22 ॥

ப்ரஶஸ்யமாநௌ ஸர்வத்ர கதாசித்தத்ர காயகௌ ।

ரத்யாஸு ராஜமார்கேஷு ததர்ஶ பரதாக்ரஜஃ ॥ 23 ॥

ஸ்வவேஶ்ம சாநீய ததா ப்ராதரௌ ஸ குஶீலவௌ ।

பூஜயாமாஸ பூஜார்ஹௌ ராமஶ்ஶத்ருநிபர்ஹணஃ ॥ 24 ॥

ஆஸீநஃ காஞ்சநே திவ்யே ஸ ச ஸிம்ஹாஸநே ப்ரபுஃ ।

உபோபவிஷ்டஸ்ஸசிவைர்ப்ராத்ரு'பிஶ்ச பரந்தபஃ ॥ 25 ॥

த்ரு'ஷ்ட்வா து ரூபஸம்பந்நௌ தாவுபௌ நியதஸ்ததா ।

உவாச லக்ஷ்மணம் ராமஶ்ஶத்ருக்நம் பரதம் ததா ॥ 26 ॥

ஶ்ரூயதாமிதமாக்யாநமநயோர்தேவவர்சஸோஃ ।

விசித்ரார்தபதம் ஸம்யக்காயகௌ தாவசோதயத் ॥ 27 ॥

தௌ சாபி மதுரம் ரக்தம் ஸ்வஞ்சிதாயதநிஸ்வநம் ।

தந்த்ரீலயவதத்யர்தம் விஶ்ருதார்தமகாயதாம் ॥ 28 ॥

ஹ்லாதயத்ஸர்வகாத்ராணி மநாம்ஸி ஹ்ரு'தயாநி ச ।

ஶ்ரோத்ராஶ்ரயஸுகம் கேயம் தத்பபௌ ஜநஸம்ஸதி ॥ 29 ॥

இமௌ முநீ பார்திவலக்ஷணாந்விதௌ குஶீலவௌ சைவ மஹாதபஸ்விநௌ ।

மமாபி தத்பூதிகரம் ப்ரவக்ஷ்யதே மஹாநுபாவம் சரிதம் நிபோதத ॥ 30 ॥

ததஸ்து தௌ ராமவசஃப்ரசோதிதாவகாயதாம் மார்கவிதாநஸம்பதா ।

ஸ சாபி ராமஃ பரிஷத்கதஃ ஶநைர்புபூஷயாஸக்தமநா பபூவ ॥ 31 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே சதுர்தஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha caturthassargaḥ |

prāptarājyasya rāmasya vālmīkirbhagavānṛṣiḥ |

cakāra caritaṃ kṛtsnaṃ vicitrapadamātmavān || 1 ||

caturviṃśatsahasrāṇi ślokānāmuktavānṛṣiḥ |

tathā sargaśatānpañca ṣaṭkāṇḍāni tathottaram || 2 ||

kṛtvāpi tanmahāprājñassabhaviṣyaṃ sahottaram |

cintayāmāsa konvetatprayuñjīyāditi prabhuḥ || 3 ||

tasya cintayamānasya maharṣerbhāvitātmanaḥ |

agṛhṇītāṃ tataḥ pādau muniveṣau kuśīlavau || 4 ||

kuśīlavau tu dharmajñau rājaputrau yaśasvinau |

bhrātarau svarasampannau dadarśāśramavāsinau || 5 ||

sa tu medhāvinau dṛṣṭvā vedeṣu pariniṣṭhitau |

vedopabṛṃhaṇārthāya tāvagrāhayata prabhuḥ || 6 ||

kāvyaṃ rāmāyaṇaṃ kṛtsnaṃ sītāyāścaritaṃ mahat |

paulastyavadhamityeva cakāra caritavrataḥ || 7 ||

pāṭhye geye ca madhuraṃ pramāṇaistribhiranvitam |

jātibhissaptabhirbaddhaṃ tantrīlayasamanvitam || 8 ||

rasaiśśṛṅgārakāruṇyahāsyavīrabhayānakaiḥ |

raudrādibhiśca saṃyuktaṃ kāvyametadagāyatām || 9 ||

tau tu gāndharvatattvajñau mūrchanāsthānakovidau |

bhrātarau svarasampannau gandharvāviva rūpiṇau || 10 ||

rūpalakṣaṇasampannau madhurasvarabhāṣiṇau |

bimbādivoddhṛtau bimbau rāmadehāttathā¶u || 11 ||

tau rājaputrau kārtsnyena dharmyamākhyānamuttamam |

vācovidheyaṃ tatsarvaṃ kṛtvā kāvyamaninditau || 12 ||

ṛṣīṇāṃ ca dvijātīnāṃ sādhūnāṃ ca samāgame |

yathopadeśaṃ tattvajñau jagatussusamāhitau || 13 ||

mahātmānau mahābhāgau sarvalakṣaṇalakṣitau |

tau kadācitsametānāmṛṣīṇāṃ bhāvitātmanām |

āsīnānāṃ samīpasthāvidaṃ kāvyamagāyatām || 14 ||

tacchrutvā munayassarve bāṣpaparyākulekṣaṇāḥ |

sādhusādhviti tāvūcuḥ paraṃ vismayamāgatāḥ || 15 ||

te prītamanasassarve munayo dharmavatsalāḥ |

praśaśaṃsuḥ praśastavyau gāyamānau kuśīlavau || 16 ||

aho gītasya mādhuryaṃ ślokānāṃ ca viśeṣataḥ |

ciranirvṛttamapyetatpratyakṣamiva darśitam || 17 ||

praviśya tāvubhau suṣṭhu bhāvaṃ samyagagāyatām |

sahitau madhuraṃ raktaṃ sampannaṃ svarasampadā || 18 ||

evaṃ praśasyamānau tau tapaśślāghyairmahātmabhiḥ |

saṃraktataramatyarthaṃ madhuraṃ tāvagāyatām || 19 ||

prītaḥ kaścinmunistābhyāṃ saṃsthitaḥ kalaśaṃ dadau |

prasanno valkalaṃ kaściddadau tābhyāṃ mahāyaśāḥ || 20 ||

āścaryamidamākhyānaṃ muninā samprakīrtitam |

paraṃ kavīnāmādhāraṃ samāptaṃ ca yathākramam || 21 ||

abhigītamidaṃ gītaṃ sarvagīteṣu kovidau |

āyuṣyaṃ puṣṭijanakaṃ sarvaśrutimanoharam || 22 ||

praśasyamānau sarvatra kadācittatra gāyakau |

rathyāsu rājamārgeṣu dadarśa bharatāgrajaḥ || 23 ||

svaveśma cānīya tadā bhrātarau sa kuśīlavau |

pūjayāmāsa pūjārhau rāmaśśatrunibarhaṇaḥ || 24 ||

āsīnaḥ kāñcane divye sa ca siṃhāsane prabhuḥ |

upopaviṣṭassacivairbhrātṛbhiśca parantapaḥ || 25 ||

dṛṣṭvā tu rūpasampannau tāvubhau niyatastathā |

uvāca lakṣmaṇaṃ rāmaśśatrughnaṃ bharataṃ tadā || 26 ||

śrūyatāmidamākhyānamanayordevavarcasoḥ |

vicitrārthapadaṃ samyaggāyakau tāvacodayat || 27 ||

tau cāpi madhuraṃ raktaṃ svañcitāyatanisvanam |

tantrīlayavadatyarthaṃ viśrutārthamagāyatām || 28 ||

hlādayatsarvagātrāṇi manāṃsi hṛdayāni ca |

śrotrāśrayasukhaṃ geyaṃ tadbabhau janasaṃsadi || 29 ||

imau munī pārthivalakṣaṇānvitau kuśīlavau caiva mahātapasvinau |

mamāpi tadbhūtikaraṃ pravakṣyate mahānubhāvaṃ caritaṃ nibodhata || 30 ||

tatastu tau rāmavacaḥpracoditāvagāyatāṃ mārgavidhānasampadā |

sa cāpi rāmaḥ pariṣadgataḥ śanairbubhūṣayāsaktamanā babhūva || 31 ||

ityārṣe śrīmadrāmāyaṇe vālmīkīya ādikāvye bālakāṇḍe caturthassargaḥ ||