1.22 Balakanda - Dvavimsha Sargah

ॐ

1.22 பாலகாண்ட - த்வாவிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே பாலகாண்டம் ।

அத த்வாவிம்ஶஸ்ஸர்கஃ ।

ததா வஸிஷ்டே ப்ருவதி ராஜா தஶரதஸ்ஸுதம ப்ரஹ்ரு'ஷ்டவதநோ ராமமாஜுஹாவ ஸலக்ஷ்மணம் ॥ 1 ॥

க்ரு'தஸ்வஸ்த்யயநம் மாத்ரா பித்ரா தஶரதேந ச ।

புரோதஸா வஸிஷ்டேந மங்கலைரபிமந்த்ரிதம் ॥ 2 ॥

ஸ புத்ரம் மூர்த்ந்யுபாக்ராய ராஜா தஶரதஃ ப்ரியம் ।

ததௌ குஶிகபுத்ராய ஸுப்ரீதேநாந்தராத்மநா ॥ 3 ॥

ததோ வாயுஸ்ஸுகஸ்பர்ஶோ நீரஜஸ்கோ வவௌ ததா ।

விஶ்வாமித்ரகதம் த்ரு'ஷ்ட்வா ராமம் ராஜீவலோசநம் ॥ 4 ॥

புஷ்பவ்ரு'ஷ்டிர்மஹத்யாஸீத்தேவதுந்துபிநிஸ்வநைஃ ।

ஶங்கதுந்துபிநிர்கோஷஃ ப்ரயாதே து மஹாத்மநி ॥ 5 ॥

விஶ்வாமித்ரோ யயாவக்ரே ததோ ராமோ தநுர்தரஃ ।

காகபக்ஷதரோ தந்வீ தம் ச ஸௌமித்ரிரந்வகாத் ॥ 6 ॥

கலாபிநௌ தநுஷ்பாணீ ஶோபமாநௌ திஶோ தஶ ।

விஶ்வாமித்ரம் மஹாத்மாநம் த்ரிஶீர்ஷாவிவ பந்நகௌ ॥ 7 ॥

அநுஜக்மதுரக்ஷுத்ரௌ பிதாமஹமிவாஶ்விநௌ ।

ததா குஶிகபுத்ரம் து தநுஷ்பாணீ ஸ்வலங்க்ரு'தௌ ॥ 8 ॥

பத்தகோதாங்குலித்ராணௌ கட்கவந்தௌ மஹாத்யுதீ ।

குமாரௌ சாருவபுஷௌ ப்ராதரௌ ராமலக்ஷ்மணௌ ॥ 9 ॥

அநுயாதௌ ஶ்ரியா தீப்தௌ ஶோபயேதாமநிந்திதௌ ।

ஸ்தாணும் தேவமிவாசிந்த்யம் குமாராவிவ பாவகீ ॥ 10 ॥

அத்யர்தயோஜநம் கத்வா ஸரய்வா தக்ஷிணே தடே ।

ராமேதி மதுராம் வாணீம் விஶ்வாமித்ரோऽப்யபாஷத ॥ 11 ॥

க்ரு'ஹாண வத்ஸ ஸலிலம் மா பூத்காலஸ்ய பர்யயஃ ।

மந்த்ரக்ராமம் க்ரு'ஹாண த்வம் பலாமதிபலாம் ததா ॥ 12 ॥

ந ஶ்ரமோ ந ஜ்வரோ வா தே ந ரூபஸ்ய விபர்யயஃ ।

ந ச ஸுப்தம் ப்ரமத்தம் வா தர்ஷயிஷ்யந்தி நைர்ரு'தாஃ ॥ 13 ॥

ந பாஹ்வோஸ்ஸத்ரு'ஶோ வீர்யே ப்ரு'திவ்யாமஸ்தி கஶ்சந ।

த்ரிஷு லோகேஷு வை ராம ந பவேத்ஸத்ரு'ஶஸ்தவ ॥ 14 ॥

ந ஸௌபாக்யே ந தாக்ஷிண்யே ந ஜ்ஞாநே புத்திநிஶ்சயே ।

நோத்தரே ப்ரதிவக்தவ்யே ஸமோ லோகே தவாऽநக ॥ 15 ॥

ஏதத்வித்யாத்வயே லப்தே பவிதா நாஸ்தி தே ஸமஃ ।

பலாத்வதிபலா சைவ ஸர்வஜ்ஞாநஸ்ய மாதரௌ ॥ 16 ॥

க்ஷுத்பிபாஸே ந தே ராம பவிஷ்யேதே நரோத்தம ।

பலாமதிபலாம் சைவ படதஃ பதி ராகவ ॥ 17 ॥

வித்யாத்வயமதீயாநே யஶஶ்சாப்யதுலம் த்வயி ।

பிதாமஹஸுதே ஹ்யேதே வித்யே தேஜஸ்ஸமந்விதே ॥ 18 ॥

ப்ரதாதும் தவ காகுத்ஸ்த ஸத்ரு'ஶஸ்த்வம் ஹி தார்மிக ।

காமம் பஹுகுணாஸ்ஸர்வே த்வய்யேதே நாத்ர ஸம்ஶயஃ ।

தபஸா ஸம்ப்ரு'தே சைதே பஹுரூபே பவிஷ்யதஃ ॥ 19 ॥

ததோ ராமோ ஜலம் ஸ்ப்ரு'ஷ்ட்வா ப்ரஹ்ரு'ஷ்டவதநஶ்ஶுசிஃ ।

ப்ரதிஜக்ராஹ தே வித்யே மஹர்ஷேர்பாவிதாத்மநஃ ॥ 20 ॥

வித்யாஸமுதிதோ ராமஶ்ஶுஶுபே பூரிவிக்ரமஃ ।

ஸஹஸ்ரரஶ்மிர்பகவாந் ஶரதீவ திவாகரஃ ॥ 21 ॥

குருகார்யாணி ஸர்வாணி நியுஜ்ய குஶிகாத்மஜே ।

ஊஷுஸ்தாம் ரஜநீம் தத்ர ஸரய்வாம் ஸுஸுகம் த்ரயஃ ॥ 22 ॥

தஶரதந்ரு'பஸூநுஸத்தமாப்யாம் த்ரு'ணஶயநேऽநுசிதே ஸஹோஷிதாப்யாம் ।

குஶிகஸுதவசோऽநுலாலிதாப்யாம் ஸுகமிவ ஸா விபபௌ விபாவரீ ச ॥ 23 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே த்வாவிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe bālakāṇḍam |

atha dvāviṃśassargaḥ |

tathā vasiṣṭhe bruvati rājā daśarathassutama prahṛṣṭavadano rāmamājuhāva salakṣmaṇam || 1 ||

kṛtasvastyayanaṃ mātrā pitrā daśarathena ca |

purodhasā vasiṣṭhena maṅgalairabhimantritam || 2 ||

sa putraṃ mūrdhnyupāghrāya rājā daśarathaḥ priyam |

dadau kuśikaputrāya suprītenāntarātmanā || 3 ||

tato vāyussukhasparśo nīrajasko vavau tadā |

viśvāmitragataṃ dṛṣṭvā rāmaṃ rājīvalocanam || 4 ||

puṣpavṛṣṭirmahatyāsīddevadundubhinisvanaiḥ |

śaṅkhadundubhinirghoṣaḥ prayāte tu mahātmani || 5 ||

viśvāmitro yayāvagre tato rāmo dhanurdharaḥ |

kākapakṣadharo dhanvī taṃ ca saumitriranvagāt || 6 ||

kalāpinau dhanuṣpāṇī śobhamānau diśo daśa |

viśvāmitraṃ mahātmānaṃ triśīrṣāviva pannagau || 7 ||

anujagmaturakṣudrau pitāmahamivāśvinau |

tadā kuśikaputraṃ tu dhanuṣpāṇī svalaṅkṛtau || 8 ||

baddhagodhāṅgulitrāṇau khaḍgavantau mahādyutī |

kumārau cāruvapuṣau bhrātarau rāmalakṣmaṇau || 9 ||

anuyātau śriyā dīptau śobhayetāmaninditau |

sthāṇuṃ devamivācintyaṃ kumārāviva pāvakī || 10 ||

adhyardhayojanaṃ gatvā sarayvā dakṣiṇe taṭe |

rāmeti madhurāṃ vāṇīṃ viśvāmitro'bhyabhāṣata || 11 ||

gṛhāṇa vatsa salilaṃ mā bhūtkālasya paryayaḥ |

mantragrāmaṃ gṛhāṇa tvaṃ balāmatibalāṃ tathā || 12 ||

na śramo na jvaro vā te na rūpasya viparyayaḥ |

na ca suptaṃ pramattaṃ vā dharṣayiṣyanti nairṛtāḥ || 13 ||

na bāhvossadṛśo vīrye pṛthivyāmasti kaścana |

triṣu lokeṣu vai rāma na bhavetsadṛśastava || 14 ||

na saubhāgye na dākṣiṇye na jñāne buddhiniścaye |

nottare prativaktavye samo loke tavā'nagha || 15 ||

etadvidyādvaye labdhe bhavitā nāsti te samaḥ |

balātvatibalā caiva sarvajñānasya mātarau || 16 ||

kṣutpipāse na te rāma bhaviṣyete narottama |

balāmatibalāṃ caiva paṭhataḥ pathi rāghava || 17 ||

vidyādvayamadhīyāne yaśaścāpyatulaṃ tvayi |

pitāmahasute hyete vidye tejassamanvite || 18 ||

pradātuṃ tava kākutstha sadṛśastvaṃ hi dhārmika |

kāmaṃ bahuguṇāssarve tvayyete nātra saṃśayaḥ |

tapasā sambhṛte caite bahurūpe bhaviṣyataḥ || 19 ||

tato rāmo jalaṃ spṛṣṭvā prahṛṣṭavadanaśśuciḥ |

pratijagrāha te vidye maharṣerbhāvitātmanaḥ || 20 ||

vidyāsamudito rāmaśśuśubhe bhūrivikramaḥ |

sahasraraśmirbhagavān śaradīva divākaraḥ || 21 ||

gurukāryāṇi sarvāṇi niyujya kuśikātmaje |

ūṣustāṃ rajanīṃ tatra sarayvāṃ susukhaṃ trayaḥ || 22 ||

daśarathanṛpasūnusattamābhyāṃ tṛṇaśayane'nucite sahoṣitābhyām |

kuśikasutavaco'nulālitābhyāṃ sukhamiva sā vibabhau vibhāvarī ca || 23 ||

ityārṣe śrīmadrāmāyaṇe vālmīkīya ādikāvye bālakāṇḍe dvāviṃśassargaḥ ||