Varahi Kavacham — InfoLyter.in

ॐ

வாராஹீ கவசம்

Varahi Kavacham

Kavacham Tamil

அஸ்ய ஶ்ரீவாராஹீகவசஸ்ய த்ரிலோசந ரு'ஷிஃ, அநுஷ்டுப் சந்தஃ, ஶ்ரீவாராஹீ தேவதா, ௐ பீஜம், க்லௌம் ஶக்திஃ, ஸ்வாஹேதி கீலகம், மம ஸர்வஶத்ருநாஶநார்தே ஜபே விநியோகஃ ॥

த்யாநம் ।

த்யாத்வேந்த்ரநீலவர்ணாபாம் சந்த்ரஸூர்யாக்நிலோசநாம் ।

விதிவிஷ்ணுஹரேந்த்ராதி மாத்ரு'பைரவஸேவிதாம் ॥ 1 ॥

ஜ்வலந்மணிகணப்ரோக்தமகுடாமாவிலம்பிதாம் ।

அஸ்த்ரஶஸ்த்ராணி ஸர்வாணி தத்தத்கார்யோசிதாநி ச ॥ 2 ॥

ஏதைஃ ஸமஸ்தைர்விவிதம் பிப்ரதீம் முஸலம் ஹலம் ।

பாத்வா ஹிம்ஸ்ராந் ஹி கவசம் புக்திமுக்திபலப்ரதம் ॥ 3 ॥

படேத்த்ரிஸந்த்யம் ரக்ஷார்தம் கோரஶத்ருநிவ்ரு'த்திதம் ।

வார்தாலீ மே ஶிரஃ பாது கோராஹீ பாலமுத்தமம் ॥ 4 ॥

நேத்ரே வராஹவதநா பாது கர்ணௌ ததாஞ்ஜநீ ।

க்ராணம் மே ருந்திநீ பாது முகம் மே பாது ஜம்பிநீ ॥ 5 ॥

பாது மே மோஹிநீ ஜிஹ்வாம் ஸ்தம்பிநீ கண்டமாதராத் ।

ஸ்கந்தௌ மே பஞ்சமீ பாது புஜௌ மஹிஷவாஹநா ॥ 6 ॥

ஸிம்ஹாரூடா கரௌ பாது குசௌ க்ரு'ஷ்ணம்ரு'காஞ்சிதா ।

நாபிம் ச ஶங்கிநீ பாது ப்ரு'ஷ்டதேஶே து சக்ரிணி ॥ 7 ॥

கட்கம் பாது ச கட்யாம் மே மேட்ரம் பாது ச கேதிநீ ।

குதம் மே க்ரோதிநீ பாது ஜகநம் ஸ்தம்பிநீ ததா ॥ 8 ॥

சண்டோச்சண்டஶ்சோருயுக்மம் ஜாநுநீ ஶத்ருமர்திநீ ।

ஜங்காத்வயம் பத்ரகாலீ மஹாகாலீ ச குல்பயோஃ ॥ 9 ॥

பாதாத்யங்குலிபர்யந்தம் பாது சோந்மத்தபைரவீ ।

ஸர்வாங்கம் மே ஸதா பாது காலஸங்கர்ஷணீ ததா ॥ 10 ॥

யுக்தாயுக்தஸ்திதம் நித்யம் ஸர்வபாபாத்ப்ரமுச்யதே ।

ஸர்வே ஸமர்த்ய ஸம்யுக்தம் பக்தரக்ஷணதத்பரம் ॥ 11 ॥

ஸமஸ்ததேவதா ஸர்வம் ஸவ்யம் விஷ்ணோஃ புரார்தநே ।

ஸர்வஶத்ருவிநாஶாய ஶூலிநா நிர்மிதம் புரா ॥ 12 ॥

ஸர்வபக்தஜநாஶ்ரித்ய ஸர்வவித்வேஷஸம்ஹதிஃ ।

வாராஹீ கவசம் நித்யம் த்ரிஸந்த்யம் யஃ படேந்நரஃ ॥ 13 ॥

ததா விதம் பூதகணா ந ஸ்ப்ரு'ஶந்தி கதாசந ।

ஆபதஃ ஶத்ருசோராதி க்ரஹதோஷாஶ்ச ஸம்பவாஃ ॥ 14 ॥

மாதா புத்ரம் யதா வத்ஸம் தேநுஃ பக்ஷ்மேவ லோசநம் ।

ததாங்கமேவ வாராஹீ ரக்ஷா ரக்ஷாதி ஸர்வதா ॥ 15 ॥

இதி ஶ்ரீருத்ரயாமலதந்த்ரே ஶ்ரீ வாராஹீ கவசம் ॥

Roman (IAST) Transliteration

asya śrīvārāhīkavacasya trilocana ṛṣiḥ, anuṣṭup chandaḥ, śrīvārāhī devatā, oṃ bījaṃ, glauṃ śaktiḥ, svāheti kīlakaṃ, mama sarvaśatrunāśanārthe jape viniyogaḥ ||

dhyānam |

dhyātvendranīlavarṇābhāṃ candrasūryāgnilocanām |

vidhiviṣṇuharendrādi mātṛbhairavasevitām || 1 ||

jvalanmaṇigaṇaproktamakuṭāmāvilambitām |

astraśastrāṇi sarvāṇi tattatkāryocitāni ca || 2 ||

etaiḥ samastairvividhaṃ bibhratīṃ musalaṃ halam |

pātvā hiṃsrān hi kavacaṃ bhuktimuktiphalapradam || 3 ||

paṭhettrisandhyaṃ rakṣārthaṃ ghoraśatrunivṛttidam |

vārtālī me śiraḥ pātu ghorāhī phālamuttamam || 4 ||

netre varāhavadanā pātu karṇau tathāñjanī |

ghrāṇaṃ me rundhinī pātu mukhaṃ me pātu jambhinī || 5 ||

pātu me mohinī jihvāṃ stambhinī kaṇṭhamādarāt |

skandhau me pañcamī pātu bhujau mahiṣavāhanā || 6 ||

siṃhārūḍhā karau pātu kucau kṛṣṇamṛgāñcitā |

nābhiṃ ca śaṅkhinī pātu pṛṣṭhadeśe tu cakriṇi || 7 ||

khaḍgaṃ pātu ca kaṭyāṃ me meḍhraṃ pātu ca khedinī |

gudaṃ me krodhinī pātu jaghanaṃ stambhinī tathā || 8 ||

caṇḍoccaṇḍaścoruyugmaṃ jānunī śatrumardinī |

jaṅghādvayaṃ bhadrakālī mahākālī ca gulphayoḥ || 9 ||

pādādyaṅguliparyantaṃ pātu conmattabhairavī |

sarvāṅgaṃ me sadā pātu kālasaṅkarṣaṇī tathā || 10 ||

yuktāyuktasthitaṃ nityaṃ sarvapāpātpramucyate |

sarve samarthya saṃyuktaṃ bhaktarakṣaṇatatparam || 11 ||

samastadevatā sarvaṃ savyaṃ viṣṇoḥ purārdhane |

sarvaśatruvināśāya śūlinā nirmitaṃ purā || 12 ||

sarvabhaktajanāśritya sarvavidveṣasaṃhatiḥ |

vārāhī kavacaṃ nityaṃ trisandhyaṃ yaḥ paṭhennaraḥ || 13 ||

tathā vidhaṃ bhūtagaṇā na spṛśanti kadācana |

āpadaḥ śatrucorādi grahadoṣāśca sambhavāḥ || 14 ||

mātā putraṃ yathā vatsaṃ dhenuḥ pakṣmeva locanam |

tathāṅgameva vārāhī rakṣā rakṣāti sarvadā || 15 ||

iti śrīrudrayāmalatantre śrī vārāhī kavacam ||