Tripura Sundari Ashtakam (stotram)

ॐ

த்ரிபுர ஸுந்தரீ அஷ்டகம் (ஸ்தோத்ரம்)

Ashtakam Adi Shankaracharya Tamil

கதம்பவநசாரிணீம் முநிகதம்பகாதம்பிநீம்

நிதம்பஜிதபூதராம் ஸுரநிதம்பிநீஸேவிதாம் ।

நவாம்புருஹலோசநாமபிநவாம்புதஶ்யாமலாம்

த்ரிலோசநகுடும்பிநீம் த்ரிபுரஸுந்தரீமாஶ்ரயே ॥ 1 ॥

கதம்பவநவாஸிநீம் கநகவல்லகீதாரிணீம்

மஹார்ஹமணிஹாரிணீம் முகஸமுல்லஸத்வாருணீம் ।

தயாவிபவகாரிணீம் விஶதரோசநாசாரிணீம்

த்ரிலோசநகுடும்பிநீம் த்ரிபுரஸுந்தரீமாஶ்ரயே ॥ 2 ॥

கதம்பவநஶாலயா குசபரோல்லஸந்மாலயா

குசோபமிதஶைலயா குருக்ரு'பாலஸத்வேலயா ।

மதாருணகபோலயா மதுரகீதவாசாலயா

கயாபி கநநீலயா கவசிதா வயம் லீலயா ॥ 3 ॥

கதம்பவநமத்யகாம் கநகமண்டலோபஸ்திதாம்

ஷடம்புருஹவாஸிநீம் ஸததஸித்தஸௌதாமிநீம் ।

விடம்பிதஜபாருசிம் விகசசந்த்ரசூடாமணிம்

த்ரிலோசநகுடும்பிநீம் த்ரிபுரஸுந்தரீமாஶ்ரயே ॥ 4 ॥

குசாஞ்சிதவிபஞ்சிகாம் குடிலகுந்தலாலங்க்ரு'தாம்

குஶேஶயநிவாஸிநீம் குடிலசித்தவித்வேஷிணீம் ।

மதாருணவிலோசநாம் மநஸிஜாரிஸம்மோஹிநீம்

மதங்கமுநிகந்யகாம் மதுரபாஷிணீமாஶ்ரயே ॥ 5 ॥

ஸ்மரேத்ப்ரதமபுஷ்பிணீம் ருதிரபிந்துநீலாம்பராம்

க்ரு'ஹீதமதுபாத்ரிகாம் மதவிகூர்ணநேத்ராஞ்சலாம் ।

கநஸ்தநபரோந்நதாம் கலிதசூலிகாம் ஶ்யாமலாம்

த்ரிலோசநகுடும்பிநீம் த்ரிபுரஸுந்தரீமாஶ்ரயே ॥ 6 ॥

ஸகுங்குமவிலேபநாமலகசும்பிகஸ்தூரிகாம்

ஸமந்தஹஸிதேக்ஷணாம் ஸஶரசாபபாஶாங்குஶாம் ।

அஶேஷஜநமோஹிநீமருணமால்யபூஷாம்பராம்

ஜபாகுஸுமபாஸுராம் ஜபவிதௌ ஸ்மராம்யம்பிகாம் ॥ 7 ॥

புரந்தரபுரந்த்ரிகாசிகுரபந்தஸைரந்த்ரிகாம்

பிதாமஹபதிவ்ரதாபடுபடீரசர்சாரதாம் ।

முகுந்தரமணீமணீலஸதலங்க்ரியாகாரிணீம்

பஜாமி புவநாம்பிகாம் ஸுரவதூடிகாசேடிகாம் ॥ 8 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோவிந்தபகவத்பூஜ்யபாதஶிஷ்யஸ்ய ஶ்ரீமச்சங்கரபகவதஃ க்ரு'தௌ த்ரிபுரஸுந்தர்யஷ்டகம் ।

Roman (IAST) Transliteration

kadambavanacāriṇīṃ munikadambakādambinīṃ

nitambajitabhūdharāṃ suranitambinīsevitām |

navāmburuhalocanāmabhinavāmbudaśyāmalāṃ

trilocanakuṭumbinīṃ tripurasundarīmāśraye || 1 ||

kadambavanavāsinīṃ kanakavallakīdhāriṇīṃ

mahārhamaṇihāriṇīṃ mukhasamullasadvāruṇīm |

dayāvibhavakāriṇīṃ viśadarocanācāriṇīṃ

trilocanakuṭumbinīṃ tripurasundarīmāśraye || 2 ||

kadambavanaśālayā kucabharollasanmālayā

kucopamitaśailayā gurukṛpālasadvelayā |

madāruṇakapolayā madhuragītavācālayā

kayāpi ghananīlayā kavacitā vayaṃ līlayā || 3 ||

kadambavanamadhyagāṃ kanakamaṇḍalopasthitāṃ

ṣaḍamburuhavāsinīṃ satatasiddhasaudāminīm |

viḍambitajapāruciṃ vikacacandracūḍāmaṇiṃ

trilocanakuṭumbinīṃ tripurasundarīmāśraye || 4 ||

kucāñcitavipañcikāṃ kuṭilakuntalālaṅkṛtāṃ

kuśeśayanivāsinīṃ kuṭilacittavidveṣiṇīm |

madāruṇavilocanāṃ manasijārisammohinīṃ

mataṅgamunikanyakāṃ madhurabhāṣiṇīmāśraye || 5 ||

smaretprathamapuṣpiṇīṃ rudhirabindunīlāmbarāṃ

gṛhītamadhupātrikāṃ madavighūrṇanetrāñcalām |

ghanastanabharonnatāṃ galitacūlikāṃ śyāmalāṃ

trilocanakuṭumbinīṃ tripurasundarīmāśraye || 6 ||

sakuṅkumavilepanāmalakacumbikastūrikāṃ

samandahasitekṣaṇāṃ saśaracāpapāśāṅkuśām |

aśeṣajanamohinīmaruṇamālyabhūṣāmbarāṃ

japākusumabhāsurāṃ japavidhau smarāmyambikām || 7 ||

purandarapurandhrikācikurabandhasairandhrikāṃ

pitāmahapativratāpaṭupaṭīracarcāratām |

mukundaramaṇīmaṇīlasadalaṅkriyākāriṇīṃ

bhajāmi bhuvanāmbikāṃ suravadhūṭikāceṭikām || 8 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau tripurasundaryaṣṭakam |