Shri Maha Kalabhairava Kavacham

ॐ

ஶ்ரீ மஹா காலபைரவ கவசம்

Shiva Kavacham Tamil

ஶ்ரீதேவ்யுவாச ।

தேவதேவ மஹாபாஹோ பக்தாநாம் ஸுகவர்தந ।

கேந ஸித்திம் ததாத்யாஶு காலீ த்ரைலோக்யமோஹந ॥ 1॥

தந்மே வத தயாऽऽதார ஸாதகாபீஷ்டஸித்தயே ।

க்ரு'பாம் குரு ஜகந்நாத வத வேதவிதாம் வர ॥ 2॥

ஶ்ரீபைரவ உவாச ।

கோபநீயம் ப்ரயத்நேந தத்த்வாத் தத்த்வம் பராத்பரம் ।

ஏஷ ஸித்திகரஃ ஸம்யக் கிமதோ கதயாம்யஹம் ॥ 3॥

மஹாகாலமஹம் வந்தே ஸர்வஸித்திப்ரதாயகம் ।

தேவதாநவகந்தர்வகிந்நரபரிஸேவிதம் ॥ 4॥

கவசம் தத்த்வதேவஸ்ய படநாத் கோரதர்ஶநே ।

ஸத்யம் பவதி ஸாந்நித்யம் கவசஸ்தவநாந்தராத் ॥ 5॥

ஸித்திம் ததாதி ஸா துஷ்டா க்ரு'த்வா கவசமுத்தமம் ।

ஸாம்ராஜ்யத்வம் ப்ரியம் தத்வா புத்ரவத் பரிபாலயேத் ॥ 6॥

கவசஸ்ய ரு'ஷிர்தேவீ காலிகா தக்ஷிணா ததா

விராட்சந்தஃ ஸுவிஜ்ஞேயம் மஹாகாலஸ்து தேவதா ।

காலிகா ஸாதநே சைவ விநியோகஃ ப்ரகீர்த்திதஃ ॥ 7॥

ௐ ஶ்மஶாநஸ்தோ மஹாருத்ரோ மஹாகாலோ திகம்பரஃ ।

கபாலகர்த்ரு'கா வாமே ஶூலம் கட்வாங்கம் தக்ஷிணே ॥ 8॥

புஜங்கபூஷிதே தேவி பஸ்மாஸ்திமணிமண்டிதஃ ।

ஜ்வலத்பாவகமத்யஸ்தோ பஸ்மஶய்யாவ்யவஸ்திதஃ ॥ 9॥

விபரீதரதாம் தத்ர காலிகாம் ஹ்ரு'தயோபரி ।

பேயம் காத்யம் ச சோஷ்யம் ச தௌ க்ரு'த்வா து பரஸ்பரம் ।

ஏவம் பக்த்யா யஜேத் தேவம் ஸர்வஸித்திஃ ப்ரஜாயதே ॥ 10॥

ப்ரணவம் பூர்வமுச்சார்ய மஹாகாலாய தத்பதம் ।

நமஃ பாது மஹாமந்த்ரஃ ஸர்வஶாஸ்த்ரார்தபாரகஃ ॥ 11॥

அஷ்டக்ஷரோ மஹா மந்த்ரஃ ஸர்வாஶாபரிபூரகஃ ।

ஸர்வபாபக்ஷயம் யாதி க்ரஹணே பக்தவத்ஸலே ॥ 12॥

கூர்சத்வந்த்வம் மஹாகால ப்ரஸீதேதி பதத்வயம் ।

லஜ்ஜாயுக்மம் வஹ்நிஜாயா ஸ து ராஜேஶ்வரோ மஹாந் ॥ 13॥

மந்த்ரக்ரஹணமாத்ரேண பவேத ஸத்யம் மஹாகவிஃ ।

கத்யபத்யமயீ வாணீ கங்காநிர்சரிதா ததா ॥ 14॥

தஸ்ய நாம து தேவேஶி தேவா காயந்தி பாவுகாஃ ।

ஶக்திபீஜத்வயம் தத்வா கூர்சம் ஸ்யாத் ததநந்தரம் ॥ 15॥

மஹாகாலபதம் தத்வா மாயாபீஜயுகம் ததா ।

கூர்சமேகம் ஸமுத்த்ரு'த்ய மஹாமந்த்ரோ தஶாக்ஷரஃ ॥ 16॥

ராஜஸ்தாநே துர்கமே ச பாது மாம் ஸர்வதோ முதா ।

வேதாதிபீஜமாதாய பகமாந் ததநந்தரம் ॥ 17॥

மஹாகாலாய ஸம்ப்ரோச்ய கூர்சம் தத்வா ச டத்வயம் ।

ஹ்ரீங்காரபூர்வமுத்த்ரு'த்ய வேதாதிஸ்ததநந்தரம் ॥ 18॥

மஹாகாலஸ்யாந்தபாகே ஸ்வாஹாந்தமநுமுத்தமம் ।

தநம் புத்ரம் ஸதா பாது பந்துதாராநிகேதநம் ॥ 19॥

பிங்கலாக்ஷோ மஞ்ஜுயுத்தே யுத்தே நித்யம் ஜயப்ரதஃ ।

ஸம்பாவ்யஃ ஸர்வதுஷ்டக்நஃ பாது ஸ்வஸ்தாநவல்லபஃ ॥ 20॥

இதி தே கதிதம் துப்யம் தேவாநாமபி துர்லபம் ।

அநேந படநாத் தேவி விக்நநாஶோ யதா பவேத் ॥ 21॥

ஸம்பூஜகஃ ஶுசிஸ்நாதஃ பக்தியுக்தஃ ஸமாஹிதஃ ।

ஸர்வவ்யாதிவிநிர்முக்தஃ வைரிமத்யே விஶேஷதஃ ॥ 22॥

மஹாபீமஃ ஸதா பாது ஸர்வஸ்தாந வல்லபம் । ?

காலீபார்ஶ்வஸ்திதோ தேவஃ ஸர்வதா பாது மே முகே ॥ 23॥

॥ பல ஶ்ருதி॥

படநாத் காலிகாதேவீ படேத் கவசமுத்தமம் ।

ஶ்ருணுயாத் வா ப்ரயத்நேந ஸதாऽऽநந்தமயோ பவேத் ॥ 1॥

ஶ்ரத்தயாऽஶ்ரத்தயா வாபி படநாத் கவசஸ்ய யத் ।

ஸர்வஸித்திமவாப்நோதி யத்யந்மநஸி வர்ததே ॥ 2॥

பில்வமூலே படேத் யஸ்து படநாத் கவசஸ்ய யத் ।

த்ரிஸந்த்யம் படநாத் தேவி பவேந்நித்யம் மஹாகவிஃ ॥ 3॥

குமாரீம் பூஜயித்வா து யஃ படேத் பாவதத்பரஃ ।

ந கிஞ்சித் துர்லபம் தஸ்ய திவி வா புவி மோததே ॥ 4॥

துர்பிக்ஷே ராஜபீடாயாம் க்ராமே வா வைரிமத்யகே ।

யத்ர யத்ர பயம் ப்ராப்தஃ ஸர்வத்ர ப்ரபடேந்நரஃ ॥ 5॥

தத்ர தத்ராபயம் தஸ்ய பவத்யேவ ந ஸம்ஶயஃ ।

வாமபார்ஶ்வே ஸமாநீய ஶோபிதாம் வரகாமிநீம் ॥ 6॥

ஶ்ரத்தயாऽஶ்ரத்தயா வாபி படநாத் கவசஸ்ய து ।

ப்ரயத்நதஃ படேத் யஸ்து தஸ்ய ஸித்திஃ கரே ஸ்திதா ॥ 7॥

இதம் கவசமஜ்ஞாத்வா காலம் யோ பஜதே நரஃ ।

நைவ ஸித்திர்பவேத் தஸ்ய விக்நஸ்தஸ்ய பதே பதே ।

ஆதௌ வர்ம படித்வா து தஸ்ய ஸித்திர்பவிஷ்யதி ॥ 8॥

॥ இதி ருத்ரயாமலே மஹாதந்த்ரே மஹாகாலபைரவகவசம் ஸம்பூர்ணம்॥

Roman (IAST) Transliteration

śrīdevyuvāca |

devadeva mahābāho bhaktānāṃ sukhavardhana |

kena siddhiṃ dadātyāśu kālī trailokyamohana || 1||

tanme vada dayā''dhāra sādhakābhīṣṭasiddhaye |

kṛpāṃ kuru jagannātha vada vedavidāṃ vara || 2||

śrībhairava uvāca |

gopanīyaṃ prayatnena tattvāt tattvaṃ parātparam |

eṣa siddhikaraḥ samyak kimatho kathayāmyaham || 3||

mahākālamahaṃ vande sarvasiddhipradāyakam |

devadānavagandharvakinnaraparisevitam || 4||

kavacaṃ tattvadevasya paṭhanād ghoradarśane |

satyaṃ bhavati sānnidhyaṃ kavacastavanāntarāt || 5||

siddhiṃ dadāti sā tuṣṭā kṛtvā kavacamuttamam |

sāmrājyatvaṃ priyaṃ datvā putravat paripālayet || 6||

kavacasya ṛṣirdevī kālikā dakṣiṇā tathā

virāṭchandaḥ suvijñeyaṃ mahākālastu devatā |

kālikā sādhane caiva viniyogaḥ prakīrttitaḥ || 7||

oṃ śmaśānastho mahārudro mahākālo digambaraḥ |

kapālakartṛkā vāme śūlaṃ khaṭvāṅgaṃ dakṣiṇe || 8||

bhujaṅgabhūṣite devi bhasmāsthimaṇimaṇḍitaḥ |

jvalatpāvakamadhyastho bhasmaśayyāvyavasthitaḥ || 9||

viparītaratāṃ tatra kālikāṃ hṛdayopari |

peyaṃ khādyaṃ ca coṣyaṃ ca tau kṛtvā tu parasparam |

evaṃ bhaktyā yajed devaṃ sarvasiddhiḥ prajāyate || 10||

praṇavaṃ pūrvamuccārya mahākālāya tatpadam |

namaḥ pātu mahāmantraḥ sarvaśāstrārthapāragaḥ || 11||

aṣṭakṣaro mahā mantraḥ sarvāśāparipūrakaḥ |

sarvapāpakṣayaṃ yāti grahaṇe bhaktavatsale || 12||

kūrcadvandvaṃ mahākāla prasīdeti padadvayam |

lajjāyugmaṃ vahnijāyā sa tu rājeśvaro mahān || 13||

mantragrahaṇamātreṇa bhaveta satyaṃ mahākaviḥ |

gadyapadyamayī vāṇī gaṅgānirjharitā tathā || 14||

tasya nāma tu deveśi devā gāyanti bhāvukāḥ |

śaktibījadvayaṃ datvā kūrcaṃ syāt tadanantaram || 15||

mahākālapadaṃ datvā māyābījayugaṃ tathā |

kūrcamekaṃ samuddhṛtya mahāmantro daśākṣaraḥ || 16||

rājasthāne durgame ca pātu māṃ sarvato mudā |

vedādibījamādāya bhagamān tadanantaram || 17||

mahākālāya samprocya kūrcaṃ datvā ca ṭhadvayam |

hrīṅkārapūrvamuddhṛtya vedādistadanantaram || 18||

mahākālasyāntabhāge svāhāntamanumuttamam |

dhanaṃ putraṃ sadā pātu bandhudārāniketanam || 19||

piṅgalākṣo mañjuyuddhe yuddhe nityaṃ jayapradaḥ |

sambhāvyaḥ sarvaduṣṭaghnaḥ pātu svasthānavallabhaḥ || 20||

iti te kathitaṃ tubhyaṃ devānāmapi durlabham |

anena paṭhanād devi vighnanāśo yathā bhavet || 21||

sampūjakaḥ śucisnātaḥ bhaktiyuktaḥ samāhitaḥ |

sarvavyādhivinirmuktaḥ vairimadhye viśeṣataḥ || 22||

mahābhīmaḥ sadā pātu sarvasthāna vallabham | ?

kālīpārśvasthito devaḥ sarvadā pātu me mukhe || 23||

|| phala śruti||

paṭhanāt kālikādevī paṭhet kavacamuttamam |

śruṇuyād vā prayatnena sadā''nandamayo bhavet || 1||

śraddhayā'śraddhayā vāpi paṭhanāt kavacasya yat |

sarvasiddhimavāpnoti yadyanmanasi vartate || 2||

bilvamūle paṭhed yastu paṭhanād kavacasya yat |

trisandhyaṃ paṭhanād devi bhavennityaṃ mahākaviḥ || 3||

kumārīṃ pūjayitvā tu yaḥ paṭhed bhāvatatparaḥ |

na kiñcid durlabhaṃ tasya divi vā bhuvi modate || 4||

durbhikṣe rājapīḍāyāṃ grāme vā vairimadhyake |

yatra yatra bhayaṃ prāptaḥ sarvatra prapaṭhennaraḥ || 5||

tatra tatrābhayaṃ tasya bhavatyeva na saṃśayaḥ |

vāmapārśve samānīya śobhitāṃ varakāminīm || 6||

śraddhayā'śraddhayā vāpi paṭhanāt kavacasya tu |

prayatnataḥ paṭhed yastu tasya siddhiḥ kare sthitā || 7||

idaṃ kavacamajñātvā kālaṃ yo bhajate naraḥ |

naiva siddhirbhavet tasya vighnastasya pade pade |

ādau varma paṭhitvā tu tasya siddhirbhaviṣyati || 8||

|| iti rudrayāmale mahātantre mahākālabhairavakavacaṃ sampūrṇam||