Maha Ganapati Sahasranama Stotram

ॐ

மஹா கணபதி ஸஹஸ்ரநாம ஸ்தோத்ரம்

Ganesha Sahasranamam Tamil

முநிருவாச

கதம் நாம்நாம் ஸஹஸ்ரம் தம் கணேஶ உபதிஷ்டவாந் ।

ஶிவதம் தந்மமாசக்ஷ்வ லோகாநுக்ரஹதத்பர ॥ 1 ॥

ப்ரஹ்மோவாச

தேவஃ பூர்வம் புராராதிஃ புரத்ரயஜயோத்யமே ।

அநர்சநாத்கணேஶஸ்ய ஜாதோ விக்நாகுலஃ கில ॥ 2 ॥

மநஸா ஸ விநிர்தார்ய தத்ரு'ஶே விக்நகாரணம் ।

மஹாகணபதிம் பக்த்யா ஸமப்யர்ச்ய யதாவிதி ॥ 3 ॥

விக்நப்ரஶமநோபாயமப்ரு'ச்சதபரிஶ்ரமம் ।

ஸந்துஷ்டஃ பூஜயா ஶம்போர்மஹாகணபதிஃ ஸ்வயம் ॥ 4 ॥

ஸர்வவிக்நப்ரஶமநம் ஸர்வகாமபலப்ரதம் ।

ததஸ்தஸ்மை ஸ்வயம் நாம்நாம் ஸஹஸ்ரமிதமப்ரவீத் ॥ 5 ॥

அஸ்ய ஶ்ரீமஹாகணபதிஸஹஸ்ரநாமஸ்தோத்ரமாலாமந்த்ரஸ்ய ।

கணேஶ ரு'ஷிஃ, மஹாகணபதிர்தேவதா, நாநாவிதாநிச்சந்தாம்ஸி ।

ஹுமிதி பீஜம், துங்கமிதி ஶக்திஃ, ஸ்வாஹாஶக்திரிதி கீலகம் ।

ஸகலவிக்நவிநாஶநத்வாரா ஶ்ரீமஹாகணபதிப்ரஸாதஸித்த்யர்தே ஜபே விநியோகஃ ।

அத கரந்யாஸஃ

கணேஶ்வரோ கணக்ரீட இத்யங்குஷ்டாப்யாம் நமஃ ।

குமாரகுருரீஶாந இதி தர்ஜநீப்யாம் நமஃ ॥

ப்ரஹ்மாண்டகும்பஶ்சித்வ்யோமேதி மத்யமாப்யாம் நமஃ ।

ரக்தோ ரக்தாம்பரதர இத்யநாமிகாப்யாம் நமஃ

ஸர்வஸத்குருஸம்ஸேவ்ய இதி கநிஷ்டிகாப்யாம் நமஃ ।

லுப்தவிக்நஃ ஸ்வபக்தாநாமிதி கரதலகரப்ரு'ஷ்டாப்யாம் நமஃ ॥

அத அங்கந்யாஸஃ

சந்தஶ்சந்தோத்பவ இதி ஹ்ரு'தயாய நமஃ ।

நிஷ்கலோ நிர்மல இதி ஶிரஸே ஸ்வாஹா ।

ஸ்ரு'ஷ்டிஸ்திதிலயக்ரீட இதி ஶிகாயை வஷட் ।

ஜ்ஞாநம் விஜ்ஞாநமாநந்த இதி கவசாய ஹும் ।

அஷ்டாங்கயோகபலப்ரு'திதி நேத்ரத்ரயாய வௌஷட் ।

அநந்தஶக்திஸஹித இத்யஸ்த்ராய பட் ।

பூர்புவஃ ஸ்வரோம் இதி திக்பந்தஃ ।

அத த்யாநம்

கஜவதநமசிந்த்யம் தீக்ஷ்ணதம்ஷ்ட்ரம் த்ரிநேத்ரம்

ப்ரு'ஹதுதரமஶேஷம் பூதிராஜம் புராணம் ।

அமரவரஸுபூஜ்யம் ரக்தவர்ணம் ஸுரேஶம்

பஶுபதிஸுதமீஶம் விக்நராஜம் நமாமி ॥

ஶ்ரீகணபதிருவாச

ௐ கணேஶ்வரோ கணக்ரீடோ கணநாதோ கணாதிபஃ ।

ஏகதந்தோ வக்ரதுண்டோ கஜவக்த்ரோ மஹோதரஃ ॥ 1 ॥

லம்போதரோ தூம்ரவர்ணோ விகடோ விக்நநாஶநஃ ।

ஸுமுகோ துர்முகோ புத்தோ விக்நராஜோ கஜாநநஃ ॥ 2 ॥

பீமஃ ப்ரமோத ஆமோதஃ ஸுராநந்தோ மதோத்கடஃ ।

ஹேரம்பஃ ஶம்பரஃ ஶம்புர்லம்பகர்ணோ மஹாபலஃ ॥ 3 ॥

நந்தநோ லம்படோ பீமோ மேகநாதோ கணஞ்ஜயஃ ।

விநாயகோ விரூபாக்ஷோ வீரஃ ஶூரவரப்ரதஃ ॥ 4 ॥

மஹாகணபதிர்புத்திப்ரியஃ க்ஷிப்ரப்ரஸாதநஃ ।

ருத்ரப்ரியோ கணாத்யக்ஷ உமாபுத்ரோऽகநாஶநஃ ॥ 5 ॥

குமாரகுருரீஶாநபுத்ரோ மூஷகவாஹநஃ ।

ஸித்திப்ரியஃ ஸித்திபதிஃ ஸித்தஃ ஸித்திவிநாயகஃ ॥ 6 ॥

அவிக்நஸ்தும்புருஃ ஸிம்ஹவாஹநோ மோஹிநீப்ரியஃ ।

கடங்கடோ ராஜபுத்ரஃ ஶாகலஃ ஸம்மிதோமிதஃ ॥ 7 ॥

கூஷ்மாண்டஸாமஸம்பூதிர்துர்ஜயோ தூர்ஜயோ ஜயஃ ।

பூபதிர்புவநபதிர்பூதாநாம் பதிரவ்யயஃ ॥ 8 ॥

விஶ்வகர்தா விஶ்வமுகோ விஶ்வரூபோ நிதிர்குணஃ ।

கவிஃ கவீநாம்ரு'ஷபோ ப்ரஹ்மண்யோ ப்ரஹ்மவித்ப்ரியஃ ॥ 9 ॥

ஜ்யேஷ்டராஜோ நிதிபதிர்நிதிப்ரியபதிப்ரியஃ ।

ஹிரண்மயபுராந்தஃஸ்தஃ ஸூர்யமண்டலமத்யகஃ ॥ 10 ॥

கராஹதித்வஸ்தஸிந்துஸலிலஃ பூஷதந்தபித் ।

உமாங்ககேலிகுதுகீ முக்திதஃ குலபாவநஃ ॥ 11 ॥

கிரீடீ குண்டலீ ஹாரீ வநமாலீ மநோமயஃ ।

வைமுக்யஹததைத்யஶ்ரீஃ பாதாஹதிஜிதக்ஷிதிஃ ॥ 12 ॥

ஸத்யோஜாதஃ ஸ்வர்ணமுஞ்ஜமேகலீ துர்நிமித்தஹ்ரு'த் ।

துஃஸ்வப்நஹ்ரு'த்ப்ரஸஹநோ குணீ நாதப்ரதிஷ்டிதஃ ॥ 13 ॥

ஸுரூபஃ ஸர்வநேத்ராதிவாஸோ வீராஸநாஶ்ரயஃ ।

பீதாம்பரஃ கண்டரதஃ கண்டவைஶாகஸம்ஸ்திதஃ ॥ 14 ॥

சித்ராங்கஃ ஶ்யாமதஶநோ பாலசந்த்ரோ ஹவிர்புஜஃ ।

யோகாதிபஸ்தாரகஸ்தஃ புருஷோ கஜகர்ணகஃ ॥ 15 ॥

கணாதிராஜோ விஜயஃ ஸ்திரோ கஜபதித்வஜீ ।

தேவதேவஃ ஸ்மரஃ ப்ராணதீபகோ வாயுகீலகஃ ॥ 16 ॥

விபஶ்சித்வரதோ நாதோ நாதபிந்நமஹாசலஃ ।

வராஹரதநோ ம்ரு'த்யுஞ்ஜயோ வ்யாக்ராஜிநாம்பரஃ ॥ 17 ॥

இச்சாஶக்திபவோ தேவத்ராதா தைத்யவிமர்தநஃ ।

ஶம்புவக்த்ரோத்பவஃ ஶம்புகோபஹா ஶம்புஹாஸ்யபூஃ ॥ 18 ॥

ஶம்புதேஜாஃ ஶிவாஶோகஹாரீ கௌரீஸுகாவஹஃ ।

உமாங்கமலஜோ கௌரீதேஜோபூஃ ஸ்வர்துநீபவஃ ॥ 19 ॥

யஜ்ஞகாயோ மஹாநாதோ கிரிவர்ஷ்மா ஶுபாநநஃ ।

ஸர்வாத்மா ஸர்வதேவாத்மா ப்ரஹ்மமூர்தா ககுப்ஶ்ருதிஃ ॥ 20 ॥

ப்ரஹ்மாண்டகும்பஶ்சித்வ்யோமபாலஃஸத்யஶிரோருஹஃ ।

ஜகஜ்ஜந்மலயோந்மேஷநிமேஷோऽக்ந்யர்கஸோமத்ரு'க் ॥ 21 ॥

கிரீந்த்ரைகரதோ தர்மாதர்மோஷ்டஃ ஸாமப்ரு'ம்ஹிதஃ ।

க்ரஹர்க்ஷதஶநோ வாணீஜிஹ்வோ வாஸவநாஸிகஃ ॥ 22 ॥

ப்ரூமத்யஸம்ஸ்திதகரோ ப்ரஹ்மவித்யாமதோதகஃ ।

குலாசலாம்ஸஃ ஸோமார்ககண்டோ ருத்ரஶிரோதரஃ ॥ 23 ॥

நதீநதபுஜஃ ஸர்பாங்குலீகஸ்தாரகாநகஃ ।

வ்யோமநாபிஃ ஶ்ரீஹ்ரு'தயோ மேருப்ரு'ஷ்டோऽர்ணவோதரஃ ॥ 24 ॥

குக்ஷிஸ்தயக்ஷகந்தர்வரக்ஷஃகிந்நரமாநுஷஃ ।

ப்ரு'த்வீகடிஃ ஸ்ரு'ஷ்டிலிங்கஃ ஶைலோருர்தஸ்ரஜாநுகஃ ॥ 25 ॥

பாதாலஜங்கோ முநிபாத்காலாங்குஷ்டஸ்த்ரயீதநுஃ ।

ஜ்யோதிர்மண்டலலாங்கூலோ ஹ்ரு'தயாலாநநிஶ்சலஃ ॥ 26 ॥

ஹ்ரு'த்பத்மகர்ணிகாஶாலீ வியத்கேலிஸரோவரஃ ।

ஸத்பக்தத்யாநநிகடஃ பூஜாவாரிநிவாரிதஃ ॥ 27 ॥

ப்ரதாபீ காஶ்யபோ மந்தா கணகோ விஷ்டபீ பலீ ।

யஶஸ்வீ தார்மிகோ ஜேதா ப்ரதமஃ ப்ரமதேஶ்வரஃ ॥ 28 ॥

சிந்தாமணிர்த்வீபபதிஃ கல்பத்ருமவநாலயஃ ।

ரத்நமண்டபமத்யஸ்தோ ரத்நஸிம்ஹாஸநாஶ்ரயஃ ॥ 29 ॥

தீவ்ராஶிரோத்த்ரு'தபதோ ஜ்வாலிநீமௌலிலாலிதஃ ।

நந்தாநந்திதபீடஶ்ரீர்போகதோ பூஷிதாஸநஃ ॥ 30 ॥

ஸகாமதாயிநீபீடஃ ஸ்புரதுக்ராஸநாஶ்ரயஃ ।

தேஜோவதீஶிரோரத்நம் ஸத்யாநித்யாவதம்ஸிதஃ ॥ 31 ॥

ஸவிக்நநாஶிநீபீடஃ ஸர்வஶக்த்யம்புஜாலயஃ ।

லிபிபத்மாஸநாதாரோ வஹ்நிதாமத்ரயாலயஃ ॥ 32 ॥

உந்நதப்ரபதோ கூடகுல்பஃ ஸம்வ்ரு'தபார்ஷ்ணிகஃ ।

பீநஜங்கஃ ஶ்லிஷ்டஜாநுஃ ஸ்தூலோருஃ ப்ரோந்நமத்கடிஃ ॥ 33 ॥

நிம்நநாபிஃ ஸ்தூலகுக்ஷிஃ பீநவக்ஷா ப்ரு'ஹத்புஜஃ ।

பீநஸ்கந்தஃ கம்புகண்டோ லம்போஷ்டோ லம்பநாஸிகஃ ॥ 34 ॥

பக்நவாமரதஸ்துங்கஸவ்யதந்தோ மஹாஹநுஃ ।

ஹ்ரஸ்வநேத்ரத்ரயஃ ஶூர்பகர்ணோ நிபிடமஸ்தகஃ ॥ 35 ॥

ஸ்தபகாகாரகும்பாக்ரோ ரத்நமௌலிர்நிரங்குஶஃ ।

ஸர்பஹாரகடீஸூத்ரஃ ஸர்பயஜ்ஞோபவீதவாந் ॥ 36 ॥

ஸர்பகோடீரகடகஃ ஸர்பக்ரைவேயகாங்கதஃ ।

ஸர்பகக்ஷோதராபந்தஃ ஸர்பராஜோத்தரச்சதஃ ॥ 37 ॥

ரக்தோ ரக்தாம்பரதரோ ரக்தமாலாவிபூஷணஃ ।

ரக்தேக்ஷநோ ரக்தகரோ ரக்ததால்வோஷ்டபல்லவஃ ॥ 38 ॥

ஶ்வேதஃ ஶ்வேதாம்பரதரஃ ஶ்வேதமாலாவிபூஷணஃ ।

ஶ்வேதாதபத்ரருசிரஃ ஶ்வேதசாமரவீஜிதஃ ॥ 39 ॥

ஸர்வாவயவஸம்பூர்ணஃ ஸர்வலக்ஷணலக்ஷிதஃ ।

ஸர்வாபரணஶோபாட்யஃ ஸர்வஶோபாஸமந்விதஃ ॥ 40 ॥

ஸர்வமங்கலமாங்கல்யஃ ஸர்வகாரணகாரணம் ।

ஸர்வதேவவரஃ ஶார்ங்கீ பீஜபூரீ கதாதரஃ ॥ 41 ॥

ஶுபாங்கோ லோகஸாரங்கஃ ஸுதந்துஸ்தந்துவர்தநஃ ।

கிரீடீ குண்டலீ ஹாரீ வநமாலீ ஶுபாங்கதஃ ॥ 42 ॥

இக்ஷுசாபதரஃ ஶூலீ சக்ரபாணிஃ ஸரோஜப்ரு'த் ।

பாஶீ த்ரு'தோத்பலஃ ஶாலிமஞ்ஜரீப்ரு'த்ஸ்வதந்தப்ரு'த் ॥ 43 ॥

கல்பவல்லீதரோ விஶ்வாபயதைககரோ வஶீ ।

அக்ஷமாலாதரோ ஜ்ஞாநமுத்ராவாந் முத்கராயுதஃ ॥ 44 ॥

பூர்ணபாத்ரீ கம்புதரோ வித்ரு'தாங்குஶமூலகஃ ।

கரஸ்தாம்ரபலஶ்சூதகலிகாப்ரு'த்குடாரவாந் ॥ 45 ॥

புஷ்கரஸ்தஸ்வர்ணகடீபூர்ணரத்நாபிவர்ஷகஃ ।

பாரதீஸுந்தரீநாதோ விநாயகரதிப்ரியஃ ॥ 46 ॥

மஹாலக்ஷ்மீப்ரியதமஃ ஸித்தலக்ஷ்மீமநோரமஃ ।

ரமாரமேஶபூர்வாங்கோ தக்ஷிணோமாமஹேஶ்வரஃ ॥ 47 ॥

மஹீவராஹவாமாங்கோ ரதிகந்தர்பபஶ்சிமஃ ।

ஆமோதமோதஜநநஃ ஸப்ரமோதப்ரமோதநஃ ॥ 48 ॥

ஸம்வர்திதமஹாவ்ரு'த்திர்ரு'த்திஸித்திப்ரவர்தநஃ ।

தந்தஸௌமுக்யஸுமுகஃ காந்திகந்தலிதாஶ்ரயஃ ॥ 49 ॥

மதநாவத்யாஶ்ரிதாங்க்ரிஃ க்ரு'தவைமுக்யதுர்முகஃ ।

விக்நஸம்பல்லவஃ பத்மஃ ஸர்வோந்நதமதத்ரவஃ ॥ 50 ॥

விக்நக்ரு'ந்நிம்நசரணோ த்ராவிணீஶக்திஸத்க்ரு'தஃ ।

தீவ்ராப்ரஸந்நநயநோ ஜ்வாலிநீபாலிதைகத்ரு'க் ॥ 51 ॥

மோஹிநீமோஹநோ போகதாயிநீகாந்திமண்டநஃ ।

காமிநீகாந்தவக்த்ரஶ்ரீரதிஷ்டிதவஸுந்தரஃ ॥ 52 ॥

வஸுதாராமதோந்நாதோ மஹாஶங்கநிதிப்ரியஃ ।

நமத்வஸுமதீமாலீ மஹாபத்மநிதிஃ ப்ரபுஃ ॥ 53 ॥

ஸர்வஸத்குருஸம்ஸேவ்யஃ ஶோசிஷ்கேஶஹ்ரு'தாஶ்ரயஃ ।

ஈஶாநமூர்தா தேவேந்த்ரஶிகஃ பவநநந்தநஃ ॥ 54 ॥

ப்ரத்யுக்ரநயநோ திவ்யோ திவ்யாஸ்த்ரஶதபர்வத்ரு'க் ।

ஐராவதாதிஸர்வாஶாவாரணோ வாரணப்ரியஃ ॥ 55 ॥

வஜ்ராத்யஸ்த்ரபரீவாரோ கணசண்டஸமாஶ்ரயஃ ।

ஜயாஜயபரிகரோ விஜயாவிஜயாவஹஃ ॥ 56 ॥

அஜயார்சிதபாதாப்ஜோ நித்யாநந்தவநஸ்திதஃ ।

விலாஸிநீக்ரு'தோல்லாஸஃ ஶௌண்டீ ஸௌந்தர்யமண்டிதஃ ॥ 57 ॥

அநந்தாநந்தஸுகதஃ ஸுமங்கலஸுமங்கலஃ ।

ஜ்ஞாநாஶ்ரயஃ க்ரியாதார இச்சாஶக்திநிஷேவிதஃ ॥ 58 ॥

ஸுபகாஸம்ஶ்ரிதபதோ லலிதாலலிதாஶ்ரயஃ ।

காமிநீபாலநஃ காமகாமிநீகேலிலாலிதஃ ॥ 59 ॥

ஸரஸ்வத்யாஶ்ரயோ கௌரீநந்தநஃ ஶ்ரீநிகேதநஃ ।

குருகுப்தபதோ வாசாஸித்தோ வாகீஶ்வரீபதிஃ ॥ 60 ॥

நலிநீகாமுகோ வாமாராமோ ஜ்யேஷ்டாமநோரமஃ ।

ரௌத்ரீமுத்ரிதபாதாப்ஜோ ஹும்பீஜஸ்துங்கஶக்திகஃ ॥ 61 ॥

விஶ்வாதிஜநநத்ராணஃ ஸ்வாஹாஶக்திஃ ஸகீலகஃ ।

அம்ரு'தாப்திக்ரு'தாவாஸோ மதகூர்ணிதலோசநஃ ॥ 62 ॥

உச்சிஷ்டோச்சிஷ்டகணகோ கணேஶோ கணநாயகஃ ।

ஸார்வகாலிகஸம்ஸித்திர்நித்யஸேவ்யோ திகம்பரஃ ॥ 63 ॥

அநபாயோऽநந்தத்ரு'ஷ்டிரப்ரமேயோऽஜராமரஃ ।

அநாவிலோऽப்ரதிஹதிரச்யுதோऽம்ரு'தமக்ஷரஃ ॥ 64 ॥

அப்ரதர்க்யோऽக்ஷயோऽஜய்யோऽநாதாரோऽநாமயோமலஃ ।

அமேயஸித்திரத்வைதமகோரோऽக்நிஸமாநநஃ ॥ 65 ॥

அநாகாரோऽப்திபூம்யக்நிபலக்நோऽவ்யக்தலக்ஷணஃ ।

ஆதாரபீடமாதார ஆதாராதேயவர்ஜிதஃ ॥ 66 ॥

ஆகுகேதந ஆஶாபூரக ஆகுமஹாரதஃ ।

இக்ஷுஸாகரமத்யஸ்த இக்ஷுபக்ஷணலாலஸஃ ॥ 67 ॥

இக்ஷுசாபாதிரேகஶ்ரீரிக்ஷுசாபநிஷேவிதஃ ।

இந்த்ரகோபஸமாநஶ்ரீரிந்த்ரநீலஸமத்யுதிஃ ॥ 68 ॥

இந்தீவரதலஶ்யாம இந்துமண்டலமண்டிதஃ ।

இத்மப்ரிய இடாபாக இடாவாநிந்திராப்ரியஃ ॥ 69 ॥

இக்ஷ்வாகுவிக்நவித்வம்ஸீ இதிகர்தவ்யதேப்ஸிதஃ ।

ஈஶாநமௌலிரீஶாந ஈஶாநப்ரிய ஈதிஹா ॥ 70 ॥

ஈஷணாத்ரயகல்பாந்த ஈஹாமாத்ரவிவர்ஜிதஃ ।

உபேந்த்ர உடுப்ரு'ந்மௌலிருடுநாதகரப்ரியஃ ॥ 71 ॥

உந்நதாநந உத்துங்க உதாரஸ்த்ரிதஶாக்ரணீஃ ।

ஊர்ஜஸ்வாநூஷ்மலமத ஊஹாபோஹதுராஸதஃ ॥ 72 ॥

ரு'க்யஜுஃஸாமநயந ரு'த்திஸித்திஸமர்பகஃ ।

ரு'ஜுசித்தைகஸுலபோ ரு'ணத்ரயவிமோசநஃ ॥ 73 ॥

லுப்தவிக்நஃ ஸ்வபக்தாநாம் லுப்தஶக்திஃ ஸுரத்விஷாம் ।

லுப்தஶ்ரீர்விமுகார்சாநாம் லூதாவிஸ்போடநாஶநஃ ॥ 74 ॥

ஏகாரபீடமத்யஸ்த ஏகபாதக்ரு'தாஸநஃ ।

ஏஜிதாகிலதைத்யஶ்ரீரேதிதாகிலஸம்ஶ்ரயஃ ॥ 75 ॥

ஐஶ்வர்யநிதிரைஶ்வர்யமைஹிகாமுஷ்மிகப்ரதஃ ।

ஐரம்மதஸமோந்மேஷ ஐராவதஸமாநநஃ ॥ 76 ॥

ஓங்காரவாச்ய ஓங்கார ஓஜஸ்வாநோஷதீபதிஃ ।

ஔதார்யநிதிரௌத்தத்யதைர்ய ஔந்நத்யநிஃஸமஃ ॥ 77 ॥

அங்குஶஃ ஸுரநாகாநாமங்குஶாகாரஸம்ஸ்திதஃ ।

அஃ ஸமஸ்தவிஸர்காந்தபதேஷு பரிகீர்திதஃ ॥ 78 ॥

கமண்டலுதரஃ கல்பஃ கபர்தீ கலபாநநஃ ।

கர்மஸாக்ஷீ கர்மகர்தா கர்மாகர்மபலப்ரதஃ ॥ 79 ॥

கதம்பகோலகாகாரஃ கூஷ்மாண்டகணநாயகஃ ।

காருண்யதேஹஃ கபிலஃ கதகஃ கடிஸூத்ரப்ரு'த் ॥ 80 ॥

கர்வஃ கட்கப்ரியஃ கட்கஃ காந்தாந்தஃஸ்தஃ கநிர்மலஃ ।

கல்வாடஶ்ரு'ங்கநிலயஃ கட்வாங்கீ கதுராஸதஃ ॥ 81 ॥

குணாட்யோ கஹநோ கத்யோ கத்யபத்யஸுதார்ணவஃ ।

கத்யகாநப்ரியோ கர்ஜோ கீதகீர்வாணபூர்வஜஃ ॥ 82 ॥

குஹ்யாசாரரதோ குஹ்யோ குஹ்யாகமநிரூபிதஃ ।

குஹாஶயோ குடாப்திஸ்தோ குருகம்யோ குருர்குருஃ ॥ 83 ॥

கண்டாகர்கரிகாமாலீ கடகும்போ கடோதரஃ ।

ஙகாரவாச்யோ ஙாகாரோ ஙகாராகாரஶுண்டப்ரு'த் ॥ 84 ॥

சண்டஶ்சண்டேஶ்வரஶ்சண்டீ சண்டேஶஶ்சண்டவிக்ரமஃ ।

சராசரபிதா சிந்தாமணிஶ்சர்வணலாலஸஃ ॥ 85 ॥

சந்தஶ்சந்தோத்பவஶ்சந்தோ துர்லக்ஷ்யஶ்சந்தவிக்ரஹஃ ।

ஜகத்யோநிர்ஜகத்ஸாக்ஷீ ஜகதீஶோ ஜகந்மயஃ ॥ 86 ॥

ஜப்யோ ஜபபரோ ஜாப்யோ ஜிஹ்வாஸிம்ஹாஸநப்ரபுஃ ।

ஸ்ரவத்கண்டோல்லஸத்தாநசங்காரிப்ரமராகுலஃ ॥ 87 ॥

டங்காரஸ்பாரஸம்ராவஷ்டங்காரமணிநூபுரஃ ।

டத்வயீபல்லவாந்தஸ்தஸர்வமந்த்ரேஷு ஸித்திதஃ ॥ 88 ॥

டிண்டிமுண்டோ டாகிநீஶோ டாமரோ டிண்டிமப்ரியஃ ।

டக்காநிநாதமுதிதோ டௌங்கோ டுண்டிவிநாயகஃ ॥ 89 ॥

தத்த்வாநாம் ப்ரக்ரு'திஸ்தத்த்வம் தத்த்வம்பதநிரூபிதஃ ।

தாரகாந்தரஸம்ஸ்தாநஸ்தாரகஸ்தாரகாந்தகஃ ॥ 90 ॥

ஸ்தாணுஃ ஸ்தாணுப்ரியஃ ஸ்தாதா ஸ்தாவரம் ஜங்கமம் ஜகத் ।

தக்ஷயஜ்ஞப்ரமதநோ தாதா தாநம் தமோ தயா ॥ 91 ॥

தயாவாந்திவ்யவிபவோ தண்டப்ரு'த்தண்டநாயகஃ ।

தந்தப்ரபிந்நாப்ரமாலோ தைத்யவாரணதாரணஃ ॥ 92 ॥

தம்ஷ்ட்ராலக்நத்வீபகடோ தேவார்தந்ரு'கஜாக்ரு'திஃ ।

தநம் தநபதேர்பந்துர்தநதோ தரணீதரஃ ॥ 93 ॥

த்யாநைகப்ரகடோ த்யேயோ த்யாநம் த்யாநபராயணஃ ।

த்வநிப்ரக்ரு'திசீத்காரோ ப்ரஹ்மாண்டாவலிமேகலஃ ॥ 94 ॥

நந்த்யோ நந்திப்ரியோ நாதோ நாதமத்யப்ரதிஷ்டிதஃ ।

நிஷ்கலோ நிர்மலோ நித்யோ நித்யாநித்யோ நிராமயஃ ॥ 95 ॥

பரம் வ்யோம பரம் தாம பரமாத்மா பரம் பதம் ॥ 96 ॥

பராத்பரஃ பஶுபதிஃ பஶுபாஶவிமோசநஃ ।

பூர்ணாநந்தஃ பராநந்தஃ புராணபுருஷோத்தமஃ ॥ 97 ॥

பத்மப்ரஸந்நவதநஃ ப்ரணதாஜ்ஞாநநாஶநஃ ।

ப்ரமாணப்ரத்யயாதீதஃ ப்ரணதார்திநிவாரணஃ ॥ 98 ॥

பணிஹஸ்தஃ பணிபதிஃ பூத்காரஃ பணிதப்ரியஃ ।

பாணார்சிதாங்க்ரியுகலோ பாலகேலிகுதூஹலீ ।

ப்ரஹ்ம ப்ரஹ்மார்சிதபதோ ப்ரஹ்மசாரீ ப்ரு'ஹஸ்பதிஃ ॥ 99 ॥

ப்ரு'ஹத்தமோ ப்ரஹ்மபரோ ப்ரஹ்மண்யோ ப்ரஹ்மவித்ப்ரியஃ ।

ப்ரு'ஹந்நாதாக்ர்யசீத்காரோ ப்ரஹ்மாண்டாவலிமேகலஃ ॥ 100 ॥

ப்ரூக்ஷேபதத்தலக்ஷ்மீகோ பர்கோ பத்ரோ பயாபஹஃ ।

பகவாந் பக்திஸுலபோ பூதிதோ பூதிபூஷணஃ ॥ 101 ॥

பவ்யோ பூதாலயோ போகதாதா ப்ரூமத்யகோசரஃ ।

மந்த்ரோ மந்த்ரபதிர்மந்த்ரீ மதமத்தோ மநோ மயஃ ॥ 102 ॥

மேகலாஹீஶ்வரோ மந்தகதிர்மந்தநிபேக்ஷணஃ ।

மஹாபலோ மஹாவீர்யோ மஹாப்ராணோ மஹாமநாஃ ॥ 103 ॥

யஜ்ஞோ யஜ்ஞபதிர்யஜ்ஞகோப்தா யஜ்ஞபலப்ரதஃ ।

யஶஸ்கரோ யோககம்யோ யாஜ்ஞிகோ யாஜகப்ரியஃ ॥ 104 ॥

ரஸோ ரஸப்ரியோ ரஸ்யோ ரஞ்ஜகோ ராவணார்சிதஃ ।

ராஜ்யரக்ஷாகரோ ரத்நகர்போ ராஜ்யஸுகப்ரதஃ ॥ 105 ॥

லக்ஷோ லக்ஷபதிர்லக்ஷ்யோ லயஸ்தோ லட்டுகப்ரியஃ ।

லாஸப்ரியோ லாஸ்யபரோ லாபக்ரு'ல்லோகவிஶ்ருதஃ ॥ 106 ॥

வரேண்யோ வஹ்நிவதநோ வந்த்யோ வேதாந்தகோசரஃ ।

விகர்தா விஶ்வதஶ்சக்ஷுர்விதாதா விஶ்வதோமுகஃ ॥ 107 ॥

வாமதேவோ விஶ்வநேதா வஜ்ரிவஜ்ரநிவாரணஃ ।

விவஸ்வத்பந்தநோ விஶ்வாதாரோ விஶ்வேஶ்வரோ விபுஃ ॥ 108 ॥

ஶப்தப்ரஹ்ம ஶமப்ராப்யஃ ஶம்புஶக்திகணேஶ்வரஃ ।

ஶாஸ்தா ஶிகாக்ரநிலயஃ ஶரண்யஃ ஶம்பரேஶ்வரஃ ॥ 109 ॥

ஷட்ரு'துகுஸுமஸ்ரக்வீ ஷடாதாரஃ ஷடக்ஷரஃ ।

ஸம்ஸாரவைத்யஃ ஸர்வஜ்ஞஃ ஸர்வபேஷஜபேஷஜம் ॥ 110 ॥

ஸ்ரு'ஷ்டிஸ்திதிலயக்ரீடஃ ஸுரகுஞ்ஜரபேதகஃ ।

ஸிந்தூரிதமஹாகும்பஃ ஸதஸத்பக்திதாயகஃ ॥ 111 ॥

ஸாக்ஷீ ஸமுத்ரமதநஃ ஸ்வயம்வேத்யஃ ஸ்வதக்ஷிணஃ ।

ஸ்வதந்த்ரஃ ஸத்யஸங்கல்பஃ ஸாமகாநரதஃ ஸுகீ ॥ 112 ॥

ஹம்ஸோ ஹஸ்திபிஶாசீஶோ ஹவநம் ஹவ்யகவ்யபுக் ।

ஹவ்யம் ஹுதப்ரியோ ஹ்ரு'ஷ்டோ ஹ்ரு'ல்லேகாமந்த்ரமத்யகஃ ॥ 113 ॥

க்ஷேத்ராதிபஃ க்ஷமாபர்தா க்ஷமாக்ஷமபராயணஃ ।

க்ஷிப்ரக்ஷேமகரஃ க்ஷேமாநந்தஃ க்ஷோணீஸுரத்ருமஃ ॥ 114 ॥

தர்மப்ரதோऽர்ததஃ காமதாதா ஸௌபாக்யவர்தநஃ ।

வித்யாப்ரதோ விபவதோ புக்திமுக்திபலப்ரதஃ ॥ 115 ॥

ஆபிரூப்யகரோ வீரஶ்ரீப்ரதோ விஜயப்ரதஃ ।

ஸர்வவஶ்யகரோ கர்பதோஷஹா புத்ரபௌத்ரதஃ ॥ 116 ॥

மேதாதஃ கீர்திதஃ ஶோகஹாரீ தௌர்பாக்யநாஶநஃ ।

ப்ரதிவாதிமுகஸ்தம்போ ருஷ்டசித்தப்ரஸாதநஃ ॥ 117 ॥

பராபிசாரஶமநோ துஃகஹா பந்தமோக்ஷதஃ ।

லவஸ்த்ருடிஃ கலா காஷ்டா நிமேஷஸ்தத்பரக்ஷணஃ ॥ 118 ॥

கடீ முஹூர்தஃ ப்ரஹரோ திவா நக்தமஹர்நிஶம் ।

பக்ஷோ மாஸர்த்வயநாப்தயுகம் கல்போ மஹாலயஃ ॥ 119 ॥

ராஶிஸ்தாரா திதிர்யோகோ வாரஃ கரணமம்ஶகம் ।

லக்நம் ஹோரா காலசக்ரம் மேருஃ ஸப்தர்ஷயோ த்ருவஃ ॥ 120 ॥

ராஹுர்மந்தஃ கவிர்ஜீவோ புதோ பௌமஃ ஶஶீ ரவிஃ ।

காலஃ ஸ்ரு'ஷ்டிஃ ஸ்திதிர்விஶ்வம் ஸ்தாவரம் ஜங்கமம் ஜகத் ॥ 121 ॥

பூராபோऽக்நிர்மருத்வ்யோமாஹங்க்ரு'திஃ ப்ரக்ரு'திஃ புமாந் ।

ப்ரஹ்மா விஷ்ணுஃ ஶிவோ ருத்ர ஈஶஃ ஶக்திஃ ஸதாஶிவஃ ॥ 122 ॥

த்ரிதஶாஃ பிதரஃ ஸித்தா யக்ஷா ரக்ஷாம்ஸி கிந்நராஃ ।

ஸித்தவித்யாதரா பூதா மநுஷ்யாஃ பஶவஃ ககாஃ ॥ 123 ॥

ஸமுத்ராஃ ஸரிதஃ ஶைலா பூதம் பவ்யம் பவோத்பவஃ ।

ஸாங்க்யம் பாதஞ்ஜலம் யோகம் புராணாநி ஶ்ருதிஃ ஸ்ம்ரு'திஃ ॥ 124 ॥

வேதாங்காநி ஸதாசாரோ மீமாம்ஸா ந்யாயவிஸ்தரஃ ।

ஆயுர்வேதோ தநுர்வேதோ காந்தர்வம் காவ்யநாடகம் ॥ 125 ॥

வைகாநஸம் பாகவதம் மாநுஷம் பாஞ்சராத்ரகம் ।

ஶைவம் பாஶுபதம் காலாமுகம்பைரவஶாஸநம் ॥ 126 ॥

ஶாக்தம் வைநாயகம் ஸௌரம் ஜைநமார்ஹதஸம்ஹிதா ।

ஸதஸத்வ்யக்தமவ்யக்தம் ஸசேதநமசேதநம் ॥ 127 ॥

பந்தோ மோக்ஷஃ ஸுகம் போகோ யோகஃ ஸத்யமணுர்மஹாந் ।

ஸ்வஸ்தி ஹும்பட் ஸ்வதா ஸ்வாஹா ஶ்ரௌஷட் வௌஷட் வஷண் நமஃ 128 ॥

ஜ்ஞாநம் விஜ்ஞாநமாநந்தோ போதஃ ஸம்வித்ஸமோऽஸமஃ ।

ஏக ஏகாக்ஷராதார ஏகாக்ஷரபராயணஃ ॥ 129 ॥

ஏகாக்ரதீரேகவீர ஏகோऽநேகஸ்வரூபத்ரு'க் ।

த்விரூபோ த்விபுஜோ த்வ்யக்ஷோ த்விரதோ த்வீபரக்ஷகஃ ॥ 130 ॥

த்வைமாதுரோ த்விவதநோ த்வந்த்வஹீநோ த்வயாதிகஃ ।

த்ரிதாமா த்ரிகரஸ்த்ரேதா த்ரிவர்கபலதாயகஃ ॥ 131 ॥

த்ரிகுணாத்மா த்ரிலோகாதிஸ்த்ரிஶக்தீஶஸ்த்ரிலோசநஃ ।

சதுர்விதவசோவ்ரு'த்திபரிவ்ரு'த்திப்ரவர்தகஃ ॥ 132 ॥

சதுர்பாஹுஶ்சதுர்தந்தஶ்சதுராத்மா சதுர்புஜஃ ।

சதுர்விதோபாயமயஶ்சதுர்வர்ணாஶ்ரமாஶ்ரயஃ 133 ॥

சதுர்தீபூஜநப்ரீதஶ்சதுர்தீதிதிஸம்பவஃ ॥

பஞ்சாக்ஷராத்மா பஞ்சாத்மா பஞ்சாஸ்யஃ பஞ்சக்ரு'த்தமஃ ॥ 134 ॥

பஞ்சாதாரஃ பஞ்சவர்ணஃ பஞ்சாக்ஷரபராயணஃ ।

பஞ்சதாலஃ பஞ்சகரஃ பஞ்சப்ரணவமாத்ரு'கஃ ॥ 135 ॥

பஞ்சப்ரஹ்மமயஸ்பூர்திஃ பஞ்சாவரணவாரிதஃ ।

பஞ்சபக்ஷப்ரியஃ பஞ்சபாணஃ பஞ்சஶிகாத்மகஃ ॥ 136 ॥

ஷட்கோணபீடஃ ஷட்சக்ரதாமா ஷட்க்ரந்திபேதகஃ ।

ஷடங்கத்வாந்தவித்வம்ஸீ ஷடங்குலமஹாஹ்ரதஃ ॥ 137 ॥

ஷண்முகஃ ஷண்முகப்ராதா ஷட்ஶக்திபரிவாரிதஃ ।

ஷட்வைரிவர்கவித்வம்ஸீ ஷடூர்மிபயபஞ்ஜநஃ ॥ 138 ॥

ஷட்தர்கதூரஃ ஷட்கர்மா ஷட்குணஃ ஷட்ரஸாஶ்ரயஃ ।

ஸப்தபாதாலசரணஃ ஸப்தத்வீபோருமண்டலஃ ॥ 139 ॥

ஸப்தஸ்வர்லோகமுகுடஃ ஸப்தஸப்திவரப்ரதஃ ।

ஸப்தாங்கராஜ்யஸுகதஃ ஸப்தர்ஷிகணவந்திதஃ ॥ 140 ॥

ஸப்தச்சந்தோநிதிஃ ஸப்தஹோத்ரஃ ஸப்தஸ்வராஶ்ரயஃ ।

ஸப்தாப்திகேலிகாஸாரஃ ஸப்தமாத்ரு'நிஷேவிதஃ ॥ 141 ॥

ஸப்தச்சந்தோ மோதமதஃ ஸப்தச்சந்தோ மகப்ரபுஃ ।

அஷ்டமூர்திர்த்யேயமூர்திரஷ்டப்ரக்ரு'திகாரணம் ॥ 142 ॥

அஷ்டாங்கயோகபலப்ரு'தஷ்டபத்ராம்புஜாஸநஃ ।

அஷ்டஶக்திஸமாநஶ்ரீரஷ்டைஶ்வர்யப்ரவர்தநஃ ॥ 143 ॥

அஷ்டபீடோபபீடஶ்ரீரஷ்டமாத்ரு'ஸமாவ்ரு'தஃ ।

அஷ்டபைரவஸேவ்யோऽஷ்டவஸுவந்த்யோऽஷ்டமூர்திப்ரு'த் ॥ 144 ॥

அஷ்டசக்ரஸ்புரந்மூர்திரஷ்டத்ரவ்யஹவிஃப்ரியஃ ।

அஷ்டஶ்ரீரஷ்டஸாமஶ்ரீரஷ்டைஶ்வர்யப்ரதாயகஃ ।

நவநாகாஸநாத்யாஸீ நவநித்யநுஶாஸிதஃ ॥ 145 ॥

நவத்வாரபுராவ்ரு'த்தோ நவத்வாரநிகேதநஃ ।

நவநாதமஹாநாதோ நவநாகவிபூஷிதஃ ॥ 146 ॥

நவநாராயணஸ்துல்யோ நவதுர்காநிஷேவிதஃ ।

நவரத்நவிசித்ராங்கோ நவஶக்திஶிரோத்த்ரு'தஃ ॥ 147 ॥

தஶாத்மகோ தஶபுஜோ தஶதிக்பதிவந்திதஃ ।

தஶாத்யாயோ தஶப்ராணோ தஶேந்த்ரியநியாமகஃ ॥ 148 ॥

தஶாக்ஷரமஹாமந்த்ரோ தஶாஶாவ்யாபிவிக்ரஹஃ ।

ஏகாதஶமஹாருத்ரைஃஸ்துதஶ்சைகாதஶாக்ஷரஃ ॥ 149 ॥

த்வாதஶத்விதஶாஷ்டாதிதோர்தண்டாஸ்த்ரநிகேதநஃ ।

த்ரயோதஶபிதாபிந்நோ விஶ்வேதேவாதிதைவதம் ॥ 150 ॥

சதுர்தஶேந்த்ரவரதஶ்சதுர்தஶமநுப்ரபுஃ ।

சதுர்தஶாத்யவித்யாட்யஶ்சதுர்தஶஜகத்பதிஃ ॥ 151 ॥

ஸாமபஞ்சதஶஃ பஞ்சதஶீஶீதாம்ஶுநிர்மலஃ ।

திதிபஞ்சதஶாகாரஸ்தித்யா பஞ்சதஶார்சிதஃ ॥ 152 ॥

ஷோடஶாதாரநிலயஃ ஷோடஶஸ்வரமாத்ரு'கஃ ।

ஷோடஶாந்தபதாவாஸஃ ஷோடஶேந்துகலாத்மகஃ ॥ 153 ॥

கலாஸப்ததஶீ ஸப்ததஶஸப்ததஶாக்ஷரஃ ।

அஷ்டாதஶத்வீபபதிரஷ்டாதஶபுராணக்ரு'த் ॥ 154 ॥

அஷ்டாதஶௌஷதீஸ்ரு'ஷ்டிரஷ்டாதஶவிதிஃ ஸ்ம்ரு'தஃ ।

அஷ்டாதஶலிபிவ்யஷ்டிஸமஷ்டிஜ்ஞாநகோவிதஃ ॥ 155 ॥

அஷ்டாதஶாந்நஸம்பத்திரஷ்டாதஶவிஜாதிக்ரு'த் ।

ஏகவிம்ஶஃ புமாநேகவிம்ஶத்யங்குலிபல்லவஃ ॥ 156 ॥

சதுர்விம்ஶதிதத்த்வாத்மா பஞ்சவிம்ஶாக்யபூருஷஃ ।

ஸப்தவிம்ஶதிதாரேஶஃ ஸப்தவிம்ஶதியோகக்ரு'த் ॥ 157 ॥

த்வாத்ரிம்ஶத்பைரவாதீஶஶ்சதுஸ்த்ரிம்ஶந்மஹாஹ்ரதஃ ।

ஷட்த்ரிம்ஶத்தத்த்வஸம்பூதிரஷ்டத்ரிம்ஶத்கலாத்மகஃ ॥ 158 ॥

பஞ்சாஶத்விஷ்ணுஶக்தீஶஃ பஞ்சாஶந்மாத்ரு'காலயஃ ।

த்விபஞ்சாஶத்வபுஃஶ்ரேணீத்ரிஷஷ்ட்யக்ஷரஸம்ஶ்ரயஃ ।

பஞ்சாஶதக்ஷரஶ்ரேணீபஞ்சாஶத்ருத்ரவிக்ரஹஃ ॥ 159 ॥

சதுஃஷஷ்டிமஹாஸித்தியோகிநீவ்ரு'ந்தவந்திதஃ ।

நமதேகோநபஞ்சாஶந்மருத்வர்கநிரர்கலஃ ॥ 160 ॥

சதுஃஷஷ்ட்யர்தநிர்ணேதா சதுஃஷஷ்டிகலாநிதிஃ ।

அஷ்டஷஷ்டிமஹாதீர்தக்ஷேத்ரபைரவவந்திதஃ ॥ 161 ॥

சதுர்நவதிமந்த்ராத்மா ஷண்ணவத்யதிகப்ரபுஃ ।

ஶதாநந்தஃ ஶதத்ரு'திஃ ஶதபத்ராயதேக்ஷணஃ ॥ 162 ॥

ஶதாநீகஃ ஶதமகஃ ஶததாராவராயுதஃ ।

ஸஹஸ்ரபத்ரநிலயஃ ஸஹஸ்ரபணிபூஷணஃ ॥ 163 ॥

ஸஹஸ்ரஶீர்ஷா புருஷஃ ஸஹஸ்ராக்ஷஃ ஸஹஸ்ரபாத் ।

ஸஹஸ்ரநாமஸம்ஸ்துத்யஃ ஸஹஸ்ராக்ஷபலாபஹஃ ॥ 164 ॥

தஶஸாஹஸ்ரபணிப்ரு'த்பணிராஜக்ரு'தாஸநஃ ।

அஷ்டாஶீதிஸஹஸ்ராத்யமஹர்ஷிஸ்தோத்ரபாடிதஃ ॥ 165 ॥

லக்ஷாதாரஃ ப்ரியாதாரோ லக்ஷாதாரமநோமயஃ ।

சதுர்லக்ஷஜபப்ரீதஶ்சதுர்லக்ஷப்ரகாஶகஃ ॥ 166 ॥

சதுரஶீதிலக்ஷாணாம் ஜீவாநாம் தேஹஸம்ஸ்திதஃ ।

கோடிஸூர்யப்ரதீகாஶஃ கோடிசந்த்ராம்ஶுநிர்மலஃ ॥ 167 ॥

ஶிவோத்பவாத்யஷ்டகோடிவைநாயகதுரந்தரஃ ।

ஸப்தகோடிமஹாமந்த்ரமந்த்ரிதாவயவத்யுதிஃ ॥ 168 ॥

த்ரயஸ்த்ரிம்ஶத்கோடிஸுரஶ்ரேணீப்ரணதபாதுகஃ ।

அநந்ததேவதாஸேவ்யோ ஹ்யநந்தஶுபதாயகஃ ॥ 169 ॥

அநந்தநாமாநந்தஶ்ரீரநந்தோऽநந்தஸௌக்யதஃ ।

அநந்தஶக்திஸஹிதோ ஹ்யநந்தமுநிஸம்ஸ்துதஃ ॥ 170 ॥

இதி வைநாயகம் நாம்நாம் ஸஹஸ்ரமிதமீரிதம் ।

இதம் ப்ராஹ்மே முஹூர்தே யஃ படதி ப்ரத்யஹம் நரஃ ॥ 171 ॥

கரஸ்தம் தஸ்ய ஸகலமைஹிகாமுஷ்மிகம் ஸுகம் ।

ஆயுராரோக்யமைஶ்வர்யம் தைர்யம் ஶௌர்யம் பலம் யஶஃ ॥ 172 ॥

மேதா ப்ரஜ்ஞா த்ரு'திஃ காந்திஃ ஸௌபாக்யமபிரூபதா ।

ஸத்யம் தயா க்ஷமா ஶாந்திர்தாக்ஷிண்யம் தர்மஶீலதா ॥ 173 ॥

ஜகத்ஸம்வநநம் விஶ்வஸம்வாதோ வேதபாடவம் ।

ஸபாபாண்டித்யமௌதார்யம் காம்பீர்யம் ப்ரஹ்மவர்சஸம் ॥ 174 ॥

ஓஜஸ்தேஜஃ குலம் ஶீலம் ப்ரதாபோ வீர்யமார்யதா ।

ஜ்ஞாநம் விஜ்ஞாநமாஸ்திக்யம் ஸ்தைர்யம் விஶ்வாஸதா ததா ॥ 175 ॥

தநதாந்யாதிவ்ரு'த்திஶ்ச ஸக்ரு'தஸ்ய ஜபாத்பவேத் ।

வஶ்யம் சதுர்விதம் விஶ்வம் ஜபாதஸ்ய ப்ரஜாயதே ॥ 176 ॥

ராஜ்ஞோ ராஜகலத்ரஸ்ய ராஜபுத்ரஸ்ய மந்த்ரிணஃ ।

ஜப்யதே யஸ்ய வஶ்யார்தே ஸ தாஸஸ்தஸ்ய ஜாயதே ॥ 177 ॥

தர்மார்தகாமமோக்ஷாணாமநாயாஸேந ஸாதநம் ।

ஶாகிநீடாகிநீரக்ஷோயக்ஷக்ரஹபயாபஹம் ॥ 178 ॥

ஸாம்ராஜ்யஸுகதம் ஸர்வஸபத்நமதமர்தநம் ।

ஸமஸ்தகலஹத்வம்ஸி தக்தபீஜப்ரரோஹணம் ॥ 179 ॥

துஃஸ்வப்நஶமநம் க்ருத்தஸ்வாமிசித்தப்ரஸாதநம் ।

ஷட்வர்காஷ்டமஹாஸித்தித்ரிகாலஜ்ஞாநகாரணம் ॥ 180 ॥

பரக்ரு'த்யப்ரஶமநம் பரசக்ரப்ரமர்தநம் ।

ஸங்க்ராமமார்கே ஸவேஷாமிதமேகம் ஜயாவஹம் ॥ 181 ॥

ஸர்வவந்த்யத்வதோஷக்நம் கர்பரக்ஷைககாரணம் ।

பட்யதே ப்ரத்யஹம் யத்ர ஸ்தோத்ரம் கணபதேரிதம் ॥ 182 ॥

தேஶே தத்ர ந துர்பிக்ஷமீதயோ துரிதாநி ச ।

ந தத்கேஹம் ஜஹாதி ஶ்ரீர்யத்ராயம் ஜப்யதே ஸ்தவஃ ॥ 183 ॥

க்ஷயகுஷ்டப்ரமேஹார்ஶபகந்தரவிஷூசிகாஃ ।

குல்மம் ப்லீஹாநமஶமாநமதிஸாரம் மஹோதரம் ॥ 184 ॥

காஸம் ஶ்வாஸமுதாவர்தம் ஶூலம் ஶோபாமயோதரம் ।

ஶிரோரோகம் வமிம் ஹிக்காம் கண்டமாலாமரோசகம் ॥ 185 ॥

வாதபித்தகபத்வந்த்வத்ரிதோஷஜநிதஜ்வரம் ।

ஆகந்துவிஷமம் ஶீதமுஷ்ணம் சைகாஹிகாதிகம் ॥ 186 ॥

இத்யாத்யுக்தமநுக்தம் வா ரோகதோஷாதிஸம்பவம் ।

ஸர்வம் ப்ரஶமயத்யாஶு ஸ்தோத்ரஸ்யாஸ்ய ஸக்ரு'ஜ்ஜபஃ ॥ 187 ॥

ப்ராப்யதேऽஸ்ய ஜபாத்ஸித்திஃ ஸ்த்ரீஶூத்ரைஃ பதிதைரபி ।

ஸஹஸ்ரநாமமந்த்ரோऽயம் ஜபிதவ்யஃ ஶுபாப்தயே ॥ 188 ॥

மஹாகணபதேஃ ஸ்தோத்ரம் ஸகாமஃ ப்ரஜபந்நிதம் ।

இச்சயா ஸகலாந் போகாநுபபுஜ்யேஹ பார்திவாந் ॥ 189 ॥

மநோரதபலைர்திவ்யைர்வ்யோமயாநைர்மநோரமைஃ ।

சந்த்ரேந்த்ரபாஸ்கரோபேந்த்ரப்ரஹ்மஶர்வாதிஸத்மஸு ॥ 190 ॥

காமரூபஃ காமகதிஃ காமதஃ காமதேஶ்வரஃ ।

புக்த்வா யதேப்ஸிதாந்போகாநபீஷ்டைஃ ஸஹ பந்துபிஃ ॥ 191 ॥

கணேஶாநுசரோ பூத்வா கணோ கணபதிப்ரியஃ ।

நந்தீஶ்வராதிஸாநந்தைர்நந்திதஃ ஸகலைர்கணைஃ ॥ 192 ॥

ஶிவாப்யாம் க்ரு'பயா புத்ரநிர்விஶேஷம் ச லாலிதஃ ।

ஶிவபக்தஃ பூர்ணகாமோ கணேஶ்வரவராத்புநஃ ॥ 193 ॥

ஜாதிஸ்மரோ தர்மபரஃ ஸார்வபௌமோऽபிஜாயதே ।

நிஷ்காமஸ்து ஜபந்நித்யம் பக்த்யா விக்நேஶதத்பரஃ ॥ 194 ॥

யோகஸித்திம் பராம் ப்ராப்ய ஜ்ஞாநவைராக்யஸம்யுதஃ ।

நிரந்தரே நிராபாதே பரமாநந்தஸஞ்ஜ்ஞிதே ॥ 195 ॥

விஶ்வோத்தீர்ணே பரே பூர்ணே புநராவ்ரு'த்திவர்ஜிதே ।

லீநோ வைநாயகே தாம்நி ரமதே நித்யநிர்வ்ரு'தே ॥ 196 ॥

யோ நாமபிர்ஹுதைர்தத்தைஃ பூஜயேதர்சயேஏந்நரஃ ।

ராஜாநோ வஶ்யதாம் யாந்தி ரிபவோ யாந்தி தாஸதாம் ॥ 197 ॥

தஸ்ய ஸித்யந்தி மந்த்ராணாம் துர்லபாஶ்சேஷ்டஸித்தயஃ ।

மூலமந்த்ராதபி ஸ்தோத்ரமிதம் ப்ரியதமம் மம ॥ 198 ॥

நபஸ்யே மாஸி ஶுக்லாயாம் சதுர்த்யாம் மம ஜந்மநி ।

தூர்வாபிர்நாமபிஃ பூஜாம் தர்பணம் விதிவச்சரேத் ॥ 199 ॥

அஷ்டத்ரவ்யைர்விஶேஷேண குர்யாத்பக்திஸுஸம்யுதஃ ।

தஸ்யேப்ஸிதம் தநம் தாந்யமைஶ்வர்யம் விஜயோ யஶஃ ॥ 200 ॥

பவிஷ்யதி ந ஸந்தேஹஃ புத்ரபௌத்ராதிகம் ஸுகம் ।

இதம் ப்ரஜபிதம் ஸ்தோத்ரம் படிதம் ஶ்ராவிதம் ஶ்ருதம் ॥ 201 ॥

வ்யாக்ரு'தம் சர்சிதம் த்யாதம் விம்ரு'ஷ்டமபிவந்திதம் ।

இஹாமுத்ர ச விஶ்வேஷாம் விஶ்வைஶ்வர்யப்ரதாயகம் ॥ 202 ॥

ஸ்வச்சந்தசாரிணாப்யேஷ யேந ஸந்தார்யதே ஸ்தவஃ ।

ஸ ரக்ஷ்யதே ஶிவோத்பூதைர்கணைரத்யஷ்டகோடிபிஃ ॥ 203 ॥

லிகிதம் புஸ்தகஸ்தோத்ரம் மந்த்ரபூதம் ப்ரபூஜயேத் ।

தத்ர ஸர்வோத்தமா லக்ஷ்மீஃ ஸந்நிதத்தே நிரந்தரம் ॥ 204 ॥

தாநைரஶேஷைரகிலைர்வ்ரதைஶ்ச தீர்தைரஶேஷைரகிலைர்மகைஶ்ச ।

ந தத்பலம் விந்ததி யத்கணேஶஸஹஸ்ரநாமஸ்மரணேந ஸத்யஃ ॥ 205 ॥

ஏதந்நாம்நாம் ஸஹஸ்ரம் படதி திநமணௌ ப்ரத்யஹம்ப்ரோஜ்ஜிஹாநே

ஸாயம் மத்யந்திநே வா த்ரிஷவணமதவா ஸந்ததம் வா ஜநோ யஃ ।

ஸ ஸ்யாதைஶ்வர்யதுர்யஃ ப்ரபவதி வசஸாம் கீர்திமுச்சைஸ்தநோதி

தாரித்ர்யம் ஹந்தி விஶ்வம் வஶயதி ஸுசிரம் வர்ததே புத்ரபௌத்ரைஃ ॥ 206 ॥

அகிஞ்சநோப்யேகசித்தோ நியதோ நியதாஸநஃ ।

ப்ரஜபம்ஶ்சதுரோ மாஸாந் கணேஶார்சநதத்பரஃ ॥ 207 ॥

தரித்ரதாம் ஸமுந்மூல்ய ஸப்தஜந்மாநுகாமபி ।

லபதே மஹதீம் லக்ஷ்மீமித்யாஜ்ஞா பாரமேஶ்வரீ ॥ 208 ॥

ஆயுஷ்யம் வீதரோகம் குலமதிவிமலம் ஸம்பதஶ்சார்திநாஶஃ

கீர்திர்நித்யாவதாதா பவதி கலு நவா காந்திரவ்யாஜபவ்யா ।

புத்ராஃ ஸந்தஃ கலத்ரம் குணவதபிமதம் யத்யதந்யச்ச தத்த -

ந்நித்யம் யஃ ஸ்தோத்ரமேதத் படதி கணபதேஸ்தஸ்ய ஹஸ்தே ஸமஸ்தம் ॥ 209 ॥

கணஞ்ஜயோ கணபதிர்ஹேரம்போ தரணீதரஃ ।

மஹாகணபதிர்புத்திப்ரியஃ க்ஷிப்ரப்ரஸாதநஃ ॥ 210 ॥

அமோகஸித்திரம்ரு'தமந்த்ரஶ்சிந்தாமணிர்நிதிஃ ।

ஸுமங்கலோ பீஜமாஶாபூரகோ வரதஃ கலஃ ॥ 211 ॥

காஶ்யபோ நந்தநோ வாசாஸித்தோ டுண்டிர்விநாயகஃ ।

மோதகைரேபிரத்ரைகவிம்ஶத்யா நாமபிஃ புமாந் ॥ 212 ॥

உபாயநம் ததேத்பக்த்யா மத்ப்ரஸாதம் சிகீர்ஷதி ।

வத்ஸரம் விக்நராஜோऽஸ்ய தத்யமிஷ்டார்தஸித்தயே ॥ 213 ॥

யஃ ஸ்தௌதி மத்கதமநா மமாராதநதத்பரஃ ।

ஸ்துதோ நாம்நா ஸஹஸ்ரேண தேநாஹம் நாத்ர ஸம்ஶயஃ ॥ 214 ॥

நமோ நமஃ ஸுரவரபூஜிதாங்க்ரயே

நமோ நமோ நிருபமமங்கலாத்மநே ।

நமோ நமோ விபுலதயைகஸித்தயே

நமோ நமஃ கரிகலபாநநாய தே ॥ 215 ॥

கிங்கிணீகணரசிதசரணஃ

ப்ரகடிதகுருமிதசாருகரணஃ ।

மதஜலலஹரீகலிதகபோலஃ

ஶமயது துரிதம் கணபதிநாம்நா ॥ 216 ॥

॥ இதி ஶ்ரீகணேஶபுராணே உபாஸநாகண்டே ஈஶ்வரகணேஶஸம்வாதே

கணேஶஸஹஸ்ரநாமஸ்தோத்ரம் நாம ஷட்சத்வாரிம்ஶோத்யாயஃ ॥

Roman (IAST) Transliteration

muniruvāca

kathaṃ nāmnāṃ sahasraṃ taṃ gaṇeśa upadiṣṭavān |

śivadaṃ tanmamācakṣva lokānugrahatatpara || 1 ||

brahmovāca

devaḥ pūrvaṃ purārātiḥ puratrayajayodyame |

anarcanādgaṇeśasya jāto vighnākulaḥ kila || 2 ||

manasā sa vinirdhārya dadṛśe vighnakāraṇam |

mahāgaṇapatiṃ bhaktyā samabhyarcya yathāvidhi || 3 ||

vighnapraśamanopāyamapṛcchadapariśramam |

santuṣṭaḥ pūjayā śambhormahāgaṇapatiḥ svayam || 4 ||

sarvavighnapraśamanaṃ sarvakāmaphalapradam |

tatastasmai svayaṃ nāmnāṃ sahasramidamabravīt || 5 ||

asya śrīmahāgaṇapatisahasranāmastotramālāmantrasya |

gaṇeśa ṛṣiḥ, mahāgaṇapatirdevatā, nānāvidhānicchandāṃsi |

humiti bījam, tuṅgamiti śaktiḥ, svāhāśaktiriti kīlakam |

sakalavighnavināśanadvārā śrīmahāgaṇapatiprasādasiddhyarthe jape viniyogaḥ |

atha karanyāsaḥ

gaṇeśvaro gaṇakrīḍa ityaṅguṣṭhābhyāṃ namaḥ |

kumāragururīśāna iti tarjanībhyāṃ namaḥ ||

brahmāṇḍakumbhaścidvyometi madhyamābhyāṃ namaḥ |

rakto raktāmbaradhara ityanāmikābhyāṃ namaḥ

sarvasadgurusaṃsevya iti kaniṣṭhikābhyāṃ namaḥ |

luptavighnaḥ svabhaktānāmiti karatalakarapṛṣṭhābhyāṃ namaḥ ||

atha aṅganyāsaḥ

chandaśchandodbhava iti hṛdayāya namaḥ |

niṣkalo nirmala iti śirase svāhā |

sṛṣṭisthitilayakrīḍa iti śikhāyai vaṣaṭ |

jñānaṃ vijñānamānanda iti kavacāya hum |

aṣṭāṅgayogaphalabhṛditi netratrayāya vauṣaṭ |

anantaśaktisahita ityastrāya phaṭ |

bhūrbhuvaḥ svaroṃ iti digbandhaḥ |

atha dhyānam

gajavadanamacintyaṃ tīkṣṇadaṃṣṭraṃ trinetraṃ

bṛhadudaramaśeṣaṃ bhūtirājaṃ purāṇam |

amaravarasupūjyaṃ raktavarṇaṃ sureśaṃ

paśupatisutamīśaṃ vighnarājaṃ namāmi ||

śrīgaṇapatiruvāca

oṃ gaṇeśvaro gaṇakrīḍo gaṇanātho gaṇādhipaḥ |

ekadanto vakratuṇḍo gajavaktro mahodaraḥ || 1 ||

lambodaro dhūmravarṇo vikaṭo vighnanāśanaḥ |

sumukho durmukho buddho vighnarājo gajānanaḥ || 2 ||

bhīmaḥ pramoda āmodaḥ surānando madotkaṭaḥ |

herambaḥ śambaraḥ śambhurlambakarṇo mahābalaḥ || 3 ||

nandano lampaṭo bhīmo meghanādo gaṇañjayaḥ |

vināyako virūpākṣo vīraḥ śūravarapradaḥ || 4 ||

mahāgaṇapatirbuddhipriyaḥ kṣipraprasādanaḥ |

rudrapriyo gaṇādhyakṣa umāputro'ghanāśanaḥ || 5 ||

kumāragururīśānaputro mūṣakavāhanaḥ |

siddhipriyaḥ siddhipatiḥ siddhaḥ siddhivināyakaḥ || 6 ||

avighnastumburuḥ siṃhavāhano mohinīpriyaḥ |

kaṭaṅkaṭo rājaputraḥ śākalaḥ sammitomitaḥ || 7 ||

kūṣmāṇḍasāmasambhūtirdurjayo dhūrjayo jayaḥ |

bhūpatirbhuvanapatirbhūtānāṃ patiravyayaḥ || 8 ||

viśvakartā viśvamukho viśvarūpo nidhirguṇaḥ |

kaviḥ kavīnāmṛṣabho brahmaṇyo brahmavitpriyaḥ || 9 ||

jyeṣṭharājo nidhipatirnidhipriyapatipriyaḥ |

hiraṇmayapurāntaḥsthaḥ sūryamaṇḍalamadhyagaḥ || 10 ||

karāhatidhvastasindhusalilaḥ pūṣadantabhit |

umāṅkakelikutukī muktidaḥ kulapāvanaḥ || 11 ||

kirīṭī kuṇḍalī hārī vanamālī manomayaḥ |

vaimukhyahatadaityaśrīḥ pādāhatijitakṣitiḥ || 12 ||

sadyojātaḥ svarṇamuñjamekhalī durnimittahṛt |

duḥsvapnahṛtprasahano guṇī nādapratiṣṭhitaḥ || 13 ||

surūpaḥ sarvanetrādhivāso vīrāsanāśrayaḥ |

pītāmbaraḥ khaṇḍaradaḥ khaṇḍavaiśākhasaṃsthitaḥ || 14 ||

citrāṅgaḥ śyāmadaśano bhālacandro havirbhujaḥ |

yogādhipastārakasthaḥ puruṣo gajakarṇakaḥ || 15 ||

gaṇādhirājo vijayaḥ sthiro gajapatidhvajī |

devadevaḥ smaraḥ prāṇadīpako vāyukīlakaḥ || 16 ||

vipaścidvarado nādo nādabhinnamahācalaḥ |

varāharadano mṛtyuñjayo vyāghrājināmbaraḥ || 17 ||

icchāśaktibhavo devatrātā daityavimardanaḥ |

śambhuvaktrodbhavaḥ śambhukopahā śambhuhāsyabhūḥ || 18 ||

śambhutejāḥ śivāśokahārī gaurīsukhāvahaḥ |

umāṅgamalajo gaurītejobhūḥ svardhunībhavaḥ || 19 ||

yajñakāyo mahānādo girivarṣmā śubhānanaḥ |

sarvātmā sarvadevātmā brahmamūrdhā kakupśrutiḥ || 20 ||

brahmāṇḍakumbhaścidvyomabhālaḥsatyaśiroruhaḥ |

jagajjanmalayonmeṣanimeṣo'gnyarkasomadṛk || 21 ||

girīndraikarado dharmādharmoṣṭhaḥ sāmabṛṃhitaḥ |

graharkṣadaśano vāṇījihvo vāsavanāsikaḥ || 22 ||

bhrūmadhyasaṃsthitakaro brahmavidyāmadodakaḥ |

kulācalāṃsaḥ somārkaghaṇṭo rudraśirodharaḥ || 23 ||

nadīnadabhujaḥ sarpāṅgulīkastārakānakhaḥ |

vyomanābhiḥ śrīhṛdayo merupṛṣṭho'rṇavodaraḥ || 24 ||

kukṣisthayakṣagandharvarakṣaḥkinnaramānuṣaḥ |

pṛthvīkaṭiḥ sṛṣṭiliṅgaḥ śailorurdasrajānukaḥ || 25 ||

pātālajaṅgho munipātkālāṅguṣṭhastrayītanuḥ |

jyotirmaṇḍalalāṅgūlo hṛdayālānaniścalaḥ || 26 ||

hṛtpadmakarṇikāśālī viyatkelisarovaraḥ |

sadbhaktadhyānanigaḍaḥ pūjāvārinivāritaḥ || 27 ||

pratāpī kāśyapo mantā gaṇako viṣṭapī balī |

yaśasvī dhārmiko jetā prathamaḥ pramatheśvaraḥ || 28 ||

cintāmaṇirdvīpapatiḥ kalpadrumavanālayaḥ |

ratnamaṇḍapamadhyastho ratnasiṃhāsanāśrayaḥ || 29 ||

tīvrāśiroddhṛtapado jvālinīmaulilālitaḥ |

nandānanditapīṭhaśrīrbhogado bhūṣitāsanaḥ || 30 ||

sakāmadāyinīpīṭhaḥ sphuradugrāsanāśrayaḥ |

tejovatīśiroratnaṃ satyānityāvataṃsitaḥ || 31 ||

savighnanāśinīpīṭhaḥ sarvaśaktyambujālayaḥ |

lipipadmāsanādhāro vahnidhāmatrayālayaḥ || 32 ||

unnataprapado gūḍhagulphaḥ saṃvṛtapārṣṇikaḥ |

pīnajaṅghaḥ śliṣṭajānuḥ sthūloruḥ pronnamatkaṭiḥ || 33 ||

nimnanābhiḥ sthūlakukṣiḥ pīnavakṣā bṛhadbhujaḥ |

pīnaskandhaḥ kambukaṇṭho lamboṣṭho lambanāsikaḥ || 34 ||

bhagnavāmaradastuṅgasavyadanto mahāhanuḥ |

hrasvanetratrayaḥ śūrpakarṇo nibiḍamastakaḥ || 35 ||

stabakākārakumbhāgro ratnamaulirniraṅkuśaḥ |

sarpahārakaṭīsūtraḥ sarpayajñopavītavān || 36 ||

sarpakoṭīrakaṭakaḥ sarpagraiveyakāṅgadaḥ |

sarpakakṣodarābandhaḥ sarparājottaracchadaḥ || 37 ||

rakto raktāmbaradharo raktamālāvibhūṣaṇaḥ |

raktekṣano raktakaro raktatālvoṣṭhapallavaḥ || 38 ||

śvetaḥ śvetāmbaradharaḥ śvetamālāvibhūṣaṇaḥ |

śvetātapatraruciraḥ śvetacāmaravījitaḥ || 39 ||

sarvāvayavasampūrṇaḥ sarvalakṣaṇalakṣitaḥ |

sarvābharaṇaśobhāḍhyaḥ sarvaśobhāsamanvitaḥ || 40 ||

sarvamaṅgalamāṅgalyaḥ sarvakāraṇakāraṇam |

sarvadevavaraḥ śārṅgī bījapūrī gadādharaḥ || 41 ||

śubhāṅgo lokasāraṅgaḥ sutantustantuvardhanaḥ |

kirīṭī kuṇḍalī hārī vanamālī śubhāṅgadaḥ || 42 ||

ikṣucāpadharaḥ śūlī cakrapāṇiḥ sarojabhṛt |

pāśī dhṛtotpalaḥ śālimañjarībhṛtsvadantabhṛt || 43 ||

kalpavallīdharo viśvābhayadaikakaro vaśī |

akṣamālādharo jñānamudrāvān mudgarāyudhaḥ || 44 ||

pūrṇapātrī kambudharo vidhṛtāṅkuśamūlakaḥ |

karasthāmraphalaścūtakalikābhṛtkuṭhāravān || 45 ||

puṣkarasthasvarṇaghaṭīpūrṇaratnābhivarṣakaḥ |

bhāratīsundarīnātho vināyakaratipriyaḥ || 46 ||

mahālakṣmīpriyatamaḥ siddhalakṣmīmanoramaḥ |

ramārameśapūrvāṅgo dakṣiṇomāmaheśvaraḥ || 47 ||

mahīvarāhavāmāṅgo ratikandarpapaścimaḥ |

āmodamodajananaḥ sapramodapramodanaḥ || 48 ||

saṃvardhitamahāvṛddhirṛddhisiddhipravardhanaḥ |

dantasaumukhyasumukhaḥ kāntikandalitāśrayaḥ || 49 ||

madanāvatyāśritāṅghriḥ kṛtavaimukhyadurmukhaḥ |

vighnasampallavaḥ padmaḥ sarvonnatamadadravaḥ || 50 ||

vighnakṛnnimnacaraṇo drāviṇīśaktisatkṛtaḥ |

tīvrāprasannanayano jvālinīpālitaikadṛk || 51 ||

mohinīmohano bhogadāyinīkāntimaṇḍanaḥ |

kāminīkāntavaktraśrīradhiṣṭhitavasundharaḥ || 52 ||

vasudhārāmadonnādo mahāśaṅkhanidhipriyaḥ |

namadvasumatīmālī mahāpadmanidhiḥ prabhuḥ || 53 ||

sarvasadgurusaṃsevyaḥ śociṣkeśahṛdāśrayaḥ |

īśānamūrdhā devendraśikhaḥ pavananandanaḥ || 54 ||

pratyugranayano divyo divyāstraśataparvadhṛk |

airāvatādisarvāśāvāraṇo vāraṇapriyaḥ || 55 ||

vajrādyastraparīvāro gaṇacaṇḍasamāśrayaḥ |

jayājayaparikaro vijayāvijayāvahaḥ || 56 ||

ajayārcitapādābjo nityānandavanasthitaḥ |

vilāsinīkṛtollāsaḥ śauṇḍī saundaryamaṇḍitaḥ || 57 ||

anantānantasukhadaḥ sumaṅgalasumaṅgalaḥ |

jñānāśrayaḥ kriyādhāra icchāśaktiniṣevitaḥ || 58 ||

subhagāsaṃśritapado lalitālalitāśrayaḥ |

kāminīpālanaḥ kāmakāminīkelilālitaḥ || 59 ||

sarasvatyāśrayo gaurīnandanaḥ śrīniketanaḥ |

guruguptapado vācāsiddho vāgīśvarīpatiḥ || 60 ||

nalinīkāmuko vāmārāmo jyeṣṭhāmanoramaḥ |

raudrīmudritapādābjo humbījastuṅgaśaktikaḥ || 61 ||

viśvādijananatrāṇaḥ svāhāśaktiḥ sakīlakaḥ |

amṛtābdhikṛtāvāso madaghūrṇitalocanaḥ || 62 ||

ucchiṣṭocchiṣṭagaṇako gaṇeśo gaṇanāyakaḥ |

sārvakālikasaṃsiddhirnityasevyo digambaraḥ || 63 ||

anapāyo'nantadṛṣṭiraprameyo'jarāmaraḥ |

anāvilo'pratihatiracyuto'mṛtamakṣaraḥ || 64 ||

apratarkyo'kṣayo'jayyo'nādhāro'nāmayomalaḥ |

ameyasiddhiradvaitamaghoro'gnisamānanaḥ || 65 ||

anākāro'bdhibhūmyagnibalaghno'vyaktalakṣaṇaḥ |

ādhārapīṭhamādhāra ādhārādheyavarjitaḥ || 66 ||

ākhuketana āśāpūraka ākhumahārathaḥ |

ikṣusāgaramadhyastha ikṣubhakṣaṇalālasaḥ || 67 ||

ikṣucāpātirekaśrīrikṣucāpaniṣevitaḥ |

indragopasamānaśrīrindranīlasamadyutiḥ || 68 ||

indīvaradalaśyāma indumaṇḍalamaṇḍitaḥ |

idhmapriya iḍābhāga iḍāvānindirāpriyaḥ || 69 ||

ikṣvākuvighnavidhvaṃsī itikartavyatepsitaḥ |

īśānamaulirīśāna īśānapriya ītihā || 70 ||

īṣaṇātrayakalpānta īhāmātravivarjitaḥ |

upendra uḍubhṛnmauliruḍunāthakarapriyaḥ || 71 ||

unnatānana uttuṅga udārastridaśāgraṇīḥ |

ūrjasvānūṣmalamada ūhāpohadurāsadaḥ || 72 ||

ṛgyajuḥsāmanayana ṛddhisiddhisamarpakaḥ |

ṛjucittaikasulabho ṛṇatrayavimocanaḥ || 73 ||

luptavighnaḥ svabhaktānāṃ luptaśaktiḥ suradviṣām |

luptaśrīrvimukhārcānāṃ lūtāvisphoṭanāśanaḥ || 74 ||

ekārapīṭhamadhyastha ekapādakṛtāsanaḥ |

ejitākhiladaityaśrīredhitākhilasaṃśrayaḥ || 75 ||

aiśvaryanidhiraiśvaryamaihikāmuṣmikapradaḥ |

airammadasamonmeṣa airāvatasamānanaḥ || 76 ||

oṅkāravācya oṅkāra ojasvānoṣadhīpatiḥ |

audāryanidhirauddhatyadhairya aunnatyaniḥsamaḥ || 77 ||

aṅkuśaḥ suranāgānāmaṅkuśākārasaṃsthitaḥ |

aḥ samastavisargāntapadeṣu parikīrtitaḥ || 78 ||

kamaṇḍaludharaḥ kalpaḥ kapardī kalabhānanaḥ |

karmasākṣī karmakartā karmākarmaphalapradaḥ || 79 ||

kadambagolakākāraḥ kūṣmāṇḍagaṇanāyakaḥ |

kāruṇyadehaḥ kapilaḥ kathakaḥ kaṭisūtrabhṛt || 80 ||

kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ |

khalvāṭaśṛṅganilayaḥ khaṭvāṅgī khadurāsadaḥ || 81 ||

guṇāḍhyo gahano gadyo gadyapadyasudhārṇavaḥ |

gadyagānapriyo garjo gītagīrvāṇapūrvajaḥ || 82 ||

guhyācārarato guhyo guhyāgamanirūpitaḥ |

guhāśayo guḍābdhistho gurugamyo gururguruḥ || 83 ||

ghaṇṭāghargharikāmālī ghaṭakumbho ghaṭodaraḥ |

ṅakāravācyo ṅākāro ṅakārākāraśuṇḍabhṛt || 84 ||

caṇḍaścaṇḍeśvaraścaṇḍī caṇḍeśaścaṇḍavikramaḥ |

carācarapitā cintāmaṇiścarvaṇalālasaḥ || 85 ||

chandaśchandodbhavaśchando durlakṣyaśchandavigrahaḥ |

jagadyonirjagatsākṣī jagadīśo jaganmayaḥ || 86 ||

japyo japaparo jāpyo jihvāsiṃhāsanaprabhuḥ |

sravadgaṇḍollasaddhānajhaṅkāribhramarākulaḥ || 87 ||

ṭaṅkārasphārasaṃrāvaṣṭaṅkāramaṇinūpuraḥ |

ṭhadvayīpallavāntasthasarvamantreṣu siddhidaḥ || 88 ||

ḍiṇḍimuṇḍo ḍākinīśo ḍāmaro ḍiṇḍimapriyaḥ |

ḍhakkāninādamudito ḍhauṅko ḍhuṇḍhivināyakaḥ || 89 ||

tattvānāṃ prakṛtistattvaṃ tattvampadanirūpitaḥ |

tārakāntarasaṃsthānastārakastārakāntakaḥ || 90 ||

sthāṇuḥ sthāṇupriyaḥ sthātā sthāvaraṃ jaṅgamaṃ jagat |

dakṣayajñapramathano dātā dānaṃ damo dayā || 91 ||

dayāvāndivyavibhavo daṇḍabhṛddaṇḍanāyakaḥ |

dantaprabhinnābhramālo daityavāraṇadāraṇaḥ || 92 ||

daṃṣṭrālagnadvīpaghaṭo devārthanṛgajākṛtiḥ |

dhanaṃ dhanapaterbandhurdhanado dharaṇīdharaḥ || 93 ||

dhyānaikaprakaṭo dhyeyo dhyānaṃ dhyānaparāyaṇaḥ |

dhvaniprakṛticītkāro brahmāṇḍāvalimekhalaḥ || 94 ||

nandyo nandipriyo nādo nādamadhyapratiṣṭhitaḥ |

niṣkalo nirmalo nityo nityānityo nirāmayaḥ || 95 ||

paraṃ vyoma paraṃ dhāma paramātmā paraṃ padam || 96 ||

parātparaḥ paśupatiḥ paśupāśavimocanaḥ |

pūrṇānandaḥ parānandaḥ purāṇapuruṣottamaḥ || 97 ||

padmaprasannavadanaḥ praṇatājñānanāśanaḥ |

pramāṇapratyayātītaḥ praṇatārtinivāraṇaḥ || 98 ||

phaṇihastaḥ phaṇipatiḥ phūtkāraḥ phaṇitapriyaḥ |

bāṇārcitāṅghriyugalo bālakelikutūhalī |

brahma brahmārcitapado brahmacārī bṛhaspatiḥ || 99 ||

bṛhattamo brahmaparo brahmaṇyo brahmavitpriyaḥ |

bṛhannādāgryacītkāro brahmāṇḍāvalimekhalaḥ || 100 ||

bhrūkṣepadattalakṣmīko bhargo bhadro bhayāpahaḥ |

bhagavān bhaktisulabho bhūtido bhūtibhūṣaṇaḥ || 101 ||

bhavyo bhūtālayo bhogadātā bhrūmadhyagocaraḥ |

mantro mantrapatirmantrī madamatto mano mayaḥ || 102 ||

mekhalāhīśvaro mandagatirmandanibhekṣaṇaḥ |

mahābalo mahāvīryo mahāprāṇo mahāmanāḥ || 103 ||

yajño yajñapatiryajñagoptā yajñaphalapradaḥ |

yaśaskaro yogagamyo yājñiko yājakapriyaḥ || 104 ||

raso rasapriyo rasyo rañjako rāvaṇārcitaḥ |

rājyarakṣākaro ratnagarbho rājyasukhapradaḥ || 105 ||

lakṣo lakṣapatirlakṣyo layastho laḍḍukapriyaḥ |

lāsapriyo lāsyaparo lābhakṛllokaviśrutaḥ || 106 ||

vareṇyo vahnivadano vandyo vedāntagocaraḥ |

vikartā viśvataścakṣurvidhātā viśvatomukhaḥ || 107 ||

vāmadevo viśvanetā vajrivajranivāraṇaḥ |

vivasvadbandhano viśvādhāro viśveśvaro vibhuḥ || 108 ||

śabdabrahma śamaprāpyaḥ śambhuśaktigaṇeśvaraḥ |

śāstā śikhāgranilayaḥ śaraṇyaḥ śambareśvaraḥ || 109 ||

ṣaḍṛtukusumasragvī ṣaḍādhāraḥ ṣaḍakṣaraḥ |

saṃsāravaidyaḥ sarvajñaḥ sarvabheṣajabheṣajam || 110 ||

sṛṣṭisthitilayakrīḍaḥ surakuñjarabhedakaḥ |

sindūritamahākumbhaḥ sadasadbhaktidāyakaḥ || 111 ||

sākṣī samudramathanaḥ svayaṃvedyaḥ svadakṣiṇaḥ |

svatantraḥ satyasaṅkalpaḥ sāmagānarataḥ sukhī || 112 ||

haṃso hastipiśācīśo havanaṃ havyakavyabhuk |

havyaṃ hutapriyo hṛṣṭo hṛllekhāmantramadhyagaḥ || 113 ||

kṣetrādhipaḥ kṣamābhartā kṣamākṣamaparāyaṇaḥ |

kṣiprakṣemakaraḥ kṣemānandaḥ kṣoṇīsuradrumaḥ || 114 ||

dharmaprado'rthadaḥ kāmadātā saubhāgyavardhanaḥ |

vidyāprado vibhavado bhuktimuktiphalapradaḥ || 115 ||

ābhirūpyakaro vīraśrīprado vijayapradaḥ |

sarvavaśyakaro garbhadoṣahā putrapautradaḥ || 116 ||

medhādaḥ kīrtidaḥ śokahārī daurbhāgyanāśanaḥ |

prativādimukhastambho ruṣṭacittaprasādanaḥ || 117 ||

parābhicāraśamano duḥkhahā bandhamokṣadaḥ |

lavastruṭiḥ kalā kāṣṭhā nimeṣastatparakṣaṇaḥ || 118 ||

ghaṭī muhūrtaḥ praharo divā naktamaharniśam |

pakṣo māsartvayanābdayugaṃ kalpo mahālayaḥ || 119 ||

rāśistārā tithiryogo vāraḥ karaṇamaṃśakam |

lagnaṃ horā kālacakraṃ meruḥ saptarṣayo dhruvaḥ || 120 ||

rāhurmandaḥ kavirjīvo budho bhaumaḥ śaśī raviḥ |

kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat || 121 ||

bhūrāpo'gnirmarudvyomāhaṅkṛtiḥ prakṛtiḥ pumān |

brahmā viṣṇuḥ śivo rudra īśaḥ śaktiḥ sadāśivaḥ || 122 ||

tridaśāḥ pitaraḥ siddhā yakṣā rakṣāṃsi kinnarāḥ |

siddhavidyādharā bhūtā manuṣyāḥ paśavaḥ khagāḥ || 123 ||

samudrāḥ saritaḥ śailā bhūtaṃ bhavyaṃ bhavodbhavaḥ |

sāṅkhyaṃ pātañjalaṃ yogaṃ purāṇāni śrutiḥ smṛtiḥ || 124 ||

vedāṅgāni sadācāro mīmāṃsā nyāyavistaraḥ |

āyurvedo dhanurvedo gāndharvaṃ kāvyanāṭakam || 125 ||

vaikhānasaṃ bhāgavataṃ mānuṣaṃ pāñcarātrakam |

śaivaṃ pāśupataṃ kālāmukhambhairavaśāsanam || 126 ||

śāktaṃ vaināyakaṃ sauraṃ jainamārhatasaṃhitā |

sadasadvyaktamavyaktaṃ sacetanamacetanam || 127 ||

bandho mokṣaḥ sukhaṃ bhogo yogaḥ satyamaṇurmahān |

svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ||

jñānaṃ vijñānamānando bodhaḥ saṃvitsamo'samaḥ |

eka ekākṣarādhāra ekākṣaraparāyaṇaḥ || 129 ||

ekāgradhīrekavīra eko'nekasvarūpadhṛk |

dvirūpo dvibhujo dvyakṣo dvirado dvīparakṣakaḥ || 130 ||

dvaimāturo dvivadano dvandvahīno dvayātigaḥ |

tridhāmā trikarastretā trivargaphaladāyakaḥ || 131 ||

triguṇātmā trilokādistriśaktīśastrilocanaḥ |

caturvidhavacovṛttiparivṛttipravartakaḥ || 132 ||

caturbāhuścaturdantaścaturātmā caturbhujaḥ |

caturvidhopāyamayaścaturvarṇāśramāśrayaḥ 133 ||

caturthīpūjanaprītaścaturthītithisambhavaḥ ||

pañcākṣarātmā pañcātmā pañcāsyaḥ pañcakṛttamaḥ || 134 ||

pañcādhāraḥ pañcavarṇaḥ pañcākṣaraparāyaṇaḥ |

pañcatālaḥ pañcakaraḥ pañcapraṇavamātṛkaḥ || 135 ||

pañcabrahmamayasphūrtiḥ pañcāvaraṇavāritaḥ |

pañcabhakṣapriyaḥ pañcabāṇaḥ pañcaśikhātmakaḥ || 136 ||

ṣaṭkoṇapīṭhaḥ ṣaṭcakradhāmā ṣaḍgranthibhedakaḥ |

ṣaḍaṅgadhvāntavidhvaṃsī ṣaḍaṅgulamahāhradaḥ || 137 ||

ṣaṇmukhaḥ ṣaṇmukhabhrātā ṣaṭśaktiparivāritaḥ |

ṣaḍvairivargavidhvaṃsī ṣaḍūrmibhayabhañjanaḥ || 138 ||

ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ |

saptapātālacaraṇaḥ saptadvīporumaṇḍalaḥ || 139 ||

saptasvarlokamukuṭaḥ saptasaptivarapradaḥ |

saptāṅgarājyasukhadaḥ saptarṣigaṇavanditaḥ || 140 ||

saptacchandonidhiḥ saptahotraḥ saptasvarāśrayaḥ |

saptābdhikelikāsāraḥ saptamātṛniṣevitaḥ || 141 ||

saptacchando modamadaḥ saptacchando makhaprabhuḥ |

aṣṭamūrtirdhyeyamūrtiraṣṭaprakṛtikāraṇam || 142 ||

aṣṭāṅgayogaphalabhṛdaṣṭapatrāmbujāsanaḥ |

aṣṭaśaktisamānaśrīraṣṭaiśvaryapravardhanaḥ || 143 ||

aṣṭapīṭhopapīṭhaśrīraṣṭamātṛsamāvṛtaḥ |

aṣṭabhairavasevyo'ṣṭavasuvandyo'ṣṭamūrtibhṛt || 144 ||

aṣṭacakrasphuranmūrtiraṣṭadravyahaviḥpriyaḥ |

aṣṭaśrīraṣṭasāmaśrīraṣṭaiśvaryapradāyakaḥ |

navanāgāsanādhyāsī navanidhyanuśāsitaḥ || 145 ||

navadvārapurāvṛtto navadvāraniketanaḥ |

navanāthamahānātho navanāgavibhūṣitaḥ || 146 ||

navanārāyaṇastulyo navadurgāniṣevitaḥ |

navaratnavicitrāṅgo navaśaktiśiroddhṛtaḥ || 147 ||

daśātmako daśabhujo daśadikpativanditaḥ |

daśādhyāyo daśaprāṇo daśendriyaniyāmakaḥ || 148 ||

daśākṣaramahāmantro daśāśāvyāpivigrahaḥ |

ekādaśamahārudraiḥstutaścaikādaśākṣaraḥ || 149 ||

dvādaśadvidaśāṣṭādidordaṇḍāstraniketanaḥ |

trayodaśabhidābhinno viśvedevādhidaivatam || 150 ||

caturdaśendravaradaścaturdaśamanuprabhuḥ |

caturdaśādyavidyāḍhyaścaturdaśajagatpatiḥ || 151 ||

sāmapañcadaśaḥ pañcadaśīśītāṃśunirmalaḥ |

tithipañcadaśākārastithyā pañcadaśārcitaḥ || 152 ||

ṣoḍaśādhāranilayaḥ ṣoḍaśasvaramātṛkaḥ |

ṣoḍaśāntapadāvāsaḥ ṣoḍaśendukalātmakaḥ || 153 ||

kalāsaptadaśī saptadaśasaptadaśākṣaraḥ |

aṣṭādaśadvīpapatiraṣṭādaśapurāṇakṛt || 154 ||

aṣṭādaśauṣadhīsṛṣṭiraṣṭādaśavidhiḥ smṛtaḥ |

aṣṭādaśalipivyaṣṭisamaṣṭijñānakovidaḥ || 155 ||

aṣṭādaśānnasampattiraṣṭādaśavijātikṛt |

ekaviṃśaḥ pumānekaviṃśatyaṅgulipallavaḥ || 156 ||

caturviṃśatitattvātmā pañcaviṃśākhyapūruṣaḥ |

saptaviṃśatitāreśaḥ saptaviṃśatiyogakṛt || 157 ||

dvātriṃśadbhairavādhīśaścatustriṃśanmahāhradaḥ |

ṣaṭtriṃśattattvasambhūtiraṣṭatriṃśatkalātmakaḥ || 158 ||

pañcāśadviṣṇuśaktīśaḥ pañcāśanmātṛkālayaḥ |

dvipañcāśadvapuḥśreṇītriṣaṣṭyakṣarasaṃśrayaḥ |

pañcāśadakṣaraśreṇīpañcāśadrudravigrahaḥ || 159 ||

catuḥṣaṣṭimahāsiddhiyoginīvṛndavanditaḥ |

namadekonapañcāśanmarudvarganirargalaḥ || 160 ||

catuḥṣaṣṭyarthanirṇetā catuḥṣaṣṭikalānidhiḥ |

aṣṭaṣaṣṭimahātīrthakṣetrabhairavavanditaḥ || 161 ||

caturnavatimantrātmā ṣaṇṇavatyadhikaprabhuḥ |

śatānandaḥ śatadhṛtiḥ śatapatrāyatekṣaṇaḥ || 162 ||

śatānīkaḥ śatamakhaḥ śatadhārāvarāyudhaḥ |

sahasrapatranilayaḥ sahasraphaṇibhūṣaṇaḥ || 163 ||

sahasraśīrṣā puruṣaḥ sahasrākṣaḥ sahasrapāt |

sahasranāmasaṃstutyaḥ sahasrākṣabalāpahaḥ || 164 ||

daśasāhasraphaṇibhṛtphaṇirājakṛtāsanaḥ |

aṣṭāśītisahasrādyamaharṣistotrapāṭhitaḥ || 165 ||

lakṣādhāraḥ priyādhāro lakṣādhāramanomayaḥ |

caturlakṣajapaprītaścaturlakṣaprakāśakaḥ || 166 ||

caturaśītilakṣāṇāṃ jīvānāṃ dehasaṃsthitaḥ |

koṭisūryapratīkāśaḥ koṭicandrāṃśunirmalaḥ || 167 ||

śivodbhavādyaṣṭakoṭivaināyakadhurandharaḥ |

saptakoṭimahāmantramantritāvayavadyutiḥ || 168 ||

trayastriṃśatkoṭisuraśreṇīpraṇatapādukaḥ |

anantadevatāsevyo hyanantaśubhadāyakaḥ || 169 ||

anantanāmānantaśrīrananto'nantasaukhyadaḥ |

anantaśaktisahito hyanantamunisaṃstutaḥ || 170 ||

iti vaināyakaṃ nāmnāṃ sahasramidamīritam |

idaṃ brāhme muhūrte yaḥ paṭhati pratyahaṃ naraḥ || 171 ||

karasthaṃ tasya sakalamaihikāmuṣmikaṃ sukham |

āyurārogyamaiśvaryaṃ dhairyaṃ śauryaṃ balaṃ yaśaḥ || 172 ||

medhā prajñā dhṛtiḥ kāntiḥ saubhāgyamabhirūpatā |

satyaṃ dayā kṣamā śāntirdākṣiṇyaṃ dharmaśīlatā || 173 ||

jagatsaṃvananaṃ viśvasaṃvādo vedapāṭavam |

sabhāpāṇḍityamaudāryaṃ gāmbhīryaṃ brahmavarcasam || 174 ||

ojastejaḥ kulaṃ śīlaṃ pratāpo vīryamāryatā |

jñānaṃ vijñānamāstikyaṃ sthairyaṃ viśvāsatā tathā || 175 ||

dhanadhānyādivṛddhiśca sakṛdasya japādbhavet |

vaśyaṃ caturvidhaṃ viśvaṃ japādasya prajāyate || 176 ||

rājño rājakalatrasya rājaputrasya mantriṇaḥ |

japyate yasya vaśyārthe sa dāsastasya jāyate || 177 ||

dharmārthakāmamokṣāṇāmanāyāsena sādhanam |

śākinīḍākinīrakṣoyakṣagrahabhayāpaham || 178 ||

sāmrājyasukhadaṃ sarvasapatnamadamardanam |

samastakalahadhvaṃsi dagdhabījaprarohaṇam || 179 ||

duḥsvapnaśamanaṃ kruddhasvāmicittaprasādanam |

ṣaḍvargāṣṭamahāsiddhitrikālajñānakāraṇam || 180 ||

parakṛtyapraśamanaṃ paracakrapramardanam |

saṅgrāmamārge saveṣāmidamekaṃ jayāvaham || 181 ||

sarvavandhyatvadoṣaghnaṃ garbharakṣaikakāraṇam |

paṭhyate pratyahaṃ yatra stotraṃ gaṇapateridam || 182 ||

deśe tatra na durbhikṣamītayo duritāni ca |

na tadgehaṃ jahāti śrīryatrāyaṃ japyate stavaḥ || 183 ||

kṣayakuṣṭhapramehārśabhagandaraviṣūcikāḥ |

gulmaṃ plīhānamaśamānamatisāraṃ mahodaram || 184 ||

kāsaṃ śvāsamudāvartaṃ śūlaṃ śophāmayodaram |

śirorogaṃ vamiṃ hikkāṃ gaṇḍamālāmarocakam || 185 ||

vātapittakaphadvandvatridoṣajanitajvaram |

āgantuviṣamaṃ śītamuṣṇaṃ caikāhikādikam || 186 ||

ityādyuktamanuktaṃ vā rogadoṣādisambhavam |

sarvaṃ praśamayatyāśu stotrasyāsya sakṛjjapaḥ || 187 ||

prāpyate'sya japātsiddhiḥ strīśūdraiḥ patitairapi |

sahasranāmamantro'yaṃ japitavyaḥ śubhāptaye || 188 ||

mahāgaṇapateḥ stotraṃ sakāmaḥ prajapannidam |

icchayā sakalān bhogānupabhujyeha pārthivān || 189 ||

manorathaphalairdivyairvyomayānairmanoramaiḥ |

candrendrabhāskaropendrabrahmaśarvādisadmasu || 190 ||

kāmarūpaḥ kāmagatiḥ kāmadaḥ kāmadeśvaraḥ |

bhuktvā yathepsitānbhogānabhīṣṭaiḥ saha bandhubhiḥ || 191 ||

gaṇeśānucaro bhūtvā gaṇo gaṇapatipriyaḥ |

nandīśvarādisānandairnanditaḥ sakalairgaṇaiḥ || 192 ||

śivābhyāṃ kṛpayā putranirviśeṣaṃ ca lālitaḥ |

śivabhaktaḥ pūrṇakāmo gaṇeśvaravarātpunaḥ || 193 ||

jātismaro dharmaparaḥ sārvabhaumo'bhijāyate |

niṣkāmastu japannityaṃ bhaktyā vighneśatatparaḥ || 194 ||

yogasiddhiṃ parāṃ prāpya jñānavairāgyasaṃyutaḥ |

nirantare nirābādhe paramānandasañjñite || 195 ||

viśvottīrṇe pare pūrṇe punarāvṛttivarjite |

līno vaināyake dhāmni ramate nityanirvṛte || 196 ||

yo nāmabhirhutairdattaiḥ pūjayedarcayeennaraḥ |

rājāno vaśyatāṃ yānti ripavo yānti dāsatām || 197 ||

tasya sidhyanti mantrāṇāṃ durlabhāśceṣṭasiddhayaḥ |

mūlamantrādapi stotramidaṃ priyatamaṃ mama || 198 ||

nabhasye māsi śuklāyāṃ caturthyāṃ mama janmani |

dūrvābhirnāmabhiḥ pūjāṃ tarpaṇaṃ vidhivaccaret || 199 ||

aṣṭadravyairviśeṣeṇa kuryādbhaktisusaṃyutaḥ |

tasyepsitaṃ dhanaṃ dhānyamaiśvaryaṃ vijayo yaśaḥ || 200 ||

bhaviṣyati na sandehaḥ putrapautrādikaṃ sukham |

idaṃ prajapitaṃ stotraṃ paṭhitaṃ śrāvitaṃ śrutam || 201 ||

vyākṛtaṃ carcitaṃ dhyātaṃ vimṛṣṭamabhivanditam |

ihāmutra ca viśveṣāṃ viśvaiśvaryapradāyakam || 202 ||

svacchandacāriṇāpyeṣa yena sandhāryate stavaḥ |

sa rakṣyate śivodbhūtairgaṇairadhyaṣṭakoṭibhiḥ || 203 ||

likhitaṃ pustakastotraṃ mantrabhūtaṃ prapūjayet |

tatra sarvottamā lakṣmīḥ sannidhatte nirantaram || 204 ||

dānairaśeṣairakhilairvrataiśca tīrthairaśeṣairakhilairmakhaiśca |

na tatphalaṃ vindati yadgaṇeśasahasranāmasmaraṇena sadyaḥ || 205 ||

etannāmnāṃ sahasraṃ paṭhati dinamaṇau pratyahamprojjihāne

sāyaṃ madhyandine vā triṣavaṇamathavā santataṃ vā jano yaḥ |

sa syādaiśvaryadhuryaḥ prabhavati vacasāṃ kīrtimuccaistanoti

dāridryaṃ hanti viśvaṃ vaśayati suciraṃ vardhate putrapautraiḥ || 206 ||

akiñcanopyekacitto niyato niyatāsanaḥ |

prajapaṃścaturo māsān gaṇeśārcanatatparaḥ || 207 ||

daridratāṃ samunmūlya saptajanmānugāmapi |

labhate mahatīṃ lakṣmīmityājñā pārameśvarī || 208 ||

āyuṣyaṃ vītarogaṃ kulamativimalaṃ sampadaścārtināśaḥ

kīrtirnityāvadātā bhavati khalu navā kāntiravyājabhavyā |

putrāḥ santaḥ kalatraṃ guṇavadabhimataṃ yadyadanyacca tatta -

nnityaṃ yaḥ stotrametat paṭhati gaṇapatestasya haste samastam || 209 ||

gaṇañjayo gaṇapatirherambo dharaṇīdharaḥ |

mahāgaṇapatirbuddhipriyaḥ kṣipraprasādanaḥ || 210 ||

amoghasiddhiramṛtamantraścintāmaṇirnidhiḥ |

sumaṅgalo bījamāśāpūrako varadaḥ kalaḥ || 211 ||

kāśyapo nandano vācāsiddho ḍhuṇḍhirvināyakaḥ |

modakairebhiratraikaviṃśatyā nāmabhiḥ pumān || 212 ||

upāyanaṃ dadedbhaktyā matprasādaṃ cikīrṣati |

vatsaraṃ vighnarājo'sya tathyamiṣṭārthasiddhaye || 213 ||

yaḥ stauti madgatamanā mamārādhanatatparaḥ |

stuto nāmnā sahasreṇa tenāhaṃ nātra saṃśayaḥ || 214 ||

namo namaḥ suravarapūjitāṅghraye

namo namo nirupamamaṅgalātmane |

namo namo vipuladayaikasiddhaye

namo namaḥ karikalabhānanāya te || 215 ||

kiṅkiṇīgaṇaracitacaraṇaḥ

prakaṭitagurumitacārukaraṇaḥ |

madajalalaharīkalitakapolaḥ

śamayatu duritaṃ gaṇapatināmnā || 216 ||

|| iti śrīgaṇeśapurāṇe upāsanākhaṇḍe īśvaragaṇeśasaṃvāde

gaṇeśasahasranāmastotraṃ nāma ṣaṭcatvāriṃśodhyāyaḥ ||