📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ஶ்ரீ மத்வாசார்ய க்ரு'த த்வாதஶ ஸ்தோத்ர - அஷ்டமஸ்தோத்ரம்
Shri Madhvacharya Krita Dvadasha Stotra - Ashtamastotram
Stotram Madhvacharya Tamil
அத அஷ்டமஸ்தோத்ரம்
வந்திதாஶேஷவந்த்யோருவ்ரு'ந்தாரகம் சந்தநாசர்சிதோதாரபீநாம்ஸகம் ।
இந்திராசஞ்சலாபாங்கநீராஜிதம் மந்தரோத்தாரிவ்ரு'த்தோத்புஜாபோகிநம் ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 1॥
ஸ்ரு'ஷ்டிஸம்ஹாரலீலாவிலாஸாததம் புஷ்டஷாட்குண்யஸத்விக்ரஹோல்லாஸிநம் ।
துஷ்டநிஃஶேஷஸம்ஹாரகர்மோத்யதம் ஹ்ரு'ஷ்டபுஷ்டாதிஶிஷ்ட (அநுஶிஷ்ட) ப்ரஜாஸம்ஶ்ரயம் ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 2॥
உந்நதப்ரார்திதாஶேஷஸம்ஸாதகம் ஸந்நதாலௌகிகாநந்ததஶ்ரீபதம் ।
பிந்நகர்மாஶயப்ராணிஸம்ப்ரேரகம் தந்ந கிம் நேதி வித்வத்ஸு மீமாம்ஸிதம் ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 3॥
விப்ரமுக்யைஃ ஸதா வேதவாதோந்முகைஃ ஸுப்ரதாபைஃ க்ஷிதீஶேஶ்வரைஶ்சார்ச்சிதம் ।
அப்ரதர்க்யோருஸம்வித்குணம் நிர்மலம் ஸப்ரகாஶாஜராநந்தரூபம் பரம் ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 4॥
அத்யயோ யஸ்ய (யேந) கேநாபி ந க்வாபி ஹி ப்ரத்யயோ யத்குணேஷூத்தமாநாம் பரஃ ।
ஸத்யஸங்கல்ப ஏகோ வரேண்யோ வஶீ மத்யநூநைஃ ஸதா வேதவாதோதிதஃ ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 5॥
பஶ்யதாம் துஃகஸந்தாநநிர்மூலநம் த்ரு'ஶ்யதாம் த்ரு'ஶ்யதாமித்யஜேஶார்சிதம் ।
நஶ்யதாம் தூரகம் ஸர்வதாப்யாऽத்மகம் வஶ்யதாம் ஸ்வேச்சயா ஸஜ்ஜநேஷ்வாகதம் ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 6॥
அக்ரஜம் யஃ ஸஸர்ஜாஜமக்ர்யாக்ரு'திம் விக்ரஹோ யஸ்ய ஸர்வே குணா ஏவ ஹி ।
உக்ர ஆத்யோऽபி யஸ்யாத்மஜாக்ர்யாத்மஜஃ ஸத்க்ரு'ஹீதஃ ஸதா யஃ பரம் தைவதம் ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 7॥
அச்யுதோ யோ குணைர்நித்யமேவாகிலைஃ ப்ரச்யுதோऽஶேஷதோஷைஃ ஸதா பூர்திதஃ ।
உச்யதே ஸர்வவேதோருவாதைரஜஃ ஸ்வர்சிதோ ப்ரஹ்மருத்ரேந்த்ரபூர்வைஃ ஸதா ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 8॥
தார்யதே யேந விஶ்வம் ஸதாஜாதிகம் வார்யதேऽஶேஷதுஃகம் நிஜத்யாயிநாம் ।
பார்யதே ஸர்வமந்யைர்நயத்பார்யதே கார்யதே சாகிலம் ஸர்வபூதைஃ ஸதா ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 9॥
ஸர்வபாபாநியத்ஸம்ஸ்ம்ரு'தேஃ ஸங்க்ஷயம் ஸர்வதா யாந்தி பக்த்யா விஶுத்தாத்மநாம் ।
ஶர்வகுர்வாதிகீர்வாண ஸம்ஸ்தாநதஃ குர்வதே கர்ம யத்ப்ரீதயே ஸஜ்ஜநாஃ ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 10॥
அக்ஷயம் கர்ம யஸ்மிந் பரே ஸ்வர்பிதம் ப்ரக்ஷயம் யாந்தி துஃகாநி யந்நாமதஃ ।
அக்ஷரோ யோऽஜரஃ ஸர்வதைவாம்ரு'தஃ குக்ஷிகம் யஸ்ய விஶ்வம் ஸதாऽஜாதிகம் ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 11॥
நந்திதீர்தோருஸந்நாமிநோ நந்திநஃ ஸந்ததாநாஃ ஸதாநந்ததேவே மதிம் ।
மந்தஹாஸாருணா பாங்கதத்தோந்நதிம் வந்திதாஶேஷதேவாதிவ்ரு'ந்தம் ஸதா ।
ப்ரீணயாமோ வாஸுதேவம் தேவதாமண்டலாகண்டமண்டநம் ப்ரீணயாமோ வாஸுதேவம் ॥ 12॥
இதி ஶ்ரீமதாநந்ததீர்தபகவத்பாதாசார்ய விரசிதம்
த்வாதஶஸ்தோத்ரேஷு அஷ்டமஸ்தோத்ரம் ஸம்பூர்ணம்
Roman (IAST) Transliteration
atha aṣṭamastotram
vanditāśeṣavandyoruvṛndārakaṃ candanācarcitodārapīnāṃsakam |
indirācañcalāpāṅganīrājitaṃ mandaroddhārivṛttodbhujābhoginam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 1||
sṛṣṭisaṃhāralīlāvilāsātataṃ puṣṭaṣāḍguṇyasadvigrahollāsinam |
duṣṭaniḥśeṣasaṃhārakarmodyataṃ hṛṣṭapuṣṭātiśiṣṭa (anuśiṣṭa) prajāsaṃśrayam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 2||
unnataprārthitāśeṣasaṃsādhakaṃ sannatālaukikānandadaśrīpadam |
bhinnakarmāśayaprāṇisamprerakaṃ tanna kiṃ neti vidvatsu mīmāṃsitam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 3||
vipramukhyaiḥ sadā vedavādonmukhaiḥ supratāpaiḥ kṣitīśeśvaraiścārccitam |
apratarkyorusaṃvidguṇaṃ nirmalaṃ saprakāśājarānandarūpaṃ param |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 4||
atyayo yasya (yena) kenāpi na kvāpi hi pratyayo yadguṇeṣūttamānāṃ paraḥ |
satyasaṅkalpa eko vareṇyo vaśī matyanūnaiḥ sadā vedavādoditaḥ |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 5||
paśyatāṃ duḥkhasantānanirmūlanaṃ dṛśyatāṃ dṛśyatāmityajeśārcitam |
naśyatāṃ dūragaṃ sarvadāpyā'tmagaṃ vaśyatāṃ svecchayā sajjaneṣvāgatam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 6||
agrajaṃ yaḥ sasarjājamagryākṛtiṃ vigraho yasya sarve guṇā eva hi |
ugra ādyo'pi yasyātmajāgryātmajaḥ sadgṛhītaḥ sadā yaḥ paraṃ daivatam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 7||
acyuto yo guṇairnityamevākhilaiḥ pracyuto'śeṣadoṣaiḥ sadā pūrtitaḥ |
ucyate sarvavedoruvādairajaḥ svarcito brahmarudrendrapūrvaiḥ sadā |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 8||
dhāryate yena viśvaṃ sadājādikaṃ vāryate'śeṣaduḥkhaṃ nijadhyāyinām |
pāryate sarvamanyairnayatpāryate kāryate cākhilaṃ sarvabhūtaiḥ sadā |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 9||
sarvapāpāniyatsaṃsmṛteḥ saṅkṣayaṃ sarvadā yānti bhaktyā viśuddhātmanām |
śarvagurvādigīrvāṇa saṃsthānadaḥ kurvate karma yatprītaye sajjanāḥ |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 10||
akṣayaṃ karma yasmin pare svarpitaṃ prakṣayaṃ yānti duḥkhāni yannāmataḥ |
akṣaro yo'jaraḥ sarvadaivāmṛtaḥ kukṣigaṃ yasya viśvaṃ sadā'jādikam |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 11||
nanditīrthorusannāmino nandinaḥ sandadhānāḥ sadānandadeve matim |
mandahāsāruṇā pāṅgadattonnatiṃ vanditāśeṣadevādivṛndaṃ sadā |
prīṇayāmo vāsudevaṃ devatāmaṇḍalākhaṇḍamaṇḍanaṃ prīṇayāmo vāsudevam || 12||
iti śrīmadānandatīrthabhagavatpādācārya viracitaṃ
dvādaśastotreṣu aṣṭamastotraṃ sampūrṇam
InfoLyter.in — Sacred Vedic Knowledge Portal · Free forever