Shri Madhvacharya Krita Dvadasha Stotra - Tritiyastotram

ॐ

ஶ்ரீ மத்வாசார்ய க்ரு'த த்வாதஶ ஸ்தோத்ர - த்ரு'தீயஸ்தோத்ரம்

Stotram Madhvacharya Tamil

அத த்ரு'தீயஸ்தோத்ரம்

குரு புங்க்ஷ்வ ச கர்ம நிஜம் நியதம் ஹரிபாதவிநம்ரதியா ஸததம் ।

ஹரிரேவ பரோ ஹரிரேவ குருஃ ஹரிரேவ ஜகத்பித்ரு'மாத்ரு'கதிஃ ॥ 1॥

ந ததோऽஸ்த்யபரம் ஜகதீட்யதமம் (ஜகதீட்யதமம்) பரமாத்பரதஃ புருஷோத்தமதஃ ।

ததலம் பஹுலோகவிசிந்தநயா ப்ரவணம் குரு மாநஸமீஶபதே ॥ 2॥

யததோऽபி ஹரேஃ பதஸம்ஸ்மரணே ஸகலம் ஹ்யகமாஶு லயம் வ்ரஜதி ।

ஸ்மரதஸ்து விமுக்திபதம் பரமம் ஸ்புடமேஷ்யதி தத்கிமபாக்ரியதே ॥ 3॥

ஶ‍ரு'ணுதாமலஸத்யவசஃ பரமம் ஶபதேரிதம் உச்ச்ரிதபாஹுயுகம் ।

ந ஹரேஃ பரமோ ந ஹரேஃ ஸத்ரு'ஶஃ பரமஃ ஸ து ஸர்வ சிதாத்மகணாத் ॥ 4॥

யதி நாம பரோ ந பவேத (பவேத்ஸ) ஹரிஃ கதமஸ்ய வஶே ஜகதேததபூத் ।

யதி நாம ந தஸ்ய வஶே ஸகலம் கதமேவ து நித்யஸுகம் ந பவேத் ॥ 5॥

ந ச கர்மவிமாமல காலகுணப்ரப்ரு'தீஶமசித்தநு தத்தி யதஃ ।

சிதசித்தநு ஸர்வமஸௌ து ஹரிர்யமயேதிதி வைதிகமஸ்தி வசஃ ॥ 6॥

வ்யவஹாரபிதாऽபி குரோர்ஜகதாம் ந து சித்தகதா ஸ ஹி சோத்யபரம் ।

பஹவஃ புருஷாஃ புருஷப்ரவரோ ஹரிரித்யவதத்ஸ்வயமேவ ஹரிஃ ॥ 7॥

சதுராநந பூர்வவிமுக்தகணா ஹரிமேத்ய து பூர்வவதேவ ஸதா ।

நியதோச்சவிநீசதயைவ நிஜாம் ஸ்திதிமாபுரிதி ஸ்ம பரம் வசநம் ॥ 8॥

ஆநந்ததீர்தஸந்நாம்நா பூர்ணப்ரஜ்ஞாபிதாயுஜா ।

க்ரு'தம் ஹர்யஷ்டகம் பக்த்யா படதஃ ப்ரீயதே ஹரிஃ ॥ 9॥

இதி ஶ்ரீமதாநந்ததீர்தபகவத்பாதாசார்ய விரசிதம்

த்வாதஶஸ்தோத்ரேஷு த்ரு'தீயஸ்தோத்ரம் ஸம்பூர்ணம்

Roman (IAST) Transliteration

atha tṛtīyastotram

kuru bhuṅkṣva ca karma nijaṃ niyataṃ haripādavinamradhiyā satatam |

harireva paro harireva guruḥ harireva jagatpitṛmātṛgatiḥ || 1||

na tato'styaparaṃ jagadīḍyatamaṃ (jagatīḍyatamaṃ) paramātparataḥ puruṣottamataḥ |

tadalaṃ bahulokavicintanayā pravaṇaṃ kuru mānasamīśapade || 2||

yatato'pi hareḥ padasaṃsmaraṇe sakalaṃ hyaghamāśu layaṃ vrajati |

smaratastu vimuktipadaṃ paramaṃ sphuṭameṣyati tatkimapākriyate || 3||

śa‍ṛṇutāmalasatyavacaḥ paramaṃ śapatheritaṃ ucchritabāhuyugam |

na hareḥ paramo na hareḥ sadṛśaḥ paramaḥ sa tu sarva cidātmagaṇāt || 4||

yadi nāma paro na bhaveta (bhavetsa) hariḥ kathamasya vaśe jagadetadabhūt |

yadi nāma na tasya vaśe sakalaṃ kathameva tu nityasukhaṃ na bhavet || 5||

na ca karmavimāmala kālaguṇaprabhṛtīśamacittanu taddhi yataḥ |

cidacittanu sarvamasau tu hariryamayediti vaidikamasti vacaḥ || 6||

vyavahārabhidā'pi gurorjagatāṃ na tu cittagatā sa hi codyaparam |

bahavaḥ puruṣāḥ puruṣapravaro harirityavadatsvayameva hariḥ || 7||

caturānana pūrvavimuktagaṇā harimetya tu pūrvavadeva sadā |

niyatoccavinīcatayaiva nijāṃ sthitimāpuriti sma paraṃ vacanam || 8||

ānandatīrthasannāmnā pūrṇaprajñābhidhāyujā |

kṛtaṃ haryaṣṭakaṃ bhaktyā paṭhataḥ prīyate hariḥ || 9||

iti śrīmadānandatīrthabhagavatpādācārya viracitaṃ

dvādaśastotreṣu tṛtīyastotraṃ sampūrṇam