Shri Madhvacharya Krita Dvadasha Stotra - Dvitiyastotram

ॐ

ஶ்ரீ மத்வாசார்ய க்ரு'த த்வாதஶ ஸ்தோத்ர - த்விதீயஸ்தோத்ரம்

Stotram Madhvacharya Tamil

அத த்விதீயஸ்தோத்ரம்

ஸ்வஜநோததிஸம்வ்ரு'த்தி பூர்ணசந்த்ரோ குணார்ணவஃ । (ஸுஜநோததிஸம்வ்ரு'த்தி)

அமந்தாநந்த ஸாந்த்ரோ நஃ ஸதாவ்யாதிந்திராபதிஃ ॥ 1॥ (ப்ரீயாதாமிந்திராபதிஃ)

ரமாசகோரீவிதவே துஷ்டதர்போதவஹ்நயே । (துஷ்டஸர்போதவஹ்நயே)

ஸத்பாந்தஜநகேஹாய நமோ நாராயணாய தே ॥ 2॥

சிதசித்பேதம் அகிலம் விதாயாதாய புஞ்ஜதே ।

அவ்யாக்ரு'தகுஹஸ்தாய ரமாப்ரணயிநே நமஃ ॥ 3॥

அமந்தகுணஸாரோऽபி மந்தஹாஸேந வீக்ஷிதஃ ।

நித்யமிந்திரயாऽநந்தஸாந்த்ரோ யோ நௌமி தம் ஹரிம் ॥ 4॥

வஶீ வஶோ (வஶே) ந கஸ்யாபி யோऽஜிதோ விஜிதாகிலஃ ।

ஸர்வகர்தா ந க்ரியதே தம் நமாமி ரமாபதிம் ॥ 5॥

அகுணாயகுணோத்ரேக ஸ்வரூபாயாதிகாரிணே ।

விதாரிதாரிஸங்காய வாஸுதேவாய தே நமஃ ॥ 6॥

ஆதிதேவாய தேவாநாம் பதயே ஸாதிதாரயே ।

அநாத்யஜ்ஞாநபாராய நமஃ பாராவராஶ்ரய ॥ 7॥ (நமோ வரவராய தே)

அஜாய ஜநயித்ரேऽஸ்ய விஜிதாகிலதாநவ ।

அஜாதி பூஜ்யபாதாய நமஸ்தே கருடத்வஜ ॥ 8॥

இந்திராமந்தஸாந்த்ராக்ர்ய கடாக்ஷப்ரேக்ஷிதாத்மநே ।

அஸ்மதிஷ்டைக கார்யாய பூர்ணாய ஹரயே நமஃ ॥ 9॥

இதி ஶ்ரீமதாநந்ததீர்தபகவத்பாதாசார்ய விரசிதம்

த்வாதஶஸ்தோத்ரேஷு த்விதீயஸ்தோத்ரம் ஸம்பூர்ணம்

Roman (IAST) Transliteration

atha dvitīyastotram

svajanodadhisaṃvṛddhi pūrṇacandro guṇārṇavaḥ | (sujanodadhisaṃvṛddhi)

amandānanda sāndro naḥ sadāvyādindirāpatiḥ || 1|| (prīyātāmindirāpatiḥ)

ramācakorīvidhave duṣṭadarpodavahnaye | (duṣṭasarpodavahnaye)

satpānthajanagehāya namo nārāyaṇāya te || 2||

cidacidbhedaṃ akhilaṃ vidhāyādhāya bhuñjate |

avyākṛtaguhasthāya ramāpraṇayine namaḥ || 3||

amandaguṇasāro'pi mandahāsena vīkṣitaḥ |

nityamindirayā'nandasāndro yo naumi taṃ harim || 4||

vaśī vaśo (vaśe) na kasyāpi yo'jito vijitākhilaḥ |

sarvakartā na kriyate taṃ namāmi ramāpatim || 5||

aguṇāyaguṇodreka svarūpāyādikāriṇe |

vidāritārisaṅghāya vāsudevāya te namaḥ || 6||

ādidevāya devānāṃ pataye sāditāraye |

anādyajñānapārāya namaḥ pārāvarāśraya || 7|| (namo varavarāya te)

ajāya janayitre'sya vijitākhiladānava |

ajādi pūjyapādāya namaste garuḍadhvaja || 8||

indirāmandasāndrāgrya kaṭākṣaprekṣitātmane |

asmadiṣṭaika kāryāya pūrṇāya haraye namaḥ || 9||

iti śrīmadānandatīrthabhagavatpādācārya viracitaṃ

dvādaśastotreṣu dvitīyastotraṃ sampūrṇam