Shri Lalita Trishati Stotram

ॐ

ஶ்ரீ லலிதா த்ரிஶதி ஸ்தோத்ரம்

Devi Trishati Tamil

அஸ்ய ஶ்ரீலலிதா த்ரிஶதீஸ்தோத்ர மஹாமந்த்ரஸ்ய, பகவாந் ஹயக்ரீவ ரு'ஷிஃ, அநுஷ்டுப் சந்தஃ, ஶ்ரீலலிதாமஹாத்ரிபுரஸுந்தரீ தேவதா, ஐம் பீஜம், ஸௌஃ ஶக்திஃ, க்லீம் கீலகம், மம சதுர்விதபுருஷார்தபலஸித்த்யர்தே ஜபே விநியோகஃ ।

ஐமித்யாதிபிரங்கந்யாஸகரந்யாஸாஃ கார்யாஃ ।

த்யாநம் ।

அதிமதுரசாபஹஸ்தா-

-மபரிமிதாமோதபாணஸௌபாக்யாம் ।

அருணாமதிஶயகருணா-

-மபிநவகுலஸுந்தரீம் வந்தே ।

ஶ்ரீ ஹயக்ரீவ உவாச ।

ககாரரூபா கல்யாணீ கல்யாணகுணஶாலிநீ ।

கல்யாணஶைலநிலயா கமநீயா கலாவதீ ॥ 1 ॥

கமலாக்ஷீ கல்மஷக்நீ கருணாம்ரு'தஸாகரா ।

கதம்பகாநநாவாஸா கதம்பகுஸுமப்ரியா ॥ 2 ॥

கந்தர்பவித்யா கந்தர்பஜநகாபாங்கவீக்ஷணா ।

கர்பூரவீடிஸௌரப்யகல்லோலிதககுப்தடா ॥ 3 ॥

கலிதோஷஹரா கஞ்ஜலோசநா கம்ரவிக்ரஹா ।

கர்மாதிஸாக்ஷிணீ காரயித்ரீ கர்மபலப்ரதா ॥ 4 ॥

ஏகாரரூபா சைகாக்ஷர்யேகாநேகாக்ஷராக்ரு'திஃ ।

ஏதத்ததித்யநிர்தேஶ்யா சைகாநந்தசிதாக்ரு'திஃ ॥ 5 ॥

ஏவமித்யாகமாபோத்யா சைகபக்திமதர்சிதா ।

ஏகாக்ரசித்தநிர்த்யாதா சைஷணாரஹிதாத்ரு'தா ॥ 6 ॥

ஏலாஸுகந்திசிகுரா சைநஃகூடவிநாஶிநீ ।

ஏகபோகா சைகரஸா சைகைஶ்வர்யப்ரதாயிநீ ॥ 7 ॥

ஏகாதபத்ரஸாம்ராஜ்யப்ரதா சைகாந்தபூஜிதா ।

ஏதமாநப்ரபா சைஜதநேகஜகதீஶ்வரீ ॥ 8 ॥

ஏகவீராதிஸம்ஸேவ்யா சைகப்ராபவஶாலிநீ ।

ஈகாரரூபா சேஶித்ரீ சேப்ஸிதார்தப்ரதாயிநீ ॥ 9 ॥

ஈத்ரு'கித்யவிநிர்தேஶ்யா சேஶ்வரத்வவிதாயிநீ ।

ஈஶாநாதிப்ரஹ்மமயீ சேஶித்வாத்யஷ்டஸித்திதா ॥ 10 ॥

ஈக்ஷித்ரீக்ஷணஸ்ரு'ஷ்டாண்டகோடிரீஶ்வரவல்லபா ।

ஈடிதா சேஶ்வரார்தாங்கஶரீரேஶாதிதேவதா ॥ 11 ॥

ஈஶ்வரப்ரேரணகரீ சேஶதாண்டவஸாக்ஷிணீ ।

ஈஶ்வரோத்ஸங்கநிலயா சேதிபாதாவிநாஶிநீ ॥ 12 ॥

ஈஹாவிரஹிதா சேஶஶக்திரீஷத்ஸ்மிதாநநா ।

லகாரரூபா லலிதா லக்ஷ்மீவாணீநிஷேவிதா ॥ 13 ॥

லாகிநீ லலநாரூபா லஸத்தாடிமபாடலா ।

லலந்திகாலஸத்பாலா லலாடநயநார்சிதா ॥ 14 ॥

லக்ஷணோஜ்ஜ்வலதிவ்யாங்கீ லக்ஷகோட்யண்டநாயிகா ।

லக்ஷ்யார்தா லக்ஷணாகம்யா லப்தகாமா லதாதநுஃ ॥ 15 ॥

லலாமராஜதலிகா லம்பிமுக்தாலதாஞ்சிதா ।

லம்போதரப்ரஸூர்லப்யா லஜ்ஜாட்யா லயவர்ஜிதா ॥ 16 ॥

ஹ்ரீம்‍காரரூபா ஹ்ரீம்‍காரநிலயா ஹ்ரீம்‍பதப்ரியா ।

ஹ்ரீம்‍காரபீஜா ஹ்ரீம்‍காரமந்த்ரா ஹ்ரீம்‍காரலக்ஷணா ॥ 17 ॥

ஹ்ரீம்‍காரஜபஸுப்ரீதா ஹ்ரீம்‍மதீ ஹ்ரீம்‍விபூஷணா ।

ஹ்ரீம்‍ஶீலா ஹ்ரீம்‍பதாராத்யா ஹ்ரீம்‍கர்பா ஹ்ரீம்‍பதாபிதா ॥ 18 ॥

ஹ்ரீம்‍காரவாச்யா ஹ்ரீம்‍காரபூஜ்யா ஹ்ரீம்‍காரபீடிகா ।

ஹ்ரீம்‍காரவேத்யா ஹ்ரீம்‍காரசிந்த்யா ஹ்ரீம் ஹ்ரீம்‍ஶரீரிணீ ॥ 19 ॥

ஹகாரரூபா ஹலத்ரு'க்பூஜிதா ஹரிணேக்ஷணா ।

ஹரப்ரியா ஹராராத்யா ஹரிப்ரஹ்மேந்த்ரவந்திதா ॥ 20 ॥

ஹயாரூடாஸேவிதாங்க்ரிர்ஹயமேதஸமர்சிதா ।

ஹர்யக்ஷவாஹநா ஹம்ஸவாஹநா ஹததாநவா ॥ 21 ॥

ஹத்யாதிபாபஶமநீ ஹரிதஶ்வாதிஸேவிதா ।

ஹஸ்திகும்போத்துங்ககுசா ஹஸ்திக்ரு'த்திப்ரியாங்கநா ॥ 22 ॥

ஹரித்ராகுங்குமாதிக்தா ஹர்யஶ்வாத்யமரார்சிதா ।

ஹரிகேஶஸகீ ஹாதிவித்யா ஹாலாமதாலஸா ॥ 23 ॥

ஸகாரரூபா ஸர்வஜ்ஞா ஸர்வேஶீ ஸர்வமங்கலா ।

ஸர்வகர்த்ரீ ஸர்வபர்த்ரீ ஸர்வஹந்த்ரீ ஸநாதநா ॥ 24 ॥

ஸர்வாநவத்யா ஸர்வாங்கஸுந்தரீ ஸர்வஸாக்ஷிணீ ।

ஸர்வாத்மிகா ஸர்வஸௌக்யதாத்ரீ ஸர்வவிமோஹிநீ ॥ 25 ॥

ஸர்வாதாரா ஸர்வகதா ஸர்வாவகுணவர்ஜிதா ।

ஸர்வாருணா ஸர்வமாதா ஸர்வபூஷணபூஷிதா ॥ 26 ॥

ககாரார்தா காலஹந்த்ரீ காமேஶீ காமிதார்ததா ।

காமஸஞ்ஜீவநீ கல்யா கடிநஸ்தநமண்டலா ॥ 27 ॥

கரபோரூஃ கலாநாதமுகீ கசஜிதாம்புதா ।

கடாக்ஷஸ்யந்திகருணா கபாலிப்ராணநாயிகா ॥ 28 ॥

காருண்யவிக்ரஹா காந்தா காந்திதூதஜபாவலிஃ ।

கலாலாபா கம்புகண்டீ கரநிர்ஜிதபல்லவா ॥ 29 ॥

கல்பவல்லீஸமபுஜா கஸ்தூரீதிலகாஞ்சிதா ।

ஹகாரார்தா ஹம்ஸகதிர்ஹாடகாபரணோஜ்ஜ்வலா ॥ 30 ॥

ஹாரஹாரிகுசாபோகா ஹாகிநீ ஹல்யவர்ஜிதா ।

ஹரித்பதிஸமாராத்யா ஹடாத்காரஹதாஸுரா ॥ 31 ॥

ஹர்ஷப்ரதா ஹவிர்போக்த்ரீ ஹார்தஸந்தமஸாபஹா ।

ஹல்லீஸலாஸ்யஸந்துஷ்டா ஹம்ஸமந்த்ரார்தரூபிணீ ॥ 32 ॥

ஹாநோபாதாநநிர்முக்தா ஹர்ஷிணீ ஹரிஸோதரீ ।

ஹாஹாஹூஹூமுகஸ்துத்யா ஹாநிவ்ரு'த்திவிவர்ஜிதா ॥ 33 ॥

ஹய்யங்கவீநஹ்ரு'தயா ஹரிகோபாருணாம்ஶுகா ।

லகாராக்யா லதாபூஜ்யா லயஸ்தித்யுத்பவேஶ்வரீ ॥ 34 ॥

லாஸ்யதர்ஶநஸந்துஷ்டா லாபாலாபவிவர்ஜிதா ।

லங்க்யேதராஜ்ஞா லாவண்யஶாலிநீ லகுஸித்திதா ॥ 35 ॥

லாக்ஷாரஸஸவர்ணாபா லக்ஷ்மணாக்ரஜபூஜிதா ।

லப்யேதரா லப்தபக்திஸுலபா லாங்கலாயுதா ॥ 36 ॥

லக்நசாமரஹஸ்தஶ்ரீஶாரதாபரிவீஜிதா ।

லஜ்ஜாபதஸமாராத்யா லம்படா லகுலேஶ்வரீ ॥ 37 ॥

லப்தமாநா லப்தரஸா லப்தஸம்பத்ஸமுந்நதிஃ ।

ஹ்ரீம்‍காரிணீ ஹ்ரீம்‍காராத்யா ஹ்ரீம்‍மத்யா ஹ்ரீம்‍ஶிகாமணிஃ ॥ 38 ॥

ஹ்ரீம்‍காரகுண்டாக்நிஶிகா ஹ்ரீம்‍காரஶஶிசந்த்ரிகா ।

ஹ்ரீம்‍காரபாஸ்கரருசிர்ஹ்ரீம்‍காராம்போதசஞ்சலா ॥ 39 ॥

ஹ்ரீம்‍காரகந்தாங்குரிகா ஹ்ரீம்‍காரைகபராயணா ।

ஹ்ரீம்‍காரதீர்கிகாஹம்ஸீ ஹ்ரீம்‍காரோத்யாநகேகிநீ ॥ 40 ॥

ஹ்ரீம்‍காராரண்யஹரிணீ ஹ்ரீம்‍காராவாலவல்லரீ ।

ஹ்ரீம்‍காரபஞ்ஜரஶுகீ ஹ்ரீம்‍காராங்கணதீபிகா ॥ 41 ॥

ஹ்ரீம்‍காரகந்தராஸிம்ஹீ ஹ்ரீம்‍காராம்போஜப்ரு'ங்கிகா ।

ஹ்ரீம்‍காரஸுமநோமாத்வீ ஹ்ரீம்‍காரதருமஞ்ஜரீ ॥ 42 ॥

ஸகாராக்யா ஸமரஸா ஸகலாகமஸம்ஸ்துதா ।

ஸர்வவேதாந்ததாத்பர்யபூமிஃ ஸதஸதாஶ்ரயா ॥ 43 ॥

ஸகலா ஸச்சிதாநந்தா ஸாத்யா ஸத்கதிதாயிநீ ।

ஸநகாதிமுநித்யேயா ஸதாஶிவகுடும்பிநீ ॥ 44 ॥

ஸகாலாதிஷ்டாநரூபா ஸத்யரூபா ஸமாக்ரு'திஃ ।

ஸர்வப்ரபஞ்சநிர்மாத்ரீ ஸமநாதிகவர்ஜிதா ॥ 45 ॥

ஸர்வோத்துங்கா ஸங்கஹீநா ஸகுணா ஸகலேஷ்டதா ।

ககாரிணீ காவ்யலோலா காமேஶ்வரமநோஹரா ॥ 46 ॥

காமேஶ்வரப்ராணநாடீ காமேஶோத்ஸங்கவாஸிநீ ।

காமேஶ்வராலிங்கிதாங்கீ காமேஶ்வரஸுகப்ரதா ॥ 47 ॥

காமேஶ்வரப்ரணயிநீ காமேஶ்வரவிலாஸிநீ ।

காமேஶ்வரதபஃஸித்திஃ காமேஶ்வரமநஃப்ரியா ॥ 48 ॥

காமேஶ்வரப்ராணநாதா காமேஶ்வரவிமோஹிநீ ।

காமேஶ்வரப்ரஹ்மவித்யா காமேஶ்வரக்ரு'ஹேஶ்வரீ ॥ 49 ॥

காமேஶ்வராஹ்லாதகரீ காமேஶ்வரமஹேஶ்வரீ ।

காமேஶ்வரீ காமகோடிநிலயா காங்க்ஷிதார்ததா ॥ 50 ॥

லகாரிணீ லப்தரூபா லப்ததீர்லப்தவாஞ்சிதா ।

லப்தபாபமநோதூரா லப்தாஹங்காரதுர்கமா ॥ 51 ॥

லப்தஶக்திர்லப்ததேஹா லப்தைஶ்வர்யஸமுந்நதிஃ ।

லப்தவ்ரு'த்திர்லப்தலீலா லப்தயௌவநஶாலிநீ ॥ 52 ॥

லப்தாதிஶயஸர்வாங்கஸௌந்தர்யா லப்தவிப்ரமா ।

லப்தராகா லப்தபதிர்லப்தநாநாகமஸ்திதிஃ ॥ 53 ॥

லப்தபோகா லப்தஸுகா லப்தஹர்ஷாபிபூரிதா ।

ஹ்ரீம்‍காரமூர்திர்ஹ்ரீம்‍காரஸௌதஶ்ரு'ங்ககபோதிகா ॥ 54 ॥

ஹ்ரீம்‍காரதுக்தாப்திஸுதா ஹ்ரீம்‍காரகமலேந்திரா ।

ஹ்ரீம்‍காரமணிதீபார்சிர்ஹ்ரீம்‍காரதருஶாரிகா ॥ 55 ॥

ஹ்ரீம்‍காரபேடகமணிர்ஹ்ரீம்‍காராதர்ஶபிம்பிதா ।

ஹ்ரீம்‍காரகோஶாஸிலதா ஹ்ரீம்‍காராஸ்தாநநர்தகீ ॥ 56 ॥

ஹ்ரீம்‍காரஶுக்திகாமுக்தாமணிர்ஹ்ரீம்‍காரபோதிதா ।

ஹ்ரீம்‍காரமயஸௌவர்ணஸ்தம்பவித்ருமபுத்ரிகா ॥ 57 ॥

ஹ்ரீம்‍காரவேதோபநிஷத் ஹ்ரீம்‍காராத்வரதக்ஷிணா ।

ஹ்ரீம்‍காரநந்தநாராமநவகல்பகவல்லரீ ॥ 58 ॥

ஹ்ரீம்‍காரஹிமவத்கங்கா ஹ்ரீம்‍காரார்ணவகௌஸ்துபா ।

ஹ்ரீம்‍காரமந்த்ரஸர்வஸ்வா ஹ்ரீம்‍காரபரஸௌக்யதா ॥ 59 ॥

உத்தரபீடிகா (பலஶ்ரு'திஃ)

ஹயக்ரீவ உவாச ।

இத்யேவம் தே மயாக்யாதம் தேவ்யா நாமஶதத்ரயம் ।

ரஹஸ்யாதிரஹஸ்யத்வாத்கோபநீயம் த்வயா முநே ॥ 1 ॥

ஶிவவர்ணாநி நாமாநி ஶ்ரீதேவ்யா கதிதாநி ஹி ।

ஶக்த்யக்ஷராணி நாமாநி காமேஶகதிதாநி ச ॥ 2 ॥

உபயாக்ஷரநாமாநி ஹ்யுபாப்யாம் கதிதாநி வை ।

ததந்யைர்க்ரதிதம் ஸ்தோத்ரமேதஸ்ய ஸத்ரு'ஶம் கிமு ॥ 3 ॥

நாநேந ஸத்ரு'ஶம் ஸ்தோத்ரம் ஶ்ரீதேவீப்ரீதிதாயகம் ।

லோகத்ரயேऽபி கல்யாணம் ஸம்பவேந்நாத்ர ஸம்ஶயஃ ॥ 4 ॥

ஸூத உவாச ।

இதி ஹயமுககீதம் ஸ்தோத்ரராஜம் நிஶம்ய

ப்ரகலிதகலுஷோऽபூச்சித்தபர்யாப்திமேத்ய ।

நிஜகுருமத நத்வா கும்பஜந்மா ததுக்தம்

புநரதிகரஹஸ்யம் ஜ்ஞாதுமேவம் ஜகாத ॥ 5 ॥

அகஸ்த்ய உவாச ।

அஶ்வாநந மஹாபாக ரஹஸ்யமபி மே வத ।

ஶிவவர்ணாநி காந்யத்ர ஶக்திவர்ணாநி காநி ஹி ॥ 6 ॥

உபயோரபி வர்ணாநி காநி வா வத தேஶிக ।

இதி ப்ரு'ஷ்டஃ கும்பஜேந ஹயக்ரீவோऽவதத்புநஃ ॥ 7 ॥

ஹயக்ரீவ உவாச ।

தவ கோப்யம் கிமஸ்தீஹ ஸாக்ஷாதம்பாநுஶாஸநாத் ।

இதம் த்வதிரஹஸ்யம் தே வக்ஷ்யாமி ஶ்ரு'ணு கும்பஜ ॥ 8 ॥

ஏதத்விஜ்ஞாநமாத்ரேண ஶ்ரீவித்யா ஸித்திதா பவேத் ।

கத்ரயம் ஹத்வயம் சைவ ஶைவோ பாகஃ ப்ரகீர்திதஃ ॥ 9 ॥

ஶக்த்யக்ஷராணி ஶேஷாணி ஹ்ரீங்கார உபயாத்மகஃ ।

ஏவம் விபாகமஜ்ஞாத்வா யே வித்யாஜபஶாலிநஃ ॥ 10 ॥

ந தேஷாம் ஸித்திதா வித்யா கல்பகோடிஶதைரபி ।

சதுர்பிஃ ஶிவசக்ரைஶ்ச ஶக்திசக்ரைஶ்ச பஞ்சபிஃ ॥ 11 ॥

நவசக்ரைஶ்ச ஸம்ஸித்தம் ஶ்ரீசக்ரம் ஶிவயோர்வபுஃ ।

த்ரிகோணமஷ்டகோணம் ச தஶகோணத்வயம் ததா ॥ 12 ॥

சதுர்தஶாரம் சைதாநி ஶக்திசக்ராணி பஞ்ச ச ।

பிந்துஶ்சாஷ்டதலம் பத்மம் பத்மம் ஷோடஶபத்ரகம் ॥ 13 ॥

சதுரஶ்ரம் ச சத்வாரி ஶிவசக்ராண்யநுக்ரமாத் ।

த்ரிகோணே பைந்தவம் ஶ்லிஷ்டம் அஷ்டாரேऽஷ்டதலாம்புஜம் ॥ 14 ॥

தஶாரயோஃ ஷோடஶாரம் பூக்ரு'ஹம் புவநாஶ்ரகே ।

ஶைவாநாமபி ஶாக்தாநாம் சக்ராணாம் ச பரஸ்பரம் ॥ 15 ॥

அவிநாபாவஸம்பந்தம் யோ ஜாநாதி ஸ சக்ரவித் ।

த்ரிகோணரூபிணீ ஶக்திர்பிந்துரூபபரஃ ஶிவஃ ॥ 16 ॥

அவிநாபாவஸம்பந்தம் தஸ்மாத்பிந்துத்ரிகோணயோஃ ।

ஏவம் விபாகமஜ்ஞாத்வா ஶ்ரீசக்ரம் யஃ ஸமர்சயேத் ॥ 17 ॥

ந தத்பலமவாப்நோதி லலிதாம்பா ந துஷ்யதி ।

யே ச ஜாநந்தி லோகேऽஸ்மிந் ஶ்ரீவித்யாசக்ரவேதிநஃ ॥ 18 ॥

ஸாமந்யவேதிநஃ ஸர்வே விஶேஷஜ்ஞோऽதிதுர்லபஃ ।

ஸ்வயம்வித்யாவிஶேஷஜ்ஞோ விஶேஷஜ்ஞம் ஸமர்சயேத் ॥ 19 ॥

தஸ்மை தேயம் ததோ க்ராஹ்யமஶக்தஸ்தஸ்ய தாபயேத் ।

அந்தம் தமஃ ப்ரவிஶந்தி யேऽவித்யாம் ஸமுபாஸதே ॥ 20 ॥

இதி ஶ்ருதிரபாஹைதாநவித்யோபாஸகாந்புநஃ ।

வித்யாந்யோபாஸகாநேவ நிந்தத்யாருணிகீ ஶ்ருதிஃ ॥ 21 ॥

அஶ்ருதா ஸஶ்ருதாஸஶ்ச யஜ்வாநோ யேऽப்யயஜ்வநஃ ।

ஸ்வர்யந்தோ நாபேக்ஷந்தே இந்த்ரமக்நிம் ச யே விதுஃ ॥ 22 ॥

ஸிகதா இவ ஸம்யந்தி ரஶ்மிபிஃ ஸமுதீரிதாஃ ।

அஸ்மால்லோகாதமுஷ்மாச்சேத்யாஹ சாரண்யகஶ்ருதிஃ ॥ 23 ॥

யஸ்ய நோ பஶ்சிமம் ஜந்ம யதி வா ஶங்கரஃ ஸ்வயம் ।

தேநைவ லப்யதே வித்யா ஶ்ரீமத்பஞ்சதஶாக்ஷரீ ॥ 24 ॥

இதி மந்த்ரேஷு பஹுதா வித்யாயா மஹிமோச்யதே ।

மோக்ஷைகஹேதுவித்யா து ஶ்ரீவித்யா நாத்ர ஸம்ஶயஃ ॥ 25 ॥

ந ஶில்பாதிஜ்ஞாநயுக்தே வித்வச்சப்தஃ ப்ரயுஜ்யதே ।

மோக்ஷைகஹேதுவித்யா ஸா ஶ்ரீவித்யைவ ந ஸம்ஶயஃ ॥ 26 ॥

தஸ்மாத்வித்யாவிதேவாத்ர வித்வாந்வித்வாநிதீர்யதே ।

ஸ்வயம் வித்யாவிதே தத்யாத்க்யாபயேத்தத்குணாந்ஸுதீஃ ॥ 27 ॥

ஸ்வயம்வித்யாரஹஸ்யஜ்ஞோ வித்யாமாஹாத்ம்யவேத்யபி ।

வித்யாவிதம் நார்சயேச்சேத்கோ வா தம் பூஜயேஜ்ஜநஃ ॥ 28 ॥

ப்ரஸங்காதிதமுக்தம் தே ப்ரக்ரு'தம் ஶ்ரு'ணு கும்பஜ ।

யஃ கீர்தயேத்ஸக்ரு'த்பக்த்யா திவ்யநாமஶதத்ரயம் ॥ 29 ॥

தஸ்ய புண்யமஹம் வக்ஷ்யே ஶ்ரு'ணு த்வம் கும்பஸம்பவ ।

ரஹஸ்யநாமஸாஹஸ்ரபாடே யத்பலமீரிதம் ॥ 30 ॥

தத்பலம் கோடிகுணிதமேகநாமஜபாத்பவேத் ।

காமேஶ்வரீகாமேஶாப்யாம் க்ரு'தம் நாமஶதத்ரயம் ॥ 31 ॥

நாந்யேந துலயேதேதத் ஸ்தோத்ரேணாந்யக்ரு'தேந ச ।

ஶ்ரியஃ பரம்பரா யஸ்ய பாவி வா சோத்தரோத்தரம் ॥ 32 ॥

தேநைவ லப்யதே சைதத்பஶ்சாச்ச்ரேயஃ பரீக்ஷயேத் ।

அஸ்யா நாம்நாம் த்ரிஶத்யாஸ்து மஹிமா கேந வர்ண்யதே ॥ 33 ॥

யா ஸ்வயம் ஶிவயோர்வக்த்ரபத்மாப்யாம் பரிநிஃஸ்ரு'தா ।

நித்யம் ஷோடஶஸங்க்யாகாந்விப்ராநாதௌ து போஜயேத் ॥ 34 ॥

அப்யக்தாம்ஸ்திலதைலேந ஸ்நாதாநுஷ்ணேந வாரிணா ।

அப்யர்ச்ய கந்தபுஷ்பாத்யைஃ காமேஶ்வர்யாதிநாமபிஃ ॥ 35 ॥

ஸூபாபூபைஃ ஶர்கராத்யைஃ பாயஸைஃ பலஸம்யுதைஃ ।

வித்யாவிதோ விஶேஷேண போஜயேத்ஷோடஶ த்விஜாந் ॥ 36 ॥

ஏவம் நித்யார்சநம் குர்யாதாதௌ ப்ராஹ்மணபோஜநம் ।

த்ரிஶதீநாமபிஃ பஶ்சாத்ப்ராஹ்மணாந்க்ரமஶோऽர்சயேத் ॥ 37 ॥

தைலாப்யங்காதிகம் தத்வா விபவே ஸதி பக்திதஃ ।

ஶுக்லப்ரதிபதாரப்ய பௌர்ணமாஸ்யவதி க்ரமாத் ॥ 38 ॥

திவஸே திவஸே விப்ரா போஜ்யா விம்ஶதிஸங்க்யயா ।

தஶபிஃ பஞ்சபிர்வாபி த்ரிபிரேகேந வா திநைஃ ॥ 39 ॥

த்ரிம்ஶத்ஷஷ்டிஃ ஶதம் விப்ராஃ ஸம்போஜ்யாஸ்த்ரிஶதம் க்ரமாத் ।

ஏவம் யஃ குருதே பக்த்யா ஜந்மமத்யே ஸக்ரு'ந்நரஃ ॥ 40 ॥

தஸ்யைவ ஸபலம் ஜந்ம முக்திஸ்தஸ்ய கரே ஸ்திரா ।

ரஹஸ்யநாமஸாஹஸ்ரபோஜநேऽப்யேவமேவ ஹி ॥ 41 ॥

ஆதௌ நித்யபலிம் குர்யாத்பஶ்சாத்ப்ராஹ்மணபோஜநம் ।

ரஹஸ்யநாமஸாஹஸ்ரமஹிமா யோ மயோதிதஃ ॥ 42 ॥

ஸ ஶீகராணுரத்நைகநாம்நோ மஹிமவாரிதேஃ ।

வாக்தேவீரசிதே நாமஸாஹஸ்ரே யத்யதீரிதம் ॥ 43 ॥

தத்பலம் கோடிகுணிதம் நாம்நோऽப்யேகஸ்ய கீர்தநாத் ।

ஏததந்யைர்ஜபைஃ ஸ்தோத்ரைரர்சநைர்யத்பலம் பவேத் ॥ 44 ॥

தத்பலம் கோடிகுணிதம் பவேந்நாமஶதத்ரயாத் ।

வாக்தேவீரசிதே ஸ்தோத்ரே தாத்ரு'ஶோ மஹிமா யதி ॥ 45 ॥

ஸாக்ஷாத்காமேஶகாமேஶீக்ரு'தேऽஸ்மிந்க்ரு'ஹ்யதாமிதி ।

ஸக்ரு'த்ஸங்கீர்தநாதேவ நாம்நாமஸ்மிந் ஶதத்ரயே ॥ 46 ॥

பவேச்சித்தஸ்ய பர்யாப்திர்ந்யூநமந்யாநபேக்ஷிணீ ।

ந ஜ்ஞாதவ்யமிதோऽப்யந்யத்ர ஜப்தவ்யம் ச கும்பஜ ॥ 47 ॥

யத்யத்ஸாத்யதமம் கார்யம் தத்ததர்தமிதம் ஜபேத் ।

தத்தத்பலமவாப்நோதி பஶ்சாத்கார்யம் பரீக்ஷயேத் ॥ 48 ॥

யே யே ப்ரயோகாஸ்தந்த்ரேஷு தைஸ்தைர்யத்ஸாத்யதே பலம் ।

தத்ஸர்வம் ஸித்யதி க்ஷிப்ரம் நாமத்ரிஶதகீர்தநாத் ॥ 49 ॥

ஆயுஷ்கரம் புஷ்டிகரம் புத்ரதம் வஶ்யகாரகம் ।

வித்யாப்ரதம் கீர்திகரம் ஸுகவித்வப்ரதாயகம் ॥ 50 ॥

ஸர்வஸம்பத்ப்ரதம் ஸர்வபோகதம் ஸர்வஸௌக்யதம் ।

ஸர்வாபீஷ்டப்ரதம் சைவ தேவ்யா நாமஶதத்ரயம் ॥ 51 ॥

ஏதஜ்ஜபபரோ பூயாந்நாந்யதிச்சேத்கதாசந ।

ஏதத்கீர்தநஸந்துஷ்டா ஶ்ரீதேவீ லலிதாம்பிகா ॥ 52 ॥

பக்தஸ்ய யத்யதிஷ்டம் ஸ்யாத்தத்தத்பூரயதே த்ருவம் ।

தஸ்மாத்கும்போத்பவ முநே கீர்தய த்வமிதம் ஸதா ॥ 53 ॥

நாபரம் கிஞ்சிதபி தே போத்தவ்யமவஶிஷ்யதே ।

இதி தே கதிதம் ஸ்தோத்ரம் லலிதாப்ரீதிதாயகம் ॥ 54 ॥

நாவித்யாவேதிநே ப்ரூயாந்நாபக்தாய கதாசந ।

ந ஶடாய ந துஷ்டாய நாவிஶ்வாஸாய கர்ஹிசித் ॥ 56 ॥

யோ ப்ரூயாத்த்ரிஶதீம் நாம்நாம் தஸ்யாநர்தோ மஹாந்பவேத் ।

இத்யாஜ்ஞா ஶாங்கரீ ப்ரோக்தா தஸ்மாத்கோப்யமிதம் த்வயா ॥ 57 ॥

லலிதாப்ரேரிதேநைவ மயோக்தம் ஸ்தோத்ரமுத்தமம் ।

ரஹஸ்யநாமஸாஹஸ்ராதபி கோப்யமிதம் முநே ॥ 58 ॥

ஸூத உவாச ।

ஏவமுக்த்வா ஹயக்ரீவஃ கும்பஜம் தாபஸோத்தமம் ।

ஸ்தோத்ரேணாநேந லலிதாம் ஸ்துத்வா த்ரிபுரஸுந்தரீம் ।

ஆநந்தலஹரீமக்நமாநஸஃ ஸமவர்தத ॥ 59 ॥

இதி ப்ரஹ்மாண்டபுராணே உத்தரகண்டே ஹயக்ரீவாகஸ்த்யஸம்வாதே லலிதோபாக்யாநே ஸ்தோத்ரகண்டே ஶ்ரீலலிதாத்ரிஶதீஸ்தோத்ரரத்நம் ।

Roman (IAST) Transliteration

asya śrīlalitā triśatīstotra mahāmantrasya, bhagavān hayagrīva ṛṣiḥ, anuṣṭup chandaḥ, śrīlalitāmahātripurasundarī devatā, aiṃ bījaṃ, sauḥ śaktiḥ, klīṃ kīlakaṃ, mama caturvidhapuruṣārthaphalasiddhyarthe jape viniyogaḥ |

aimityādibhiraṅganyāsakaranyāsāḥ kāryāḥ |

dhyānam |

atimadhuracāpahastā-

-maparimitāmodabāṇasaubhāgyām |

aruṇāmatiśayakaruṇā-

-mabhinavakulasundarīṃ vande |

śrī hayagrīva uvāca |

kakārarūpā kalyāṇī kalyāṇaguṇaśālinī |

kalyāṇaśailanilayā kamanīyā kalāvatī || 1 ||

kamalākṣī kalmaṣaghnī karuṇāmṛtasāgarā |

kadambakānanāvāsā kadambakusumapriyā || 2 ||

kandarpavidyā kandarpajanakāpāṅgavīkṣaṇā |

karpūravīṭisaurabhyakallolitakakuptaṭā || 3 ||

kalidoṣaharā kañjalocanā kamravigrahā |

karmādisākṣiṇī kārayitrī karmaphalapradā || 4 ||

ekārarūpā caikākṣaryekānekākṣarākṛtiḥ |

etattadityanirdeśyā caikānandacidākṛtiḥ || 5 ||

evamityāgamābodhyā caikabhaktimadarcitā |

ekāgracittanirdhyātā caiṣaṇārahitādṛtā || 6 ||

elāsugandhicikurā cainaḥkūṭavināśinī |

ekabhogā caikarasā caikaiśvaryapradāyinī || 7 ||

ekātapatrasāmrājyapradā caikāntapūjitā |

edhamānaprabhā caijadanekajagadīśvarī || 8 ||

ekavīrādisaṃsevyā caikaprābhavaśālinī |

īkārarūpā ceśitrī cepsitārthapradāyinī || 9 ||

īdṛgityavinirdeśyā ceśvaratvavidhāyinī |

īśānādibrahmamayī ceśitvādyaṣṭasiddhidā || 10 ||

īkṣitrīkṣaṇasṛṣṭāṇḍakoṭirīśvaravallabhā |

īḍitā ceśvarārdhāṅgaśarīreśādhidevatā || 11 ||

īśvarapreraṇakarī ceśatāṇḍavasākṣiṇī |

īśvarotsaṅganilayā cetibādhāvināśinī || 12 ||

īhāvirahitā ceśaśaktirīṣatsmitānanā |

lakārarūpā lalitā lakṣmīvāṇīniṣevitā || 13 ||

lākinī lalanārūpā lasaddāḍimapāṭalā |

lalantikālasatphālā lalāṭanayanārcitā || 14 ||

lakṣaṇojjvaladivyāṅgī lakṣakoṭyaṇḍanāyikā |

lakṣyārthā lakṣaṇāgamyā labdhakāmā latātanuḥ || 15 ||

lalāmarājadalikā lambimuktālatāñcitā |

lambodaraprasūrlabhyā lajjāḍhyā layavarjitā || 16 ||

hrīṃ‍kārarūpā hrīṃ‍kāranilayā hrīṃ‍padapriyā |

hrīṃ‍kārabījā hrīṃ‍kāramantrā hrīṃ‍kāralakṣaṇā || 17 ||

hrīṃ‍kārajapasuprītā hrīṃ‍matī hrīṃ‍vibhūṣaṇā |

hrīṃ‍śīlā hrīṃ‍padārādhyā hrīṃ‍garbhā hrīṃ‍padābhidhā || 18 ||

hrīṃ‍kāravācyā hrīṃ‍kārapūjyā hrīṃ‍kārapīṭhikā |

hrīṃ‍kāravedyā hrīṃ‍kāracintyā hrīṃ hrīṃ‍śarīriṇī || 19 ||

hakārarūpā haladhṛkpūjitā hariṇekṣaṇā |

harapriyā harārādhyā haribrahmendravanditā || 20 ||

hayārūḍhāsevitāṅghrirhayamedhasamarcitā |

haryakṣavāhanā haṃsavāhanā hatadānavā || 21 ||

hatyādipāpaśamanī haridaśvādisevitā |

hastikumbhottuṅgakucā hastikṛttipriyāṅganā || 22 ||

haridrākuṅkumādigdhā haryaśvādyamarārcitā |

harikeśasakhī hādividyā hālāmadālasā || 23 ||

sakārarūpā sarvajñā sarveśī sarvamaṅgalā |

sarvakartrī sarvabhartrī sarvahantrī sanātanā || 24 ||

sarvānavadyā sarvāṅgasundarī sarvasākṣiṇī |

sarvātmikā sarvasaukhyadātrī sarvavimohinī || 25 ||

sarvādhārā sarvagatā sarvāvaguṇavarjitā |

sarvāruṇā sarvamātā sarvabhūṣaṇabhūṣitā || 26 ||

kakārārthā kālahantrī kāmeśī kāmitārthadā |

kāmasañjīvanī kalyā kaṭhinastanamaṇḍalā || 27 ||

karabhorūḥ kalānāthamukhī kacajitāmbudā |

kaṭākṣasyandikaruṇā kapāliprāṇanāyikā || 28 ||

kāruṇyavigrahā kāntā kāntidhūtajapāvaliḥ |

kalālāpā kambukaṇṭhī karanirjitapallavā || 29 ||

kalpavallīsamabhujā kastūrītilakāñcitā |

hakārārthā haṃsagatirhāṭakābharaṇojjvalā || 30 ||

hārahārikucābhogā hākinī halyavarjitā |

haritpatisamārādhyā haṭhātkārahatāsurā || 31 ||

harṣapradā havirbhoktrī hārdasantamasāpahā |

hallīsalāsyasantuṣṭā haṃsamantrārtharūpiṇī || 32 ||

hānopādānanirmuktā harṣiṇī harisodarī |

hāhāhūhūmukhastutyā hānivṛddhivivarjitā || 33 ||

hayyaṅgavīnahṛdayā harigopāruṇāṃśukā |

lakārākhyā latāpūjyā layasthityudbhaveśvarī || 34 ||

lāsyadarśanasantuṣṭā lābhālābhavivarjitā |

laṅghyetarājñā lāvaṇyaśālinī laghusiddhidā || 35 ||

lākṣārasasavarṇābhā lakṣmaṇāgrajapūjitā |

labhyetarā labdhabhaktisulabhā lāṅgalāyudhā || 36 ||

lagnacāmarahastaśrīśāradāparivījitā |

lajjāpadasamārādhyā lampaṭā lakuleśvarī || 37 ||

labdhamānā labdharasā labdhasampatsamunnatiḥ |

hrīṃ‍kāriṇī hrīṃ‍kārādyā hrīṃ‍madhyā hrīṃ‍śikhāmaṇiḥ || 38 ||

hrīṃ‍kārakuṇḍāgniśikhā hrīṃ‍kāraśaśicandrikā |

hrīṃ‍kārabhāskararucirhrīṃ‍kārāmbhodacañcalā || 39 ||

hrīṃ‍kārakandāṅkurikā hrīṃ‍kāraikaparāyaṇā |

hrīṃ‍kāradīrghikāhaṃsī hrīṃ‍kārodyānakekinī || 40 ||

hrīṃ‍kārāraṇyahariṇī hrīṃ‍kārāvālavallarī |

hrīṃ‍kārapañjaraśukī hrīṃ‍kārāṅgaṇadīpikā || 41 ||

hrīṃ‍kārakandarāsiṃhī hrīṃ‍kārāmbhojabhṛṅgikā |

hrīṃ‍kārasumanomādhvī hrīṃ‍kāratarumañjarī || 42 ||

sakārākhyā samarasā sakalāgamasaṃstutā |

sarvavedāntatātparyabhūmiḥ sadasadāśrayā || 43 ||

sakalā saccidānandā sādhyā sadgatidāyinī |

sanakādimunidhyeyā sadāśivakuṭumbinī || 44 ||

sakālādhiṣṭhānarūpā satyarūpā samākṛtiḥ |

sarvaprapañcanirmātrī samanādhikavarjitā || 45 ||

sarvottuṅgā saṅgahīnā saguṇā sakaleṣṭadā |

kakāriṇī kāvyalolā kāmeśvaramanoharā || 46 ||

kāmeśvaraprāṇanāḍī kāmeśotsaṅgavāsinī |

kāmeśvarāliṅgitāṅgī kāmeśvarasukhapradā || 47 ||

kāmeśvarapraṇayinī kāmeśvaravilāsinī |

kāmeśvaratapaḥsiddhiḥ kāmeśvaramanaḥpriyā || 48 ||

kāmeśvaraprāṇanāthā kāmeśvaravimohinī |

kāmeśvarabrahmavidyā kāmeśvaragṛheśvarī || 49 ||

kāmeśvarāhlādakarī kāmeśvaramaheśvarī |

kāmeśvarī kāmakoṭinilayā kāṅkṣitārthadā || 50 ||

lakāriṇī labdharūpā labdhadhīrlabdhavāñchitā |

labdhapāpamanodūrā labdhāhaṅkāradurgamā || 51 ||

labdhaśaktirlabdhadehā labdhaiśvaryasamunnatiḥ |

labdhavṛddhirlabdhalīlā labdhayauvanaśālinī || 52 ||

labdhātiśayasarvāṅgasaundaryā labdhavibhramā |

labdharāgā labdhapatirlabdhanānāgamasthitiḥ || 53 ||

labdhabhogā labdhasukhā labdhaharṣābhipūritā |

hrīṃ‍kāramūrtirhrīṃ‍kārasaudhaśṛṅgakapotikā || 54 ||

hrīṃ‍kāradugdhābdhisudhā hrīṃ‍kārakamalendirā |

hrīṃ‍kāramaṇidīpārcirhrīṃ‍kārataruśārikā || 55 ||

hrīṃ‍kārapeṭakamaṇirhrīṃ‍kārādarśabimbitā |

hrīṃ‍kārakośāsilatā hrīṃ‍kārāsthānanartakī || 56 ||

hrīṃ‍kāraśuktikāmuktāmaṇirhrīṃ‍kārabodhitā |

hrīṃ‍kāramayasauvarṇastambhavidrumaputrikā || 57 ||

hrīṃ‍kāravedopaniṣad hrīṃ‍kārādhvaradakṣiṇā |

hrīṃ‍kāranandanārāmanavakalpakavallarī || 58 ||

hrīṃ‍kārahimavadgaṅgā hrīṃ‍kārārṇavakaustubhā |

hrīṃ‍kāramantrasarvasvā hrīṃ‍kāraparasaukhyadā || 59 ||

uttarapīṭhikā (phalaśṛtiḥ)

hayagrīva uvāca |

ityevaṃ te mayākhyātaṃ devyā nāmaśatatrayam |

rahasyātirahasyatvādgopanīyaṃ tvayā mune || 1 ||

śivavarṇāni nāmāni śrīdevyā kathitāni hi |

śaktyakṣarāṇi nāmāni kāmeśakathitāni ca || 2 ||

ubhayākṣaranāmāni hyubhābhyāṃ kathitāni vai |

tadanyairgrathitaṃ stotrametasya sadṛśaṃ kimu || 3 ||

nānena sadṛśaṃ stotraṃ śrīdevīprītidāyakam |

lokatraye'pi kalyāṇaṃ sambhavennātra saṃśayaḥ || 4 ||

sūta uvāca |

iti hayamukhagītaṃ stotrarājaṃ niśamya

pragalitakaluṣo'bhūccittaparyāptimetya |

nijagurumatha natvā kumbhajanmā taduktaṃ

punaradhikarahasyaṃ jñātumevaṃ jagāda || 5 ||

agastya uvāca |

aśvānana mahābhāga rahasyamapi me vada |

śivavarṇāni kānyatra śaktivarṇāni kāni hi || 6 ||

ubhayorapi varṇāni kāni vā vada deśika |

iti pṛṣṭaḥ kumbhajena hayagrīvo'vadatpunaḥ || 7 ||

hayagrīva uvāca |

tava gopyaṃ kimastīha sākṣādambānuśāsanāt |

idaṃ tvatirahasyaṃ te vakṣyāmi śṛṇu kumbhaja || 8 ||

etadvijñānamātreṇa śrīvidyā siddhidā bhavet |

katrayaṃ hadvayaṃ caiva śaivo bhāgaḥ prakīrtitaḥ || 9 ||

śaktyakṣarāṇi śeṣāṇi hrīṅkāra ubhayātmakaḥ |

evaṃ vibhāgamajñātvā ye vidyājapaśālinaḥ || 10 ||

na teṣāṃ siddhidā vidyā kalpakoṭiśatairapi |

caturbhiḥ śivacakraiśca śakticakraiśca pañcabhiḥ || 11 ||

navacakraiśca saṃsiddhaṃ śrīcakraṃ śivayorvapuḥ |

trikoṇamaṣṭakoṇaṃ ca daśakoṇadvayaṃ tathā || 12 ||

caturdaśāraṃ caitāni śakticakrāṇi pañca ca |

binduścāṣṭadalaṃ padmaṃ padmaṃ ṣoḍaśapatrakam || 13 ||

caturaśraṃ ca catvāri śivacakrāṇyanukramāt |

trikoṇe baindavaṃ śliṣṭaṃ aṣṭāre'ṣṭadalāmbujam || 14 ||

daśārayoḥ ṣoḍaśāraṃ bhūgṛhaṃ bhuvanāśrake |

śaivānāmapi śāktānāṃ cakrāṇāṃ ca parasparam || 15 ||

avinābhāvasambandhaṃ yo jānāti sa cakravit |

trikoṇarūpiṇī śaktirbindurūpaparaḥ śivaḥ || 16 ||

avinābhāvasambandhaṃ tasmādbindutrikoṇayoḥ |

evaṃ vibhāgamajñātvā śrīcakraṃ yaḥ samarcayet || 17 ||

na tatphalamavāpnoti lalitāmbā na tuṣyati |

ye ca jānanti loke'smin śrīvidyācakravedinaḥ || 18 ||

sāmanyavedinaḥ sarve viśeṣajño'tidurlabhaḥ |

svayaṃvidyāviśeṣajño viśeṣajñaṃ samarcayet || 19 ||

tasmai deyaṃ tato grāhyamaśaktastasya dāpayet |

andhaṃ tamaḥ praviśanti ye'vidyāṃ samupāsate || 20 ||

iti śrutirapāhaitānavidyopāsakānpunaḥ |

vidyānyopāsakāneva nindatyāruṇikī śrutiḥ || 21 ||

aśrutā saśrutāsaśca yajvāno ye'pyayajvanaḥ |

svaryanto nāpekṣante indramagniṃ ca ye viduḥ || 22 ||

sikatā iva saṃyanti raśmibhiḥ samudīritāḥ |

asmāllokādamuṣmāccetyāha cāraṇyakaśrutiḥ || 23 ||

yasya no paścimaṃ janma yadi vā śaṅkaraḥ svayam |

tenaiva labhyate vidyā śrīmatpañcadaśākṣarī || 24 ||

iti mantreṣu bahudhā vidyāyā mahimocyate |

mokṣaikahetuvidyā tu śrīvidyā nātra saṃśayaḥ || 25 ||

na śilpādijñānayukte vidvacchabdhaḥ prayujyate |

mokṣaikahetuvidyā sā śrīvidyaiva na saṃśayaḥ || 26 ||

tasmādvidyāvidevātra vidvānvidvānitīryate |

svayaṃ vidyāvide dadyātkhyāpayettadguṇānsudhīḥ || 27 ||

svayaṃvidyārahasyajño vidyāmāhātmyavedyapi |

vidyāvidaṃ nārcayeccetko vā taṃ pūjayejjanaḥ || 28 ||

prasaṅgādidamuktaṃ te prakṛtaṃ śṛṇu kumbhaja |

yaḥ kīrtayetsakṛdbhaktyā divyanāmaśatatrayam || 29 ||

tasya puṇyamahaṃ vakṣye śṛṇu tvaṃ kumbhasambhava |

rahasyanāmasāhasrapāṭhe yatphalamīritam || 30 ||

tatphalaṃ koṭiguṇitamekanāmajapādbhavet |

kāmeśvarīkāmeśābhyāṃ kṛtaṃ nāmaśatatrayam || 31 ||

nānyena tulayedetat stotreṇānyakṛtena ca |

śriyaḥ paramparā yasya bhāvi vā cottarottaram || 32 ||

tenaiva labhyate caitatpaścācchreyaḥ parīkṣayet |

asyā nāmnāṃ triśatyāstu mahimā kena varṇyate || 33 ||

yā svayaṃ śivayorvaktrapadmābhyāṃ pariniḥsṛtā |

nityaṃ ṣoḍaśasaṅkhyākānviprānādau tu bhojayet || 34 ||

abhyaktāṃstilatailena snātānuṣṇena vāriṇā |

abhyarcya gandhapuṣpādyaiḥ kāmeśvaryādināmabhiḥ || 35 ||

sūpāpūpaiḥ śarkarādyaiḥ pāyasaiḥ phalasaṃyutaiḥ |

vidyāvido viśeṣeṇa bhojayetṣoḍaśa dvijān || 36 ||

evaṃ nityārcanaṃ kuryādādau brāhmaṇabhojanam |

triśatīnāmabhiḥ paścādbrāhmaṇānkramaśo'rcayet || 37 ||

tailābhyaṅgādikaṃ datvā vibhave sati bhaktitaḥ |

śuklapratipadārabhya paurṇamāsyavadhi kramāt || 38 ||

divase divase viprā bhojyā viṃśatisaṅkhyayā |

daśabhiḥ pañcabhirvāpi tribhirekena vā dinaiḥ || 39 ||

triṃśatṣaṣṭiḥ śataṃ viprāḥ sambhojyāstriśataṃ kramāt |

evaṃ yaḥ kurute bhaktyā janmamadhye sakṛnnaraḥ || 40 ||

tasyaiva saphalaṃ janma muktistasya kare sthirā |

rahasyanāmasāhasrabhojane'pyevameva hi || 41 ||

ādau nityabaliṃ kuryātpaścādbrāhmaṇabhojanam |

rahasyanāmasāhasramahimā yo mayoditaḥ || 42 ||

sa śīkarāṇuratnaikanāmno mahimavāridheḥ |

vāgdevīracite nāmasāhasre yadyadīritam || 43 ||

tatphalaṃ koṭiguṇitaṃ nāmno'pyekasya kīrtanāt |

etadanyairjapaiḥ stotrairarcanairyatphalaṃ bhavet || 44 ||

tatphalaṃ koṭiguṇitaṃ bhavennāmaśatatrayāt |

vāgdevīracite stotre tādṛśo mahimā yadi || 45 ||

sākṣātkāmeśakāmeśīkṛte'smingṛhyatāmiti |

sakṛtsaṅkīrtanādeva nāmnāmasmin śatatraye || 46 ||

bhaveccittasya paryāptirnyūnamanyānapekṣiṇī |

na jñātavyamito'pyanyatra japtavyaṃ ca kumbhaja || 47 ||

yadyatsādhyatamaṃ kāryaṃ tattadarthamidaṃ japet |

tattatphalamavāpnoti paścātkāryaṃ parīkṣayet || 48 ||

ye ye prayogāstantreṣu taistairyatsādhyate phalam |

tatsarvaṃ sidhyati kṣipraṃ nāmatriśatakīrtanāt || 49 ||

āyuṣkaraṃ puṣṭikaraṃ putradaṃ vaśyakārakam |

vidyāpradaṃ kīrtikaraṃ sukavitvapradāyakam || 50 ||

sarvasampatpradaṃ sarvabhogadaṃ sarvasaukhyadam |

sarvābhīṣṭapradaṃ caiva devyā nāmaśatatrayam || 51 ||

etajjapaparo bhūyānnānyadicchetkadācana |

etatkīrtanasantuṣṭā śrīdevī lalitāmbikā || 52 ||

bhaktasya yadyadiṣṭaṃ syāttattatpūrayate dhruvam |

tasmātkumbhodbhava mune kīrtaya tvamidaṃ sadā || 53 ||

nāparaṃ kiñcidapi te boddhavyamavaśiṣyate |

iti te kathitaṃ stotraṃ lalitāprītidāyakam || 54 ||

nāvidyāvedine brūyānnābhaktāya kadācana |

na śaṭhāya na duṣṭāya nāviśvāsāya karhicit || 56 ||

yo brūyāttriśatīṃ nāmnāṃ tasyānartho mahānbhavet |

ityājñā śāṅkarī proktā tasmādgopyamidaṃ tvayā || 57 ||

lalitāpreritenaiva mayoktaṃ stotramuttamam |

rahasyanāmasāhasrādapi gopyamidaṃ mune || 58 ||

sūta uvāca |

evamuktvā hayagrīvaḥ kumbhajaṃ tāpasottamam |

stotreṇānena lalitāṃ stutvā tripurasundarīm |

ānandalaharīmagnamānasaḥ samavartata || 59 ||

iti brahmāṇḍapurāṇe uttarakhaṇḍe hayagrīvāgastyasaṃvāde lalitopākhyāne stotrakhaṇḍe śrīlalitātriśatīstotraratnam |