Shri Krishna Krita Durga Stotram

ॐ

ஶ்ரீ க்ரு'ஷ்ண க்ரு'த துர்கா ஸ்தோத்ரம்

Krishna Stotram Tamil

ஶ்ரீக்ரு'ஷ்ண உவாச ।

த்வமேவ ஸர்வஜநநீ மூலப்ரக்ரு'திரீஶ்வரீ ।

த்வமேவாத்யா ஸ்ரு'ஷ்டிவிதௌ ஸ்வேச்சயா த்ரிகுணாத்மிகா ॥ 1 ॥

கார்யார்தே ஸகுணா த்வம் ச வஸ்துதோ நிர்குணா ஸ்வயம் ।

பரப்ரஹ்மஸ்வரூபா த்வம் ஸத்யா நித்யா ஸநாதநீ ॥ 2 ॥

தேஜஃ ஸ்வரூபா பரமா பக்தாநுக்ரவிக்ரஹா ।

ஸர்வஸ்வரூபா ஸர்வேஶா ஸர்வாதாரா பராத்பரா ॥ 3 ॥

ஸர்வபீஜஸ்வரூபா ச ஸர்வபூஜ்யா நிராஶ்ரயா ।

ஸர்வஜ்ஞா ஸர்வதோபத்ரா ஸர்வமங்கலமங்கலா ॥ 4 ॥

ஸர்வபுத்திஸ்வரூபா ச ஸர்வஶக்திஸ்வரூபிணீ ।

ஸர்வஜ்ஞாநப்ரதா தேவீ ஸர்வஜ்ஞா ஸர்வபாவிநீ ॥ 5 ॥

த்வம் ஸ்வாஹா தேவதாநே ச பித்ரு'தாநே ஸ்வதா ஸ்வயம் ।

தக்ஷிணா ஸர்வதாநே ச ஸர்வஶக்திஸ்வரூபிணீ ॥ 6 ॥

நித்ரா த்வம் ச தயா த்வம் ச த்ரு'ஷ்ணா த்வம் சாத்மநஃ ப்ரியா ।

க்ஷுத் க்ஷாந்திஃ ஶாந்திரீஶா ச காந்திஸ்துஷ்டிஶ்ச ஶாஶ்வதீ ॥ 7 ॥

ஶ்ரத்தா புஷ்டிஶ்ச தந்த்ரா ச லஜ்ஜா ஶோபா தயா ததா ।

ஸதாம் ஸம்பத்ஸ்வரூபா ஶ்ரீர்விபத்திரஸதாமிஹ ॥ 8 ॥

ப்ரீதிரூபா புண்யவதாம் பாபிநாம் கலஹாங்குரா ।

ஶஶ்வத்கர்மமயீ ஶக்திஃ ஸர்வதா ஸர்வஜீவிநாம் ॥ 9 ॥

தேவேப்யஃ ஸ்வபதோ தாத்ரீ தாதுர்தாத்ரீ க்ரு'பாமயீ ।

ஹிதாய ஸர்வதேவாநாம் ஸர்வாஸுரவிநாஶிநீ ॥ 10 ॥

யோகிநித்ரா யோகரூபா யோகதாத்ரீ ச யோகிநாம் ।

ஸித்திஸ்வரூபா ஸித்தாநாம் ஸித்திதா ஸித்தயோகிநீ ॥ 11 ॥

மாஹேஶ்வரீ ச ப்ரஹ்மாணீ விஷ்ணுமாயா ச வைஷ்ணவீ ।

பத்ரதா பத்ரகாலீ ச ஸர்வலோகபயங்கரீ ॥ 12 ॥

க்ராமே க்ராமே க்ராமதேவீ க்ரு'ஹதேவீ க்ரு'ஹே க்ரு'ஹே ।

ஸதாம் கீர்திஃ ப்ரதிஷ்டா ச நிந்தா த்வமஸதாம் ஸதா ॥ 13 ॥

மஹாயுத்தே மஹாமாரீ துஷ்டஸம்ஹாரரூபிணீ ।

ரக்ஷாஸ்வரூபா ஶிஷ்டாநாம் மாதேவ ஹிதகாரிணீ ॥ 14 ॥

வந்த்யா பூஜ்யா ஸ்துதா த்வம் ச ப்ரஹ்மாதீநாம் ச ஸர்வதா ।

ப்ரஹ்மண்யரூபா விப்ராணாம் தபஸ்யா ச தபஸ்விநாம் ॥ 15 ॥

வித்யா வித்யாவதாம் த்வம் ச புத்திர்புத்திமதாம் ஸதாம் ।

மேதா ஸ்ம்ரு'திஸ்வரூபா ச ப்ரதிபா ப்ரதிபாவதாம் ॥ 16 ॥

ராஜ்ஞாம் ப்ரதாபரூபா ச விஶாம் வாணிஜ்யரூபிணீ ।

ஸ்ரு'ஷ்டௌ ஸ்ரு'ஷ்டிஸ்வரூபா த்வம் ரக்ஷாரூபா ச பாலநே ॥ 17 ॥

ததாந்தே த்வம் மஹாமாரீ விஶ்வே விஶ்வைஶ்ச பூஜிதே ।

காலராத்ரிர்மஹாராத்ரிர்மோஹராத்ரிஶ்ச மோஹிநீ ॥ 18 ॥

துரத்யயா மே மாயா த்வம் யயா ஸம்மோஹிதம் ஜகத் ।

யயா முக்தோ ஹி வித்வாம்ஶ்ச மோக்ஷமார்கம் ந பஶ்யதி ॥ 19 ॥

இத்யாத்மநா க்ரு'தம் ஸ்தோத்ரம் துர்காயா துர்கநாஶநம் ।

பூஜாகாலே படேத்யோ ஹி ஸித்திர்பவதி வாஞ்சிதா ॥ 20 ॥

இதி ஶ்ரீப்ரஹ்மவைவர்தே மஹாபுராணே த்விதீயே ப்ரக்ரு'திகண்டே நாரதநாராயணஸம்வாதே துர்கோபாக்யாநே ஷட்ஷஷ்டிதமோऽத்யாயே ஶ்ரீ துர்கா ஸ்தோத்ரம் ।

Roman (IAST) Transliteration

śrīkṛṣṇa uvāca |

tvameva sarvajananī mūlaprakṛtirīśvarī |

tvamevādyā sṛṣṭividhau svecchayā triguṇātmikā || 1 ||

kāryārthe saguṇā tvaṃ ca vastuto nirguṇā svayam |

parabrahmasvarūpā tvaṃ satyā nityā sanātanī || 2 ||

tejaḥ svarūpā paramā bhaktānugravigrahā |

sarvasvarūpā sarveśā sarvādhārā parātparā || 3 ||

sarvabījasvarūpā ca sarvapūjyā nirāśrayā |

sarvajñā sarvatobhadrā sarvamaṅgalamaṅgalā || 4 ||

sarvabuddhisvarūpā ca sarvaśaktisvarūpiṇī |

sarvajñānapradā devī sarvajñā sarvabhāvinī || 5 ||

tvaṃ svāhā devadāne ca pitṛdāne svadhā svayam |

dakṣiṇā sarvadāne ca sarvaśaktisvarūpiṇī || 6 ||

nidrā tvaṃ ca dayā tvaṃ ca tṛṣṇā tvaṃ cātmanaḥ priyā |

kṣut kṣāntiḥ śāntirīśā ca kāntistuṣṭiśca śāśvatī || 7 ||

śraddhā puṣṭiśca tandrā ca lajjā śobhā dayā tathā |

satāṃ sampatsvarūpā śrīrvipattirasatāmiha || 8 ||

prītirūpā puṇyavatāṃ pāpināṃ kalahāṅkurā |

śaśvatkarmamayī śaktiḥ sarvadā sarvajīvinām || 9 ||

devebhyaḥ svapado dātrī dhāturdhātrī kṛpāmayī |

hitāya sarvadevānāṃ sarvāsuravināśinī || 10 ||

yoginidrā yogarūpā yogadātrī ca yoginām |

siddhisvarūpā siddhānāṃ siddhidā siddhayoginī || 11 ||

māheśvarī ca brahmāṇī viṣṇumāyā ca vaiṣṇavī |

bhadradā bhadrakālī ca sarvalokabhayaṅkarī || 12 ||

grāme grāme grāmadevī gṛhadevī gṛhe gṛhe |

satāṃ kīrtiḥ pratiṣṭhā ca nindā tvamasatāṃ sadā || 13 ||

mahāyuddhe mahāmārī duṣṭasaṃhārarūpiṇī |

rakṣāsvarūpā śiṣṭānāṃ māteva hitakāriṇī || 14 ||

vandyā pūjyā stutā tvaṃ ca brahmādīnāṃ ca sarvadā |

brahmaṇyarūpā viprāṇāṃ tapasyā ca tapasvinām || 15 ||

vidyā vidyāvatāṃ tvaṃ ca buddhirbuddhimatāṃ satām |

medhā smṛtisvarūpā ca pratibhā pratibhāvatām || 16 ||

rājñāṃ pratāparūpā ca viśāṃ vāṇijyarūpiṇī |

sṛṣṭau sṛṣṭisvarūpā tvaṃ rakṣārūpā ca pālane || 17 ||

tathānte tvaṃ mahāmārī viśve viśvaiśca pūjite |

kālarātrirmahārātrirmoharātriśca mohinī || 18 ||

duratyayā me māyā tvaṃ yayā sammohitaṃ jagat |

yayā mugdho hi vidvāṃśca mokṣamārgaṃ na paśyati || 19 ||

ityātmanā kṛtaṃ stotraṃ durgāyā durganāśanam |

pūjākāle paṭhedyo hi siddhirbhavati vāñchitā || 20 ||

iti śrībrahmavaivarte mahāpurāṇe dvitīye prakṛtikhaṇḍe nāradanārāyaṇasaṃvāde durgopākhyāne ṣaṭṣaṣṭitamo'dhyāye śrī durgā stotram |