Shri Kalika Sahasra Nama Stotram

ॐ

ஶ்ரீ காலிகா ஸஹஸ்ர நாம ஸ்தோத்ரம்

Kali Stotram Tamil

ஶ்ரீ ஶிவ உவாச ।

கதிதோऽயம் மஹாமந்த்ரஃ ஸர்வமந்த்ரோத்தமோத்தமஃ ।

யாமாஸாத்ய மயா ப்ராப்தமைஶ்வர்யபதமுத்தமம் ॥ 1 ॥

ஸம்யுக்தஃ பரயா பக்த்யா யதோக்த விதிநா பவாந் ।

குருதாமர்சநம் தேவ்யாஸ்த்ரைலோக்யவிஜிகீஷயா ॥ 2 ॥

ஶ்ரீபரஶுராம உவாச ।

ப்ரஸந்நோ யதி மே தேவ பரமேஶ புராதந ।

ரஹஸ்யம் பரமம் தேவ்யாஃ க்ரு'பயா கதய ப்ரபோ ॥ 3 ॥

விநார்சநம் விநா ஹோமம் விநா ந்யாஸம் விநா பலிம் ।

விநா கந்தம் விநா புஷ்பம் விநா நித்யோதிதாம் க்ரியாம் ॥ 4 ॥

ப்ராணாயாமம் விநா த்யாநம் விநா பூதவிஶோதநம் ।

விநா தாநம் விநா ஜாபம் யேந காலீ ப்ரஸீததி ॥ 5 ॥

ஶ்ரீ ஶிவ உவாச ।

ப்ரு'ஷ்டம் த்வயோத்தமம் ப்ராஜ்ஞ ப்ரு'குவம்ஶ ஸமுத்பவ ।

பக்தாநாமபி பக்தோऽஸி த்வமேவ ஸாதயிஷ்யஸி ॥ 6 ॥

தேவீம் தாநவகோடிக்நீம் லீலயா ருதிரப்ரியாம் ।

ஸதா ஸ்தோத்ரப்ரியாமுக்ராம் காமகௌதுகலாலஸாம் ॥ 7 ॥

ஸர்வதாऽऽநந்தஹ்ரு'தயாமாஸவோத்ஸவ மாநஸாம் ।

மாத்வீக மத்ஸ்யமாம்ஸாநுராகிணீம் வைஷ்ணவீம் பராம் ॥ 8 ॥

ஶ்மஶாநவாஸிநீம் ப்ரேதகணந்ரு'த்யமஹோத்ஸவாம் ।

யோகப்ரபாவாம் யோகேஶீம் யோகீந்த்ரஹ்ரு'தயஸ்திதாம் ॥ 9 ॥

தாமுக்ரகாலிகாம் ராம ப்ரஸீதயிதுமர்ஹஸி ।

தஸ்யாஃ ஸ்தோத்ரம் பரம் புண்யம் ஸ்வயம் கால்யா ப்ரகாஶிதம் ॥ 10 ॥

தவ தத் கதயிஷ்யாமி ஶ்ருத்வா வத்ஸாவதாரய ।

கோபநீயம் ப்ரயத்நேந படநீயம் பராத்பரம் ॥ 11 ॥

யஸ்யைககாலபடநாத் ஸர்வே விக்நாஃ ஸமாகுலாஃ ।

நஶ்யந்தி தஹநே தீப்தே பதங்கா இவ ஸர்வதஃ ॥ 12 ॥

கத்யபத்யமயீ வாணீ தஸ்ய கங்காப்ரவாஹவத் ।

தஸ்ய தர்ஶநமாத்ரேண வாதிநோ நிஷ்ப்ரபாம் கதாஃ ॥ 13 ॥

தஸ்ய ஹஸ்தே ஸதைவாஸ்தி ஸர்வஸித்திர்ந ஸம்ஶயஃ ।

ராஜாநோऽபி ச தாஸத்வம் பஜந்தே கிம் பரே ஜநாஃ ॥ 14 ॥

நிஶீதே முக்தகேஶஸ்து நக்நஃ ஶக்திஸமாஹிதஃ ।

மநஸா சிந்தயேத் காலீம் மஹாகாலேந சாலிதாம் ॥ 15 ॥

படேத் ஸஹஸ்ரநாமாக்யம் ஸ்தோத்ரம் மோக்ஷஸ்ய ஸாதநம் ।

ப்ரஸந்நா காலிகா தஸ்ய புத்ரத்வேநாநுகம்பதே ॥ 16 ॥

யதா ப்ரஹ்மம்ரு'தைர்ப்ரஹ்மகுஸுமைஃ பூஜிதா பரா ।

ப்ரஸீததி ததாநேந ஸ்துதா காலீ ப்ரஸீததி ॥ 17 ॥

விநியோகஃ –

அஸ்ய ஶ்ரீ தக்ஷிணகாலிகா ஸஹஸ்ரநாம ஸ்தோத்ரஸ்ய மஹாகாலபைரவ ரு'ஷிஃ அநுஷ்டுப் சந்தஃ ஶ்மஶாநகாலீ தேவதா தர்மார்தகாமமோக்ஷார்தே பாடே விநியோகஃ ।

த்யாநம் –

ஶவாரூடாம் மஹாபீமாம் கோரதம்ஷ்ட்ராம் ஹஸந்முகீம்

சதுர்புஜாம் கட்கமுண்டவராபயகராம் ஶிவாம் ।

முண்டமாலாதராம் தேவீம் லலாஜ்ஜிஹ்வாம் திகம்பராம்

ஏவம் ஸஞ்சிந்தயேத்காலீம் ஶ்மஶாநாலயவாஸிநீம் ॥

ஸ்தோத்ரம் –

ஶ்மஶாநகாலிகா காலீ பத்ரகாலீ கபாலிநீ ।

குஹ்யகாலீ மஹாகாலீ குருகுல்லா விரோதிநீ ॥ 1 ॥

காலிகா காலராத்ரிஶ்ச மஹாகாலநிதம்பிநீ ।

காலபைரவபார்யா ச குலவர்த்மப்ரகாஶிநீ ॥ 2 ॥

காமதா காமிநீ கந்யா கமநீயஸ்வரூபிணீ ।

கஸ்தூரீரஸலிப்தாங்கீ குஞ்ஜரேஶ்வரகாமிநீ ॥ 3 ॥

ககாரவர்ணஸர்வாங்கீ காமிநீ காமஸுந்தரீ ।

காமார்தா காமரூபா ச காமதேநுஃ கலாவதீ ॥ 4 ॥

காந்தா காமஸ்வரூபா ச காமாக்யா குலகாமிநீ ।

குலீநா குலவத்யம்பா துர்கா துர்கதிநாஶிநீ ॥ 5 ॥

கௌமாரீ கலஜா க்ரு'ஷ்ணா க்ரு'ஷ்ணதேஹா க்ரு'ஶோதரீ ।

க்ரு'ஶாங்கீ குலிஶாங்கீ ச க்ரீங்காரீ கமலா கலா ॥ 6 ॥

கராலாஸ்யா கராலீ ச குலகாந்தாऽபராஜிதா ।

உக்ரா உக்ரப்ரபா தீப்தா விப்ரசித்தா மஹாபலா ॥ 7 ॥

நீலா கநா மேகநாதா மாத்ரா முத்ரா மிதாமிதா ।

ப்ராஹ்மீ நாராயணீ பத்ரா ஸுபத்ரா பக்தவத்ஸலா ॥ 8 ॥

மாஹேஶ்வரீ ச சாமுண்டா வாராஹீ நாரஸிம்ஹிகா ।

வஜ்ராங்கீ வஜ்ரகங்காலீ ந்ரு'முண்டஸ்ரக்விணீ ஶிவா ॥ 9 ॥

மாலிநீ நரமுண்டாலீ கலத்ரக்தவிபூஷணா ।

ரக்தசந்தநஸிக்தாங்கீ ஸிந்தூராருணமஸ்தகா ॥ 10 ॥

கோரரூபா கோரதம்ஷ்ட்ரா கோராகோரதரா ஶுபா ।

மஹாதம்ஷ்ட்ரா மஹாமாயா ஸுததீ யுகதந்துரா ॥ 11 ॥

ஸுலோசநா விரூபாக்ஷீ விஶாலாக்ஷீ த்ரிலோசநா ।

ஶாரதேந்துப்ரஸந்நாஸ்யா ஸ்புரத்ஸ்மேராம்புஜேக்ஷணா ॥ 12 ॥

அட்டஹாஸப்ரபுல்லாஸ்யா ஸ்மேரவக்த்ரா ஸுபாஷிணீ ।

ப்ரபுல்லபத்மவதநா ஸ்மிதாஸ்யா ப்ரியபாஷிணீ ॥ 13 ॥

கோடராக்ஷீ குலஶ்ரேஷ்டா மஹதீ பஹுபாஷிணீ ।

ஸுமதிஃ குமதிஶ்சண்டா சண்டமுண்டாதிவேகிநீ ॥ 14 ॥

ஸுகேஶீ முக்தகேஶீ ச தீர்ககேஶீ மஹாகசா ।

ப்ரேததேஹாகர்ணபூரா ப்ரேதபாணிஸுமேகலா ॥ 15 ॥

ப்ரேதாஸநா ப்ரியப்ரேதா புண்யதா குலபண்டிதா ।

புண்யாலயா புண்யதேஹா புண்யஶ்லோகா ச பாவநீ ॥ 16 ॥

பூதா பவித்ரா பரமா பரா புண்யவிபூஷணா ।

புண்யநாம்நீ பீதிஹரா வரதா கட்கபாணிநீ ॥ 17 ॥

ந்ரு'முண்டஹஸ்தா ஶாந்தா ச சிந்நமஸ்தா ஸுநாஸிகா ।

தக்ஷிணா ஶ்யாமலா ஶ்யாமா ஶாந்தா பீநோந்நதஸ்தநீ ॥ 18 ॥

திகம்பரா கோரராவா ஸ்ரு'க்காந்தரக்தவாஹிநீ ।

கோரராவா ஶிவாஸங்கா நிஃஸங்கா மதநாதுரா ॥ 19 ॥

மத்தா ப்ரமத்தா மதநா ஸுதாஸிந்துநிவாஸிநீ ।

அதிமத்தா மஹாமத்தா ஸர்வாகர்ஷணகாரிணீ ॥ 20 ॥

கீதப்ரியா வாத்யரதா ப்ரேதந்ரு'த்யபராயணா ।

சதுர்புஜா தஶபுஜா அஷ்டாதஶபுஜா ததா ॥ 21 ॥

காத்யாயநீ ஜகந்மாதா ஜகதீ பரமேஶ்வரீ ।

ஜகத்பந்துர்ஜகத்தாத்ரீ ஜகதாநந்தகாரிணீ ॥ 22 ॥

ஜகஜ்ஜீவவதீ ஹைமவதீ மாயா மஹாலயா ।

நாகயஜ்ஞோபவீதாங்கீ நாகிநீ நாகஶாயிநீ ॥ 23 ॥

நாககந்யா தேவகந்யா காந்தாரீ கிந்நரீ ஸுரீ ।

மோஹராத்ரீ மஹாராத்ரீ தாருணாமாஸுராஸுரீ ॥ 24 ॥

வித்யாதரீ வஸுமதீ யக்ஷிணீ யோகிநீ ஜரா ।

ராக்ஷஸீ டாகிநீ வேதமயீ வேதவிபூஷணா ॥ 25 ॥

ஶ்ருதிஸ்ம்ரு'திமஹாவித்யா குஹ்யவித்யா புராதநீ ।

சிந்த்யாऽசிந்த்யா ஸ்வதா ஸ்வாஹா நித்ரா தந்த்ரா ச பார்வதீ ॥ 26 ॥

அபர்ணா நிஶ்சலா லோலா ஸர்வவித்யா தபஸ்விநீ ।

கங்கா காஶீ ஶசீ ஸீதா ஸதீ ஸத்யபராயணா ॥ 27 ॥

நீதிஃ ஸுநீதிஃ ஸுருசிஸ்துஷ்டிஃ புஷ்டிர்த்ரு'திஃ க்ஷமா ।

வாணீ புத்திர்மஹாலக்ஷ்மீ லக்ஷ்மீர்நீலஸரஸ்வதீ ॥ 28 ॥

ஸ்ரோதஸ்வதீ ஸ்ரோதவதீ மாதங்கீ விஜயா ஜயா ।

நதீ ஸிந்துஃ ஸர்வமயீ தாரா ஶூந்யநிவாஸிநீ ॥ 29 ॥

ஶுத்தா தரங்கிணீ மேதா லாகிநீ பஹுரூபிணீ ।

ஸதாநந்தமயீ ஸத்யா ஸர்வாநந்தஸ்வரூபிணீ ॥ 30 ॥

ஸுநந்தா நந்திநீ ஸ்துத்யா ஸ்தவநீயா ஸ்வபாவிநீ ।

ரங்கிணீ டங்கிணீ சித்ரா விசித்ரா சித்ரரூபிணீ ॥ 31 ॥

பத்மா பத்மாலயா பத்மஸுகீ பத்மவிபூஷணா ।

ஶாகிநீ ஹாகிநீ க்ஷாந்தா ராகிணீ ருதிரப்ரியா ॥ 32 ॥

ப்ராந்திர்பவாநீ ருத்ராணீ ம்ரு'டாநீ ஶத்ருமர்திநீ ।

உபேந்த்ராணீ மஹேஶாநீ ஜ்யோத்ஸ்நா சேந்த்ரஸ்வரூபிணீ ॥ 33 ॥

ஸூர்யாத்மிகா ருத்ரபத்நீ ரௌத்ரீ ஸ்த்ரீ ப்ரக்ரு'திஃ புமாந் ।

ஶக்திஃ ஸூக்திர்மதிமதீ புக்திர்முக்திஃ பதிவ்ரதா ॥ 34 ॥

ஸர்வேஶ்வரீ ஸர்வமாதா ஶர்வாணீ ஹரவல்லபா ।

ஸர்வஜ்ஞா ஸித்திதா ஸித்தா பாவ்யா பவ்யா பயாபஹா ॥ 35 ॥

கர்த்ரீ ஹர்த்ரீ பாலயித்ரீ ஶர்வரீ தாமஸீ தயா ।

தமிஸ்ரா யாமிநீஸ்தா ச ஸ்திரா தீரா தபஸ்விநீ ॥ 36 ॥

சார்வங்கீ சஞ்சலா லோலஜிஹ்வா சாருசரித்ரிணீ ।

த்ரபா த்ரபாவதீ லஜ்ஜா நிர்லஜ்ஜா ஹ்ரீம் ரஜோவதீ ॥ 37 ॥

ஸத்த்வவதீ தர்மநிஷ்டா ஶ்ரேஷ்டா நிஷ்டுரவாதிநீ ।

கரிஷ்டா துஷ்டஸம்ஹர்த்ரீ விஶிஷ்டா ஶ்ரேயஸீ க்ரு'ணா ॥ 38 ॥

பீமா பயாநகா பீமநாதிநீ பீஃ ப்ரபாவதீ ।

வாகீஶ்வரீ ஶ்ரீர்யமுநா யஜ்ஞகர்த்ரீ யஜுஃப்ரியா ॥ 39 ॥

ரு'க்ஸாமாதர்வநிலயா ராகிணீ ஶோபநஸ்வரா ।

கலகண்டீ கம்புகண்டீ வேணுவீணாபராயணா ॥ 40 ॥

வம்ஶிநீ வைஷ்ணவீ ஸ்வச்சா தாத்ரீ த்ரிஜகதீஶ்வரீ ।

மதுமதீ குண்டலிநீ ரு'த்திஃ ஸித்திஃ ஶுசிஸ்மிதா ॥ 41 ॥

ரம்போர்வஶீ ரதீ ராமா ரோஹிணீ ரேவதீ ரமா ।

ஶங்கிநீ சக்ரிணீ க்ரு'ஷ்ணா கதிநீ பத்மிநீ ததா ॥ 42 ॥

ஶூலிநீ பரிகாஸ்த்ரா ச பாஶிநீ ஶார்ங்கபாணிநீ ।

பிநாகதாரிணீ தூம்ரா ஶரபீ வநமாலிநீ ॥ 43 ॥

வஜ்ரிணீ ஸமரப்ரீதா வேகிநீ ரணபண்டிதா ।

ஜடிநீ பிம்பிநீ நீலா லாவண்யாம்புதிசந்த்ரிகா ॥ 44 ॥

பலிப்ரியா ஸதாபூஜ்யா பூர்ணா தைத்யேந்த்ரமாதிநீ ।

மஹிஷாஸுரஸம்ஹந்த்ரீ வாஸிநீ ரக்ததந்திகா ॥ 45 ॥

ரக்தபா ருதிராக்தாங்கீ ரக்தகர்பரஹஸ்திநீ ।

ரக்தப்ரியா மாம்ஸருசிர்வாஸவாஸக்தமாநஸா ॥ 46 ॥

கலச்சோணிதமுண்டாலிகண்டமாலாவிபூஷணா ।

ஶவாஸநா சிதாந்தஸ்தா மாஹேஶீ வ்ரு'ஷவாஹிநீ ॥ 47 ॥

வ்யாக்ரத்வகம்பரா சீநசேலிநீ ஸிம்ஹவாஹிநீ ।

வாமதேவீ மஹாதேவீ கௌரீ ஸர்வஜ்ஞபாவிநீ ॥ 48 ॥

பாலிகா தருணீ வ்ரு'த்தா வ்ரு'த்தமாதா ஜராதுரா ।

ஸுப்ருர்விலாஸிநீ ப்ரஹ்மவாதிநீ ப்ராஹ்மணீ மஹீ ॥ 49 ॥

ஸ்வப்நவதீ சித்ரலேகா லோபாமுத்ரா ஸுரேஶ்வரீ ।

அமோகாऽருந்ததீ தீக்ஷ்ணா போகவத்யநுவாதிநீ ॥ 50 ॥

மந்தாகிநீ மந்தஹாஸா ஜ்வாலாமுக்யஸுராந்தகா ।

மாநதா மாநிநீ மாந்யா மாநநீயா மதோத்ததா ॥ 51 ॥

மதிரா மதிராந்மாதா மேத்யா நவ்யா ப்ரஸாதிநீ ।

ஸுமத்யாऽநந்தகுணிநீ ஸர்வலோகோத்தமோத்தமா ॥ 52 ॥

ஜயதா ஜித்வரா ஜைத்ரீ ஜயஶ்ரீர்ஜயஶாலிநீ ।

ஸுகதா ஶுபதா ஸத்யா ஸபாஸங்க்ஷோபகாரிணீ ॥ 53 ॥

ஶிவதூதீ பூதிமதீ விபூதிர்பீஷணாநநா ।

கௌமாரீ குலஜா குந்தீ குலஸ்த்ரீ குலபாலிகா ॥ 54 ॥

கீர்திர்யஶஸ்விநீ பூஷா பூஷ்யா பூதபதிப்ரியா ।

ஸகுணா நிர்குணா த்ரு'ஷ்டா நிஷ்டா காஷ்டா ப்ரதிஷ்டிதா ॥ 55 ॥

தநிஷ்டா தநதா தந்யா வஸுதா ஸ்வப்ரகாஶிநீ ।

உர்வீ குர்வீ குருஶ்ரேஷ்டா ஸகுணா த்ரிகுணாத்மிகா ॥ 56 ॥

மஹாகுலீநா நிஷ்காமா ஸகாமா காமஜீவநா ।

காமதேவகலா ராமாऽபிராமா ஶிவநர்தகீ ॥ 57 ॥

சிந்தாமணிஃ கல்பலதா ஜாக்ரதீ தீநவத்ஸலா ।

கார்திகீ கீர்திகா க்ரு'த்யா அயோத்யா விஷமா ஸமா ॥ 58 ॥

ஸுமந்த்ரா மந்த்ரிணீ கூர்ணா ஹ்லாதிநீ க்லேஶநாஶிநீ ।

த்ரைலோக்யஜநநீ ஹ்ரு'ஷ்டா நிர்மாம்ஸா மநோரூபிணீ ॥ 59 ॥

தடாகநிம்நஜடரா ஶுஷ்கமாம்ஸாஸ்திமாலிநீ ।

அவந்தீ மதுரா மாயா த்ரைலோக்யபாவநீஶ்வரீ ॥ 60 ॥

வ்யக்தாऽவ்யக்தாऽநேகமூர்திஃ ஶர்வரீ பீமநாதிநீ ।

க்ஷேமங்கரீ ஶங்கரீ ச ஸர்வஸம்மோஹகாரிணீ ॥ 61 ॥

ஊர்த்வதேஜஸ்விநீ க்லிந்நா மஹாதேஜஸ்விநீ ததா ।

அத்வைதா போகிநீ பூஜ்யா யுவதீ ஸர்வமங்கலா ॥ 62 ॥

ஸர்வப்ரியங்கரீ போக்யா தரணீ பிஶிதாஶநா ।

பயங்கரீ பாபஹரா நிஷ்கலங்கா வஶங்கரீ ॥ 63 ॥

ஆஶா த்ரு'ஷ்ணா சந்த்ரகலா நித்ராந்யா வாயுவேகிநீ ।

ஸஹஸ்ரஸூர்யஸங்காஶா சந்த்ரகோடிஸமப்ரபா ॥ 64 ॥

வஹ்நிமண்டலஸம்ஸ்தா ச ஸர்வதத்த்வப்ரதிஷ்டிதா ।

ஸர்வாசாரவதீ ஸர்வதேவகந்யாதிதேவதா ॥ 65 ॥

தக்ஷகந்யா தக்ஷயஜ்ஞநாஶிநீ துர்கதாரிகா ।

இஜ்யா பூஜ்யா விபா பூதிஃ ஸத்கீர்திர்ப்ரஹ்மரூபிணீ ॥ 66 ॥

ரம்போருஶ்சதுரா ராகா ஜயந்தீ கருணா குஹுஃ ।

மநஸ்விநீ தேவமாதா யஶஸ்யா ப்ரஹ்மசாரிணீ ॥ 67 ॥

ரு'த்திதா வ்ரு'த்திதா வ்ரு'த்திஃ ஸர்வாத்யா ஸர்வதாயிநீ ।

ஆதாரரூபிணீ த்யேயா மூலாதாரநிவாஸிநீ ॥ 68 ॥

அஜ்ஞா ப்ரஜ்ஞா பூர்ணமநாஶ்சந்த்ரமுக்யநுகூலிநீ ।

வாவதூகா நிம்நநாபிஃ ஸத்யா ஸந்த்யா த்ரு'டவ்ரதா ॥ 69 ॥

ஆந்வீக்ஷிகீ தண்டநீதிஸ்த்ரயீ த்ரிதிவஸுந்தரீ ।

ஜ்வலிநீ ஜ்வாலிநீ ஶைலதநயா விந்த்யவாஸிநீ ॥ 70 ॥

அமேயா கேசரீ தைர்யா துரீயா விமலாऽऽதுரா ।

ப்ரகல்பா வாருணீ சாயா ஶஶிநீ விஸ்புலிங்கிநீ ॥ 71 ॥

புக்திஃ ஸித்திஃ ஸதாப்ராப்திஃ ப்ராகாம்யா மஹிமாऽணிமா ।

இச்சாஸித்திர்விஸித்தா ச வஶித்வோர்த்வநிவாஸிநீ ॥ 72 ॥

லகிமா சைவ காயத்ரீ ஸாவித்ரீ புவநேஶ்வரீ ।

மநோஹரா சிதா திவ்யா தேவ்யுதாரா மநோரமா ॥ 73 ॥

பிங்கலா கபிலா ஜிஹ்வாரஸஜ்ஞா ரஸிகா ரஸா ।

ஸுஷும்நேடா போகவதீ காந்தாரீ நரகாந்தகா ॥ 74 ॥

பாஞ்சாலீ ருக்மிணீ ராதாராத்யா பீமாதிராதிகா ।

அம்ரு'தா துலஸீ வ்ரு'ந்தா கைடபீ கபடேஶ்வரீ ॥ 75 ॥

உக்ரசண்டேஶ்வரீ வீரா ஜநநீ வீரஸுந்தரீ ।

உக்ரதாரா யஶோதாக்யா தைவகீ தேவமாநிதா ॥ 76 ॥

நிரஞ்ஜநா சித்ரதேவீ க்ரோதிநீ குலதீபிகா ।

குலவாகீஶ்வரீ வாணீ மாத்ரு'கா த்ராவிணீ த்ரவா ॥ 77 ॥

யோகேஶ்வரீ மஹாமாரீ ப்ராமரீ பிந்துரூபிணீ ।

தூதீ ப்ராணேஶ்வரீ குப்தா பஹுலா சமரீ ப்ரபா ॥ 78 ॥

குப்ஜிகா ஜ்ஞாநிநீ ஜ்யேஷ்டா புஶுண்டீ ப்ரகடா திதிஃ ।

த்ரவிணீ கோபநீ மாயா காமபீஜேஶ்வரீ க்ரியா ॥ 79 ॥

ஶாம்பவீ கேகரா மேநா மூஷலாஸ்த்ரா திலோத்தமா ।

அமேயவிக்ரமா க்ரூரா ஸம்பத்ஶாலா த்ரிலோசநா ॥ 80 ॥

ஸ்வஸ்திர்ஹவ்யவஹா ப்ரீதிருஷ்மா தூம்ரார்சிரங்கதா ।

தபிநீ தாபிநீ விஶ்வா போகதா தாரிணீ தரா ॥ 81 ॥

த்ரிகண்டா போதிநீ வஶ்யா ஸகலா ஶப்தரூபிணீ ।

பீஜரூபா மஹாமுத்ரா யோகிநீ யோநிரூபிணீ ॥ 82 ॥

அநங்ககுஸுமாऽநங்கமேகலாऽநங்கரூபிணீ ।

வஜ்ரேஶ்வரீ ச ஜயிநீ ஸர்வத்வந்த்வக்ஷயங்கரீ ॥ 83 ॥

ஷடங்கயுவதீ யோகயுக்தா ஜ்வாலாம்ஶுமாலிநீ ।

துராஶயா துராதாரா துர்ஜயா துர்கரூபிணீ ॥ 84 ॥

துரந்தா துஷ்க்ரு'திஹரா துர்த்யேயா துரதிக்ரமா ।

ஹம்ஸேஶ்வரீ த்ரிகோணஸ்தா ஶாகம்பர்யநுகம்பிநீ ॥ 85 ॥

த்ரிகோணநிலயா நித்யா பரமாம்ரு'தரஞ்ஜிதா ।

மஹாவித்யேஶ்வரீ ஶ்வேதா பேருண்டா குலஸுந்தரீ ॥ 86 ॥

த்வரிதா பக்திஸம்ஸக்தா பக்தவஶ்யா ஸநாதநீ ।

பக்தாநந்தமயீ பக்தபாவிகா பக்தஶங்கரீ ॥ 87 ॥

ஸர்வஸௌந்தர்யநிலயா ஸர்வஸௌபாக்யஶாலிநீ ।

ஸர்வஸம்போகபவநா ஸர்வஸௌக்யநிரூபிணீ ॥ 88 ॥

குமாரீபூஜநரதா குமாரீவ்ரதசாரிணீ ।

குமாரீபக்திஸுகிநீ குமாரீரூபதாரிணீ ॥ 89 ॥

குமாரீபூஜகப்ரீதா குமாரீப்ரீதிதா ப்ரியா ।

குமாரீஸேவகாஸங்கா குமாரீஸேவகாலயா ॥ 90 ॥

ஆநந்தபைரவீ பாலபைரவீ படுபைரவீ ।

ஶ்மஶாநபைரவீ காலபைரவீ புரபைரவீ ॥ 91 ॥

மஹாபைரவபத்நீ ச பரமாநந்தபைரவீ ।

ஸுதாநந்தபைரவீ ச உந்மாதாநந்தபைரவீ ॥ 92 ॥

முக்தாநந்தபைரவீ ச ததா தருணபைரவீ ।

ஜ்ஞாநாநந்தபைரவீ ச அம்ரு'தாநந்தபைரவீ ॥ 93 ॥

மஹாபயங்கரீ தீவ்ரா தீவ்ரவேகா தபஸ்விநீ ।

த்ரிபுரா பரமேஶாநீ ஸுந்தரீ புரஸுந்தரீ ॥ 94 ॥

த்ரிபுரேஶீ பஞ்சதஶீ பஞ்சமீ புரவாஸிநீ ।

மஹாஸப்ததஶீ சைவ ஷோடஶீ த்ரிபுரேஶ்வரீ ॥ 95 ॥

மஹாங்குஶஸ்வரூபா ச மஹாசக்ரேஶ்வரீ ததா ।

நவசக்ரேஶ்வரீ சக்ரேஶ்வரீ த்ரிபுரமாலிநீ ॥ 96 ॥

ராஜராஜேஶ்வரீ தீரா மஹாத்ரிபுரஸுந்தரீ ।

ஸிந்தூரபூரருசிரா ஶ்ரீமத்த்ரிபுரஸுந்தரீ ॥ 97 ॥

ஸர்வாங்கஸுந்தரீ ரக்தாரக்தவஸ்த்ரோத்தரீயிணீ ।

ஜவாயாவகஸிந்தூரரக்தசந்தநதாரிணீ ॥ 98 ॥

ஜவாயாவகஸிந்தூரரக்தசந்தநரூபத்ரு'க் ।

சாமரீ பாலகுடிலநிர்மலா ஶ்யாமகேஶிநீ ॥ 99 ॥

வஜ்ரமௌக்திகரத்நாட்யா கிரீடமுகுடோஜ்ஜ்வலா ।

ரத்நகுண்டலஸம்யுக்தஸ்புரத்கண்டமநோரமா ॥ 100 ॥

குஞ்ஜரேஶ்வரகும்போத்தமுக்தாரஞ்ஜிதநாஸிகா ।

முக்தாவித்ருமமாணிக்யஹாராட்யஸ்தநமண்டலா ॥ 101 ॥

ஸூர்யகாந்தேந்துகாந்தாட்யஸ்பர்ஶாஶ்மகண்டபூஷணா ।

பீஜபூரஸ்புரத்பீஜதந்தபங்க்திரநுத்தமா ॥ 102 ॥

காமகோதண்டகாபுக்நப்ரூகடாக்ஷப்ரவர்ஷிணீ ।

மாதங்ககும்பவக்ஷோஜா லஸத்கோகநதேக்ஷணா ॥ 103 ॥

மநோஜ்ஞஶஷ்குலீகர்ணா ஹம்ஸீகதிவிடம்பிநீ ।

பத்மராகாங்கதஜ்யோதிர்தோஶ்சதுஷ்கப்ரகாஶிநீ ॥ 104 ॥

நாநாமணிபரிஸ்பூர்ஜச்சுத்தகாஞ்சநகங்கணா ।

நாகேந்த்ரதந்தநிர்மாணவலயாங்கிதபாணிநீ ॥ 105 ॥

அங்குரீயகசித்ராங்கீ விசித்ரக்ஷுத்ரகண்டிகா ।

பட்டாம்பரபரீதாநா கலமஞ்ஜீரஶிஞ்ஜிநீ ॥ 106 ॥

கர்பூராகருகஸ்தூரீகுங்குமத்ரவலேபிதா ।

விசித்ரரத்நப்ரு'திவீகல்பஶாகிதலஸ்திதா ॥ 107 ॥

ரத்நத்வீபஸ்புரத்ரத்நஸிம்ஹாஸநவிலாஸிநீ ।

ஷட்சக்ரபேதநகரீ பரமாநந்தரூபிணீ ॥ 108 ॥

ஸஹஸ்ரதலபத்மாந்தஶ்சந்த்ரமண்டலவர்திநீ ।

ப்ரஹ்மரூபா ஶிவக்ரோடா நாநாஸுகவிலாஸிநீ ॥ 109 ॥

ஹரவிஷ்ணுவிரிஞ்சீந்த்ரக்ரஹநாயகஸேவிதா ।

ஶிவா ஶைவா ச ருத்ராணீ ததைவ ஶிவவாதிநீ ॥ 110 ॥

மாதங்கிநீ ஶ்ரீமதீ ச ததைவாநங்கமேகலா ।

டாகிநீ யோகிநீ சைவ ததோபயோகிநீ மதா ॥ 111 ॥

மாஹேஶ்வரீ வைஷ்ணவீ ச ப்ராமரீ ஶிவரூபிணீ ।

அலம்புஷா வேகவதீ க்ரோதரூபா ஸுமேகலா ॥ 112 ॥

காந்தாரீ ஹஸ்தஜிஹ்வா ச இடா சைவ ஶுபங்கரீ ।

பிங்கலா ப்ரஹ்மதூதீ ச ஸுஷும்நா சைவ கந்திநீ ॥ 113 ॥

ஆத்மயோநிர்ப்ரஹ்மயோநிர்ஜகத்யோநிரயோநிஜா ।

பகரூபா பகஸ்தாத்ரீ பகிநீ பகரூபிணீ ॥ 114 ॥

பகாத்மிகா பகாதாரரூபிணீ பகமாலிநீ ।

லிங்காக்யா சைவ லிங்கேஶீ த்ரிபுரா பைரவீ ததா ॥ 115 ॥

லிங்ககீதிஃ ஸுகீதிஶ்ச லிங்கஸ்தா லிங்கரூபத்ரு'க் ।

லிங்கமாநா லிங்கபவா லிங்கலிங்கா ச பார்வதீ ॥ 116 ॥

பகவதீ கௌஶிகீ ச ப்ரேமா சைவ ப்ரியம்வதா ।

க்ரு'த்ரரூபா ஶிவாரூபா சக்ரிணீ சக்ரரூபத்ரு'க் ॥ 117 ॥

லிங்காபிதாயிநீ லிங்கப்ரியா லிங்கநிவாஸிநீ ।

லிங்கஸ்தா லிங்கநீ லிங்கரூபிணீ லிங்கஸுந்தரீ ॥ 118 ॥

லிங்ககீதிர்மஹாப்ரீதா பககீதிர்மஹாஸுகா ।

லிங்கநாமஸதாநந்தா பகநாமஸதாகதிஃ ॥ 119 ॥

லிங்கமாலாகண்டபூஷா பகமாலாவிபூஷணா ।

பகலிங்காம்ரு'தப்ரீதா பகலிங்கஸ்வரூபிணீ ॥ 120 ॥

பகலிங்கஸ்ய ரூபா ச பகலிங்கஸுகாவஹா ।

ஸ்வயம்பூகுஸுமப்ரீதா ஸ்வயம்பூகுஸுமார்சிதா ॥ 121 ॥

ஸ்வயம்பூகுஸுமப்ராணா ஸ்வயம்பூபுஷ்பதர்பிதா ।

ஸ்வயம்பூபுஷ்பகடிதா ஸ்வயம்பூபுஷ்பதாரிணீ ॥ 122 ॥

ஸ்வயம்பூபுஷ்பதிலகா ஸ்வயம்பூபுஷ்பசர்சிதா ।

ஸ்வயம்பூபுஷ்பநிரதா ஸ்வயம்பூகுஸுமக்ரஹா ॥ 123 ॥

ஸ்வயம்பூபுஷ்பயஜ்ஞாம்ஶா ஸ்வயம்பூகுஸுமாத்மிகா ।

ஸ்வயம்பூபுஷ்பநிசிதா ஸ்வயம்பூகுஸுமப்ரியா ॥ 124 ॥

ஸ்வயம்பூகுஸுமாதாநலாலஸோந்மத்தமாநஸா ।

ஸ்வயம்பூகுஸுமாநந்தலஹரீஸ்நிக்ததேஹிநீ ॥ 125 ॥

ஸ்வயம்பூகுஸுமாதாரா ஸ்வயம்பூகுஸுமாகுலா ।

ஸ்வயம்பூபுஷ்பநிலயா ஸ்வயம்பூபுஷ்பவாஸிநீ ॥ 126 ॥

ஸ்வயம்பூகுஸுமஸ்நிக்தா ஸ்வயம்பூகுஸுமாத்மிகா ।

ஸ்வயம்பூபுஷ்பகரிணீ ஸ்வயம்பூபுஷ்பவாணிகா ॥ 127 ॥

ஸ்வயம்பூகுஸுமத்யாநா ஸ்வயம்பூகுஸுமப்ரபா ।

ஸ்வயம்பூகுஸுமஜ்ஞாநா ஸ்வயம்பூபுஷ்பபாகிநீ ॥ 128 ॥

ஸ்வயம்பூகுஸுமோல்லாஸா ஸ்வயம்பூபுஷ்பவர்ஷிணீ ।

ஸ்வயம்பூகுஸுமோத்ஸாஹா ஸ்வயம்பூபுஷ்பரூபிணீ ॥ 129 ॥

ஸ்வயம்பூகுஸுமோந்மாதா ஸ்வயம்பூபுஷ்பஸுந்தரீ ।

ஸ்வயம்பூகுஸுமாராத்யா ஸ்வயம்பூகுஸுமோத்பவா ॥ 130 ॥

ஸ்வயம்பூகுஸுமாவ்யக்ரா ஸ்வயம்பூபுஷ்பபூர்ணிதா ।

ஸ்வயம்பூபூஜகப்ராஜ்ஞா ஸ்வயம்பூஹோத்ரு'மாத்ரு'கா ॥ 131 ॥

ஸ்வயம்பூதாத்ரு'ரக்ஷித்ரீ ஸ்வயம்பூரக்ததாரிகா ।

ஸ்வயம்பூபூஜகக்ரஸ்தா ஸ்வயம்பூபூஜகப்ரியா ॥ 132 ॥

ஸ்வயம்பூவந்தகாதாரா ஸ்வயம்பூநிந்தகாந்தகா ।

ஸ்வயம்பூப்ரதஸர்வஸ்வா ஸ்வயம்பூப்ரதபுத்ரிணீ ॥ 133 ॥

ஸ்வயம்பூப்ரதஸஸ்மேரா ஸ்வயம்பூதஶரீரிணீ ।

ஸர்வகாலோத்பவப்ரீதா ஸர்வகாலோத்பவாத்மிகா ॥ 134 ॥

ஸர்வகாலோத்பவோத்பாவா ஸர்வகாலோத்பவோத்பவா ।

குண்டபுஷ்பஸதாப்ரீதா குண்டபுஷ்பஸதாரதிஃ ॥ 135 ॥

குண்டகோலோத்பவப்ராணா குண்டகோலோத்பவாத்மிகா ।

ஸ்வயம்பூர்வா ஶிவா தாத்ரீ பாவநீ லோகபாவநீ ॥ 136 ॥

கீர்திர்யஶஸ்விநீ மேதா விமேதா ஶுக்ரஸுந்தரீ ।

அஶ்விநீ க்ரு'த்திகா புஷ்யா தேஜஸ்கா சந்த்ரமண்டலா ॥ 137 ॥

ஸூக்ஷ்மாऽஸூக்ஷ்மா பலாகா ச வரதா பயநாஶிநீ ।

வரதாऽபயதா சைவ முக்திபந்தவிநாஶிநீ ॥ 138 ॥

காமுகா காமதா காந்தா காமாக்யா குலஸுந்தரீ ।

துஃகதா ஸுகதா மோக்ஷா மோக்ஷதார்தப்ரகாஶிநீ ॥ 139 ॥

துஷ்டாதுஷ்டமதிஶ்சைவ ஸர்வகார்யவிநாஶிநீ ।

ஶுக்ராதாரா ஶுக்ரரூபா ஶுக்ரஸிந்துநிவாஸிநீ ॥ 140 ॥

ஶுக்ராலயா ஶுக்ரபோகா ஶுக்ரபூஜாஸதாரதிஃ ।

ஶுக்ரபூஜ்யா ஶுக்ரஹோமஸந்துஷ்டா ஶுக்ரவத்ஸலா ॥ 141 ॥

ஶுக்ரமூர்திஃ ஶுக்ரதேஹா ஶுக்ரபூஜகபுத்ரிணீ ।

ஶுக்ரஸ்தா ஶுக்ரிணீ ஶுக்ரஸம்ஸ்ப்ரு'ஹா ஶுக்ரஸுந்தரீ ॥ 142 ॥

ஶுக்ரஸ்நாதா ஶுக்ரகரீ ஶுக்ரஸேவ்யாऽதிஶுக்ரிணீ ।

மஹாஶுக்ரா ஶுக்ரபவா ஶுக்ரவ்ரு'ஷ்டிவிதாயிநீ ॥ 143 ॥

ஶுக்ராபிதேயா ஶுக்ரார்ஹா ஶுக்ரவந்தகவந்திதா ।

ஶுக்ராநந்தகரீ ஶுக்ரஸதாநந்தாபிதாயிகா ॥ 144 ॥

ஶுக்ரோத்ஸவா ஸதாஶுக்ரபூர்ணா ஶுக்ரமநோரமா ।

ஶுக்ரபூஜகஸர்வஸ்வா ஶுக்ரநிந்தகநாஶிநீ ॥ 145 ॥

ஶுக்ராத்மிகா ஶுக்ரஸம்வத் ஶுக்ராகர்ஷணகாரிணீ ।

ஶாரதா ஸாதகப்ராணா ஸாதகாஸக்தமாநஸா ॥ 146 ॥

ஸாதகோத்தமஸர்வஸ்வா ஸாதகாபக்தரக்தபா ।

ஸாதகாநந்தஸந்தோஷா ஸாதகாநந்தகாரிணீ ॥ 147 ॥

ஆத்மவித்யா ப்ரஹ்மவித்யா பரப்ரஹ்மஸ்வரூபிணீ ।

த்ரிகூடஸ்தா பஞ்சகூடா ஸர்வகூடஶரீரிணீ ॥ 148 ॥

ஸர்வவர்ணமயீ வர்ணஜபமாலாவிதாயிநீ ।

இதி ஶ்ரீகாலிகாநாமஸஹஸ்ரம் ஶிவபாஷிதம் ॥ 149 ॥

குஹ்யாத்குஹ்யதரம் ஸாக்ஷாந்மஹாபாதகநாஶநம் ।

பூஜாகாலே நிஶீதே ச ஸந்த்யயோருபயோரபி ॥ 150 ॥

லபதே காணபத்யம் ஸ யஃ படேத் ஸாதகோத்தமஃ ।

யஃ படேத் பாடயேத்வாபி ஶ்ரு'ணோதி ஶ்ராவயேதபி ॥ 151 ॥

ஸர்வபாபவிநிர்முக்தஃ ஸ யாதி காலிகாபுரம் ।

ஶ்ரத்தயாऽஶ்ரத்தயா வாபி யஃ கஶ்சிந்மாநவஃ ஸ்மரேத் ॥ 152 ॥

துர்கம் துர்கஶதம் தீர்த்வா ஸ யாதி பரமாங்கதிம் ।

வந்த்யா வா காகவந்த்யா வா ம்ரு'தவத்ஸா ச யாங்கநா ॥ 153 ॥

ஶ்ருத்வா ஸ்தோத்ரமிதம் புத்ராந் லபதே சிரஜீவிநஃ ।

யம் யம் காமயதே காமம் படந் ஸ்தோத்ரமநுத்தமம் ।

தேவீபாதப்ரஸாதேந தத்ததாப்நோதி நிஶ்சிதம் ॥ 154 ॥

இதி ஶ்ரீகாலிகாகுலஸர்வஸ்வே ஹரபரஶுராமஸம்வாதே ஶ்ரீ காலிகா ஸஹஸ்ரநாம ஸ்தோத்ரம் ।

Roman (IAST) Transliteration

śrī śiva uvāca |

kathito'yaṃ mahāmantraḥ sarvamantrottamottamaḥ |

yāmāsādya mayā prāptamaiśvaryapadamuttamam || 1 ||

saṃyuktaḥ parayā bhaktyā yathokta vidhinā bhavān |

kurutāmarcanaṃ devyāstrailokyavijigīṣayā || 2 ||

śrīparaśurāma uvāca |

prasanno yadi me deva parameśa purātana |

rahasyaṃ paramaṃ devyāḥ kṛpayā kathaya prabho || 3 ||

vinārcanaṃ vinā homaṃ vinā nyāsaṃ vinā balim |

vinā gandhaṃ vinā puṣpaṃ vinā nityoditāṃ kriyām || 4 ||

prāṇāyāmaṃ vinā dhyānaṃ vinā bhūtaviśodhanam |

vinā dānaṃ vinā jāpaṃ yena kālī prasīdati || 5 ||

śrī śiva uvāca |

pṛṣṭaṃ tvayottamaṃ prājña bhṛguvaṃśa samudbhava |

bhaktānāmapi bhakto'si tvameva sādhayiṣyasi || 6 ||

devīṃ dānavakoṭighnīṃ līlayā rudhirapriyām |

sadā stotrapriyāmugrāṃ kāmakautukalālasām || 7 ||

sarvadā''nandahṛdayāmāsavotsava mānasām |

mādhvīka matsyamāṃsānurāgiṇīṃ vaiṣṇavīṃ parām || 8 ||

śmaśānavāsinīṃ pretagaṇanṛtyamahotsavām |

yogaprabhāvāṃ yogeśīṃ yogīndrahṛdayasthitām || 9 ||

tāmugrakālikāṃ rāma prasīdayitumarhasi |

tasyāḥ stotraṃ paraṃ puṇyaṃ svayaṃ kālyā prakāśitam || 10 ||

tava tat kathayiṣyāmi śrutvā vatsāvadhāraya |

gopanīyaṃ prayatnena paṭhanīyaṃ parātparam || 11 ||

yasyaikakālapaṭhanāt sarve vighnāḥ samākulāḥ |

naśyanti dahane dīpte pataṅgā iva sarvataḥ || 12 ||

gadyapadyamayī vāṇī tasya gaṅgāpravāhavat |

tasya darśanamātreṇa vādino niṣprabhāṃ gatāḥ || 13 ||

tasya haste sadaivāsti sarvasiddhirna saṃśayaḥ |

rājāno'pi ca dāsatvaṃ bhajante kiṃ pare janāḥ || 14 ||

niśīthe muktakeśastu nagnaḥ śaktisamāhitaḥ |

manasā cintayet kālīṃ mahākālena cālitām || 15 ||

paṭhet sahasranāmākhyaṃ stotraṃ mokṣasya sādhanam |

prasannā kālikā tasya putratvenānukampate || 16 ||

yathā brahmamṛtairbrahmakusumaiḥ pūjitā parā |

prasīdati tathānena stutā kālī prasīdati || 17 ||

viniyogaḥ –

asya śrī dakṣiṇakālikā sahasranāma stotrasya mahākālabhairava ṛṣiḥ anuṣṭup chandaḥ śmaśānakālī devatā dharmārthakāmamokṣārthe pāṭhe viniyogaḥ |

dhyānam –

śavārūḍhāṃ mahābhīmāṃ ghoradaṃṣṭrāṃ hasanmukhīṃ

caturbhujāṃ khaḍgamuṇḍavarābhayakarāṃ śivām |

muṇḍamālādharāṃ devīṃ lalājjihvāṃ digambarāṃ

evaṃ sañcintayetkālīṃ śmaśānālayavāsinīm ||

stotram –

śmaśānakālikā kālī bhadrakālī kapālinī |

guhyakālī mahākālī kurukullā virodhinī || 1 ||

kālikā kālarātriśca mahākālanitambinī |

kālabhairavabhāryā ca kulavartmaprakāśinī || 2 ||

kāmadā kāminī kanyā kamanīyasvarūpiṇī |

kastūrīrasaliptāṅgī kuñjareśvaragāminī || 3 ||

kakāravarṇasarvāṅgī kāminī kāmasundarī |

kāmārtā kāmarūpā ca kāmadhenuḥ kalāvatī || 4 ||

kāntā kāmasvarūpā ca kāmākhyā kulakāminī |

kulīnā kulavatyambā durgā durgatināśinī || 5 ||

kaumārī kalajā kṛṣṇā kṛṣṇadehā kṛśodarī |

kṛśāṅgī kuliśāṅgī ca krīṅkārī kamalā kalā || 6 ||

karālāsyā karālī ca kulakāntā'parājitā |

ugrā ugraprabhā dīptā vipracittā mahābalā || 7 ||

nīlā ghanā meghanādā mātrā mudrā mitāmitā |

brāhmī nārāyaṇī bhadrā subhadrā bhaktavatsalā || 8 ||

māheśvarī ca cāmuṇḍā vārāhī nārasiṃhikā |

vajrāṅgī vajrakaṅkālī nṛmuṇḍasragviṇī śivā || 9 ||

mālinī naramuṇḍālī galadraktavibhūṣaṇā |

raktacandanasiktāṅgī sindūrāruṇamastakā || 10 ||

ghorarūpā ghoradaṃṣṭrā ghorāghoratarā śubhā |

mahādaṃṣṭrā mahāmāyā sudatī yugadanturā || 11 ||

sulocanā virūpākṣī viśālākṣī trilocanā |

śāradenduprasannāsyā sphuratsmerāmbujekṣaṇā || 12 ||

aṭṭahāsapraphullāsyā smeravaktrā subhāṣiṇī |

praphullapadmavadanā smitāsyā priyabhāṣiṇī || 13 ||

koṭarākṣī kulaśreṣṭhā mahatī bahubhāṣiṇī |

sumatiḥ kumatiścaṇḍā caṇḍamuṇḍātiveginī || 14 ||

sukeśī muktakeśī ca dīrghakeśī mahākacā |

pretadehākarṇapūrā pretapāṇisumekhalā || 15 ||

pretāsanā priyapretā puṇyadā kulapaṇḍitā |

puṇyālayā puṇyadehā puṇyaślokā ca pāvanī || 16 ||

pūtā pavitrā paramā parā puṇyavibhūṣaṇā |

puṇyanāmnī bhītiharā varadā khaḍgapāṇinī || 17 ||

nṛmuṇḍahastā śāntā ca chinnamastā sunāsikā |

dakṣiṇā śyāmalā śyāmā śāntā pīnonnatastanī || 18 ||

digambarā ghorarāvā sṛkkāntaraktavāhinī |

ghorarāvā śivāsaṅgā niḥsaṅgā madanāturā || 19 ||

mattā pramattā madanā sudhāsindhunivāsinī |

atimattā mahāmattā sarvākarṣaṇakāriṇī || 20 ||

gītapriyā vādyaratā pretanṛtyaparāyaṇā |

caturbhujā daśabhujā aṣṭādaśabhujā tathā || 21 ||

kātyāyanī jaganmātā jagatī parameśvarī |

jagadbandhurjagaddhātrī jagadānandakāriṇī || 22 ||

jagajjīvavatī haimavatī māyā mahālayā |

nāgayajñopavītāṅgī nāginī nāgaśāyinī || 23 ||

nāgakanyā devakanyā gāndhārī kinnarī surī |

moharātrī mahārātrī dāruṇāmāsurāsurī || 24 ||

vidyādharī vasumatī yakṣiṇī yoginī jarā |

rākṣasī ḍākinī vedamayī vedavibhūṣaṇā || 25 ||

śrutismṛtimahāvidyā guhyavidyā purātanī |

cintyā'cintyā svadhā svāhā nidrā tandrā ca pārvatī || 26 ||

aparṇā niścalā lolā sarvavidyā tapasvinī |

gaṅgā kāśī śacī sītā satī satyaparāyaṇā || 27 ||

nītiḥ sunītiḥ surucistuṣṭiḥ puṣṭirdhṛtiḥ kṣamā |

vāṇī buddhirmahālakṣmī lakṣmīrnīlasarasvatī || 28 ||

srotasvatī srotavatī mātaṅgī vijayā jayā |

nadī sindhuḥ sarvamayī tārā śūnyanivāsinī || 29 ||

śuddhā taraṅgiṇī medhā lākinī bahurūpiṇī |

sadānandamayī satyā sarvānandasvarūpiṇī || 30 ||

sunandā nandinī stutyā stavanīyā svabhāvinī |

raṅkiṇī ṭaṅkiṇī citrā vicitrā citrarūpiṇī || 31 ||

padmā padmālayā padmasukhī padmavibhūṣaṇā |

śākinī hākinī kṣāntā rākiṇī rudhirapriyā || 32 ||

bhrāntirbhavānī rudrāṇī mṛḍānī śatrumardinī |

upendrāṇī maheśānī jyotsnā cendrasvarūpiṇī || 33 ||

sūryātmikā rudrapatnī raudrī strī prakṛtiḥ pumān |

śaktiḥ sūktirmatimatī bhuktirmuktiḥ pativratā || 34 ||

sarveśvarī sarvamātā śarvāṇī haravallabhā |

sarvajñā siddhidā siddhā bhāvyā bhavyā bhayāpahā || 35 ||

kartrī hartrī pālayitrī śarvarī tāmasī dayā |

tamisrā yāminīsthā ca sthirā dhīrā tapasvinī || 36 ||

cārvaṅgī cañcalā lolajihvā cārucaritriṇī |

trapā trapāvatī lajjā nirlajjā hrīṃ rajovatī || 37 ||

sattvavatī dharmaniṣṭhā śreṣṭhā niṣṭhuravādinī |

gariṣṭhā duṣṭasaṃhartrī viśiṣṭā śreyasī ghṛṇā || 38 ||

bhīmā bhayānakā bhīmanādinī bhīḥ prabhāvatī |

vāgīśvarī śrīryamunā yajñakartrī yajuḥpriyā || 39 ||

ṛksāmātharvanilayā rāgiṇī śobhanasvarā |

kalakaṇṭhī kambukaṇṭhī veṇuvīṇāparāyaṇā || 40 ||

vaṃśinī vaiṣṇavī svacchā dhātrī trijagadīśvarī |

madhumatī kuṇḍalinī ṛddhiḥ siddhiḥ śucismitā || 41 ||

rambhorvaśī ratī rāmā rohiṇī revatī ramā |

śaṅkhinī cakriṇī kṛṣṇā gadinī padminī tathā || 42 ||

śūlinī parighāstrā ca pāśinī śārṅgapāṇinī |

pinākadhāriṇī dhūmrā śarabhī vanamālinī || 43 ||

vajriṇī samaraprītā veginī raṇapaṇḍitā |

jaṭinī bimbinī nīlā lāvaṇyāmbudhicandrikā || 44 ||

balipriyā sadāpūjyā pūrṇā daityendramāthinī |

mahiṣāsurasaṃhantrī vāsinī raktadantikā || 45 ||

raktapā rudhirāktāṅgī raktakharparahastinī |

raktapriyā māṃsarucirvāsavāsaktamānasā || 46 ||

galacchoṇitamuṇḍālikaṇṭhamālāvibhūṣaṇā |

śavāsanā citāntasthā māheśī vṛṣavāhinī || 47 ||

vyāghratvagambarā cīnacelinī siṃhavāhinī |

vāmadevī mahādevī gaurī sarvajñabhāvinī || 48 ||

bālikā taruṇī vṛddhā vṛddhamātā jarāturā |

subhrurvilāsinī brahmavādinī brāhmaṇī mahī || 49 ||

svapnavatī citralekhā lopāmudrā sureśvarī |

amoghā'rundhatī tīkṣṇā bhogavatyanuvādinī || 50 ||

mandākinī mandahāsā jvālāmukhyasurāntakā |

mānadā māninī mānyā mānanīyā madoddhatā || 51 ||

madirā madirānmādā medhyā navyā prasādinī |

sumadhyā'nantaguṇinī sarvalokottamottamā || 52 ||

jayadā jitvarā jaitrī jayaśrīrjayaśālinī |

sukhadā śubhadā satyā sabhāsaṅkṣobhakāriṇī || 53 ||

śivadūtī bhūtimatī vibhūtirbhīṣaṇānanā |

kaumārī kulajā kuntī kulastrī kulapālikā || 54 ||

kīrtiryaśasvinī bhūṣā bhūṣyā bhūtapatipriyā |

saguṇā nirguṇā dhṛṣṭā niṣṭhā kāṣṭhā pratiṣṭhitā || 55 ||

dhaniṣṭhā dhanadā dhanyā vasudhā svaprakāśinī |

urvī gurvī guruśreṣṭhā saguṇā triguṇātmikā || 56 ||

mahākulīnā niṣkāmā sakāmā kāmajīvanā |

kāmadevakalā rāmā'bhirāmā śivanartakī || 57 ||

cintāmaṇiḥ kalpalatā jāgratī dīnavatsalā |

kārtikī kīrtikā kṛtyā ayodhyā viṣamā samā || 58 ||

sumantrā mantriṇī ghūrṇā hlādinī kleśanāśinī |

trailokyajananī hṛṣṭā nirmāṃsā manorūpiṇī || 59 ||

taḍāganimnajaṭharā śuṣkamāṃsāsthimālinī |

avantī mathurā māyā trailokyapāvanīśvarī || 60 ||

vyaktā'vyaktā'nekamūrtiḥ śarvarī bhīmanādinī |

kṣemaṅkarī śaṅkarī ca sarvasammohakāriṇī || 61 ||

ūrdhvatejasvinī klinnā mahātejasvinī tathā |

advaitā bhoginī pūjyā yuvatī sarvamaṅgalā || 62 ||

sarvapriyaṅkarī bhogyā dharaṇī piśitāśanā |

bhayaṅkarī pāpaharā niṣkalaṅkā vaśaṅkarī || 63 ||

āśā tṛṣṇā candrakalā nidrānyā vāyuveginī |

sahasrasūryasaṅkāśā candrakoṭisamaprabhā || 64 ||

vahnimaṇḍalasaṃsthā ca sarvatattvapratiṣṭhitā |

sarvācāravatī sarvadevakanyādhidevatā || 65 ||

dakṣakanyā dakṣayajñanāśinī durgatārikā |

ijyā pūjyā vibhā bhūtiḥ satkīrtirbrahmarūpiṇī || 66 ||

rambhoruścaturā rākā jayantī karuṇā kuhuḥ |

manasvinī devamātā yaśasyā brahmacāriṇī || 67 ||

ṛddhidā vṛddhidā vṛddhiḥ sarvādyā sarvadāyinī |

ādhārarūpiṇī dhyeyā mūlādhāranivāsinī || 68 ||

ajñā prajñā pūrṇamanāścandramukhyanukūlinī |

vāvadūkā nimnanābhiḥ satyā sandhyā dṛḍhavratā || 69 ||

ānvīkṣikī daṇḍanītistrayī tridivasundarī |

jvalinī jvālinī śailatanayā vindhyavāsinī || 70 ||

ameyā khecarī dhairyā turīyā vimalā''turā |

pragalbhā vāruṇī chāyā śaśinī visphuliṅginī || 71 ||

bhuktiḥ siddhiḥ sadāprāptiḥ prākāmyā mahimā'ṇimā |

icchāsiddhirvisiddhā ca vaśitvordhvanivāsinī || 72 ||

laghimā caiva gāyatrī sāvitrī bhuvaneśvarī |

manoharā citā divyā devyudārā manoramā || 73 ||

piṅgalā kapilā jihvārasajñā rasikā rasā |

suṣumneḍā bhogavatī gāndhārī narakāntakā || 74 ||

pāñcālī rukmiṇī rādhārādhyā bhīmādhirādhikā |

amṛtā tulasī vṛndā kaiṭabhī kapaṭeśvarī || 75 ||

ugracaṇḍeśvarī vīrā jananī vīrasundarī |

ugratārā yaśodākhyā daivakī devamānitā || 76 ||

nirañjanā citradevī krodhinī kuladīpikā |

kulavāgīśvarī vāṇī mātṛkā drāviṇī dravā || 77 ||

yogeśvarī mahāmārī bhrāmarī bindurūpiṇī |

dūtī prāṇeśvarī guptā bahulā camarī prabhā || 78 ||

kubjikā jñāninī jyeṣṭhā bhuśuṇḍī prakaṭā tithiḥ |

draviṇī gopanī māyā kāmabījeśvarī kriyā || 79 ||

śāmbhavī kekarā menā mūṣalāstrā tilottamā |

ameyavikramā krūrā sampatśālā trilocanā || 80 ||

svastirhavyavahā prītiruṣmā dhūmrārciraṅgadā |

tapinī tāpinī viśvā bhogadā dhāriṇī dharā || 81 ||

trikhaṇḍā bodhinī vaśyā sakalā śabdarūpiṇī |

bījarūpā mahāmudrā yoginī yonirūpiṇī || 82 ||

anaṅgakusumā'naṅgamekhalā'naṅgarūpiṇī |

vajreśvarī ca jayinī sarvadvandvakṣayaṅkarī || 83 ||

ṣaḍaṅgayuvatī yogayuktā jvālāṃśumālinī |

durāśayā durādhārā durjayā durgarūpiṇī || 84 ||

durantā duṣkṛtiharā durdhyeyā duratikramā |

haṃseśvarī trikoṇasthā śākambharyanukampinī || 85 ||

trikoṇanilayā nityā paramāmṛtarañjitā |

mahāvidyeśvarī śvetā bheruṇḍā kulasundarī || 86 ||

tvaritā bhaktisaṃsaktā bhaktavaśyā sanātanī |

bhaktānandamayī bhaktabhāvikā bhaktaśaṅkarī || 87 ||

sarvasaundaryanilayā sarvasaubhāgyaśālinī |

sarvasambhogabhavanā sarvasaukhyanirūpiṇī || 88 ||

kumārīpūjanaratā kumārīvratacāriṇī |

kumārībhaktisukhinī kumārīrūpadhāriṇī || 89 ||

kumārīpūjakaprītā kumārīprītidā priyā |

kumārīsevakāsaṅgā kumārīsevakālayā || 90 ||

ānandabhairavī bālabhairavī baṭubhairavī |

śmaśānabhairavī kālabhairavī purabhairavī || 91 ||

mahābhairavapatnī ca paramānandabhairavī |

sudhānandabhairavī ca unmādānandabhairavī || 92 ||

muktānandabhairavī ca tathā taruṇabhairavī |

jñānānandabhairavī ca amṛtānandabhairavī || 93 ||

mahābhayaṅkarī tīvrā tīvravegā tapasvinī |

tripurā parameśānī sundarī purasundarī || 94 ||

tripureśī pañcadaśī pañcamī puravāsinī |

mahāsaptadaśī caiva ṣoḍaśī tripureśvarī || 95 ||

mahāṅkuśasvarūpā ca mahācakreśvarī tathā |

navacakreśvarī cakreśvarī tripuramālinī || 96 ||

rājarājeśvarī dhīrā mahātripurasundarī |

sindūrapūrarucirā śrīmattripurasundarī || 97 ||

sarvāṅgasundarī raktāraktavastrottarīyiṇī |

javāyāvakasindūraraktacandanadhāriṇī || 98 ||

javāyāvakasindūraraktacandanarūpadhṛk |

cāmarī bālakuṭilanirmalā śyāmakeśinī || 99 ||

vajramauktikaratnāḍhyā kirīṭamukuṭojjvalā |

ratnakuṇḍalasaṃyuktasphuradgaṇḍamanoramā || 100 ||

kuñjareśvarakumbhotthamuktārañjitanāsikā |

muktāvidrumamāṇikyahārāḍhyastanamaṇḍalā || 101 ||

sūryakāntendukāntāḍhyasparśāśmakaṇṭhabhūṣaṇā |

bījapūrasphuradbījadantapaṅktiranuttamā || 102 ||

kāmakodaṇḍakābhugnabhrūkaṭākṣapravarṣiṇī |

mātaṅgakumbhavakṣojā lasatkokanadekṣaṇā || 103 ||

manojñaśaṣkulīkarṇā haṃsīgativiḍambinī |

padmarāgāṅgadajyotirdoścatuṣkaprakāśinī || 104 ||

nānāmaṇiparisphūrjacchuddhakāñcanakaṅkaṇā |

nāgendradantanirmāṇavalayāṅkitapāṇinī || 105 ||

aṅgurīyakacitrāṅgī vicitrakṣudraghaṇṭikā |

paṭṭāmbaraparīdhānā kalamañjīraśiñjinī || 106 ||

karpūrāgarukastūrīkuṅkumadravalepitā |

vicitraratnapṛthivīkalpaśākhitalasthitā || 107 ||

ratnadvīpasphuradratnasiṃhāsanavilāsinī |

ṣaṭcakrabhedanakarī paramānandarūpiṇī || 108 ||

sahasradalapadmāntaścandramaṇḍalavartinī |

brahmarūpā śivakroḍā nānāsukhavilāsinī || 109 ||

haraviṣṇuviriñcīndragrahanāyakasevitā |

śivā śaivā ca rudrāṇī tathaiva śivavādinī || 110 ||

mātaṅginī śrīmatī ca tathaivānaṅgamekhalā |

ḍākinī yoginī caiva tathopayoginī matā || 111 ||

māheśvarī vaiṣṇavī ca bhrāmarī śivarūpiṇī |

alambuṣā vegavatī krodharūpā sumekhalā || 112 ||

gāndhārī hastajihvā ca iḍā caiva śubhaṅkarī |

piṅgalā brahmadūtī ca suṣumnā caiva gandhinī || 113 ||

ātmayonirbrahmayonirjagadyonirayonijā |

bhagarūpā bhagasthātrī bhaginī bhagarūpiṇī || 114 ||

bhagātmikā bhagādhārarūpiṇī bhagamālinī |

liṅgākhyā caiva liṅgeśī tripurā bhairavī tathā || 115 ||

liṅgagītiḥ sugītiśca liṅgasthā liṅgarūpadhṛk |

liṅgamānā liṅgabhavā liṅgaliṅgā ca pārvatī || 116 ||

bhagavatī kauśikī ca premā caiva priyaṃvadā |

gṛdhrarūpā śivārūpā cakriṇī cakrarūpadhṛk || 117 ||

liṅgābhidhāyinī liṅgapriyā liṅganivāsinī |

liṅgasthā liṅganī liṅgarūpiṇī liṅgasundarī || 118 ||

liṅgagītirmahāprītā bhagagītirmahāsukhā |

liṅganāmasadānandā bhaganāmasadāgatiḥ || 119 ||

liṅgamālākaṇṭhabhūṣā bhagamālāvibhūṣaṇā |

bhagaliṅgāmṛtaprītā bhagaliṅgasvarūpiṇī || 120 ||

bhagaliṅgasya rūpā ca bhagaliṅgasukhāvahā |

svayambhūkusumaprītā svayambhūkusumārcitā || 121 ||

svayambhūkusumaprāṇā svayambhūpuṣpatarpitā |

svayambhūpuṣpaghaṭitā svayambhūpuṣpadhāriṇī || 122 ||

svayambhūpuṣpatilakā svayambhūpuṣpacarcitā |

svayambhūpuṣpaniratā svayambhūkusumagrahā || 123 ||

svayambhūpuṣpayajñāṃśā svayambhūkusumātmikā |

svayambhūpuṣpanicitā svayambhūkusumapriyā || 124 ||

svayambhūkusumādānalālasonmattamānasā |

svayambhūkusumānandalaharīsnigdhadehinī || 125 ||

svayambhūkusumādhārā svayambhūkusumākulā |

svayambhūpuṣpanilayā svayambhūpuṣpavāsinī || 126 ||

svayambhūkusumasnigdhā svayambhūkusumātmikā |

svayambhūpuṣpakariṇī svayambhūpuṣpavāṇikā || 127 ||

svayambhūkusumadhyānā svayambhūkusumaprabhā |

svayambhūkusumajñānā svayambhūpuṣpabhāginī || 128 ||

svayambhūkusumollāsā svayambhūpuṣpavarṣiṇī |

svayambhūkusumotsāhā svayambhūpuṣparūpiṇī || 129 ||

svayambhūkusumonmādā svayambhūpuṣpasundarī |

svayambhūkusumārādhyā svayambhūkusumodbhavā || 130 ||

svayambhūkusumāvyagrā svayambhūpuṣpapūrṇitā |

svayambhūpūjakaprājñā svayambhūhotṛmātṛkā || 131 ||

svayambhūdātṛrakṣitrī svayambhūraktatārikā |

svayambhūpūjakagrastā svayambhūpūjakapriyā || 132 ||

svayambhūvandakādhārā svayambhūnindakāntakā |

svayambhūpradasarvasvā svayambhūpradaputriṇī || 133 ||

svayambhūpradasasmerā svayambhūtaśarīriṇī |

sarvakālodbhavaprītā sarvakālodbhavātmikā || 134 ||

sarvakālodbhavodbhāvā sarvakālodbhavodbhavā |

kuṇḍapuṣpasadāprītā kuṇḍapuṣpasadāratiḥ || 135 ||

kuṇḍagolodbhavaprāṇā kuṇḍagolodbhavātmikā |

svayambhūrvā śivā dhātrī pāvanī lokapāvanī || 136 ||

kīrtiryaśasvinī medhā vimedhā śukrasundarī |

aśvinī kṛttikā puṣyā tejaskā candramaṇḍalā || 137 ||

sūkṣmā'sūkṣmā balākā ca varadā bhayanāśinī |

varadā'bhayadā caiva muktibandhavināśinī || 138 ||

kāmukā kāmadā kāntā kāmākhyā kulasundarī |

duḥkhadā sukhadā mokṣā mokṣadārthaprakāśinī || 139 ||

duṣṭāduṣṭamatiścaiva sarvakāryavināśinī |

śukrādhārā śukrarūpā śukrasindhunivāsinī || 140 ||

śukrālayā śukrabhogā śukrapūjāsadāratiḥ |

śukrapūjyā śukrahomasantuṣṭā śukravatsalā || 141 ||

śukramūrtiḥ śukradehā śukrapūjakaputriṇī |

śukrasthā śukriṇī śukrasaṃspṛhā śukrasundarī || 142 ||

śukrasnātā śukrakarī śukrasevyā'tiśukriṇī |

mahāśukrā śukrabhavā śukravṛṣṭividhāyinī || 143 ||

śukrābhidheyā śukrārhā śukravandakavanditā |

śukrānandakarī śukrasadānandābhidhāyikā || 144 ||

śukrotsavā sadāśukrapūrṇā śukramanoramā |

śukrapūjakasarvasvā śukranindakanāśinī || 145 ||

śukrātmikā śukrasaṃvat śukrākarṣaṇakāriṇī |

śāradā sādhakaprāṇā sādhakāsaktamānasā || 146 ||

sādhakottamasarvasvā sādhakābhaktaraktapā |

sādhakānandasantoṣā sādhakānandakāriṇī || 147 ||

ātmavidyā brahmavidyā parabrahmasvarūpiṇī |

trikūṭasthā pañcakūṭā sarvakūṭaśarīriṇī || 148 ||

sarvavarṇamayī varṇajapamālāvidhāyinī |

iti śrīkālikānāmasahasraṃ śivabhāṣitam || 149 ||

guhyādguhyataraṃ sākṣānmahāpātakanāśanam |

pūjākāle niśīthe ca sandhyayorubhayorapi || 150 ||

labhate gāṇapatyaṃ sa yaḥ paṭhet sādhakottamaḥ |

yaḥ paṭhet pāṭhayedvāpi śṛṇoti śrāvayedapi || 151 ||

sarvapāpavinirmuktaḥ sa yāti kālikāpuram |

śraddhayā'śraddhayā vāpi yaḥ kaścinmānavaḥ smaret || 152 ||

durgaṃ durgaśataṃ tīrtvā sa yāti paramāṅgatim |

vandhyā vā kākavandhyā vā mṛtavatsā ca yāṅganā || 153 ||

śrutvā stotramidaṃ putrān labhate cirajīvinaḥ |

yaṃ yaṃ kāmayate kāmaṃ paṭhan stotramanuttamam |

devīpādaprasādena tattadāpnoti niścitam || 154 ||

iti śrīkālikākulasarvasve haraparaśurāmasaṃvāde śrī kālikā sahasranāma stotram |