Shri Gurugita Tritiyodhyayah

ॐ

ஶ்ரீ குருகீதா த்ரு'தீயோத்யாயஃ

Gita Tamil

அத த்ரு'தீயோऽத்யாயஃ ॥

அத காம்யஜபஸ்தாநம் கதயாமி வராநநே ।

ஸாகராந்தே ஸரித்தீரே தீர்தே ஹரிஹராலயே ॥ 236 ॥

ஶக்திதேவாலயே கோஷ்டே ஸர்வதேவாலயே ஶுபே ।

வடஸ்ய தாத்ர்யா மூலே வா மடே ப்ரு'ந்தாவநே ததா ॥ 237 ॥

பவித்ரே நிர்மலே தேஶே நித்யாநுஷ்டாநதோऽபி வா ।

நிர்வேதநேந மௌநேந ஜபமேதத் ஸமாரபேத் ॥ 238 ॥

ஜாப்யேந ஜயமாப்நோதி ஜபஸித்திம் பலம் ததா ।

ஹீநம் கர்ம த்யஜேத்ஸர்வம் கர்ஹிதஸ்தாநமேவ ச ॥ 239 ॥

ஶ்மஶாநே பில்வமூலே வா வடமூலாந்திகே ததா ।

ஸித்த்யந்தி காநகே மூலே சூதவ்ரு'க்ஷஸ்ய ஸந்நிதௌ ॥ 240 ॥

பீதாஸநம் மோஹநே து ஹ்யஸிதம் சாபிசாரிகே ।

ஜ்ஞேயம் ஶுக்லம் ச ஶாந்த்யர்தம் வஶ்யே ரக்தம் ப்ரகீர்திதம் ॥ 241 ॥

ஜபம் ஹீநாஸநம் குர்வந் ஹீநகர்மபலப்ரதம் ।

குருகீதாம் ப்ரயாணே வா ஸங்க்ராமே ரிபுஸங்கடே ॥ 242 ॥

ஜபந் ஜயமவாப்நோதி மரணே முக்திதாயிகா ।

ஸர்வகர்மாணி ஸித்த்யந்தி குருபுத்ரே ந ஸம்ஶயஃ ॥ 243 ॥

குருமந்த்ரோ முகே யஸ்ய தஸ்ய ஸித்த்யந்தி நாऽந்யதா ।

தீக்ஷயா ஸர்வகர்மாணி ஸித்த்யந்தி குருபுத்ரகே ॥ 244 ॥

பவமூலவிநாஶாய சாஷ்டபாஶநிவ்ரு'த்தயே ।

குருகீதாம்பஸி ஸ்நாநம் தத்த்வஜ்ஞஃ குருதே ஸதா ॥ 245 ॥

ஸ ஏவம் ஸத்குருஃ ஸாக்ஷாத் ஸதஸத்ப்ரஹ்மவித்தமஃ ।

தஸ்ய ஸ்தாநாநி ஸர்வாணி பவித்ராணி ந ஸம்ஶயஃ ॥ 246 ॥

ஸர்வஶுத்தஃ பவித்ரோऽஸௌ ஸ்வபாவாத்யத்ர திஷ்டதி ।

தத்ர தேவகணாஃ ஸர்வே க்ஷேத்ரபீடே சரந்தி ச ॥ 247 ॥

ஆஸநஸ்தாஃ ஶயாநா வா கச்சந்தஸ்திஷ்டதோऽபி வா ।

அஶ்வாரூடா கஜாரூடாஃ ஸுஷுப்தா ஜாக்ரதோऽபி வா ॥ 248 ॥

ஶுசிர்பூதா ஜ்ஞாநவந்தோ குருகீதாம் ஜபந்தி யே ।

தேஷாம் தர்ஶநஸம்ஸ்பர்ஶாத் திவ்யஜ்ஞாநம் ப்ரஜாயதே ॥ 249 ॥

ஸமுத்ரே வை யதா தோயம் க்ஷீரே க்ஷீரம் ஜலே ஜலம் ।

பிந்நே கும்பே யதாऽऽகாஶம் ததாऽऽத்மா பரமாத்மநி ॥ 250 ॥

ததைவ ஜ்ஞாநவாந் ஜீவஃ பரமாத்மநி ஸர்வதா ।

ஐக்யேந ரமதே ஜ்ஞாநீ யத்ர குத்ர திவாநிஶம் ॥ 251 ॥

ஏவம்விதோ மஹாயுக்தஃ ஸர்வத்ர வர்ததே ஸதா ।

தஸ்மாத்ஸர்வப்ரகாரேண குருபக்திம் ஸமாசரேத் ॥ 252 ॥

குருஸந்தோஷணாதேவ முக்தோ பவதி பார்வதி ।

அணிமாதிஷு போக்த்ரு'த்வம் க்ரு'பயா தேவி ஜாயதே ॥ 253 ॥

ஸாம்யேந ரமதே ஜ்ஞாநீ திவா வா யதி வா நிஶி ।

ஏவம்விதோ மஹாமௌநீ த்ரைலோக்யஸமதாம் வ்ரஜேத் ॥ 254 ॥

அத ஸம்ஸாரிணஃ ஸர்வே குருகீதா ஜபேந து ।

ஸர்வாந் காமாம்ஸ்து புஞ்ஜந்தி த்ரிஸத்யம் மம பாஷிதம் ॥ 255 ॥

ஸத்யம் ஸத்யம் புநஃ ஸத்யம் தர்மஸாரம் மயோதிதம் ।

குருகீதாஸமம் ஸ்தோத்ரம் நாஸ்தி தத்த்வம் குரோஃ பரம் ॥ 256 ॥

குருர்தேவோ குருர்தர்மோ குரௌ நிஷ்டா பரம் தபஃ ।

குரோஃ பரதரம் நாஸ்தி த்ரிவாரம் கதயாமி தே ॥ 257 ॥

தந்யா மாதா பிதா தந்யோ கோத்ரம் தந்யம் குலோத்பவஃ ।

தந்யா ச வஸுதா தேவி யத்ர ஸ்யாத்குருபக்ததா ॥ 258 ॥

ஆகல்பஜந்ம கோடீநாம் யஜ்ஞவ்ரததபஃ க்ரியாஃ ।

தாஃ ஸர்வாஃ ஸபலா தேவி குரூஸந்தோஷமாத்ரதஃ ॥ 259 ॥

ஶரீரமிந்த்ரியம் ப்ராணமர்தம் ஸ்வஜநபந்துதா ।

மாத்ரு'குலம் பித்ரு'குலம் குருரேவ ந ஸம்ஶயஃ ॥ 260 ॥

மந்தபாக்யா ஹ்யஶக்தாஶ்ச யே ஜநா நாநுமந்வதே ।

குருஸேவாஸு விமுகாஃ பச்யந்தே நரகேऽஶுசௌ ॥ 261 ॥

வித்யா தநம் பலம் சைவ தேஷாம் பாக்யம் நிரர்தகம் ।

யேஷாம் குரூக்ரு'பா நாஸ்தி அதோ கச்சந்தி பார்வதி ॥ 262 ॥

ப்ரஹ்மா விஷ்ணுஶ்ச ருத்ரஶ்ச தேவாஶ்ச பித்ரு'கிந்நராஃ ।

ஸித்தசாரணயக்ஷாஶ்ச அந்யே ச முநயோ ஜநாஃ ॥ 263 ॥

குருபாவஃ பரம் தீர்தமந்யதீர்தம் நிரர்தகம் ।

ஸர்வதீர்தமயம் தேவி ஶ்ரீகுரோஶ்சரணாம்புஜம் ॥ 264 ॥

கந்யாபோகரதா மந்தாஃ ஸ்வகாந்தாயாஃ பராங்முகாஃ ।

அதஃ பரம் மயா தேவி கதிதம் ந மம ப்ரியே ॥ 265 ॥

இதம் ரஹஸ்யமஸ்பஷ்டம் வக்தவ்யம் ச வராநநே ।

ஸுகோப்யம் ச தவாக்ரே து மமாத்மப்ரீதயே ஸதி ॥ 266 ॥

ஸ்வாமிமுக்யகணேஶாத்யாந் வைஷ்ணவாதீம்ஶ்ச பார்வதி ।

ந வக்தவ்யம் மஹாமாயே பாதஸ்பர்ஶம் குருஷ்வ மே ॥ 267 ॥

அபக்தே வஞ்சகே தூர்தே பாஷண்டே நாஸ்திகாதிஷு ।

மநஸாऽபி ந வக்தவ்யா குருகீதா கதாசந ॥ 268 ॥

குரவோ பஹவஃ ஸந்தி ஶிஷ்யவித்தாபஹாரகாஃ ।

தமேகம் துர்லபம் மந்யே ஶிஷ்யஹ்ரு'த்தாபஹாரகம் ॥ 269 ॥

சாதுர்யவாந் விவேகீ ச அத்யாத்மஜ்ஞாநவாந் ஶுசிஃ ।

மாநஸம் நிர்மலம் யஸ்ய குருத்வம் தஸ்ய ஶோபதே ॥ 270 ॥

குரவோ நிர்மலாஃ ஶாந்தாஃ ஸாதவோ மிதபாஷிணஃ ।

காமக்ரோதவிநிர்முக்தாஃ ஸதாசாராஃ ஜிதேந்த்ரியாஃ ॥ 271 ॥

ஸூசகாதிப்ரபேதேந குரவோ பஹுதா ஸ்ம்ரு'தாஃ ।

ஸ்வயம் ஸம்யக் பரீக்ஷ்யாத தத்த்வநிஷ்டம் பஜேத்ஸுதீஃ ॥ 272 ॥

வர்ணஜாலமிதம் தத்வத்பாஹ்யஶாஸ்த்ரம் து லௌகிகம் ।

யஸ்மிந் தேவி ஸமப்யஸ்தம் ஸ குருஃ ஸுசகஃ ஸ்ம்ரு'தஃ ॥ 273 ॥

வர்ணாஶ்ரமோசிதாம் வித்யாம் தர்மாதர்மவிதாயிநீம் ।

ப்ரவக்தாரம் குரும் வித்தி வாசகம் த்விதி பார்வதி ॥ 274 ॥

பஞ்சாக்ஷர்யாதிமந்த்ராணாமுபதேஷ்டா து பார்வதி ।

ஸ குருர்போதகோ பூயாதுபயோரயமுத்தமஃ ॥ 275 ॥

மோஹமாரணவஶ்யாதிதுச்சமந்த்ரோபதேஶிநம் ।

நிஷித்தகுருரித்யாஹுஃ பண்டிதாஸ்தத்த்வதர்ஶிநஃ ॥ 276 ॥

அநித்யமிதி நிர்திஶ்ய ஸம்ஸாரம் ஸங்கடாலயம் ।

வைராக்யபததர்ஶீ யஃ ஸ குருர்விஹிதஃ ப்ரியே ॥ 277 ॥

தத்த்வமஸ்யாதிவாக்யாநாமுபதேஷ்டா து பார்வதி ।

காரணாக்யோ குருஃ ப்ரோக்தோ பவரோகநிவாரகஃ ॥ 278 ॥

ஸர்வஸந்தேஹஸந்தோஹநிர்மூலநவிசக்ஷணஃ ।

ஜந்மம்ரு'த்யுபயக்நோ யஃ ஸ குருஃ பரமோ மதஃ ॥ 279 ॥

பஹுஜந்மக்ரு'தாத் புண்யால்லப்யதேऽஸௌ மஹாகுருஃ ।

லப்த்வாऽமும் ந புநர்யாதி ஶிஷ்யஃ ஸம்ஸாரபந்தநம் ॥ 280 ॥

ஏவம் பஹுவிதா லோகே குரவஃ ஸந்தி பார்வதி ।

தேஷு ஸர்வப்ரயத்நேந ஸேவ்யோ ஹி பரமோ குருஃ ॥ 281 ॥

நிஷித்தகுருஶிஷ்யஸ்து துஷ்டஸங்கல்பதூஷிதஃ ।

ப்ரஹ்மப்ரலயபர்யந்தம் ந புநர்யாதி மர்த்யதாம் ॥ 282 ॥

ஏவம் ஶ்ருத்வா மஹாதேவீ மஹாதேவவசஸ்ததா ।

அத்யந்தவிஹ்வலமநாஃ ஶங்கரம் பரிப்ரு'ச்சதி ॥ 283 ॥

பார்வத்யுவாச ।

நமஸ்தே தேவதேவாத்ர ஶ்ரோதவ்யம் கிஞ்சிதஸ்தி மே ।

ஶ்ருத்வா த்வத்வாக்யமதுநா ப்ரு'ஶம் ஸ்யாத்விஹ்வலம் மநஃ ॥ 284 ॥

ஸ்வயம் மூடா ம்ரு'த்யுபீதாஃ ஸுக்ரு'தாத்விரதிம் கதாஃ ।

தைவாந்நிஷித்தகுருகா யதி தேஷாம் து கா கதிஃ ॥ 285 ॥

ஶ்ரீ மஹாதேவ உவாச ।

ஶ்ரு'ணு தத்த்வமிதம் தேவி யதா ஸ்யாத்விரதோ நரஃ ।

ததாऽஸாவதிகாரீதி ப்ரோச்யதே ஶ்ருதிமஸ்தகைஃ ॥ 286 ॥

அகண்டைகரஸம் ப்ரஹ்ம நித்யமுக்தம் நிராமயம் ।

ஸ்வஸ்மிந் ஸந்தர்ஶிதம் யேந ஸ பவேதஸ்யம் தேஶிகஃ ॥ 287 ॥

ஜலாநாம் ஸாகரோ ராஜா யதா பவதி பார்வதி ।

குரூணாம் தத்ர ஸர்வேஷாம் ராஜாऽயம் பரமோ குருஃ ॥ 288 ॥

மோஹாதிரஹிதஃ ஶாந்தோ நித்யத்ரு'ப்தோ நிராஶ்ரயஃ ।

த்ரு'ணீக்ரு'தப்ரஹ்மவிஷ்ணுவைபவஃ பரமோ குருஃ ॥ 289 ॥

ஸர்வகாலவிதேஶேஷு ஸ்வதந்த்ரோ நிஶ்சலஸ்ஸுகீ ।

அகண்டைகரஸாஸ்வாதத்ரு'ப்தோ ஹி பரமோ குருஃ ॥ 290 ॥

த்வைதாத்வைதவிநிர்முக்தஃ ஸ்வாநுபூதிப்ரகாஶவாந் ।

அஜ்ஞாநாந்ததமஶ்சேத்தா ஸர்வஜ்ஞஃ பரமோ குருஃ ॥ 291 ॥

யஸ்ய தர்ஶநமாத்ரேண மநஸஃ ஸ்யாத் ப்ரஸந்நதா ।

ஸ்வயம் பூயாத் த்ரு'திஶ்ஶாந்திஃ ஸ பவேத் பரமோ குருஃ ॥ 292 ॥

ஸித்திஜாலம் ஸமாலோக்ய யோகிநாம் மந்த்ரவாதிநாம் ।

துச்சாகாரமநோவ்ரு'த்திஃ யஸ்யாஸௌ பரமோ குருஃ ॥ 293 ॥

ஸ்வஶரீரம் ஶவம் பஶ்யந் ததா ஸ்வாத்மாநமத்வயம் ।

யஃ ஸ்த்ரீகநகமோஹக்நஃ ஸ பவேத் பரமோ குருஃ ॥ 294 ॥

மௌநீ வாக்மீதி தத்த்வஜ்ஞோ த்விதாऽபூச்ச்ரு'ணு பார்வதி ।

ந கஶ்சிந்மௌநிநாம் லோபோ லோகேऽஸ்மிந்பவதி ப்ரியே ॥ 295 ॥

வாக்மீ தூத்கடஸம்ஸாரஸாகரோத்தாரணக்ஷமஃ ।

யதோऽஸௌ ஸம்ஶயச்சேத்தா ஶாஸ்த்ரயுக்த்யநுபூதிபிஃ ॥ 296 ॥

குருநாமஜபாத்தேவி பஹுஜந்மார்ஜிதாந்யபி ।

பாபாநி விலயம் யாந்தி நாஸ்தி ஸந்தேஹமண்வபி ॥ 297 ॥

ஶ்ரீகுரோஸ்ஸத்ரு'ஶம் தைவம் ஶ்ரீகுரோஸத்ரு'ஶஃ பிதா ।

குருத்யாநஸமம் கர்ம நாஸ்தி நாஸ்தி மஹீதலே ॥ 298 ॥

குலம் தநம் பலம் ஶாஸ்த்ரம் பாந்தவாஸ்ஸோதரா இமே ।

மரணே நோபயுஜ்யந்தே குருரேகோ ஹி தாரகஃ ॥ 299 ॥

குலமேவ பவித்ரம் ஸ்யாத் ஸத்யம் ஸ்வகுருஸேவயா ।

த்ரு'ப்தாஃ ஸ்யுஸ்ஸகலா தேவா ப்ரஹ்மாத்யா குருதர்பணாத் ॥ 300 ॥

குருரேகோ ஹி ஜாநாதி ஸ்வரூபம் தேவமவ்யயம் ।

தத்ஜ்ஞாநம் யத்ப்ரஸாதேந நாந்யதா ஶாஸ்த்ரகோடிபிஃ ॥ 301 ॥

ஸ்வரூபஜ்ஞாநஶூந்யேந க்ரு'தமப்யக்ரு'தம் பவேத் ।

தபோஜபாதிகம் தேவி ஸகலம் பாலஜல்பவத் ॥ 302 ॥

ஶிவம் கேசித்தரிம் கேசித்விதிம் கேசித்து கேசந ।

ஶக்திம் தைவமிதி ஜ்ஞாத்வா விவதந்தி வ்ரு'தா நராஃ ॥ 303 ॥

ந ஜாநந்தி பரம் தத்த்வம் குருதீக்ஷாபராங்முகாஃ ।

ப்ராந்தாஃ பஶுஸமா ஹ்யேதே ஸ்வபரிஜ்ஞாநவர்ஜிதாஃ ॥ 304 ॥

தஸ்மாத்கைவல்யஸித்த்யர்தம் குருமேவ பஜேத்ப்ரியே ।

குரும் விநா ந ஜாநந்தி மூடாஸ்தத்பரமம் பதம் ॥ 305 ॥

பித்யதே ஹ்ரு'தயக்ரந்திஶ்சித்யந்தே ஸர்வஸம்ஶயாஃ ।

க்ஷீயந்தே ஸர்வகர்மாணி குரோஃ கருணயா ஶிவே ॥ 306 ॥

க்ரு'தாயா குருபக்தேஸ்து வேதஶாஸ்த்ராநுஸாரதஃ ।

முச்யதே பாதகாத்கோராத் குருபக்தோ விஶேஷதஃ ॥ 307 ॥

துஸ்ஸங்கம் ச பரித்யஜ்ய பாபகர்ம பரித்யஜேத் ।

சித்தசிஹ்நமிதம் யஸ்ய தஸ்ய தீக்ஷா விதீயதே ॥ 308 ॥

சித்தத்யாகநியுக்தஶ்ச க்ரோதகர்வவிவர்ஜிதஃ ।

த்வைதபாவபரித்யாகீ தஸ்ய தீக்ஷா விதீயதே ॥ 309 ॥

ஏதல்லக்ஷணயுக்தத்வம் ஸர்வபூதஹிதே ரதம் ।

நிர்மலம் ஜீவிதம் யஸ்ய தஸ்ய தீக்ஷா விதீயதே ॥ 310 ॥

க்ரியயா சாந்விதம் பூர்வம் தீக்ஷாஜாலம் நிரூபிதம் ।

மந்த்ரதீக்ஷாபிதம் ஸாங்கோபாங்கம் ஸர்வம் ஶிவோதிதம் ॥ 311 ॥

க்ரியயா ஸ்யாத்விரஹிதாம் குருஸாயுஜ்யதாயிநீம் ।

குருதீக்ஷாம் விநா கோ வா குருத்வாசாரபாலகஃ ॥ 312 ॥

ஶக்தோ ந சாபி ஶக்தோ வா தைஶிகாங்க்ரி ஸமாஶ்ரயேத் ।

தஸ்ய ஜந்மாஸ்தி ஸபலம் போகமோக்ஷபலப்ரதம் ॥ 313 ॥

அத்யந்தசித்தபக்வஸ்ய ஶ்ரத்தாபக்தியுதஸ்ய ச ।

ப்ரவக்தவ்யமிதம் தேவி மமாத்மப்ரீதயே ஸதா ॥ 314 ॥

ரஹஸ்யம் ஸர்வஶாஸ்த்ரேஷு கீதாஶாஸ்த்ரமிதம் ஶிவே ।

ஸம்யக்பரீக்ஷ்ய வக்தவ்யம் ஸாதகஸ்ய மஹாத்மநஃ ॥ 315 ॥

ஸத்கர்மபரிபாகாச்ச சித்தஶுத்திஶ்ச தீமதஃ ।

ஸாதகஸ்யைவ வக்தவ்யா குருகீதா ப்ரயத்நதஃ ॥ 316 ॥

நாஸ்திகாய க்ரு'தக்நாய தாம்பிகாய ஶடாய ச ।

அபக்தாய விபக்தாய ந வாச்யேயம் கதாசந ॥ 317 ॥

ஸ்த்ரீலோலுபாய மூர்காய காமோபஹதசேதஸே ।

நிந்தகாய ந வக்தவ்யா குருகீதா ஸ்வபாவதஃ ॥ 318 ॥

ஸர்வபாபப்ரஶமநம் ஸர்வோபத்ரவவாரகம் ।

ஜந்மம்ரு'த்யுஹரம் தேவி கீதாஶாஸ்த்ரமிதம் ஶிவே ॥ 319 ॥

ஶ்ருதிஸாரமிதம் தேவி ஸர்வமுக்தம் ஸமாஸதஃ ।

நாந்யதா ஸத்கதிஃ பும்ஸாம் விநா குருபதம் ஶிவே ॥ 320 ॥

பஹுஜந்மக்ரு'தாத்பாபாதயமர்தோ ந ரோசதே ।

ஜந்மபந்தநிவ்ரு'த்த்யர்தம் குருமேவ பஜேத்ஸதா ॥ 321 ॥

அஹமேவ ஜகத்ஸர்வமஹமேவ பரம் பதம் ।

ஏதத்ஜ்ஞாநம் யதோ பூயாத்தம் குரும் ப்ரணமாம்யஹம் ॥ 322 ॥

அலம் விகல்பைரஹமேவ கேவலம்

மயி ஸ்திதம் விஶ்வமிதம் சராசரம் ।

இதம் ரஹஸ்யம் மம யேந தர்ஶிதம்

ஸ வந்தநீயோ குருரேவ கேவலம் ॥ 323 ॥

யஸ்யாந்தம் நாதிமத்யம் ந ஹி கரசரணம் நாமகோத்ரம் ந ஸூத்ரம் ।

நோ ஜாதிர்நைவ வர்ணோ ந பவதி புருஷோ நோ நபும்ஸோ ந ச ஸ்த்ரீ ॥ 324 ॥

நாகாரம் நோ விகாரம் ந ஹி ஜநிமரணம் நாஸ்தி புண்யம் ந பாபம் ।

நோऽதத்த்வம் தத்த்வமேகம் ஸஹஜஸமரஸம் ஸத்குரும் தம் நமாமி ॥ 325 ॥

நித்யாய ஸத்யாய சிதாத்மகாய

நவ்யாய பவ்யாய பராத்பராய ।

ஶுத்தாய புத்தாய நிரஞ்ஜநாய

நமோऽஸ்து நித்யம் குருஶேகராய ॥ 326 ॥

ஸச்சிதாநந்தரூபாய வ்யாபிநே பரமாத்மநே ।

நமஃ ஶ்ரீகுருநாதாய ப்ரகாஶாநந்தமூர்தயே ॥ 327 ॥

ஸத்யாநந்தஸ்வரூபாய போதைகஸுககாரிணே ।

நமோ வேதாந்தவேத்யாய குரவே புத்திஸாக்ஷிணே ॥ 328 ॥

நமஸ்தே நாத பகவந் ஶிவாய குருரூபிணே ।

வித்யாவதாரஸம்ஸித்த்யை ஸ்வீக்ரு'தாநேகவிக்ரஹ ॥ 329 ॥

நவாய நவரூபாய பரமார்தைகரூபிணே ।

ஸர்வாஜ்ஞாநதமோபேதபாநவே சித்கநாய தே ॥ 330 ॥

ஸ்வதந்த்ராய தயாக்லுப்தவிக்ரஹாய ஶிவாத்மநே ।

பரதந்த்ராய பக்தாநாம் பவ்யாநாம் பவ்யரூபிணே ॥ 331 ॥

விவேகிநாம் விவேகாய விமர்ஶாய விமர்ஶிநாம் ।

ப்ரகாஶிநாம் ப்ரகாஶாய ஜ்ஞாநிநாம் ஜ்ஞாநரூபிணே ॥ 332 ॥

புரஸ்தாத்பார்ஶ்வயோஃ ப்ரு'ஷ்டே நமஸ்குர்யாதுபர்யதஃ ।

ஸதா மச்சித்தரூபேண விதேஹி பவதாஸநம் ॥ 333 ॥

ஶ்ரீகுரும் பரமாநந்தம் வந்தே ஹ்யாநந்தவிக்ரஹம் ।

யஸ்ய ஸந்நிதிமாத்ரேண சிதாநந்தாய தே மநஃ ॥ 334 ॥

நமோऽஸ்து குரவே துப்யம் ஸஹஜாநந்தரூபிணே ।

யஸ்ய வாகம்ரு'தம் ஹந்தி விஷம் ஸம்ஸாரஸஞ்ஜ்ஞகம் ॥ 335 ॥

நாநாயுக்தோபதேஶேந தாரிதா ஶிஷ்யஸந்ததிஃ ।

தத்க்ரு'பாஸாரவேதேந குருசித்பதமச்யுதம் ॥ 336 ॥

[பாடபேதஃ -

அச்யுதாய நமஸ்துப்யம் குரவே பரமாத்மநே ।

ஸ்வாராமோக்தபதேச்சூநாம் தத்தம் யேநாச்யுதம் பதம் ॥

]

அச்யுதாய நமஸ்துப்யம் குரவே பரமாத்மநே ।

ஸர்வதந்த்ரஸ்வதந்த்ராய சித்கநாநந்தமூர்தயே ॥ 337 ॥

நமோऽச்யுதாய குரவேऽஜ்ஞாநத்வாந்தைகபாநவே ।

ஶிஷ்யஸந்மார்கபடவே க்ரு'பாபீயூஷஸிந்தவே ॥ 338 ॥

ஓமச்யுதாய குரவே ஶிஷ்யஸம்ஸாரஸேதவே ।

பக்தகார்யைகஸிம்ஹாய நமஸ்தே சித்ஸுகாத்மநே ॥ 339 ॥

குருநாமஸமம் தைவம் ந பிதா ந ச பாந்தவாஃ ।

குருநாமஸமஃ ஸ்வாமீ நேத்ரு'ஶம் பரமம் பதம் ॥ 340 ॥

ஏகாக்ஷரப்ரதாதாரம் யோ குரும் நைவ மந்யதே ।

ஶ்வாநயோநிஶதம் கத்வா சாண்டாலேஷ்வபி ஜாயதே ॥ 341 ॥

குருத்யாகாத்பவேந்ம்ரு'த்யுஃ மந்த்ரத்யாகாத்தரித்ரதா ।

குருமந்த்ரபரித்யாகீ ரௌரவம் நரகம் வ்ரஜேத் ॥ 342 ॥

ஶிவக்ரோதாத்குருஸ்த்ராதா குருக்ரோதாச்சிவோ ந ஹி ।

தஸ்மாத்ஸர்வப்ரயத்நேந குரோராஜ்ஞாம் ந லங்கயேத் ॥ 343 ॥

ஸம்ஸாரஸாகரஸமுத்தரணைகமந்த்ரம்

ப்ரஹ்மாதிதேவமுநிபூஜிதஸித்தமந்த்ரம் ।

தாரித்ர்யதுஃகபவரோகவிநாஶமந்த்ரம்

வந்தே மஹாபயஹரம் குருராஜமந்த்ரம் ॥ 344 ॥

ஸப்தகோடிமஹாமந்த்ராஶ்சித்தவிப்ரமகாரகாஃ ।

ஏக ஏவ மஹாமந்த்ரோ குருரித்யக்ஷரத்வயம் ॥ 345 ॥

ஏவமுக்த்வா மஹாதேவஃ பார்வதீம் புநரப்ரவீத் ।

இதமேவ பரம் தத்த்வம் ஶ்ரு'ணு தேவி ஸுகாவஹம் ॥ 346 ॥

குருதத்த்வமிதம் தேவி ஸர்வமுக்தம் ஸமாஸதஃ ।

ரஹஸ்யமிதமவ்யக்தம் ந வதேத்யஸ்ய கஸ்யசித் ॥ 347 ॥

ந ம்ரு'ஷா ஸ்யாதியம் தேவி மதுக்திஃ ஸத்யரூபிணீ ।

குருகீதாஸமம் ஸ்தோத்ரம் நாஸ்தி நாஸ்தி மஹீதலே ॥ 348 ॥

குருகீதாமிமாம் தேவி பவதுஃகவிநாஶிநீம் ।

குருதீக்ஷாவிஹீநஸ்ய புரதோ ந படேத் க்வசித் ॥ 349 ॥

ரஹஸ்யமத்யந்தரஹஸ்யமேதந்ந பாபிநா லப்யமிதம் மஹேஶ்வரி ।

அநேகஜந்மார்ஜிதபுண்யபாகாத்குரோஸ்து தத்த்வம் லபதே மநுஷ்யஃ ॥ 350 ॥

யஸ்ய ப்ரஸாதாதஹமேவ ஸர்வம்

மய்யேவ ஸர்வம் பரிகல்பிதம் ச ।

இத்தம் விஜாநாமி ஸதாத்மரூபம்

தஸ்யாங்க்ரிபத்மம் ப்ரணதோऽஸ்மி நித்யம் ॥ 351 ॥

அஜ்ஞாநதிமிராந்தஸ்ய விஷயாக்ராந்தசேதஸஃ ।

ஜ்ஞாநப்ரபாப்ரதாநேந ப்ரஸாதம் குரு மே ப்ரபோ ॥ 352 ॥

இதி ஶ்ரீஸ்கந்தபுராணே உத்தரகண்டே உமாமஹேஶ்வர ஸம்வாதே ஶ்ரீ குருகீதா ஸமாப்த ॥

மங்கலம்

மங்கலம் குருதேவாய மஹநீயகுணாத்மநே ।

ஸர்வலோகஶரண்யாய ஸாதுரூபாய மங்கலம் ॥

Roman (IAST) Transliteration

atha tṛtīyo'dhyāyaḥ ||

atha kāmyajapasthānaṃ kathayāmi varānane |

sāgarānte sarittīre tīrthe hariharālaye || 236 ||

śaktidevālaye goṣṭhe sarvadevālaye śubhe |

vaṭasya dhātryā mūle vā maṭhe bṛndāvane tathā || 237 ||

pavitre nirmale deśe nityānuṣṭhānato'pi vā |

nirvedanena maunena japametat samārabhet || 238 ||

jāpyena jayamāpnoti japasiddhiṃ phalaṃ tathā |

hīnaṃ karma tyajetsarvaṃ garhitasthānameva ca || 239 ||

śmaśāne bilvamūle vā vaṭamūlāntike tathā |

siddhyanti kānake mūle cūtavṛkṣasya sannidhau || 240 ||

pītāsanaṃ mohane tu hyasitaṃ cābhicārike |

jñeyaṃ śuklaṃ ca śāntyarthaṃ vaśye raktaṃ prakīrtitam || 241 ||

japaṃ hīnāsanaṃ kurvan hīnakarmaphalapradam |

gurugītāṃ prayāṇe vā saṅgrāme ripusaṅkaṭe || 242 ||

japan jayamavāpnoti maraṇe muktidāyikā |

sarvakarmāṇi siddhyanti guruputre na saṃśayaḥ || 243 ||

gurumantro mukhe yasya tasya siddhyanti nā'nyathā |

dīkṣayā sarvakarmāṇi siddhyanti guruputrake || 244 ||

bhavamūlavināśāya cāṣṭapāśanivṛttaye |

gurugītāmbhasi snānaṃ tattvajñaḥ kurute sadā || 245 ||

sa evaṃ sadguruḥ sākṣāt sadasadbrahmavittamaḥ |

tasya sthānāni sarvāṇi pavitrāṇi na saṃśayaḥ || 246 ||

sarvaśuddhaḥ pavitro'sau svabhāvādyatra tiṣṭhati |

tatra devagaṇāḥ sarve kṣetrapīṭhe caranti ca || 247 ||

āsanasthāḥ śayānā vā gacchantastiṣṭhato'pi vā |

aśvārūḍhā gajārūḍhāḥ suṣuptā jāgrato'pi vā || 248 ||

śucirbhūtā jñānavanto gurugītāṃ japanti ye |

teṣāṃ darśanasaṃsparśāt divyajñānaṃ prajāyate || 249 ||

samudre vai yathā toyaṃ kṣīre kṣīraṃ jale jalam |

bhinne kumbhe yathā''kāśaṃ tathā''tmā paramātmani || 250 ||

tathaiva jñānavān jīvaḥ paramātmani sarvadā |

aikyena ramate jñānī yatra kutra divāniśam || 251 ||

evaṃvidho mahāyuktaḥ sarvatra vartate sadā |

tasmātsarvaprakāreṇa gurubhaktiṃ samācaret || 252 ||

gurusantoṣaṇādeva mukto bhavati pārvati |

aṇimādiṣu bhoktṛtvaṃ kṛpayā devi jāyate || 253 ||

sāmyena ramate jñānī divā vā yadi vā niśi |

evaṃvidho mahāmaunī trailokyasamatāṃ vrajet || 254 ||

atha saṃsāriṇaḥ sarve gurugītā japena tu |

sarvān kāmāṃstu bhuñjanti trisatyaṃ mama bhāṣitam || 255 ||

satyaṃ satyaṃ punaḥ satyaṃ dharmasāraṃ mayoditam |

gurugītāsamaṃ stotraṃ nāsti tattvaṃ guroḥ param || 256 ||

gururdevo gururdharmo gurau niṣṭhā paraṃ tapaḥ |

guroḥ parataraṃ nāsti trivāraṃ kathayāmi te || 257 ||

dhanyā mātā pitā dhanyo gotraṃ dhanyaṃ kulodbhavaḥ |

dhanyā ca vasudhā devi yatra syādgurubhaktatā || 258 ||

ākalpajanma koṭīnāṃ yajñavratatapaḥ kriyāḥ |

tāḥ sarvāḥ saphalā devi gurūsantoṣamātrataḥ || 259 ||

śarīramindriyaṃ prāṇamarthaṃ svajanabandhutā |

mātṛkulaṃ pitṛkulaṃ gurureva na saṃśayaḥ || 260 ||

mandabhāgyā hyaśaktāśca ye janā nānumanvate |

gurusevāsu vimukhāḥ pacyante narake'śucau || 261 ||

vidyā dhanaṃ balaṃ caiva teṣāṃ bhāgyaṃ nirarthakam |

yeṣāṃ gurūkṛpā nāsti adho gacchanti pārvati || 262 ||

brahmā viṣṇuśca rudraśca devāśca pitṛkinnarāḥ |

siddhacāraṇayakṣāśca anye ca munayo janāḥ || 263 ||

gurubhāvaḥ paraṃ tīrthamanyatīrthaṃ nirarthakam |

sarvatīrthamayaṃ devi śrīguroścaraṇāmbujam || 264 ||

kanyābhogaratā mandāḥ svakāntāyāḥ parāṅmukhāḥ |

ataḥ paraṃ mayā devi kathitaṃ na mama priye || 265 ||

idaṃ rahasyamaspaṣṭaṃ vaktavyaṃ ca varānane |

sugopyaṃ ca tavāgre tu mamātmaprītaye sati || 266 ||

svāmimukhyagaṇeśādyān vaiṣṇavādīṃśca pārvati |

na vaktavyaṃ mahāmāye pādasparśaṃ kuruṣva me || 267 ||

abhakte vañcake dhūrte pāṣaṇḍe nāstikādiṣu |

manasā'pi na vaktavyā gurugītā kadācana || 268 ||

guravo bahavaḥ santi śiṣyavittāpahārakāḥ |

tamekaṃ durlabhaṃ manye śiṣyahṛttāpahārakam || 269 ||

cāturyavān vivekī ca adhyātmajñānavān śuciḥ |

mānasaṃ nirmalaṃ yasya gurutvaṃ tasya śobhate || 270 ||

guravo nirmalāḥ śāntāḥ sādhavo mitabhāṣiṇaḥ |

kāmakrodhavinirmuktāḥ sadācārāḥ jitendriyāḥ || 271 ||

sūcakādiprabhedena guravo bahudhā smṛtāḥ |

svayaṃ samyak parīkṣyātha tattvaniṣṭhaṃ bhajetsudhīḥ || 272 ||

varṇajālamidaṃ tadvadbāhyaśāstraṃ tu laukikam |

yasmin devi samabhyastaṃ sa guruḥ sucakaḥ smṛtaḥ || 273 ||

varṇāśramocitāṃ vidyāṃ dharmādharmavidhāyinīm |

pravaktāraṃ guruṃ viddhi vācakaṃ tviti pārvati || 274 ||

pañcākṣaryādimantrāṇāmupadeṣṭā tu pārvati |

sa gururbodhako bhūyādubhayorayamuttamaḥ || 275 ||

mohamāraṇavaśyāditucchamantropadeśinam |

niṣiddhagururityāhuḥ paṇḍitāstattvadarśinaḥ || 276 ||

anityamiti nirdiśya saṃsāraṃ saṅkaṭālayam |

vairāgyapathadarśī yaḥ sa gururvihitaḥ priye || 277 ||

tattvamasyādivākyānāmupadeṣṭā tu pārvati |

kāraṇākhyo guruḥ prokto bhavaroganivārakaḥ || 278 ||

sarvasandehasandohanirmūlanavicakṣaṇaḥ |

janmamṛtyubhayaghno yaḥ sa guruḥ paramo mataḥ || 279 ||

bahujanmakṛtāt puṇyāllabhyate'sau mahāguruḥ |

labdhvā'muṃ na punaryāti śiṣyaḥ saṃsārabandhanam || 280 ||

evaṃ bahuvidhā loke guravaḥ santi pārvati |

teṣu sarvaprayatnena sevyo hi paramo guruḥ || 281 ||

niṣiddhaguruśiṣyastu duṣṭasaṅkalpadūṣitaḥ |

brahmapralayaparyantaṃ na punaryāti martyatām || 282 ||

evaṃ śrutvā mahādevī mahādevavacastathā |

atyantavihvalamanāḥ śaṅkaraṃ paripṛcchati || 283 ||

pārvatyuvāca |

namaste devadevātra śrotavyaṃ kiñcidasti me |

śrutvā tvadvākyamadhunā bhṛśaṃ syādvihvalaṃ manaḥ || 284 ||

svayaṃ mūḍhā mṛtyubhītāḥ sukṛtādviratiṃ gatāḥ |

daivānniṣiddhagurugā yadi teṣāṃ tu kā gatiḥ || 285 ||

śrī mahādeva uvāca |

śṛṇu tattvamidaṃ devi yadā syādvirato naraḥ |

tadā'sāvadhikārīti procyate śrutimastakaiḥ || 286 ||

akhaṇḍaikarasaṃ brahma nityamuktaṃ nirāmayam |

svasmin sandarśitaṃ yena sa bhavedasyaṃ deśikaḥ || 287 ||

jalānāṃ sāgaro rājā yathā bhavati pārvati |

gurūṇāṃ tatra sarveṣāṃ rājā'yaṃ paramo guruḥ || 288 ||

mohādirahitaḥ śānto nityatṛpto nirāśrayaḥ |

tṛṇīkṛtabrahmaviṣṇuvaibhavaḥ paramo guruḥ || 289 ||

sarvakālavideśeṣu svatantro niścalassukhī |

akhaṇḍaikarasāsvādatṛpto hi paramo guruḥ || 290 ||

dvaitādvaitavinirmuktaḥ svānubhūtiprakāśavān |

ajñānāndhatamaśchettā sarvajñaḥ paramo guruḥ || 291 ||

yasya darśanamātreṇa manasaḥ syāt prasannatā |

svayaṃ bhūyāt dhṛtiśśāntiḥ sa bhavet paramo guruḥ || 292 ||

siddhijālaṃ samālokya yogināṃ mantravādinām |

tucchākāramanovṛttiḥ yasyāsau paramo guruḥ || 293 ||

svaśarīraṃ śavaṃ paśyan tathā svātmānamadvayam |

yaḥ strīkanakamohaghnaḥ sa bhavet paramo guruḥ || 294 ||

maunī vāgmīti tattvajño dvidhā'bhūcchṛṇu pārvati |

na kaścinmaunināṃ lobho loke'sminbhavati priye || 295 ||

vāgmī tūtkaṭasaṃsārasāgarottāraṇakṣamaḥ |

yato'sau saṃśayacchettā śāstrayuktyanubhūtibhiḥ || 296 ||

gurunāmajapāddevi bahujanmārjitānyapi |

pāpāni vilayaṃ yānti nāsti sandehamaṇvapi || 297 ||

śrīgurossadṛśaṃ daivaṃ śrīgurosadṛśaḥ pitā |

gurudhyānasamaṃ karma nāsti nāsti mahītale || 298 ||

kulaṃ dhanaṃ balaṃ śāstraṃ bāndhavāssodarā ime |

maraṇe nopayujyante gurureko hi tārakaḥ || 299 ||

kulameva pavitraṃ syāt satyaṃ svagurusevayā |

tṛptāḥ syussakalā devā brahmādyā gurutarpaṇāt || 300 ||

gurureko hi jānāti svarūpaṃ devamavyayam |

tadjñānaṃ yatprasādena nānyathā śāstrakoṭibhiḥ || 301 ||

svarūpajñānaśūnyena kṛtamapyakṛtaṃ bhavet |

tapojapādikaṃ devi sakalaṃ bālajalpavat || 302 ||

śivaṃ keciddhariṃ kecidvidhiṃ kecittu kecana |

śaktiṃ daivamiti jñātvā vivadanti vṛthā narāḥ || 303 ||

na jānanti paraṃ tattvaṃ gurudīkṣāparāṅmukhāḥ |

bhrāntāḥ paśusamā hyete svaparijñānavarjitāḥ || 304 ||

tasmātkaivalyasiddhyarthaṃ gurumeva bhajetpriye |

guruṃ vinā na jānanti mūḍhāstatparamaṃ padam || 305 ||

bhidyate hṛdayagranthiśchidyante sarvasaṃśayāḥ |

kṣīyante sarvakarmāṇi guroḥ karuṇayā śive || 306 ||

kṛtāyā gurubhaktestu vedaśāstrānusārataḥ |

mucyate pātakādghorāt gurubhakto viśeṣataḥ || 307 ||

dussaṅgaṃ ca parityajya pāpakarma parityajet |

cittacihnamidaṃ yasya tasya dīkṣā vidhīyate || 308 ||

cittatyāganiyuktaśca krodhagarvavivarjitaḥ |

dvaitabhāvaparityāgī tasya dīkṣā vidhīyate || 309 ||

etallakṣaṇayuktatvaṃ sarvabhūtahite ratam |

nirmalaṃ jīvitaṃ yasya tasya dīkṣā vidhīyate || 310 ||

kriyayā cānvitaṃ pūrvaṃ dīkṣājālaṃ nirūpitam |

mantradīkṣābhidhaṃ sāṅgopāṅgaṃ sarvaṃ śivoditam || 311 ||

kriyayā syādvirahitāṃ gurusāyujyadāyinīm |

gurudīkṣāṃ vinā ko vā gurutvācārapālakaḥ || 312 ||

śakto na cāpi śakto vā daiśikāṅghri samāśrayet |

tasya janmāsti saphalaṃ bhogamokṣaphalapradam || 313 ||

atyantacittapakvasya śraddhābhaktiyutasya ca |

pravaktavyamidaṃ devi mamātmaprītaye sadā || 314 ||

rahasyaṃ sarvaśāstreṣu gītāśāstramidaṃ śive |

samyakparīkṣya vaktavyaṃ sādhakasya mahātmanaḥ || 315 ||

satkarmaparipākācca cittaśuddhiśca dhīmataḥ |

sādhakasyaiva vaktavyā gurugītā prayatnataḥ || 316 ||

nāstikāya kṛtaghnāya dāmbhikāya śaṭhāya ca |

abhaktāya vibhaktāya na vācyeyaṃ kadācana || 317 ||

strīlolupāya mūrkhāya kāmopahatacetase |

nindakāya na vaktavyā gurugītā svabhāvataḥ || 318 ||

sarvapāpapraśamanaṃ sarvopadravavārakam |

janmamṛtyuharaṃ devi gītāśāstramidaṃ śive || 319 ||

śrutisāramidaṃ devi sarvamuktaṃ samāsataḥ |

nānyathā sadgatiḥ puṃsāṃ vinā gurupadaṃ śive || 320 ||

bahujanmakṛtātpāpādayamartho na rocate |

janmabandhanivṛttyarthaṃ gurumeva bhajetsadā || 321 ||

ahameva jagatsarvamahameva paraṃ padam |

etadjñānaṃ yato bhūyāttaṃ guruṃ praṇamāmyaham || 322 ||

alaṃ vikalpairahameva kevalaṃ

mayi sthitaṃ viśvamidaṃ carācaram |

idaṃ rahasyaṃ mama yena darśitaṃ

sa vandanīyo gurureva kevalam || 323 ||

yasyāntaṃ nādimadhyaṃ na hi karacaraṇaṃ nāmagotraṃ na sūtram |

no jātirnaiva varṇo na bhavati puruṣo no napuṃso na ca strī || 324 ||

nākāraṃ no vikāraṃ na hi janimaraṇaṃ nāsti puṇyaṃ na pāpam |

no'tattvaṃ tattvamekaṃ sahajasamarasaṃ sadguruṃ taṃ namāmi || 325 ||

nityāya satyāya cidātmakāya

navyāya bhavyāya parātparāya |

śuddhāya buddhāya nirañjanāya

namo'stu nityaṃ guruśekharāya || 326 ||

saccidānandarūpāya vyāpine paramātmane |

namaḥ śrīgurunāthāya prakāśānandamūrtaye || 327 ||

satyānandasvarūpāya bodhaikasukhakāriṇe |

namo vedāntavedyāya gurave buddhisākṣiṇe || 328 ||

namaste nātha bhagavan śivāya gururūpiṇe |

vidyāvatārasaṃsiddhyai svīkṛtānekavigraha || 329 ||

navāya navarūpāya paramārthaikarūpiṇe |

sarvājñānatamobhedabhānave cidghanāya te || 330 ||

svatantrāya dayākluptavigrahāya śivātmane |

paratantrāya bhaktānāṃ bhavyānāṃ bhavyarūpiṇe || 331 ||

vivekināṃ vivekāya vimarśāya vimarśinām |

prakāśināṃ prakāśāya jñānināṃ jñānarūpiṇe || 332 ||

purastātpārśvayoḥ pṛṣṭhe namaskuryāduparyadhaḥ |

sadā maccittarūpeṇa vidhehi bhavadāsanam || 333 ||

śrīguruṃ paramānandaṃ vande hyānandavigraham |

yasya sannidhimātreṇa cidānandāya te manaḥ || 334 ||

namo'stu gurave tubhyaṃ sahajānandarūpiṇe |

yasya vāgamṛtaṃ hanti viṣaṃ saṃsārasañjñakam || 335 ||

nānāyuktopadeśena tāritā śiṣyasantatiḥ |

tatkṛpāsāravedena gurucitpadamacyutam || 336 ||

[pāṭhabhedaḥ -

acyutāya namastubhyaṃ gurave paramātmane |

svārāmoktapadecchūnāṃ dattaṃ yenācyutaṃ padam ||

]

acyutāya namastubhyaṃ gurave paramātmane |

sarvatantrasvatantrāya cidghanānandamūrtaye || 337 ||

namo'cyutāya gurave'jñānadhvāntaikabhānave |

śiṣyasanmārgapaṭave kṛpāpīyūṣasindhave || 338 ||

omacyutāya gurave śiṣyasaṃsārasetave |

bhaktakāryaikasiṃhāya namaste citsukhātmane || 339 ||

gurunāmasamaṃ daivaṃ na pitā na ca bāndhavāḥ |

gurunāmasamaḥ svāmī nedṛśaṃ paramaṃ padam || 340 ||

ekākṣarapradātāraṃ yo guruṃ naiva manyate |

śvānayoniśataṃ gatvā cāṇḍāleṣvapi jāyate || 341 ||

gurutyāgādbhavenmṛtyuḥ mantratyāgāddaridratā |

gurumantraparityāgī rauravaṃ narakaṃ vrajet || 342 ||

śivakrodhādgurustrātā gurukrodhācchivo na hi |

tasmātsarvaprayatnena gurorājñāṃ na laṅghayet || 343 ||

saṃsārasāgarasamuddharaṇaikamantraṃ

brahmādidevamunipūjitasiddhamantram |

dāridryaduḥkhabhavarogavināśamantraṃ

vande mahābhayaharaṃ gururājamantram || 344 ||

saptakoṭimahāmantrāścittavibhramakārakāḥ |

eka eva mahāmantro gururityakṣaradvayam || 345 ||

evamuktvā mahādevaḥ pārvatīṃ punarabravīt |

idameva paraṃ tattvaṃ śṛṇu devi sukhāvaham || 346 ||

gurutattvamidaṃ devi sarvamuktaṃ samāsataḥ |

rahasyamidamavyaktaṃ na vadedyasya kasyacit || 347 ||

na mṛṣā syādiyaṃ devi maduktiḥ satyarūpiṇī |

gurugītāsamaṃ stotraṃ nāsti nāsti mahītale || 348 ||

gurugītāmimāṃ devi bhavaduḥkhavināśinīm |

gurudīkṣāvihīnasya purato na paṭhet kvacit || 349 ||

rahasyamatyantarahasyametanna pāpinā labhyamidaṃ maheśvari |

anekajanmārjitapuṇyapākādgurostu tattvaṃ labhate manuṣyaḥ || 350 ||

yasya prasādādahameva sarvaṃ

mayyeva sarvaṃ parikalpitaṃ ca |

itthaṃ vijānāmi sadātmarūpaṃ

tasyāṅghripadmaṃ praṇato'smi nityam || 351 ||

ajñānatimirāndhasya viṣayākrāntacetasaḥ |

jñānaprabhāpradānena prasādaṃ kuru me prabho || 352 ||

iti śrīskandapurāṇe uttarakhaṇḍe umāmaheśvara saṃvāde śrī gurugītā samāpta ||

maṅgalaṃ

maṅgalaṃ gurudevāya mahanīyaguṇātmane |

sarvalokaśaraṇyāya sādhurūpāya maṅgalam ||