Shri Govindashtakam — InfoLyter.in

ॐ

ஶ்ரீ கோவிந்தாஷ்டகம்

Shri Govindashtakam

Vishnu Ashtakam Tamil

ஸத்யம் ஜ்ஞாநமநந்தம் நித்யமநாகாஶம் பரமாகாஶம்

கோஷ்டப்ராங்கணரிங்கணலோலமநாயாஸம் பரமாயாஸம் ।

மாயாகல்பிதநாநாகாரமநாகாரம் புவநாகாரம்

க்ஷ்மாமாநாதமநாதம் ப்ரணமத கோவிந்தம் பரமாநந்தம் ॥ 1 ॥

ம்ரு'த்ஸ்நாமத்ஸீஹேதி யஶோதாதாடநஶைஶவஸந்த்ராஸம்

வ்யாதிதவக்த்ராலோகிதலோகாலோகசதுர்தஶலோகாலிம் ।

லோகத்ரயபுரமூலஸ்தம்பம் லோகாலோகமநாலோகம்

லோகேஶம் பரமேஶம் ப்ரணமத கோவிந்தம் பரமாநந்தம் ॥ 2 ॥

த்ரைவிஷ்டபரிபுவீரக்நம் க்ஷிதிபாரக்நம் பவரோகக்நம்

கைவல்யம் நவநீதாஹாரமநாஹாரம் புவநாஹாரம் ।

வைமல்யஸ்புடசேதோவ்ரு'த்திவிஶேஷாபாஸமநாபாஸம்

ஶைவம் கேவலஶாந்தம் ப்ரணமத கோவிந்தம் பரமாநந்தம் ॥ 3 ॥

கோபாலம் ப்ரபுலீலாவிக்ரஹகோபாலம் குலகோபாலம்

கோபீகேலநகோவர்தநத்ரு'திலீலாலாலிதகோபாலம் ।

கோபிர்நிகதிதகோவிந்தஸ்புடநாமாநம் பஹுநாமாநம்

கோதீகோசரதூரம் ப்ரணமத கோவிந்தம் பரமாநந்தம் ॥ 4 ॥

கோபீமண்டலகோஷ்டீபேதம் பேதாவஸ்தமபேதாபம்

ஶஶ்வத்கோகுரநிர்தூதோத்கததூலீதூஸரஸௌபாக்யம் ।

ஶ்ரத்தாபக்திக்ரு'ஹீதாநந்தமசிந்த்யம் சிந்திதஸத்பாவம்

சிந்தாமணிமஹிமாநம் ப்ரணமத கோவிந்தம் பரமாநந்தம் ॥ 5 ॥

ஸ்நாநவ்யாகுலயோஷித்வஸ்த்ரமுபாதாயாகமுபாரூடம்

வ்யாதித்ஸந்தீரத திக்வஸ்த்ரா தாதுமுபாகர்ஷந்தம் தாஃ ।

நிர்தூதத்வயஶோகவிமோஹம் புத்தம் புத்தேரந்தஃஸ்தம்

ஸத்தாமாத்ரஶரீரம் ப்ரணமத கோவிந்தம் பரமாநந்தம் ॥ 6 ॥

காந்தம் காரணகாரணமாதிமநாதிம் காலகநாபாஸம்

காலிந்தீகதகாலியஶிரஸி ஸுந்ரு'த்யந்தம் முஹுரத்யந்தம் ।

காலம் காலகலாதீதம் கலிதாஶேஷம் கலிதோஷக்நம்

காலத்ரயகதிஹேதும் ப்ரணமத கோவிந்தம் பரமாநந்தம் ॥ 7 ॥

ப்ரு'ந்தாவநபுவி ப்ரு'ந்தாரககணப்ரு'ந்தாராதிதவந்த்யாயாம்

குந்தாபாமலமந்தஸ்மேரஸுதாநந்தம் ஸுமஹாநந்தம் ।

வந்த்யாஶேஷமஹாமுநிமாநஸவந்த்யாநந்தபதத்வந்த்வம்

நந்த்யாஶேஷகுணாப்திம் ப்ரணமத கோவிந்தம் பரமாநந்தம் ॥ 8 ॥

கோவிந்தாஷ்டகமேதததீதே கோவிந்தார்பிதசேதா யோ

கோவிந்தாச்யுத மாதவ விஷ்ணோ கோகுலநாயக க்ரு'ஷ்ணேதி ।

கோவிந்தாங்க்ரிஸரோஜத்யாநஸுதாஜலதௌதஸமஸ்தாகோ

கோவிந்தம் பரமாநந்தாம்ரு'தமந்தஃஸ்தம் ஸ தமப்யேதி ॥ 9 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோவிந்தபகவத்பூஜ்யபாதஶிஷ்யஸ்ய ஶ்ரீமச்சங்கரபகவதஃ க்ரு'தௌ ஶ்ரீ கோவிந்தாஷ்டகம் ।

Roman (IAST) Transliteration

satyaṃ jñānamanantaṃ nityamanākāśaṃ paramākāśaṃ

goṣṭhaprāṅgaṇariṅkhaṇalolamanāyāsaṃ paramāyāsam |

māyākalpitanānākāramanākāraṃ bhuvanākāraṃ

kṣmāmānāthamanāthaṃ praṇamata govindaṃ paramānandam || 1 ||

mṛtsnāmatsīheti yaśodātāḍanaśaiśavasantrāsaṃ

vyāditavaktrālokitalokālokacaturdaśalokālim |

lokatrayapuramūlastambhaṃ lokālokamanālokaṃ

lokeśaṃ parameśaṃ praṇamata govindaṃ paramānandam || 2 ||

traiviṣṭaparipuvīraghnaṃ kṣitibhāraghnaṃ bhavarogaghnaṃ

kaivalyaṃ navanītāhāramanāhāraṃ bhuvanāhāram |

vaimalyasphuṭacetovṛttiviśeṣābhāsamanābhāsaṃ

śaivaṃ kevalaśāntaṃ praṇamata govindaṃ paramānandam || 3 ||

gopālaṃ prabhulīlāvigrahagopālaṃ kulagopālaṃ

gopīkhelanagovardhanadhṛtilīlālālitagopālam |

gobhirnigaditagovindasphuṭanāmānaṃ bahunāmānaṃ

godhīgocaradūraṃ praṇamata govindaṃ paramānandam || 4 ||

gopīmaṇḍalagoṣṭhībhedaṃ bhedāvasthamabhedābhaṃ

śaśvadgokhuranirdhūtodgatadhūlīdhūsarasaubhāgyam |

śraddhābhaktigṛhītānandamacintyaṃ cintitasadbhāvaṃ

cintāmaṇimahimānaṃ praṇamata govindaṃ paramānandam || 5 ||

snānavyākulayoṣidvastramupādāyāgamupārūḍhaṃ

vyāditsantīratha digvastrā dātumupākarṣantaṃ tāḥ |

nirdhūtadvayaśokavimohaṃ buddhaṃ buddherantaḥsthaṃ

sattāmātraśarīraṃ praṇamata govindaṃ paramānandam || 6 ||

kāntaṃ kāraṇakāraṇamādimanādiṃ kālaghanābhāsaṃ

kālindīgatakāliyaśirasi sunṛtyantaṃ muhuratyantam |

kālaṃ kālakalātītaṃ kalitāśeṣaṃ kalidoṣaghnaṃ

kālatrayagatihetuṃ praṇamata govindaṃ paramānandam || 7 ||

bṛndāvanabhuvi bṛndārakagaṇabṛndārādhitavandyāyāṃ

kundābhāmalamandasmerasudhānandaṃ sumahānandam |

vandyāśeṣamahāmunimānasavandyānandapadadvandvaṃ

nandyāśeṣaguṇābdhiṃ praṇamata govindaṃ paramānandam || 8 ||

govindāṣṭakametadadhīte govindārpitacetā yo

govindācyuta mādhava viṣṇo gokulanāyaka kṛṣṇeti |

govindāṅghrisarojadhyānasudhājaladhautasamastāgho

govindaṃ paramānandāmṛtamantaḥsthaṃ sa tamabhyeti || 9 ||

iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī govindāṣṭakam |