Shri Gayatri Hridayam — InfoLyter.in

ॐ

ஶ்ரீ காயத்ரீ ஹ்ரு'தயம்

Shri Gayatri Hridayam

Hrudayam Tamil

நாரத உவாச

பகவந் தேவதேவேஶ பூதபவ்யஜகத்ப்ரபோ ।

கவசம் ச ஶ்ருதம் திவ்யம் காயத்ரீமந்த்ரவிக்ரஹம் ॥ 1 ॥

அதுநா ஶ்ரோதுமிச்சாமி காயத்ரீஹ்ரு'தயம் பரம் ।

யத்தாரணாத்பவேத்புண்யம் காயத்ரீஜபதோऽகிலம் ॥ 2 ॥

ஶ்ரீநாராயண உவாச

தேவ்யாஶ்ச ஹ்ரு'தயம் ப்ரோக்தம் நாரதாதர்வணே ஸ்புடம் ।

ததேவாஹம் ப்ரவக்ஷ்யாமி ரஹஸ்யாதிரஹஸ்யகம் ॥ 3 ॥

விராட்ரூபாம் மஹாதேவீம் காயத்ரீம் வேதமாதரம் ।

த்யாத்வா தஸ்யாஸ்த்வதாங்கேஷு த்யாயேதேதாஶ்ச தேவதாஃ ॥ 4 ॥

பிண்டப்ரஹ்மண்டயோரைக்யாத்பாவயேத்ஸ்வதநௌ ததா ।

தேவீரூபே நிஜே தேஹே தந்மயத்வாய ஸாதகஃ ॥ 5 ॥

நாதேவோऽப்யர்சயேத்தேவமிதி வேதவிதோ விதுஃ ।

ததோऽபேதாய காயே ஸ்வே பாவயேத்தேவதா இமாஃ ॥ 6 ॥

அத தத்ஸம்ப்ரவக்ஷ்யாமி தந்மயத்வமதோ பவேத் ।

காயத்ரீஹ்ரு'தயஸ்யாऽஸ்யாऽப்யஹமேவ ரு'ஷிஃ ஸ்ம்ரு'தஃ ॥ 7 ॥

காயத்ரீசந்த உத்திஷ்டம் தேவதா பரமேஶ்வரீ ।

பூர்வோக்தேந ப்ரகாரேண குர்யாதங்காநி ஷட்க்ரமாத் ।

ஆஸநே விஜநே தேஶே த்யாயேதேகாக்ரமாநஸஃ ॥ 8 ॥

அதார்தந்யாஸஃ । த்யௌமூர்த்நி தைவதம் । தந்தபங்க்தாவஶ்விநௌ । உபே ஸந்த்யே சௌஷ்டௌ । முகமக்நிஃ । ஜிஹ்வா ஸரஸ்வதீ । க்ரீவாயாம் து ப்ரு'ஹஸ்பதிஃ । ஸ்தநயோர்வஸவோऽஷ்டௌ । பாஹ்வோர்மருதஃ । ஹ்ரு'தயே பர்ஜந்யஃ । ஆகாஶமுதரம் । நாபாவந்தரிக்ஷம் । கட்யோரிந்த்ராக்நீ । ஜகநே விஜ்ஞாநகநஃ ப்ரஜாபதிஃ । கைலாஸமலயே ஊரூ । விஶ்வேதேவா ஜாந்வோஃ । ஜங்காயாம் கௌஶிகஃ । குஹ்யமயநே । ஊரூ பிதரஃ । பாதௌ ப்ரு'திவீ । வநஸ்பதயோऽங்குலீஷு । ரு'ஷயோ ரோமாணி । நகாநி முஹூர்தாநி । அஸ்திஷு க்ரஹாஃ । அஸ்ரு'ங்மாம்ஸம்ரு'தவஃ ॥ ஸம்வத்ஸரா வை நிமிஷம் । அஹோராத்ராவாதித்யஶ்சந்த்ரமாஃ । ப்ரவராம் திவ்யாம் காயத்ரீம் ஸஹஸ்ரநேத்ராம் ஶரணமஹம் ப்ரபத்யே ॥

ௐ தத்ஸவிதுர்வரேண்யாய நமஃ । ௐ தத்பூர்வாஜயாய நமஃ । தத்ப்ராதராதித்யாய நமஃ । தத்ப்ராதராதித்யப்ரதிஷ்டாயை நமஃ ॥

ப்ராதரதீயாநோ ராத்ரிக்ரு'தம் பாபம் நாஶயதி । ஸாயமதீயாநோ திவஸக்ரு'தம் பாபம் நாஶயதி । ஸாயம் ப்ராதரதீயாநோ அபாபோ பவதி । ஸர்வதீர்தேஷு ஸ்நாதோ பவதி । ஸர்வைர்தேவைர்ஜ்ஞாதோ பவதி । அவாச்யவசநாத்பூதோ பவதி । அபக்ஷ்யபக்ஷணாத்பூதோ பவதி । அபோஜ்யபோஜநாத்பூதோ பவதி । அசோஷ்யசோஷணாத்பூதோ பவதி । அஸாத்யஸாதநாத்பூதோ பவதி । துஷ்ப்ரதிக்ரஹஶதஸஹஸ்ராத்பூதோ பவதி । ஸர்வப்ரதிக்ரஹாத்பூதோ பவதி । பங்க்திதூஷணாத்பூதோ பவதி । அந்ரு'தவசநாத்பூதோ பவதி । அதாऽப்ரஹ்மசாரீ ப்ரஹ்மசாரீ பவதீ । அநேந ஹ்ரு'தயேநாதீதேந க்ரதுஸஹஸ்ரேணேஷ்டம் பவதி । ஷஷ்டிஶதஸஹஸ்ரகாயத்ர்யா ஜப்யாநி பலாநி பவந்தி । அஷ்டௌ ப்ராஹ்மணாந் ஸம்யக்க்ராஹயேத் । தஸ்ய ஸித்திர்பவதி । ய இதம் நித்யமதீயாநோ ப்ராஹ்மணஃ ப்ராதஃ ஶுசிஃ ஸர்வபாபைஃ ப்ரமுச்யத இதி । ப்ரஹ்மலோகே மஹீயதே ॥

இத்யாஹ பகவாந் ஶ்ரீநாராயணஃ ॥

இதி ஶ்ரீதேவீபாகவதே மஹாபுராணே த்வாதஶஸ்கந்தே ஶ்ரீ காயத்ரீ ஹ்ரு'தயம் நாம சதுர்தோऽத்யாயஃ ॥

Roman (IAST) Transliteration

nārada uvāca

bhagavan devadeveśa bhūtabhavyajagatprabho |

kavacaṃ ca śrutaṃ divyaṃ gāyatrīmantravigraham || 1 ||

adhunā śrotumicchāmi gāyatrīhṛdayaṃ param |

yaddhāraṇādbhavetpuṇyaṃ gāyatrījapato'khilam || 2 ||

śrīnārāyaṇa uvāca

devyāśca hṛdayaṃ proktaṃ nāradātharvaṇe sphuṭam |

tadevāhaṃ pravakṣyāmi rahasyātirahasyakam || 3 ||

virāḍrūpāṃ mahādevīṃ gāyatrīṃ vedamātaram |

dhyātvā tasyāstvathāṅgeṣu dhyāyedetāśca devatāḥ || 4 ||

piṇḍabrahmaṇḍayoraikyādbhāvayetsvatanau tathā |

devīrūpe nije dehe tanmayatvāya sādhakaḥ || 5 ||

nādevo'bhyarcayeddevamiti vedavido viduḥ |

tato'bhedāya kāye sve bhāvayeddevatā imāḥ || 6 ||

atha tatsampravakṣyāmi tanmayatvamatho bhavet |

gāyatrīhṛdayasyā'syā'pyahameva ṛṣiḥ smṛtaḥ || 7 ||

gāyatrīchanda uddiṣṭaṃ devatā parameśvarī |

pūrvoktena prakāreṇa kuryādaṅgāni ṣaṭkramāt |

āsane vijane deśe dhyāyedekāgramānasaḥ || 8 ||

athārthanyāsaḥ | dyaumūrdhni daivatam | dantapaṅktāvaśvinau | ubhe sandhye cauṣṭhau | mukhamagniḥ | jihvā sarasvatī | grīvāyāṃ tu bṛhaspatiḥ | stanayorvasavo'ṣṭau | bāhvormarutaḥ | hṛdaye parjanyaḥ | ākāśamudaram | nābhāvantarikṣam | kaṭyorindrāgnī | jaghane vijñānaghanaḥ prajāpatiḥ | kailāsamalaye ūrū | viśvedevā jānvoḥ | jaṅghāyāṃ kauśikaḥ | guhyamayane | ūrū pitaraḥ | pādau pṛthivī | vanaspatayo'ṅgulīṣu | ṛṣayo romāṇi | nakhāni muhūrtāni | asthiṣu grahāḥ | asṛṅmāṃsamṛtavaḥ || saṃvatsarā vai nimiṣam | ahorātrāvādityaścandramāḥ | pravarāṃ divyāṃ gāyatrīṃ sahasranetrāṃ śaraṇamahaṃ prapadye ||

oṃ tatsaviturvareṇyāya namaḥ | oṃ tatpūrvājayāya namaḥ | tatprātarādityāya namaḥ | tatprātarādityapratiṣṭhāyai namaḥ ||

prātaradhīyāno rātrikṛtaṃ pāpaṃ nāśayati | sāyamadhīyāno divasakṛtaṃ pāpaṃ nāśayati | sāyaṃ prātaradhīyāno apāpo bhavati | sarvatīrtheṣu snāto bhavati | sarvairdevairjñāto bhavati | avācyavacanātpūto bhavati | abhakṣyabhakṣaṇātpūto bhavati | abhojyabhojanātpūto bhavati | acoṣyacoṣaṇātpūto bhavati | asādhyasādhanātpūto bhavati | duṣpratigrahaśatasahasrātpūto bhavati | sarvapratigrahātpūto bhavati | paṅktidūṣaṇātpūto bhavati | anṛtavacanātpūto bhavati | athā'brahmacārī brahmacārī bhavatī | anena hṛdayenādhītena kratusahasreṇeṣṭaṃ bhavati | ṣaṣṭiśatasahasragāyatryā japyāni phalāni bhavanti | aṣṭau brāhmaṇān samyaggrāhayet | tasya siddhirbhavati | ya idaṃ nityamadhīyāno brāhmaṇaḥ prātaḥ śuciḥ sarvapāpaiḥ pramucyata iti | brahmaloke mahīyate ||

ityāha bhagavān śrīnārāyaṇaḥ ||

iti śrīdevībhāgavate mahāpurāṇe dvādaśaskandhe śrī gāyatrī hṛdayaṃ nāma caturtho'dhyāyaḥ ||