📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ஶ்ரீ கணபதி ஸ்தவம்
Shri Ganapati Stavam
Ganesha Tamil
ப்ரஹ்மவிஷ்ணுமஹேஶா ஊசுஃ ।
அஜம் நிர்விகல்பம் நிராகாரமேகம்
நிராநந்தமத்வைதமாநந்தபூர்ணம் ।
பரம் நிர்குணம் நிர்விஶேஷம் நிரீஹம்
பரப்ரஹ்மரூபம் கணேஶம் பஜேம ॥ 1 ॥
குணாதீதமாத்யம் சிதாநந்தரூபம்
சிதாபாஸகம் ஸர்வகம் ஜ்ஞாநகம்யம் ।
முநித்யேயமாகாஶரூபம் பரேஶம்
பரப்ரஹ்மரூபம் கணேஶம் பஜேம ॥ 2 ॥
ஜகத்காரணம் காரணஜ்ஞாநரூபம்
ஸுராதிம் ஸுகாதிம் யுகாதிம் கணேஶம் ।
ஜகத்வ்யாபிநம் விஶ்வவந்த்யம் ஸுரேஶம்
பரப்ரஹ்மரூபம் கணேஶம் பஜேம ॥ 3 ॥
ரஜோயோகதோ ப்ரஹ்மரூபம் ஶ்ருதிஜ்ஞம்
ஸதா கார்யஸக்தம் ஹ்ரு'தாசிந்த்யரூபம் ।
ஜகத்காரகம் ஸர்வவித்யாநிதாநம்
பரப்ரஹ்மரூபம் கணேஶம் நதாஸ்மஃ ॥ 4 ॥
ஸதா ஸத்த்வயோகம் முதா க்ரீடமாநம்
ஸுராரீந்ஹரந்தம் ஜகத்பாலயந்தம் ।
அநேகாவதாரம் நிஜஜ்ஞாநஹாரம்
ஸதா விஷ்ணுரூபம் கணேஶம் நமாமஃ ॥ 5 ॥
தமோயோகிநம் ருத்ரரூபம் த்ரிநேத்ரம்
ஜகத்தாரகம் தாரகம் ஜ்ஞாநஹேதும் ।
அநேகாகமைஃ ஸ்வம் ஜநம் போதயந்தம்
ஸதா ஶர்வரூபம் கணேஶம் நமாமஃ ॥ 6 ॥
தமஸ்தோமஹாரம் ஜநாஜ்ஞாநஹாரம்
த்ரயீவேதஸாரம் பரப்ரஹ்மபாரம் ।
முநிஜ்ஞாநகாரம் விதூரேவிகாரம்
ஸதா ப்ரஹ்மரூபம் கணேஶம் நமாமஃ ॥ 7 ॥
நிஜைரோஷதீஸ்தர்பயந்தம் கரோத்யைஃ
ஸரௌகாந்கலாபிஃ ஸுதாஸ்ராவிணீபிஃ ।
திநேஶாம்ஶு ஸந்தாபஹாரம் த்விஜேஶம்
ஶஶாங்கஸ்வரூபம் கணேஶம் நமாமஃ ॥ 8 ॥
ப்ரகாஶஸ்வரூபம் நபோவாயுரூபம்
விகாராதிஹேதும் கலாகாலபூதம் ।
அநேகக்ரியாநேகஶக்திஸ்வரூபம்
ஸதா ஶக்திரூபம் கணேஶம் நமாமஃ ॥ 9 ॥
ப்ரதாநஸ்வரூபம் மஹத்தத்த்வரூபம்
தராவாரிரூபம் திகீஶாதிரூபம் ।
அஸத்ஸத்ஸ்வரூபம் ஜகத்தேதுபூதம்
ஸதா விஶ்வரூபம் கணேஶம் நதாஸ்மஃ ॥ 10 ॥
த்வதீயே மநஃ ஸ்தாபயேதங்க்ரியுக்மே
ஜநோ விக்நஸங்காந்ந பீடாம் லபேத ।
லஸத்ஸூர்யபிம்பே விஶாலே ஸ்திதோऽயம்
ஜநோத்வாந்த பீடாம் கதம் வா லபேத ॥ 11 ॥
வயம் ப்ராமிதாஃ ஸர்வதாऽஜ்ஞாநயோகா-
-தலப்தா தவாங்க்ரிம் பஹூந்வர்ஷபூகாந் ।
இதாநீமவாப்தாஸ்தவைவ ப்ரஸாதா-
-த்ப்ரபந்நாந்ஸதா பாஹி விஶ்வம்பராத்ய ॥ 12 ॥
கணேஶ உவாச ।
இதம் யஃ படேத்ப்ராதருத்தாய தீமாந்
த்ரிஸந்த்யம் ஸதா பக்தியுக்தோ விஶுத்தஃ ।
ஸபுத்ராந் ஶ்ரியம் ஸர்வகாமாந் லபேத
பரப்ரஹ்மரூபோ பவேதந்தகாலே ॥ 13 ॥
இதி கணேஶபுராணே உபாஸநாகண்டே த்ரயோதஶோऽத்யாயே ஶ்ரீகணபதிஸ்தவஃ ।
Roman (IAST) Transliteration
brahmaviṣṇumaheśā ūcuḥ |
ajaṃ nirvikalpaṃ nirākāramekaṃ
nirānandamadvaitamānandapūrṇam |
paraṃ nirguṇaṃ nirviśeṣaṃ nirīhaṃ
parabrahmarūpaṃ gaṇeśaṃ bhajema || 1 ||
guṇātītamādyaṃ cidānandarūpaṃ
cidābhāsakaṃ sarvagaṃ jñānagamyam |
munidhyeyamākāśarūpaṃ pareśaṃ
parabrahmarūpaṃ gaṇeśaṃ bhajema || 2 ||
jagatkāraṇaṃ kāraṇajñānarūpaṃ
surādiṃ sukhādiṃ yugādiṃ gaṇeśam |
jagadvyāpinaṃ viśvavandyaṃ sureśaṃ
parabrahmarūpaṃ gaṇeśaṃ bhajema || 3 ||
rajoyogato brahmarūpaṃ śrutijñaṃ
sadā kāryasaktaṃ hṛdācintyarūpam |
jagatkārakaṃ sarvavidyānidhānaṃ
parabrahmarūpaṃ gaṇeśaṃ natāsmaḥ || 4 ||
sadā sattvayogaṃ mudā krīḍamānaṃ
surārīnharantaṃ jagatpālayantam |
anekāvatāraṃ nijajñānahāraṃ
sadā viṣṇurūpaṃ gaṇeśaṃ namāmaḥ || 5 ||
tamoyoginaṃ rudrarūpaṃ trinetraṃ
jagaddhārakaṃ tārakaṃ jñānahetum |
anekāgamaiḥ svaṃ janaṃ bodhayantaṃ
sadā śarvarūpaṃ gaṇeśaṃ namāmaḥ || 6 ||
tamastomahāraṃ janājñānahāraṃ
trayīvedasāraṃ parabrahmapāram |
munijñānakāraṃ vidūrevikāraṃ
sadā brahmarūpaṃ gaṇeśaṃ namāmaḥ || 7 ||
nijairoṣadhīstarpayantaṃ karodyaiḥ
saraughānkalābhiḥ sudhāsrāviṇībhiḥ |
dineśāṃśu santāpahāraṃ dvijeśaṃ
śaśāṅkasvarūpaṃ gaṇeśaṃ namāmaḥ || 8 ||
prakāśasvarūpaṃ nabhovāyurūpaṃ
vikārādihetuṃ kalākālabhūtam |
anekakriyānekaśaktisvarūpaṃ
sadā śaktirūpaṃ gaṇeśaṃ namāmaḥ || 9 ||
pradhānasvarūpaṃ mahattattvarūpaṃ
dharāvārirūpaṃ digīśādirūpam |
asatsatsvarūpaṃ jagaddhetubhūtaṃ
sadā viśvarūpaṃ gaṇeśaṃ natāsmaḥ || 10 ||
tvadīye manaḥ sthāpayedaṅghriyugme
jano vighnasaṅghānna pīḍāṃ labheta |
lasatsūryabimbe viśāle sthito'yaṃ
janodhvānta pīḍāṃ kathaṃ vā labheta || 11 ||
vayaṃ bhrāmitāḥ sarvathā'jñānayogā-
-dalabdhā tavāṅghriṃ bahūnvarṣapūgān |
idānīmavāptāstavaiva prasādā-
-tprapannānsadā pāhi viśvambharādya || 12 ||
gaṇeśa uvāca |
idaṃ yaḥ paṭhetprātarutthāya dhīmān
trisandhyaṃ sadā bhaktiyukto viśuddhaḥ |
saputrān śriyaṃ sarvakāmān labheta
parabrahmarūpo bhavedantakāle || 13 ||
iti gaṇeśapurāṇe upāsanākhaṇḍe trayodaśo'dhyāye śrīgaṇapatistavaḥ |
InfoLyter.in — Sacred Vedic Knowledge Portal · Free forever