Shri Durga Stotram (yudhishthira Kritam)

ॐ

ஶ்ரீ துர்கா ஸ்தோத்ரம் (யுதிஷ்டிர க்ரு'தம்)

Durga Stotram Tamil

விராடநகரம் ரம்யம் கச்சமாநோ யுதிஷ்டிரஃ ।

அஸ்துவந்மநஸா தேவீம் துர்காம் த்ரிபுவநேஶ்வரீம் ॥ 1 ॥

யஶோதாகர்பஸம்பூதாம் நாராயணவரப்ரியாம் ।

நந்தகோபகுலே ஜாதாம் மங்கல்யாம் குலவர்திநீம் ॥ 2 ॥

கம்ஸவித்ராவணகரீமஸுராணாம் க்ஷயங்கரீம் ।

ஶிலாதடவிநிக்ஷிப்தாமாகாஶம் ப்ரதி காமிநீம் ॥ 3 ॥

வாஸுதேவஸ்ய பகிநீம் திவ்யமால்யவிபூஷிதாம் ।

திவ்யாம்பரதராம் தேவீம் கட்ககேடகதாரிணீம் ॥ 4 ॥

பாராவதரணே புண்யே யே ஸ்மரந்தி ஸதாஶிவாம் ।

தாந் வை தாரயதே பாபாத் பங்கே காமிவ துர்பலாம் ॥ 5 ॥

ஸ்தோதும் ப்ரசக்ரமே பூயோ விவிதைஃ ஸ்தோத்ரஸம்பவைஃ ।

ஆமந்த்ர்ய தர்ஶநாகாங்க்ஷீ ராஜா தேவீம் ஸஹாநுஜஃ ॥ 6 ॥

நமோऽஸ்து வரதே க்ரு'ஷ்ணே குமாரி ப்ரஹ்மசாரிணி ।

பாலார்கஸத்ரு'ஶாகாரே பூர்ணசந்த்ரநிபாநநே ॥ 7 ॥

சதுர்புஜே சதுர்வக்த்ரே பீநஶ்ரோணிபயோதரே ।

மயூரபிச்சவலயே கேயூராங்கததாரிணி ॥ 8 ॥

பாஸி தேவி யதா பத்மா நாராயணபரிக்ரஹஃ ।

ஸ்வரூபம் ப்ரஹ்மசர்யம் ச விஶதம் தவ கேசரி ॥ 9 ॥

க்ரு'ஷ்ணச்சவிஸமா க்ரு'ஷ்ணா ஸங்கர்ஷணஸமாநநா ।

பிப்ரதீ விபுலௌ பாஹூ ஶக்ரத்வஜஸமுச்ச்ரயௌ ॥ 10 ॥

பாத்ரீ ச பங்கஜீ கண்டீ ஸ்த்ரீவிஶுத்தா ச யா புவி ।

பாஶம் தநுர்மஹாசக்ரம் விவிதாந்யாயுதாநி ச ॥ 11 ॥

குண்டலாப்யாம் ஸுபூர்ணாப்யாம் கர்ணாப்யாம் ச விபூஷிதா ।

சந்த்ரவிஸ்பர்திநா தேவி முகேந த்வம் விராஜஸே ॥ 12 ॥

முகுடேந விசித்ரேண கேஶபந்தேந ஶோபிநா ।

புஜங்காபோகவாஸேந ஶ்ரோணிஸூத்ரேண ராஜதா ॥ 13 ॥

விப்ராஜஸே சாபத்தேந போகேநேவேஹ மந்தரஃ ।

த்வஜேந ஶிகிபிச்சாநாமுச்ச்ரிதேந விராஜஸே ॥ 14 ॥

கௌமாரம் வ்ரதமாஸ்தாய த்ரிதிவம் பாவிதம் த்வயா ।

தேந த்வம் ஸ்தூயஸே தேவி த்ரிதஶைஃ பூஜ்யஸேऽபி ச ॥ 15 ॥

த்ரைலோக்யரக்ஷணார்தாய மஹிஷாஸுரநாஶிநி ।

ப்ரஸந்நா மே ஸுரஶ்ரேஷ்டே தயாம் குரு ஶிவா பவ ॥ 16 ॥

ஜயா த்வம் விஜயா சைவ ஸங்க்ராமே ச ஜயப்ரதா ।

மமாபி விஜயம் தேஹி வரதா த்வம் ச ஸாம்ப்ரதம் ॥ 17 ॥

விந்த்யே சைவ நகஶ்ரேஷ்டே தவ ஸ்தாநம் ஹி ஶாஶ்வதம் ।

காலி காலி மஹாகாலி ஶீதுமாம்ஸபஶுப்ரியே ॥ 18 ॥

க்ரு'தாநுயாத்ரா பூதைஸ்த்வம் வரதா காமசாரிணீ ।

பாராவதாரே யே ச த்வாம் ஸம்ஸ்மரிஷ்யந்தி மாநவாஃ ॥ 19 ॥

ப்ரணமந்தி ச யே த்வாம் ஹி ப்ரபாதே து நரா புவி ।

ந தேஷாம் துர்லபம் கிஞ்சித் புத்ரதோ தநதோऽபி வா ॥ 20 ॥

துர்காத் தாரயஸே துர்கே தத் த்வம் துர்கா ஸ்ம்ரு'தா ஜநைஃ ।

காந்தாரேஷ்வவஸந்நாநாம் மக்நாநாம் ச மஹார்ணவே ।

தஸ்யுபிர்வா நிருத்தாநாம் த்வம் கதிஃ பரமா ந்ரு'ணாம் ॥ 21 ॥

ஜலப்ரதரணே சைவ காந்தாரேஷ்வடவீஷு ச ।

யே ஸ்மரந்தி மஹாதேவி ந ச ஸீதந்தி தே நராஃ ॥ 22 ॥

த்வம் கீர்திஃ ஶ்ரீர்த்ரு'திஃ ஸித்திர்ஹ்ரீர்வித்யா ஸந்ததிர்மதிஃ ।

ஸந்த்யா ராத்ரிஃ ப்ரபா நித்ரா ஜ்யோத்ஸ்நா காந்திஃ க்ஷமா தயா ॥ 23 ॥

ந்ரு'ணாம் ச பந்தநம் மோஹம் புத்ரநாஶம் தநக்ஷயம் ।

வ்யாதிம் ம்ரு'த்யும் பயம் சைவ பூஜிதா நாஶயிஷ்யஸி ॥ 24 ॥

ஸோऽஹம் ராஜ்யாத்பரிப்ரஷ்டஃ ஶரணம் த்வாம் ப்ரபந்நவாந் ।

ப்ரணதஶ்ச யதா மூர்த்நா தவ தேவி ஸுரேஶ்வரி ॥ 25 ॥

த்ராஹி மாம் பத்மபத்ராக்ஷி ஸத்யே ஸத்யா பவஸ்வ நஃ ।

ஶரணம் பவ மே துர்கே ஶரண்யே பக்தவத்ஸலே ॥ 26 ॥

ஏவம் ஸ்துதா ஹி ஸா தேவீ தர்ஶயாமாஸ பாண்டவம் ।

உபகம்ய து ராஜாநாமிதம் வசநமப்ரவீத் ॥ 27 ॥

தேவ்யுவாச ।

ஶ்ரு'ணு ராஜந் மஹாபாஹோ மதீயம் வசநம் ப்ரபோ ।

பவிஷ்யத்யசிராதேவ ஸங்க்ராமே விஜயஸ்தவ ॥ 28 ॥

மம ப்ரஸாதாந்நிர்ஜித்ய ஹத்வா கௌரவவாஹிநீம் ।

ராஜ்யம் நிஷ்கண்டகம் க்ரு'த்வா போக்ஷ்யஸே மேதிநீம் புநஃ ॥ 29 ॥

பாத்ர்ரு'பிஃ ஸஹிதோ ராஜந் ப்ரீதிம் ப்ராப்ஸ்யஸி புஷ்கலாம் ।

மத்ப்ரஸாதாச்ச தே ஸௌக்யமாரோக்யம் ச பவிஷ்யதி ॥ 30 ॥

யே ச ஸங்கீர்தயிஷ்யந்தி லோகே விகதகல்மஷாஃ ।

தேஷாம் துஷ்டா ப்ரதாஸ்யாமி ராஜ்யமாயுர்வபுஃ ஸுதம் ॥ 31 ॥

ப்ரவாஸே நகரே சாபி ஸங்க்ராமே ஶத்ருஸங்கடே ।

அடவ்யாம் துர்ககாந்தாரே ஸாகரே கஹநே கிரௌ ॥ 32 ॥

யே ஸ்மரிஷ்யந்தி மாம் ராஜந் யதாऽஹம் பவதா ஸ்ம்ரு'தா ।

ந தேஷாம் துர்லபம் கிஞ்சிதஸ்மில்லோகே பவிஷ்யதி ॥ 33 ॥

இதம் ஸ்தோத்ரவரம் பக்த்யா ஶ்ரு'ணுயாத்வா படேத வா ।

தஸ்ய ஸர்வாணி கார்யாணி ஸித்திம் யாஸ்யந்தி பாண்டவாஃ ॥ 34 ॥

மத்ப்ரஸாதாச்ச வஃ ஸர்வாந்விராடநகரே ஸ்திதாந் ।

ந ப்ரஜ்ஞாஸ்யந்தி குரவோ நரா வா தந்நிவாஸிநஃ ॥ 35 ॥

இத்யுக்த்வா வரதா தேவீ யுதிஷ்டிரமரிந்தமம் ।

ரக்ஷாம் க்ரு'த்வா ச பாண்டூநாம் தத்ரைவாந்தரதீயத ॥ 36 ॥

இதி ஶ்ரீமந்மஹாபாரதே விராடபர்வணி அஷ்டமோऽத்யாயே யுதிஷ்டிர க்ரு'த ஶ்ரீ துர்கா ஸ்தோத்ரம் ।

Roman (IAST) Transliteration

virāṭanagaraṃ ramyaṃ gacchamāno yudhiṣṭhiraḥ |

astuvanmanasā devīṃ durgāṃ tribhuvaneśvarīm || 1 ||

yaśodāgarbhasambhūtāṃ nārāyaṇavarapriyām |

nandagopakule jātāṃ maṅgalyāṃ kulavardhinīm || 2 ||

kaṃsavidrāvaṇakarīmasurāṇāṃ kṣayaṅkarīm |

śilātaṭavinikṣiptāmākāśaṃ prati gāminīm || 3 ||

vāsudevasya bhaginīṃ divyamālyavibhūṣitām |

divyāmbaradharāṃ devīṃ khaḍgakheṭakadhāriṇīm || 4 ||

bhārāvataraṇe puṇye ye smaranti sadāśivām |

tān vai tārayate pāpāt paṅke gāmiva durbalām || 5 ||

stotuṃ pracakrame bhūyo vividhaiḥ stotrasambhavaiḥ |

āmantrya darśanākāṅkṣī rājā devīṃ sahānujaḥ || 6 ||

namo'stu varade kṛṣṇe kumāri brahmacāriṇi |

bālārkasadṛśākāre pūrṇacandranibhānane || 7 ||

caturbhuje caturvaktre pīnaśroṇipayodhare |

mayūrapicchavalaye keyūrāṅgadadhāriṇi || 8 ||

bhāsi devi yathā padmā nārāyaṇaparigrahaḥ |

svarūpaṃ brahmacaryaṃ ca viśadaṃ tava khecari || 9 ||

kṛṣṇacchavisamā kṛṣṇā saṅkarṣaṇasamānanā |

bibhratī vipulau bāhū śakradhvajasamucchrayau || 10 ||

pātrī ca paṅkajī ghaṇṭī strīviśuddhā ca yā bhuvi |

pāśaṃ dhanurmahācakraṃ vividhānyāyudhāni ca || 11 ||

kuṇḍalābhyāṃ supūrṇābhyāṃ karṇābhyāṃ ca vibhūṣitā |

candravispardhinā devi mukhena tvaṃ virājase || 12 ||

mukuṭena vicitreṇa keśabandhena śobhinā |

bhujaṅgābhogavāsena śroṇisūtreṇa rājatā || 13 ||

vibhrājase cābaddhena bhogeneveha mandaraḥ |

dhvajena śikhipicchānāmucchritena virājase || 14 ||

kaumāraṃ vratamāsthāya tridivaṃ pāvitaṃ tvayā |

tena tvaṃ stūyase devi tridaśaiḥ pūjyase'pi ca || 15 ||

trailokyarakṣaṇārthāya mahiṣāsuranāśini |

prasannā me suraśreṣṭhe dayāṃ kuru śivā bhava || 16 ||

jayā tvaṃ vijayā caiva saṅgrāme ca jayapradā |

mamāpi vijayaṃ dehi varadā tvaṃ ca sāmpratam || 17 ||

vindhye caiva nagaśreṣṭhe tava sthānaṃ hi śāśvatam |

kāli kāli mahākāli śīdhumāṃsapaśupriye || 18 ||

kṛtānuyātrā bhūtaistvaṃ varadā kāmacāriṇī |

bhārāvatāre ye ca tvāṃ saṃsmariṣyanti mānavāḥ || 19 ||

praṇamanti ca ye tvāṃ hi prabhāte tu narā bhuvi |

na teṣāṃ durlabhaṃ kiñcit putrato dhanato'pi vā || 20 ||

durgāt tārayase durge tat tvaṃ durgā smṛtā janaiḥ |

kāntāreṣvavasannānāṃ magnānāṃ ca mahārṇave |

dasyubhirvā niruddhānāṃ tvaṃ gatiḥ paramā nṛṇām || 21 ||

jalaprataraṇe caiva kāntāreṣvaṭavīṣu ca |

ye smaranti mahādevi na ca sīdanti te narāḥ || 22 ||

tvaṃ kīrtiḥ śrīrdhṛtiḥ siddhirhrīrvidyā santatirmatiḥ |

sandhyā rātriḥ prabhā nidrā jyotsnā kāntiḥ kṣamā dayā || 23 ||

nṛṇāṃ ca bandhanaṃ mohaṃ putranāśaṃ dhanakṣayam |

vyādhiṃ mṛtyuṃ bhayaṃ caiva pūjitā nāśayiṣyasi || 24 ||

so'haṃ rājyātparibhraṣṭaḥ śaraṇaṃ tvāṃ prapannavān |

praṇataśca yathā mūrdhnā tava devi sureśvari || 25 ||

trāhi māṃ padmapatrākṣi satye satyā bhavasva naḥ |

śaraṇaṃ bhava me durge śaraṇye bhaktavatsale || 26 ||

evaṃ stutā hi sā devī darśayāmāsa pāṇḍavam |

upagamya tu rājānāmidaṃ vacanamabravīt || 27 ||

devyuvāca |

śṛṇu rājan mahābāho madīyaṃ vacanaṃ prabho |

bhaviṣyatyacirādeva saṅgrāme vijayastava || 28 ||

mama prasādānnirjitya hatvā kauravavāhinīm |

rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||

bhātrṛbhiḥ sahito rājan prītiṃ prāpsyasi puṣkalām |

matprasādācca te saukhyamārogyaṃ ca bhaviṣyati || 30 ||

ye ca saṅkīrtayiṣyanti loke vigatakalmaṣāḥ |

teṣāṃ tuṣṭā pradāsyāmi rājyamāyurvapuḥ sutam || 31 ||

pravāse nagare cāpi saṅgrāme śatrusaṅkaṭe |

aṭavyāṃ durgakāntāre sāgare gahane girau || 32 ||

ye smariṣyanti māṃ rājan yathā'haṃ bhavatā smṛtā |

na teṣāṃ durlabhaṃ kiñcidasmilloke bhaviṣyati || 33 ||

idaṃ stotravaraṃ bhaktyā śṛṇuyādvā paṭheta vā |

tasya sarvāṇi kāryāṇi siddhiṃ yāsyanti pāṇḍavāḥ || 34 ||

matprasādācca vaḥ sarvānvirāṭanagare sthitān |

na prajñāsyanti kuravo narā vā tannivāsinaḥ || 35 ||

ityuktvā varadā devī yudhiṣṭhiramarindamam |

rakṣāṃ kṛtvā ca pāṇḍūnāṃ tatraivāntaradhīyata || 36 ||

iti śrīmanmahābhārate virāṭaparvaṇi aṣṭamo'dhyāye yudhiṣṭhira kṛta śrī durgā stotram |