Shri Durga Chandrakala Stuti

ॐ

ஶ்ரீ துர்கா சந்த்ரகலா ஸ்துதி

Durga Tamil

த்யாநம்

உமாகாந்தே ரமாகாந்தே ஏஷாமாஸீ-ந்மதிஸ்ஸமா ।

நமாமி தீக்ஷிதேந்த்ராம் ஸ்தாந் நயஷட்க-விஶாரதாம் ॥

வேதோஹரீஶ்வரஸ்துத்யாம் விஹர்த்ரீம் விந்த்யபூதரே ।

ஹரப்ராணேஶ்வரீம் வந்தே ஹந்த்ரீம் விபுதவித்விஷாம் ॥ 1 ॥

அப்யர்தநேந ஸரஸீருஹஸம்பவஸ்ய

த்யக்த்வோதிதா பகவதக்ஷிபிதாநலீலாம் ।

விஶ்வேஶ்வரீ விபதபாகமநே புரஸ்தாத்

மாதா மமாஸ்து மதுகைடபயோர்நிஹந்த்ரீ ॥ 2 ॥

ப்ராங்நிர்ஜரேஷு நிஹதைர்நிஜஶக்திலேஶைஃ

ஏகீபவத்பிருதிதாऽகிலலோககுப்த்யை ।

ஸம்பந்நஶஸ்த்ரநிகரா ச ததாயுதஸ்தைஃ

மாதா மமாஸ்து மஹிஷாந்தகரீ புரஸ்தாத் ॥ 3 ॥

ப்ராலேயஶைலதநயா தநுகாந்திஸம்பத்

கோஶோதிதா குவலயச்சவிசாருதேஹா ।

நாராயணீ நமதபீப்ஸிதகல்பவல்லீ

ஸுப்ரீதிமாவஹது ஶும்பநிஶும்பஹந்த்ரீ ॥ 4 ॥

விஶ்வேஶ்வரீதி மஹிஷாந்தகரீதி யஸ்யாஃ

நாராயணீத்யபி ச நாமபிரங்கிதாநி ।

ஸூக்தாநி பங்கஜபுவா ச ஸுரர்ஷிபிஶ்ச

த்ரு'ஷ்டாநி பாவகமுகைஶ்ச ஶிவாம் பஜே தாம் ॥ 5 ॥

உத்பத்திதைத்யஹநநஸ்தவநாத்மகாநி

ஸம்ரக்ஷகாண்யகிலபூதஹிதாய யஸ்யாஃ ।

ஸூக்தாந்யஶேஷநிகமாந்தவிதஃ படந்தி

தாம் விஶ்வமாதரமஜஸ்ரமபிஷ்டவீமி ॥ 6 ॥

யே வைப்ரசித்தபுநருத்திதஶும்பமுக்யைஃ

துர்பிக்ஷகோரஸமயேந ச காரிதாஸு ।

ஆவிஷ்க்ரு'தாஸ்த்ரிஜகதார்திஷு ரூபபேதாஃ

தைரம்பிகா ஸமபிரக்ஷது மாம் விபத்ப்யஃ ॥ 7 ॥

ஸூக்தம் யதீயமரவிந்தபவாதி த்ரு'ஷ்டம்

ஆவர்த்ய தேவ்யநுபதம் ஸுரதஃ ஸமாதிஃ ।

த்வாவப்யவாபதுரபீஷ்டமநந்யலப்யம்

தாமாதிதேவதருணீம் ப்ரணமாமி மூர்த்நா ॥ 8 ॥

மாஹிஷ்மதீதநுபவம் ச ருரும் ச ஹந்தும்

ஆவிஷ்க்ரு'தைர்நிஜரஸாதவதாரபேதைஃ ।

அஷ்டாதஶாஹதநவாஹதகோடிஸங்க்யைஃ

அம்பா ஸதா ஸமபிரக்ஷது மாம் விபத்ப்யஃ ॥ 9 ॥

ஏதச்சரித்ரமகிலம் லிகிதம் ஹி யஸ்யாஃ

ஸம்பூஜிதம் ஸதந ஏவ நிவேஶிதம் வா ।

துர்கம் ச தாரயதி துஸ்தரமப்யஶேஷம்

ஶ்ரேயஃ ப்ரயச்சதி ச ஸர்வமுமாம் பஜே தாம் ॥ 10 ॥

யத்பூஜநஸ்துதிநமஸ்க்ரு'திபிர்பவந்தி

ப்ரீதாஃ பிதாமஹரமேஶஹராஸ்த்ரயோऽபி ।

தேஷாமபி ஸ்வககுணைர்தததீ வபூம்ஷி

தாமீஶ்வரஸ்ய தருணீம் ஶரணம் ப்ரபத்யே ॥ 11 ॥

காந்தாரமத்யத்ரு'டலக்நதயாऽவஸந்நாஃ

மக்நாஶ்ச வாரிதிஜலே ரிபுபிஶ்ச ருத்தாஃ ।

யஸ்யாஃ ப்ரபத்ய சரணௌ விபதஸ்தரந்தி

ஸா மே ஸதாऽஸ்து ஹ்ரு'தி ஸர்வஜகத்ஸவித்ரீ ॥ 12 ॥

பந்தே வதே மஹதி ம்ரு'த்யுபயே ப்ரஸக்தே

வித்தக்ஷயே ச விவிதே ய மஹோபதாபே ।

யத்பாதபூஜநமிஹ ப்ரதிகாரமாஹுஃ

ஸா மே ஸமஸ்தஜநநீ ஶரணம் பவாநீ ॥ 13 ॥

பாணாஸுரப்ரஹிதபந்நகபந்தமோக்ஷஃ

தத்பாஹுதர்பதலநாதுஷயா ச யோகஃ ।

ப்ராத்யும்நிநா த்ருதமலப்யத யத்ப்ரஸாதாத்

ஸா மே ஶிவா ஸகலமப்யஶுபம் க்ஷிணோது ॥ 14 ॥

பாபஃ புலஸ்த்யதநயஃ புநருத்திதோ மாம்

அத்யாபி ஹர்துமயமாகத இத்யுதீதம் ।

யத்ஸேவநேந பயமிந்திரயாऽவதூதம்

தாமாதிதேவதருணீம் ஶரணம் கதோऽஸ்மி ॥ 15 ॥

யத்த்யாநஜம் ஸுகமவாப்யமநந்தபுண்யைஃ

ஸாக்ஷாத்தமச்யுத பரிக்ரஹமாஶ்வவாபுஃ ।

கோபாங்கநாஃ கில யதர்சநபுண்யமாத்ராஃ

ஸா மே ஸதா பகவதீ பவது ப்ரஸந்நா ॥ 16 ॥

ராத்ரிம் ப்ரபத்ய இதி மந்த்ரவிதஃ ப்ரபந்நாந்

உத்போத்ய ம்ரு'த்யுவதிமந்யபலைஃ ப்ரலோப்ய ।

புத்த்வா ச தத்விமுகதாம் ப்ரதநம் நயந்தீம்

ஆகாஶமாதிஜநநீம் ஜகதாம் பஜே தாம் ॥ 17 ॥

தேஶகாலேஷு துஷ்டேஷு துர்காசந்த்ரகலாஸ்துதிஃ ।

ஸந்த்யயோரநுஸந்தேயா ஸர்வாபத்விநிவ்ரு'த்தயே ॥ 18 ॥

இதி ஶ்ரீமதபய்யதீக்ஷிதவிரசிதா துர்காசந்த்ரகலாஸ்துதிஃ ॥

Roman (IAST) Transliteration

dhyānam

umākānte ramākānte eṣāmāsī-nmatissamā |

namāmi dīkṣitendrāṃ stān nayaṣaṭka-viśāradām ||

vedhoharīśvarastutyāṃ vihartrīṃ vindhyabhūdhare |

haraprāṇeśvarīṃ vande hantrīṃ vibudhavidviṣām || 1 ||

abhyarthanena sarasīruhasambhavasya

tyaktvoditā bhagavadakṣipidhānalīlām |

viśveśvarī vipadapākamane purastāt

mātā mamāstu madhukaiṭabhayornihantrī || 2 ||

prāṅnirjareṣu nihatairnijaśaktileśaiḥ

ekībhavadbhiruditā'khilalokaguptyai |

sampannaśastranikarā ca tadāyudhasthaiḥ

mātā mamāstu mahiṣāntakarī purastāt || 3 ||

prāleyaśailatanayā tanukāntisampat

kośoditā kuvalayacchavicārudehā |

nārāyaṇī namadabhīpsitakalpavallī

suprītimāvahatu śumbhaniśumbhahantrī || 4 ||

viśveśvarīti mahiṣāntakarīti yasyāḥ

nārāyaṇītyapi ca nāmabhiraṅkitāni |

sūktāni paṅkajabhuvā ca surarṣibhiśca

dṛṣṭāni pāvakamukhaiśca śivāṃ bhaje tām || 5 ||

utpattidaityahananastavanātmakāni

saṃrakṣakāṇyakhilabhūtahitāya yasyāḥ |

sūktānyaśeṣanigamāntavidaḥ paṭhanti

tāṃ viśvamātaramajasramabhiṣṭavīmi || 6 ||

ye vaipracittapunarutthitaśumbhamukhyaiḥ

durbhikṣaghorasamayena ca kāritāsu |

āviṣkṛtāstrijagadārtiṣu rūpabhedāḥ

tairambikā samabhirakṣatu māṃ vipadbhyaḥ || 7 ||

sūktaṃ yadīyamaravindabhavādi dṛṣṭaṃ

āvartya devyanupadaṃ surathaḥ samādhiḥ |

dvāvapyavāpaturabhīṣṭamananyalabhyaṃ

tāmādidevataruṇīṃ praṇamāmi mūrdhnā || 8 ||

māhiṣmatītanubhavaṃ ca ruruṃ ca hantuṃ

āviṣkṛtairnijarasādavatārabhedaiḥ |

aṣṭādaśāhatanavāhatakoṭisaṅkhyaiḥ

ambā sadā samabhirakṣatu māṃ vipadbhyaḥ || 9 ||

etaccaritramakhilaṃ likhitaṃ hi yasyāḥ

sampūjitaṃ sadana eva niveśitaṃ vā |

durgaṃ ca tārayati dustaramapyaśeṣaṃ

śreyaḥ prayacchati ca sarvamumāṃ bhaje tām || 10 ||

yatpūjanastutinamaskṛtibhirbhavanti

prītāḥ pitāmaharameśaharāstrayo'pi |

teṣāmapi svakaguṇairdadatī vapūṃṣi

tāmīśvarasya taruṇīṃ śaraṇaṃ prapadye || 11 ||

kāntāramadhyadṛḍhalagnatayā'vasannāḥ

magnāśca vāridhijale ripubhiśca ruddhāḥ |

yasyāḥ prapadya caraṇau vipadastaranti

sā me sadā'stu hṛdi sarvajagatsavitrī || 12 ||

bandhe vadhe mahati mṛtyubhaye prasakte

vittakṣaye ca vividhe ya mahopatāpe |

yatpādapūjanamiha pratikāramāhuḥ

sā me samastajananī śaraṇaṃ bhavānī || 13 ||

bāṇāsuraprahitapannagabandhamokṣaḥ

tadbāhudarpadalanāduṣayā ca yogaḥ |

prādyumninā drutamalabhyata yatprasādāt

sā me śivā sakalamapyaśubhaṃ kṣiṇotu || 14 ||

pāpaḥ pulastyatanayaḥ punarutthito māṃ

adyāpi hartumayamāgata ityudītam |

yatsevanena bhayamindirayā'vadhūtaṃ

tāmādidevataruṇīṃ śaraṇaṃ gato'smi || 15 ||

yaddhyānajaṃ sukhamavāpyamanantapuṇyaiḥ

sākṣāttamacyuta parigrahamāśvavāpuḥ |

gopāṅganāḥ kila yadarcanapuṇyamātrāḥ

sā me sadā bhagavatī bhavatu prasannā || 16 ||

rātriṃ prapadya iti mantravidaḥ prapannān

udbodhya mṛtyuvadhimanyaphalaiḥ pralobhya |

buddhvā ca tadvimukhatāṃ pratanaṃ nayantīṃ

ākāśamādijananīṃ jagatāṃ bhaje tām || 17 ||

deśakāleṣu duṣṭeṣu durgācandrakalāstutiḥ |

sandhyayoranusandheyā sarvāpadvinivṛttaye || 18 ||

iti śrīmadapayyadīkṣitaviracitā durgācandrakalāstutiḥ ||