📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ஶ்ரீ தேவ்யதர்வஶீர்ஷம்
Shri Devyatharvashirsham
Devi Tamil
ௐ ஸர்வே வை தேவா தேவீமுபதஸ்துஃ காஸி த்வ-ம்மஹாதேவீதி ॥ 1 ॥
ஸா-ऽப்ரவீதஹ-ம்ப்ரஹ்மஸ்வரூபிணீ ।
மத்தஃ ப்ரக்ரு'திபுருஷாத்மக-ஞ்ஜகத் ।
ஶூந்ய-ஞ்சாஶூந்ய-ஞ்ச ॥ 2 ॥
அஹமாநந்தாநாநந்தௌ ।
அஹம்-விँஜ்ஞாநாவிஜ்ஞாநே ।
அஹ-ம்ப்ரஹ்மாப்ரஹ்மணி வேதிதவ்யே ।
அஹ-ம்பஞ்சபூதாந்யபஞ்சபூதாநி ।
அஹமகில-ஞ்ஜகத் ॥ 3 ॥
வேதோ-ऽஹமவேதோ-ऽஹம் ।
வித்யா-ऽஹமவித்யா-ऽஹம் ।
அஜா-ऽஹமநஜா-ऽஹம் ।
அதஶ்சோர்த்வ-ஞ்ச திர்யக்சாஹம் ॥ 4 ॥
அஹம் ருத்ரேபிர்வஸுபிஶ்சராமி ।
அஹமாதித்யைருத விஶ்வதேவைஃ ।
அஹ-ம்மித்ராவருணாவுபௌ பிபர்மி ।
அஹமிந்த்ராக்நீ அஹமஶ்விநாவுபௌ ॥ 5 ॥
அஹம் ஸோம-ந்த்வஷ்டார-ம்பூஷண-ம்பக-ந்ததாமி ।
அஹம்-விँஷ்ணுமுருக்ரம-ம்ப்ரஹ்மாணமுத ப்ரஜாபதி-ந்ததாமி ॥ 6 ॥
அ॒ஹ-ந்த॑தாமி॒ த்ரவி॑ணம் ஹ॒விஷ்ம॑தே ஸுப்ரா॒வ்யே॒3 யஜ॑மாநாய ஸுந்வ॒தே ।
அ॒ஹம் ராஷ்ட்ரீ॑ ஸ॒ங்கம॑நீ॒ வஸூ॑நா-ஞ்சிகி॒துஷீ॑ ப்ரத॒மா ய॒ஜ்ஞியா॑நாம் ।
அ॒ஹம் ஸு॑வே பி॒தர॑மஸ்ய மூ॒ர்தந்மம॒ யோநி॑ர॒ப்ஸ்வந்த-ஸ்ஸ॑மு॒த்ரே ।
ய ஏவம்-வேँத । ஸ தேவீம் ஸம்பதமாப்நோதி ॥ 7 ॥
தே தேவா அப்ருவந்
நமோ தேவ்யை மஹாதேவ்யை ஶிவாயை ஸதத-ந்நமஃ ।
நமஃ ப்ரக்ரு'த்யை பத்ராயை நியதாஃ ப்ரணதா-ஸ்ஸ்ம தாம் ॥ 8 ॥
தாம॒க்நிவ॑ர்ணா॒-ந்தப॑ஸா ஜ்வல॒ந்தீம்-வைँ॑ரோச॒நீ-ங்க॑ர்மப॒லேஷு॒ ஜுஷ்டா᳚ம் ।
து॒ர்கா-ந்தே॒வீம் ஶர॑ண-ம்ப்ரப॑த்யாமஹே-ऽஸுராந்நாஶயித்ர்யை தே நமஃ ॥ 9 ॥
(ரு'.வே.8.100.11)
தே॒வீம்-வாँச॑மஜநயந்த தே॒வாஸ்தாம்-விँ॒ஶ்வரூ॑பாஃ ப॒ஶவோ॑ வதந்தி ।
ஸா நோ॑ ம॒ந்த்ரேஷ॒மூர்ஜ॒-ந்துஹா॑நா தே॒நுர்வாக॒ஸ்மாநுப॒ ஸுஷ்டு॒தைது॑ ॥ 10 ॥
காலராத்ரீ-ம்ப்ரஹ்மஸ்துதாம்-வைँஷ்ணவீம் ஸ்கந்தமாதரம் ।
ஸரஸ்வதீமதிதி-ந்தக்ஷதுஹிதர-ந்நமாமஃ பாவநாம் ஶிவாம் ॥ 11 ॥
மஹாலக்ஷ்ம்யை ச வித்மஹே ஸர்வஶக்த்யை ச தீமஹி ।
தந்நோ தேவீ ப்ரசோதயாத் ॥ 12 ॥
அதிதிர்​ஹ்யஜநிஷ்ட தக்ஷ யா துஹிதா தவ ।
தா-ந்தேவா அந்வஜாயந்த பத்ரா அம்ரு'தபந்தவஃ ॥ 13 ॥
காமோ யோநிஃ கமலா வஜ்ரபாணி-
ர்குஹா ஹஸா மாதரிஶ்வாப்ரமிந்த்ரஃ ।
புநர்குஹா ஸகலா மாயயா ச
புரூச்யைஷா விஶ்வமாதாதிவித்யோம் ॥ 14 ॥
ஏஷா-ऽऽத்மஶக்திஃ ।
ஏஷா விஶ்வமோஹிநீ ।
பாஶாங்குஶதநுர்பாணதரா ।
ஏஷா ஶ்ரீமஹாவித்யா ।
ய ஏவம்-வேँத ஸ ஶோக-ந்தரதி ॥ 15 ॥
நமஸ்தே அஸ்து பகவதி மாதரஸ்மாந்பாஹி ஸர்வதஃ ॥ 16 ॥
ஸைஷாஷ்டௌ வஸவஃ ।
ஸைஷைகாதஶ ருத்ராஃ ।
ஸைஷா த்வாதஶாதித்யாஃ ।
ஸைஷா விஶ்வேதேவா-ஸ்ஸோமபா அஸோமபாஶ்ச ।
ஸைஷா யாதுதாநா அஸுரா ரக்ஷாம்ஸி பிஶாசா யக்ஷா ஸித்தாஃ ।
ஸைஷா ஸத்த்வரஜஸ்தமாம்ஸி ।
ஸைஷா ப்ரஹ்மவிஷ்ணுருத்ரரூபிணீ ।
ஸைஷா ப்ரஜாபதீந்த்ரமநவஃ ।
ஸைஷா க்ரஹநக்ஷத்ரஜ்யோதீம்ஷி । கலாகாஷ்டாதிகாலரூபிணீ ।
தாமஹ-ம்ப்ரணௌமி நித்யம் ।
பாபாபஹாரிணீ-ந்தேவீ-ம்புக்திமுக்திப்ரதாயிநீம் ।
அநந்தாம்-விँஜயாம் ஶுத்தாம் ஶரண்யாம் ஶிவதாம் ஶிவாம் ॥ 17 ॥
வியதீகாரஸம்​யுँக்தம்-வீँதிஹோத்ரஸமந்விதம் ।
அர்தேந்துலஸித-ந்தேவ்யா பீஜம் ஸர்வார்தஸாதகம் ॥ 18 ॥
ஏவமேகாக்ஷர-ம்ப்ரஹ்ம யதய-ஶ்ஶுத்தசேதஸஃ ।
த்யாயந்தி பரமாநந்தமயா ஜ்ஞாநாம்புராஶயஃ ॥ 19 ॥
வாங்மாயா ப்ரஹ்மஸூஸ்தஸ்மா-த்ஷஷ்டம்-வँக்த்ரஸமந்விதம் ।
ஸூர்யோ-ऽவாமஶ்ரோத்ரபிந்துஸம்​யுँக்தஷ்டாத்த்ரு'தீயகஃ ।
நாராயணேந ஸம்மிஶ்ரோ வாயுஶ்சாதரயுக்ததஃ ।
விச்சே நவார்ணகோ-ऽர்ண-ஸ்ஸ்யாந்மஹதாநந்ததாயகஃ ॥ 20 ॥
ஹ்ரு'த்புண்டரீகமத்யஸ்தா-ம்ப்ராதஸ்ஸூர்யஸமப்ரபாம் ।
பாஶாங்குஶதராம் ஸௌம்யாம்-வँரதாபயஹஸ்தகாம் ।
த்ரிநேத்ராம் ரக்தவஸநா-ம்பக்தகாமதுகா-ம்பஜே ॥ 21 ॥
நமாமி த்வா-ம்மஹாதேவீ-ம்மஹாபயவிநாஶிநீம் ।
மஹாதுர்கப்ரஶமநீ-ம்மஹாகாருண்யரூபிணீம் ॥ 22 ॥
யஸ்யா-ஸ்ஸ்வரூப-ம்ப்ரஹ்மாதயோ ந ஜாநந்தி தஸ்மாதுச்யதே அஜ்ஞேயா ।
யஸ்யா அந்தோ ந லப்யதே தஸ்மாதுச்யதே அநந்தா ।
யஸ்யா லக்ஷ்ய-ந்நோபலக்ஷ்யதே தஸ்மாதுச்யதே அலக்ஷ்யா ।
யஸ்யா ஜநந-ந்நோபலப்யதே தஸ்மாதுச்யதே அஜா ।
ஏகைவ ஸர்வத்ர வர்ததே தஸ்மாதுச்யதே ஏகா ।
ஏகைவ விஶ்வரூபிணீ தஸ்மாதுச்யதே நைகா ।
அத ஏவோச்யதே அஜ்ஞேயாநந்தாலக்ஷ்யாஜைகா நைகேதி ॥ 23 ॥
மந்த்ராணா-ம்மாத்ரு'கா தேவீ ஶப்தாநா-ஞ்ஜ்ஞாநரூபிணீ ।
ஜ்ஞாநாநா-ஞ்சிந்மயாதீதா ஶூந்யாநாம் ஶூந்யஸாக்ஷிணீ ।
யஸ்யாஃ பரதர-ந்நாஸ்தி ஸைஷா துர்கா ப்ரகீர்திதா ॥ 24 ॥
தா-ந்துர்கா-ந்துர்கமா-ந்தேவீ-ந்துராசாரவிகாதிநீம் ।
நமாமி பவபீதோ-ऽஹம் ஸம்ஸாரார்ணவதாரிணீம் ॥ 25 ॥
இதமதர்வஶீர்​ஷம்-யோँ-ऽதீதே ஸ பஞ்சாதர்வஶீர்​ஷஜபபலமாப்நோதி ।
இதமதர்வஶீர்​ஷமஜ்ஞாத்வா யோ-ऽர்சாம் ஸ்தாபயதி ।
ஶதலக்ஷ-ம்ப்ரஜப்த்வா-ऽபி ஸோ-ऽர்சாஸித்தி-ந்ந விந்ததி ।
ஶதமஷ்டோத்தர-ஞ்சாஸ்ய புரஶ்சர்யாவிதி-ஸ்ஸ்ம்ரு'தஃ ।
தஶவார-ம்படேத்யஸ்து ஸத்யஃ பாபைஃ ப்ரமுச்யதே ।
மஹாதுர்காணி தரதி மஹாதேவ்யாஃ ப்ரஸாததஃ । 26 ॥
ஸாயமதீயாநோ திவஸக்ரு'த-ம்பாப-ந்நாஶயதி ।
ப்ராதரதீயாநோ ராத்ரிக்ரு'த-ம்பாப-ந்நாஶயதி ।
ஸாய-ம்ப்ராதஃ ப்ரயுஞ்ஜாநோ அபாபோ பவதி ।
நிஶீதே துரீயஸந்த்யாயா-ஞ்ஜப்த்வா வாக்ஸித்திர்பவதி ।
நூதநாயா-ம்ப்ரதிமாயா-ஞ்ஜப்த்வா தேவதாஸாந்நித்ய-ம்பவதி ।
ப்ராணப்ரதிஷ்டாயா-ஞ்ஜப்த்வா ப்ராணாநா-ம்ப்ரதிஷ்டா பவதி ।
பௌமாஶ்விந்யா-ம்மஹாதேவீஸந்நிதௌ ஜப்த்வா மஹாம்ரு'த்யு-ந்தரதி ।
ஸ மஹாம்ரு'த்யு-ந்தரதி ।
ய ஏவம்-வேँத ।
இத்யுபநிஷத் ॥ 27 ॥
இதி தேவ்யதர்வஶீர்​ஷம் ।
Roman (IAST) Transliteration
oṃ sarve vai devā devīmupatasthuḥ kāsi tva-mmahādevīti || 1 ||
sā-'bravīdaha-mbrahmasvarūpiṇī |
mattaḥ prakṛtipuruṣātmaka-ñjagat |
śūnya-ñcāśūnya-ñca || 2 ||
ahamānandānānandau |
ahaṃ-vi~jñānāvijñāne |
aha-mbrahmābrahmaṇi veditavye |
aha-mpañcabhūtānyapañcabhūtāni |
ahamakhila-ñjagat || 3 ||
vedo-'hamavedo-'ham |
vidyā-'hamavidyā-'ham |
ajā-'hamanajā-'ham |
adhaścordhva-ñca tiryakcāham || 4 ||
ahaṃ rudrebhirvasubhiścarāmi |
ahamādityairuta viśvadevaiḥ |
aha-mmitrāvaruṇāvubhau bibharmi |
ahamindrāgnī ahamaśvināvubhau || 5 ||
ahaṃ soma-ntvaṣṭāra-mpūṣaṇa-mbhaga-ndadhāmi |
ahaṃ-vi~ṣṇumurukrama-mbrahmāṇamuta prajāpati-ndadhāmi || 6 ||
a॒ha-nda̭dhāmi॒ dravi̭ṇaṃ ha॒viṣma̭te suprā॒vye॒3 yaja̭mānāya sunva॒te |
a॒haṃ rāṣṭrī̭ sa॒ṅgama̭nī॒ vasṷ̄nā-ñciki॒tuṣī̭ pratha॒mā ya॒jñiyā̭nām |
a॒haṃ sṷve pi॒tara̭masya mū॒rdhanmama॒ yoni̭ra॒psvanta-ssa̭mu॒dre |
ya evaṃ-ve~da | sa devīṃ sampadamāpnoti || 7 ||
te devā abruvan
namo devyai mahādevyai śivāyai satata-nnamaḥ |
namaḥ prakṛtyai bhadrāyai niyatāḥ praṇatā-ssma tām || 8 ||
tāma॒gniva̭rṇā॒-ntapa̭sā jvala॒ntīṃ-vai~̭roca॒nī-ṅka̭rmapha॒leṣu॒ juṣṭā᳚m |
du॒rgā-nde॒vīṃ śara̭ṇa-mprapa̭dyāmahe-'surānnāśayitryai te namaḥ || 9 ||
(ṛ.ve.8.100.11)
de॒vīṃ-vā~ca̭majanayanta de॒vāstāṃ-vi~॒śvarṷ̄pāḥ pa॒śavo̭ vadanti |
sā no̭ ma॒ndreṣa॒mūrja॒-nduhā̭nā dhe॒nurvāga॒smānupa॒ suṣṭu॒taitṷ || 10 ||
kālarātrī-mbrahmastutāṃ-vai~ṣṇavīṃ skandamātaram |
sarasvatīmaditi-ndakṣaduhitara-nnamāmaḥ pāvanāṃ śivām || 11 ||
mahālakṣmyai ca vidmahe sarvaśaktyai ca dhīmahi |
tanno devī pracodayāt || 12 ||
aditir​hyajaniṣṭa dakṣa yā duhitā tava |
tā-ndevā anvajāyanta bhadrā amṛtabandhavaḥ || 13 ||
kāmo yoniḥ kamalā vajrapāṇi-
rguhā hasā mātariśvābhramindraḥ |
punarguhā sakalā māyayā ca
purūcyaiṣā viśvamātādividyom || 14 ||
eṣā-''tmaśaktiḥ |
eṣā viśvamohinī |
pāśāṅkuśadhanurbāṇadharā |
eṣā śrīmahāvidyā |
ya evaṃ-ve~da sa śoka-ntarati || 15 ||
namaste astu bhagavati mātarasmānpāhi sarvataḥ || 16 ||
saiṣāṣṭau vasavaḥ |
saiṣaikādaśa rudrāḥ |
saiṣā dvādaśādityāḥ |
saiṣā viśvedevā-ssomapā asomapāśca |
saiṣā yātudhānā asurā rakṣāṃsi piśācā yakṣā siddhāḥ |
saiṣā sattvarajastamāṃsi |
saiṣā brahmaviṣṇurudrarūpiṇī |
saiṣā prajāpatīndramanavaḥ |
saiṣā grahanakṣatrajyotīṃṣi | kalākāṣṭhādikālarūpiṇī |
tāmaha-mpraṇaumi nityam |
pāpāpahāriṇī-ndevī-mbhuktimuktipradāyinīm |
anantāṃ-vi~jayāṃ śuddhāṃ śaraṇyāṃ śivadāṃ śivām || 17 ||
viyadīkārasaṃ​yu~ktaṃ-vī~tihotrasamanvitam |
ardhendulasita-ndevyā bījaṃ sarvārthasādhakam || 18 ||
evamekākṣara-mbrahma yataya-śśuddhacetasaḥ |
dhyāyanti paramānandamayā jñānāmburāśayaḥ || 19 ||
vāṅmāyā brahmasūstasmā-thṣaṣṭhaṃ-va~ktrasamanvitam |
sūryo-'vāmaśrotrabindusaṃ​yu~ktaṣṭāttṛtīyakaḥ |
nārāyaṇena sammiśro vāyuścādharayuktataḥ |
vicce navārṇako-'rṇa-ssyānmahadānandadāyakaḥ || 20 ||
hṛtpuṇḍarīkamadhyasthā-mprātassūryasamaprabhām |
pāśāṅkuśadharāṃ saumyāṃ-va~radābhayahastakām |
trinetrāṃ raktavasanā-mbhaktakāmadughā-mbhaje || 21 ||
namāmi tvā-mmahādevī-mmahābhayavināśinīm |
mahādurgapraśamanī-mmahākāruṇyarūpiṇīm || 22 ||
yasyā-ssvarūpa-mbrahmādayo na jānanti tasmāducyate ajñeyā |
yasyā anto na labhyate tasmāducyate anantā |
yasyā lakṣya-nnopalakṣyate tasmāducyate alakṣyā |
yasyā janana-nnopalabhyate tasmāducyate ajā |
ekaiva sarvatra vartate tasmāducyate ekā |
ekaiva viśvarūpiṇī tasmāducyate naikā |
ata evocyate ajñeyānantālakṣyājaikā naiketi || 23 ||
mantrāṇā-mmātṛkā devī śabdānā-ñjñānarūpiṇī |
jñānānā-ñcinmayātītā śūnyānāṃ śūnyasākṣiṇī |
yasyāḥ paratara-nnāsti saiṣā durgā prakīrtitā || 24 ||
tā-ndurgā-ndurgamā-ndevī-ndurācāravighātinīm |
namāmi bhavabhīto-'haṃ saṃsārārṇavatāriṇīm || 25 ||
idamatharvaśīr​ṣaṃ-yo~-'dhīte sa pañcātharvaśīr​ṣajapaphalamāpnoti |
idamatharvaśīr​ṣamajñātvā yo-'rcāṃ sthāpayati |
śatalakṣa-mprajaptvā-'pi so-'rcāsiddhi-nna vindati |
śatamaṣṭottara-ñcāsya puraścaryāvidhi-ssmṛtaḥ |
daśavāra-mpaṭhedyastu sadyaḥ pāpaiḥ pramucyate |
mahādurgāṇi tarati mahādevyāḥ prasādataḥ | 26 ||
sāyamadhīyāno divasakṛta-mpāpa-nnāśayati |
prātaradhīyāno rātrikṛta-mpāpa-nnāśayati |
sāya-mprātaḥ prayuñjāno apāpo bhavati |
niśīthe turīyasandhyāyā-ñjaptvā vāksiddhirbhavati |
nūtanāyā-mpratimāyā-ñjaptvā devatāsānnidhya-mbhavati |
prāṇapratiṣṭhāyā-ñjaptvā prāṇānā-mpratiṣṭhā bhavati |
bhaumāśvinyā-mmahādevīsannidhau japtvā mahāmṛtyu-ntarati |
sa mahāmṛtyu-ntarati |
ya evaṃ-ve~da |
ityupaniṣat || 27 ||
iti devyatharvaśīr​ṣam |
InfoLyter.in — Sacred Vedic Knowledge Portal · Free forever