Shri Bhadrakali Ashtottara Shata Nama Stotram

ॐ

ஶ்ரீ பத்ரகாலீ அஷ்டோத்தர ஶத நாமா ஸ்தோத்ரம்

Kali Ashtottara Sata Namavali Tamil

ஶ்ரீநந்திகேஶ்வர உவாச

பத்ரகாலீமஹம் வந்தே வீரபத்ரஸதீம் ஶிவாம் ।

ஸுதாம்ரார்சிதபாதாப்ஜம் ஸுகஸௌபாக்யதாயிநீம் ॥ 1 ॥

அத ஸ்தோத்ரம்

பத்ரகாலீ காமரூபா மஹாவித்யா யஶஸ்விநீ ।

மஹாஶ்ரயா மஹாபாகா தக்ஷயாகவிபேதிநீ ॥ 2 ॥

ருத்ரகோபஸமுத்பூதா பத்ரா முத்ரா ஶிவங்கரீ ।

சந்த்ரிகா சந்த்ரவதநா ரோஷதாம்ராக்ஷஶோபிநீ ॥ 3 ॥

இந்த்ராதிதமநீ ஶாந்தா சந்த்ரலேகாவிபூஷிதா ।

பக்தார்திஹாரிணீ முக்தா சண்டிகாநந்ததாயிநீ ॥ 4 ॥

ஸௌதாமிநீ ஸுதாமூர்திஃ திவ்யாலங்காரபூஷிதா ।

ஸுவாஸிநீ ஸுநாஸா ச த்ரிகாலஜ்ஞா துரந்தரா ॥ 5 ॥

ஸர்வஜ்ஞா ஸர்வலோகேஶீ தேவயோநிரயோநிஜா ।

நிர்குணா நிரஹங்காரா லோககல்யாணகாரிணீ ॥ 6 ॥

ஸர்வலோகப்ரியா கௌரீ ஸர்வகர்வவிமர்திநீ ।

தேஜோவதீ மஹாமாதா கோடிஸூர்யஸமப்ரபா ॥ 7 ॥

வீரபத்ரக்ரு'தாநந்தபோகிநீ வீரஸேவிதா ।

நாரதாதிமுநிஸ்துத்யா நித்யா ஸத்யா தபஸ்விநீ ॥ 8 ॥

ஜ்ஞாநரூபா கலாதீதா பக்தாபீஷ்டபலப்ரதா ।

கைலாஸநிலயா ஶுப்ரா க்ஷமா ஶ்ரீஃ ஸர்வமங்கலா ॥ 9 ॥

ஸித்தவித்யா மஹாஶக்திஃ காமிநீ பத்மலோசநா ।

தேவப்ரியா தைத்யஹந்த்ரீ தக்ஷகர்வாபஹாரிணீ ॥ 10 ॥

ஶிவஶாஸநகர்த்ரீ ச ஶைவாநந்தவிதாயிநீ ।

பவபாஶநிஹந்த்ரீ ச ஸவநாங்கஸுகாரிணீ ॥ 11 ॥

லம்போதரீ மஹாகாலீ பீஷணாஸ்யா ஸுரேஶ்வரீ ।

மஹாநித்ரா யோகநித்ரா ப்ரஜ்ஞா வார்தா க்ரியாவதீ ॥ 12 ॥

புத்ரபௌத்ரப்ரதா ஸாத்வீ ஸேநாயுத்தஸுகாங்க்ஷிணீ ।

இச்சா ஶம்போஃ க்ரு'பாஸிந்துஃ சண்டீ சண்டபராக்ரமா ॥ 13 ॥

ஶோபா பகவதீ மாயா துர்கா நீலா மநோகதிஃ ।

கேசரீ கட்கிநீ சக்ரஹஸ்தா ஶூலவிதாரிணீ ॥ 14 ॥

ஸுபாணா ஶக்திஹஸ்தா ச பாதஸஞ்சாரிணீ பரா ।

தபஃஸித்திப்ரதா தேவீ வீரபத்ரஸஹாயிநீ ॥ 15 ॥

தநதாந்யகரீ விஶ்வா மநோமாலிந்யஹாரிணீ ।

ஸுநக்ஷத்ரோத்பவகரீ வம்ஶவ்ரு'த்திப்ரதாயிநீ ॥ 16 ॥

ப்ரஹ்மாதிஸுரஸம்ஸேவ்யா ஶாங்கரீ ப்ரியபாஷிணீ ।

பூதப்ரேதபிஶாசாதிஹாரிணீ ஸுமநஸ்விநீ ॥ 17 ॥

புண்யக்ஷேத்ரக்ரு'தாவாஸா ப்ரத்யக்ஷபரமேஶ்வரீ ।

ஏவம் நாம்நாம் பத்ரகால்யாஃ ஶதமஷ்டோத்தரம் விதுஃ ॥ 18 ॥

புண்யம் யஶோ தீர்கமாயுஃ புத்ரபௌத்ரம் தநம் பஹு ।

ததாதி தேவீ தஸ்யாஶு யஃ படேத் ஸ்தோத்ரமுத்தமம் ॥ 19 ॥

பௌமவாரே ப்ரு'கௌ சைவ பௌர்ணமாஸ்யாம் விஶேஷதஃ ।

ப்ராதஃ ஸ்நாத்வா நித்யகர்ம விதாய ச ஸுபக்திமாந் ॥ 20 ॥

வீரபத்ராலயே பத்ராம் ஸம்பூஜ்ய ஸுரஸேவிதாம் ।

படேத் ஸ்தோத்ரமிதம் திவ்யம் நாநா போகப்ரதம் ஶுபம் ॥ 21 ॥

அபீஷ்டஸித்திம் ப்ராப்நோதி ஶீக்ரம் வித்வாந் பரந்தப ।

அதவா ஸ்வக்ரு'ஹே வீரபத்ரபத்நீம் ஸமர்சயேத் ॥ 22 ॥

ஸ்தோத்ரேணாநேந விதிவத் ஸர்வாந் காமாநவாப்நுயாத் ।

ரோகா நஶ்யந்தி தஸ்யாஶு யோகஸித்திம் ச விந்ததி ॥ 23 ॥

ஸநத்குமாரபக்தாநாமிதம் ஸ்தோத்ரம் ப்ரபோதய ।

ரஹஸ்யம் ஸாரபூதம் ச ஸர்வஜ்ஞஃ ஸம்பவிஷ்யஸி ॥ 24 ॥

இதி ஶ்ரீபத்ரகால்யஷ்டோத்தரஶதநாம ஸ்தோத்ரம் ।

Roman (IAST) Transliteration

śrīnandikeśvara uvāca

bhadrakālīmahaṃ vande vīrabhadrasatīṃ śivām |

sutāmrārcitapādābjaṃ sukhasaubhāgyadāyinīm || 1 ||

atha stotram

bhadrakālī kāmarūpā mahāvidyā yaśasvinī |

mahāśrayā mahābhāgā dakṣayāgavibhedinī || 2 ||

rudrakopasamudbhūtā bhadrā mudrā śivaṅkarī |

candrikā candravadanā roṣatāmrākṣaśobhinī || 3 ||

indrādidamanī śāntā candralekhāvibhūṣitā |

bhaktārtihāriṇī muktā caṇḍikānandadāyinī || 4 ||

saudāminī sudhāmūrtiḥ divyālaṅkārabhūṣitā |

suvāsinī sunāsā ca trikālajñā dhurandharā || 5 ||

sarvajñā sarvalokeśī devayonirayonijā |

nirguṇā nirahaṅkārā lokakalyāṇakāriṇī || 6 ||

sarvalokapriyā gaurī sarvagarvavimardinī |

tejovatī mahāmātā koṭisūryasamaprabhā || 7 ||

vīrabhadrakṛtānandabhoginī vīrasevitā |

nāradādimunistutyā nityā satyā tapasvinī || 8 ||

jñānarūpā kalātītā bhaktābhīṣṭaphalapradā |

kailāsanilayā śubhrā kṣamā śrīḥ sarvamaṅgalā || 9 ||

siddhavidyā mahāśaktiḥ kāminī padmalocanā |

devapriyā daityahantrī dakṣagarvāpahāriṇī || 10 ||

śivaśāsanakartrī ca śaivānandavidhāyinī |

bhavapāśanihantrī ca savanāṅgasukāriṇī || 11 ||

lambodarī mahākālī bhīṣaṇāsyā sureśvarī |

mahānidrā yoganidrā prajñā vārtā kriyāvatī || 12 ||

putrapautrapradā sādhvī senāyuddhasukāṅkṣiṇī |

icchā śambhoḥ kṛpāsindhuḥ caṇḍī caṇḍaparākramā || 13 ||

śobhā bhagavatī māyā durgā nīlā manogatiḥ |

khecarī khaḍginī cakrahastā śūlavidhāriṇī || 14 ||

subāṇā śaktihastā ca pādasañcāriṇī parā |

tapaḥsiddhipradā devī vīrabhadrasahāyinī || 15 ||

dhanadhānyakarī viśvā manomālinyahāriṇī |

sunakṣatrodbhavakarī vaṃśavṛddhipradāyinī || 16 ||

brahmādisurasaṃsevyā śāṅkarī priyabhāṣiṇī |

bhūtapretapiśācādihāriṇī sumanasvinī || 17 ||

puṇyakṣetrakṛtāvāsā pratyakṣaparameśvarī |

evaṃ nāmnāṃ bhadrakālyāḥ śatamaṣṭottaraṃ viduḥ || 18 ||

puṇyaṃ yaśo dīrghamāyuḥ putrapautraṃ dhanaṃ bahu |

dadāti devī tasyāśu yaḥ paṭhet stotramuttamam || 19 ||

bhaumavāre bhṛgau caiva paurṇamāsyāṃ viśeṣataḥ |

prātaḥ snātvā nityakarma vidhāya ca subhaktimān || 20 ||

vīrabhadrālaye bhadrāṃ sampūjya surasevitām |

paṭhet stotramidaṃ divyaṃ nānā bhogapradaṃ śubham || 21 ||

abhīṣṭasiddhiṃ prāpnoti śīghraṃ vidvān parantapa |

athavā svagṛhe vīrabhadrapatnīṃ samarcayet || 22 ||

stotreṇānena vidhivat sarvān kāmānavāpnuyāt |

rogā naśyanti tasyāśu yogasiddhiṃ ca vindati || 23 ||

sanatkumārabhaktānāmidaṃ stotraṃ prabodhaya |

rahasyaṃ sārabhūtaṃ ca sarvajñaḥ sambhaviṣyasi || 24 ||

iti śrībhadrakālyaṣṭottaraśatanāma stotram |