Shri Bagalamukhi Stotram - 1

ॐ

ஶ்ரீ பகலாமுகீ ஸ்தோத்ரம் - 1

Stotram Tamil

ௐ அஸ்ய ஶ்ரீபகலாமுகீஸ்தோத்ரஸ்ய

நாரத்ரு'ஷிஃ

ஶ்ரீ பகலாமுகீ தேவதா

மம ஸந்நிஹிதாநாம் விரோதிநாம் வாங்முக-பதபுத்தீநாம் ஸ்தம்பநார்தே ஸ்தோத்ரபாடே விநியோகஃ

மத்யேஸுதாப்தி மணிமண்டப ரத்நவேதி

ஸிம்ஹாஸநோபரிகதாம் பரிபீதவர்ணாம் ।

பீதாம்பராபரண மால்யவிபூஷிதாங்கீம்

தேவீம் பஜாமி த்ரு'தமுத்கரவைரி ஜிஹ்வாம் ॥ 1 ॥

ஜிஹ்வாக்ரமாதாய கரேண தேவீம்

வாமேந ஶத்ரூந் பரிபீடயந்தீம் ।

கதாபிகாதேந ச தக்ஷிணேந

பீதாம்பராட்யாம் த்விபுஜாம் பஜாமி ॥ 2 ॥

சலத்கநககுண்டலோல்லஸிதசாருகண்டஸ்தலாம்

லஸத்கநகசம்பக த்யுதிமதிந்துபிம்பாநநாம் ।

கதாஹத விபக்ஷகாம் கலிதலோலஜிஹ்வாஞ்சலாம்

ஸ்மராமி பகலாமுகீம் விமுகவாங்மநஸ்ஸ்தம்பிநீம் ॥ 3 ॥

பீயூஷோ ததிமத்யசாரு விலஸ த்ரக்தோத்பலே மண்டபே

ஸத்ஸிம்ஹாஸந மௌலிபாதிதரிபும் ப்ரேதாஸநாத்யாஸிநீம் ।

ஸ்வர்ணாபாம் கரபீடிதாரிரஸநாம் ப்ராம்யத்கதாம் விப்ரமாம்

இத்தம் த்யாயதி யாந்தி தஸ்ய விலயம் ஸத்யோத ஸர்வாபதஃ ॥ 4 ॥

தேவித்த்வச்சரணாம்புஜார்சநக்ரு'தே யஃ பீத புஷ்பாஞ்ஜலீந்

பக்த்யா வாமகரே நிதாய ச மநும் மந்த்ரீ மநோஜ்ஞாக்ஷரம் ।

பீடத்யாநபரோऽத கும்பகவஶாத்பீஜம் ஸ்மரேத்பார்திவ-

ஸ்தஸ்யாமித்ரமுகஸ்ய வாசி ஹ்ரு'தயே ஜாட்யம் பவேத்தத்‍க்ஷணாத் ॥ 5 ॥

வாதீ மூகதி கங்கதி க்ஷிதிபதிர்வைஶ்வாநரஶ்ஶீதிதி

க்ரோதீஶாம்யதி துர்ஜநஸ்ஸுஜநதி க்ஷிப்ராநுகஃ கஞ்ஜதி ।

கர்வீ கர்வதி ஸர்வவிச்ச ஜடதி த்வத்யந்த்ரணா யந்த்ரிதஃ

ஶ்ரீநித்யே பகலாமுகி ப்ரதிதிநம் கல்யாணி துப்யம் நமஃ ॥ 6 ॥

மந்த்ரஸ்தாவதயம் விபக்ஷதலநே ஸ்தோத்ரம் பவித்ரம் ச தே

யந்த்ரம் வாதிநியந்த்ரணம் த்ரிஜகதாம் ஜைத்ரம் ச சித்ரம் ச தே ।

மாதஃ ஶ்ரீபகலேதி நாம லலிதம் யஸ்யாஸ்தி ஜந்தோர்முகே

த்வந்நாமக்ரஹணேந ஸம்ஸதி முக ஸ்தம்போ பவேத்வாதிநாம் ॥ 7 ॥

துஷ்டஸ்தம்பநமுக்ரவிக்நஶமநம் தாரித்ர்யவித்ராவணம்

பூப்ரு'த்பீஶமநம் சலந்ம்ரு'கத்ரு'ஶாம் சேதஸ்ஸமாகர்ஷணம் ।

ஸௌபாக்யைகநிகேதநம் ஸமத்ரு'ஶஃ காருண்யபூர்ணாம்ரு'தம்

ம்ரு'த்யோர்மாரணமாவிரஸ்து புரதோ மாதஸ்த்வதீயம் வபுஃ ॥ 8 ॥

மாதர்பஞ்ஜய மே விபக்ஷவதநாம் ஜிஹ்வாம் ச ஸங்கீலய

ப்ராஹ்மீம் முத்ரய நாஶயாஶுதிஷணாமுக்ராம் கதிம் ஸ்தம்பய ।

ஶத்ரூம்ஶ்சூர்ணய தேவி தீக்ஷ்ணகதயா கௌராங்கி பீதாம்பரே

விக்நௌகம் பகலே ஹர ப்ரணமதாம் காருண்யபூர்ணேக்ஷணே ॥ 9 ॥

மாதர்பைரவி பத்ரகாலி விஜயே வாராஹி விஶ்வாஶ்ரயே

ஶ்ரீவித்யே ஸமயே மஹேஶி பகலே காமேஶி ராமே ரமே ।

மாதங்கி த்ரிபுரே பராத்பரதரே ஸ்வர்காபவர்கப்ரதே

தாஸோऽஹம் ஶரணாகதஃ கருணயா விஶ்வேஶ்வரி த்ராஹிமாம் ॥ 10 ॥

ஸம்ரம்பே ஸௌரஸங்கே ப்ரஹரணஸமயே பந்தநேவாரிமத்யே

வித்யாவாதேவிவாதே ப்ரதிக்ரு'திந்ரு'பதௌ திவ்யகாலே நிஶாயாம் ।

வஶ்யே வா ஸ்தம்பநே வா ரிபுவதஸமயே நிர்ஜநே வா வநே வா

கச்சம்ஸ்திஷ்டம்ஸ்த்ரிகாலம் யதி படதி ஶிவம் ப்ராப்நுயாதாஶு தீரஃ ॥ 11 ॥

த்வம் வித்யா பரமா த்ரிலோகஜநநீ விக்நௌகஸஞ்சேதிநீ

யோஷாகர்ஷணகாரிணீ த்ரிஜகதாமாநந்தஸம்வர்திநீ ।

துஸ்போடோச்சாடநகாரிணீ ஜநமநஸ்ஸம்மோஹஸந்தாயிநீ

ஜிஹ்வாகீலநபைரவீ விஜயதே ப்ரஹ்மாஸ்த்ரமந்த்ரோ யதா ॥ 12 ॥

வித்யாலக்ஷ்மீஸ்ஸர்வஸௌபாக்யமாயுஃ

புத்ரைஃ பௌத்ரைஃ ஸர்வஸாம்ராஜ்யஸித்திஃ ।

மாநோ போகோ வஶ்யமாரோக்யஸௌக்யம்

ப்ராப்தம் தத்தத்பூதலேऽஸ்மிந்நரேண ॥ 13 ॥

யத்க்ரு'தம் ச ஜபம் ஹோமம் கதிதம் பரமேஶ்வரீ ।

துஷ்டாநாம் நிக்ரஹார்தாய தத்க்ரு'ஹாண நமோऽஸ்து தே ॥ 14 ॥

பீதாம்பராம் தாம் த்விபுஜாம் த்ரிநேத்ராம் காத்ரகோஜ்ஜ்வலாம் ।

ஶிலாமுத்கரஹஸ்தாம் ச ஸ்மரேத்தாம் பகலாமுகீம் ॥ 15 ॥

ப்ரஹ்மாஸ்த்ரமிதி விக்யாதம் த்ரிஷு லோகேஷு விஶ்ருதம் ।

குருபக்தாய தாதவ்யம் நதேயம் யஸ்ய கஸ்யசித் ॥ 16 ॥

நித்யம் ஸ்தோத்ரமிதம் பவித்ரமிஹ யோ தேவ்யாஃ படத்யாதராத்

த்ரு'த்வாயந்த்ரமிதம் ததைவ ஸமரே பாஹௌ கரே வா கலே ।

ராஜாநோऽப்யரயோ மதாந்தகரிணஸ்ஸர்பா ம்ரு'கேந்த்ராதிகாஃ

தே வை யாந்தி விமோஹிதா ரிபுகணா லக்ஷ்மீஃ ஸ்திராஸ்ஸித்தயஃ ॥ 17 ॥

இதி ஶ்ரீ ருத்ரயாமலே தந்த்ரே ஶ்ரீ பகலாமுகீ ஸ்தோத்ரம் ॥

Roman (IAST) Transliteration

oṃ asya śrībagalāmukhīstotrasya

nāradṛṣiḥ

śrī bagalāmukhī devatā

mama sannihitānāṃ virodhināṃ vāṅmukha-padabuddhīnāṃ stambhanārthe stotrapāṭhe viniyogaḥ

madhyesudhābdhi maṇimaṇṭapa ratnavedi

siṃhāsanoparigatāṃ paripītavarṇām |

pītāmbarābharaṇa mālyavibhūṣitāṅgīṃ

devīṃ bhajāmi dhṛtamudgaravairi jihvām || 1 ||

jihvāgramādāya kareṇa devīṃ

vāmena śatrūn paripīḍayantīm |

gadābhighātena ca dakṣiṇena

pītāmbarāḍhyāṃ dvibhujāṃ bhajāmi || 2 ||

calatkanakakuṇḍalollasitacārugaṇḍasthalāṃ

lasatkanakacampaka dyutimadindubimbānanām |

gadāhata vipakṣakāṃ kalitalolajihvāñcalāṃ

smarāmi bagalāmukhīṃ vimukhavāṅmanasstambhinīm || 3 ||

pīyūṣo dadhimadhyacāru vilasa draktotpale maṇṭape

satsiṃhāsana maulipātitaripuṃ pretāsanādhyāsinīm |

svarṇābhāṃ karapīḍitārirasanāṃ bhrāmyadgadāṃ vibhramāṃ

itthaṃ dhyāyati yānti tasya vilayaṃ sadyotha sarvāpadaḥ || 4 ||

devittvaccaraṇāmbujārcanakṛte yaḥ pīta puṣpāñjalīn

bhaktyā vāmakare nidhāya ca manuṃ mantrī manojñākṣaram |

pīṭhadhyānaparo'tha kumbhakavaśādbījaṃ smaretpārthiva-

stasyāmitramukhasya vāci hṛdaye jāḍyaṃ bhavettat‍kṣaṇāt || 5 ||

vādī mūkati kaṅkati kṣitipatirvaiśvānaraśśītiti

krodhīśāmyati durjanassujanati kṣiprānugaḥ khañjati |

garvī kharvati sarvavicca jaḍati tvadyantraṇā yantritaḥ

śrīnitye bagalāmukhi pratidinaṃ kalyāṇi tubhyaṃ namaḥ || 6 ||

mantrastāvadayaṃ vipakṣadalane stotraṃ pavitraṃ ca te

yantraṃ vādiniyantraṇaṃ trijagatāṃ jaitraṃ ca citraṃ ca te |

mātaḥ śrībagaleti nāma lalitaṃ yasyāsti jantormukhe

tvannāmagrahaṇena saṃsadi mukha stambho bhavedvādinām || 7 ||

duṣṭastambhanamugravighnaśamanaṃ dāridryavidrāvaṇaṃ

bhūbhṛdbhīśamanaṃ calanmṛgadṛśāṃ cetassamākarṣaṇam |

saubhāgyaikaniketanaṃ samadṛśaḥ kāruṇyapūrṇāmṛtaṃ

mṛtyormāraṇamāvirastu purato mātastvadīyaṃ vapuḥ || 8 ||

mātarbhañjaya me vipakṣavadanāṃ jihvāṃ ca saṅkīlaya

brāhmīṃ mudraya nāśayāśudhiṣaṇāmugrāṃ gatiṃ stambhaya |

śatrūṃścūrṇaya devi tīkṣṇagadayā gaurāṅgi pītāmbare

vighnaughaṃ bagale hara praṇamatāṃ kāruṇyapūrṇekṣaṇe || 9 ||

mātarbhairavi bhadrakāli vijaye vārāhi viśvāśraye

śrīvidye samaye maheśi bagale kāmeśi rāme rame |

mātaṅgi tripure parātparatare svargāpavargaprade

dāso'haṃ śaraṇāgataḥ karuṇayā viśveśvari trāhimām || 10 ||

saṃrambhe saurasaṅghe praharaṇasamaye bandhanevārimadhye

vidyāvādevivāde pratikṛtinṛpatau divyakāle niśāyām |

vaśye vā stambhane vā ripuvadhasamaye nirjane vā vane vā

gacchaṃstiṣṭhaṃstrikālaṃ yadi paṭhati śivaṃ prāpnuyādāśu dhīraḥ || 11 ||

tvaṃ vidyā paramā trilokajananī vighnaughasañchedinī

yoṣākarṣaṇakāriṇī trijagatāmānandasaṃvardhinī |

dusphoṭoccāṭanakāriṇī janamanassammohasandāyinī

jihvākīlanabhairavī vijayate brahmāstramantro yathā || 12 ||

vidyālakṣmīssarvasaubhāgyamāyuḥ

putraiḥ pautraiḥ sarvasāmrājyasiddhiḥ |

māno bhogo vaśyamārogyasaukhyaṃ

prāptaṃ tattadbhūtale'sminnareṇa || 13 ||

yatkṛtaṃ ca japaṃ homaṃ gaditaṃ parameśvarī |

duṣṭānāṃ nigrahārthāya tadgṛhāṇa namo'stu te || 14 ||

pītāmbarāṃ tāṃ dvibhujāṃ trinetrāṃ gātragojjvalām |

śilāmudgarahastāṃ ca smarettāṃ bagalāmukhīm || 15 ||

brahmāstramiti vikhyātaṃ triṣu lokeṣu viśrutam |

gurubhaktāya dātavyaṃ nadeyaṃ yasya kasyacit || 16 ||

nityaṃ stotramidaṃ pavitramiha yo devyāḥ paṭhatyādarāt

dhṛtvāyantramidaṃ tathaiva samare bāhau kare vā gale |

rājāno'pyarayo madāndhakariṇassarpā mṛgendrādikāḥ

te vai yānti vimohitā ripugaṇā lakṣmīḥ sthirāssiddhayaḥ || 17 ||

iti śrī rudrayāmale tantre śrī bagalāmukhī stotram ||