Shri Mahaganesha Pancharatnam

ॐ

ஶ்ரீ மஹாகணேஶ பஞ்சரத்நம்

Ganesha Pancharatnam Adi Shankaracharya Tamil

முதாகராத்த மோதகம் ஸதா விமுக்தி ஸாதகம் ।

கலாதராவதம்ஸகம் விலாஸிலோக ரக்ஷகம் ।

அநாயகைக நாயகம் விநாஶிதேப தைத்யகம் ।

நதாஶுபாஶு நாஶகம் நமாமி தம் விநாயகம் ॥ 1 ॥

நதேதராதி பீகரம் நவோதிதார்க பாஸ்வரம் ।

நமத்ஸுராரி நிர்ஜரம் நதாதிகாபதுத்தரம் ।

ஸுரேஶ்வரம் நிதீஶ்வரம் கஜேஶ்வரம் கணேஶ்வரம் ।

மஹேஶ்வரம் தமாஶ்ரயே பராத்பரம் நிரந்தரம் ॥ 2 ॥

ஸமஸ்த லோக ஶங்கரம் நிரஸ்த தைத்ய குஞ்ஜரம் ।

தரேதரோதரம் வரம் வரேப வக்த்ரமக்ஷரம் ।

க்ரு'பாகரம் க்ஷமாகரம் முதாகரம் யஶஸ்கரம் ।

மநஸ்கரம் நமஸ்க்ரு'தாம் நமஸ்கரோமி பாஸ்வரம் ॥ 3 ॥

அகிஞ்சநார்தி மார்ஜநம் சிரந்தநோக்தி பாஜநம் ।

புராரி பூர்வ நந்தநம் ஸுராரி கர்வ சர்வணம் ।

ப்ரபஞ்ச நாஶ பீஷணம் தநஞ்ஜயாதி பூஷணம் ।

கபோல தாநவாரணம் பஜே புராண வாரணம் ॥ 4 ॥

நிதாந்த காந்தி தந்த காந்தி மந்த காந்தி காத்மஜம் ।

அசிந்த்ய ரூபமந்த ஹீந மந்தராய க்ரு'ந்தநம் ।

ஹ்ரு'தந்தரே நிரந்தரம் வஸந்தமேவ யோகிநாம் ।

தமேகதந்தமேவ தம் விசிந்தயாமி ஸந்ததம் ॥ 5 ॥

மஹாகணேஶ பஞ்சரத்நமாதரேண யோऽந்வஹம் ।

ப்ரஜல்பதி ப்ரபாதகே ஹ்ரு'தி ஸ்மரண் கணேஶ்வரம் ।

அரோகதாமதோஷதாம் ஸுஸாஹிதீம் ஸுபுத்ரதாம் ।

ஸமாஹிதாயு ரஷ்டபூதி மப்யுபைதி ஸோऽசிராத் ॥

Roman (IAST) Transliteration

mudākarātta modakaṃ sadā vimukti sādhakam |

kalādharāvataṃsakaṃ vilāsiloka rakṣakam |

anāyakaika nāyakaṃ vināśitebha daityakam |

natāśubhāśu nāśakaṃ namāmi taṃ vināyakam || 1 ||

natetarāti bhīkaraṃ navoditārka bhāsvaram |

namatsurāri nirjaraṃ natādhikāpaduddharam |

sureśvaraṃ nidhīśvaraṃ gajeśvaraṃ gaṇeśvaram |

maheśvaraṃ tamāśraye parātparaṃ nirantaram || 2 ||

samasta loka śaṅkaraṃ nirasta daitya kuñjaram |

daretarodaraṃ varaṃ varebha vaktramakṣaram |

kṛpākaraṃ kṣamākaraṃ mudākaraṃ yaśaskaram |

manaskaraṃ namaskṛtāṃ namaskaromi bhāsvaram || 3 ||

akiñcanārti mārjanaṃ cirantanokti bhājanam |

purāri pūrva nandanaṃ surāri garva carvaṇam |

prapañca nāśa bhīṣaṇaṃ dhanañjayādi bhūṣaṇam |

kapola dānavāraṇaṃ bhaje purāṇa vāraṇam || 4 ||

nitānta kānti danta kānti manta kānti kātmajam |

acintya rūpamanta hīna mantarāya kṛntanam |

hṛdantare nirantaraṃ vasantameva yoginām |

tamekadantameva taṃ vicintayāmi santatam || 5 ||

mahāgaṇeśa pañcaratnamādareṇa yo'nvaham |

prajalpati prabhātake hṛdi smaraṇ gaṇeśvaram |

arogatāmadoṣatāṃ susāhitīṃ suputratām |

samāhitāyu raṣṭabhūti mabhyupaiti so'cirāt ||