Shiva Tandava Stotram — InfoLyter.in

ॐ

ஶிவ தாண்டவ ஸ்தோத்ரம்

Shiva Tandava Stotram

Shiva Stotram Ravana Tamil

ஜடாடவீகலஜ்ஜலப்ரவாஹபாவிதஸ்தலே

கலேவலம்ப்ய லம்பிதாம் புஜங்கதுங்கமாலிகாம் ।

டமட்டமட்டமட்டமந்நிநாதவட்டமர்வயம்

சகார சண்டதாண்டவம் தநோது நஃ ஶிவஃ ஶிவம் ॥ 1 ॥

ஜடாகடாஹஸம்ப்ரமப்ரமந்நிலிம்பநிர்சரீ-

-விலோலவீசிவல்லரீவிராஜமாநமூர்தநி ।

தகத்தகத்தகஜ்ஜ்வலல்லலாடபட்டபாவகே

கிஶோரசந்த்ரஶேகரே ரதிஃ ப்ரதிக்ஷணம் மம ॥ 2 ॥

தராதரேந்த்ரநந்திநீவிலாஸபந்துபந்துர

ஸ்புரத்திகந்தஸந்ததிப்ரமோதமாநமாநஸே ।

க்ரு'பாகடாக்ஷதோரணீநிருத்ததுர்தராபதி

க்வசித்திகம்பரே மநோ விநோதமேது வஸ்துநி ॥ 3 ॥

ஜடாபுஜங்கபிங்கலஸ்புரத்பணாமணிப்ரபா

கதம்பகுங்குமத்ரவப்ரலிப்ததிக்வதூமுகே ।

மதாந்தஸிந்துரஸ்புரத்த்வகுத்தரீயமேதுரே

மநோ விநோதமத்புதம் பிபர்து பூதபர்தரி ॥ 4 ॥

ஸஹஸ்ரலோசநப்ரப்ரு'த்யஶேஷலேகஶேகர

ப்ரஸூநதூலிதோரணீ விதூஸராங்க்ரிபீடபூஃ ।

புஜங்கராஜமாலயா நிபத்தஜாடஜூடக

ஶ்ரியை சிராய ஜாயதாம் சகோரபந்துஶேகரஃ ॥ 5 ॥

லலாடசத்வரஜ்வலத்தநஞ்ஜயஸ்புலிங்கபா-

-நிபீதபஞ்சஸாயகம் நமந்நிலிம்பநாயகம் ।

ஸுதாமயூகலேகயா விராஜமாநஶேகரம்

மஹாகபாலிஸம்பதேஶிரோஜடாலமஸ்து நஃ ॥ 6 ॥

கராலபாலபட்டிகாதகத்தகத்தகஜ்ஜ்வல-

த்தநஞ்ஜயாதரீக்ரு'தப்ரசண்டபஞ்சஸாயகே ।

தராதரேந்த்ரநந்திநீகுசாக்ரசித்ரபத்ரக-

-ப்ரகல்பநைகஶில்பிநி த்ரிலோசநே மதிர்மம ॥ 7 ॥

நவீநமேகமண்டலீ நிருத்ததுர்தரஸ்புரத்-

குஹூநிஶீதிநீதமஃ ப்ரபந்தபந்துகந்தரஃ ।

நிலிம்பநிர்சரீதரஸ்தநோது க்ரு'த்திஸிந்துரஃ

கலாநிதாநபந்துரஃ ஶ்ரியம் ஜகத்துரந்தரஃ ॥ 8 ॥

ப்ரபுல்லநீலபங்கஜப்ரபஞ்சகாலிமப்ரபா-

-விலம்பிகண்டகந்தலீருசிப்ரபத்தகந்தரம் ।

ஸ்மரச்சிதம் புரச்சிதம் பவச்சிதம் மகச்சிதம்

கஜச்சிதாந்தகச்சிதம் தமந்தகச்சிதம் பஜே ॥ 9 ॥

அகர்வஸர்வமங்கலாகலாகதம்பமஞ்ஜரீ

ரஸப்ரவாஹமாதுரீ விஜ்ரு'ம்பணாமதுவ்ரதம் ।

ஸ்மராந்தகம் புராந்தகம் பவாந்தகம் மகாந்தகம்

கஜாந்தகாந்தகாந்தகம் தமந்தகாந்தகம் பஜே ॥ 10 ॥

ஜயத்வதப்ரவிப்ரமப்ரமத்புஜங்கமஶ்வஸ-

-த்விநிர்கமத்க்ரமஸ்புரத்கராலபாலஹவ்யவாட் ।

திமித்திமித்திமித்வநந்ம்ரு'தங்கதுங்கமங்கல

த்வநிக்ரமப்ரவர்தித ப்ரசண்டதாண்டவஃ ஶிவஃ ॥ 11 ॥

த்ரு'ஷத்விசித்ரதல்பயோர்புஜங்கமௌக்திகஸ்ரஜோர்-

-கரிஷ்டரத்நலோஷ்டயோஃ ஸுஹ்ரு'த்விபக்ஷபக்ஷயோஃ ।

த்ரு'ஷ்ணாரவிந்தசக்ஷுஷோஃ ப்ரஜாமஹீமஹேந்த்ரயோஃ

ஸமம் ப்ரவர்தயந்மநஃ கதா ஸதாஶிவம் பஜே ॥ 12 ॥

கதா நிலிம்பநிர்சரீநிகுஞ்ஜகோடரே வஸந்

விமுக்ததுர்மதிஃ ஸதா ஶிரஃஸ்தமஞ்ஜலிம் வஹந் ।

விமுக்தலோலலோசநோ லலாடபாலலக்நகஃ

ஶிவேதி மந்த்ரமுச்சரந் ஸதா ஸுகீ பவாம்யஹம் ॥ 13 ॥

இமம் ஹி நித்யமேவமுக்தமுத்தமோத்தமம் ஸ்தவம்

படந்ஸ்மரந்ப்ருவந்நரோ விஶுத்திமேதிஸந்ததம் ।

ஹரே குரௌ ஸுபக்திமாஶு யாதி நாந்யதா கதிம்

விமோஹநம் ஹி தேஹிநாம் ஸுஶங்கரஸ்ய சிந்தநம் ॥ 14 ॥

பூஜாவஸாநஸமயே தஶவக்த்ரகீதம் யஃ

ஶம்புபூஜநபரம் படதி ப்ரதோஷே ।

தஸ்ய ஸ்திராம் ரதகஜேந்த்ரதுரங்கயுக்தாம்

லக்ஷ்மீம் ஸதைவ ஸுமுகிம் ப்ரததாதி ஶம்புஃ ॥ 15 ॥

Roman (IAST) Transliteration

jaṭāṭavīgalajjalapravāhapāvitasthale

galevalambya lambitāṃ bhujaṅgatuṅgamālikām |

ḍamaḍḍamaḍḍamaḍḍamanninādavaḍḍamarvayaṃ

cakāra caṇḍatāṇḍavaṃ tanotu naḥ śivaḥ śivam || 1 ||

jaṭākaṭāhasambhramabhramannilimpanirjharī-

-vilolavīcivallarīvirājamānamūrdhani |

dhagaddhagaddhagajjvalallalāṭapaṭṭapāvake

kiśoracandraśekhare ratiḥ pratikṣaṇaṃ mama || 2 ||

dharādharendranandinīvilāsabandhubandhura

sphuraddigantasantatipramodamānamānase |

kṛpākaṭākṣadhoraṇīniruddhadurdharāpadi

kvaciddigambare mano vinodametu vastuni || 3 ||

jaṭābhujaṅgapiṅgalasphuratphaṇāmaṇiprabhā

kadambakuṅkumadravapraliptadigvadhūmukhe |

madāndhasindhurasphurattvaguttarīyamedure

mano vinodamadbhutaṃ bibhartu bhūtabhartari || 4 ||

sahasralocanaprabhṛtyaśeṣalekhaśekhara

prasūnadhūlidhoraṇī vidhūsarāṅghripīṭhabhūḥ |

bhujaṅgarājamālayā nibaddhajāṭajūṭaka

śriyai cirāya jāyatāṃ cakorabandhuśekharaḥ || 5 ||

lalāṭacatvarajvaladdhanañjayasphuliṅgabhā-

-nipītapañcasāyakaṃ namannilimpanāyakam |

sudhāmayūkhalekhayā virājamānaśekharaṃ

mahākapālisampadeśirojaṭālamastu naḥ || 6 ||

karālaphālapaṭṭikādhagaddhagaddhagajjvala-

ddhanañjayādharīkṛtapracaṇḍapañcasāyake |

dharādharendranandinīkucāgracitrapatraka-

-prakalpanaikaśilpini trilocane matirmama || 7 ||

navīnameghamaṇḍalī niruddhadurdharasphurat-

kuhūniśīthinītamaḥ prabandhabandhukandharaḥ |

nilimpanirjharīdharastanotu kṛttisindhuraḥ

kalānidhānabandhuraḥ śriyaṃ jagaddhurandharaḥ || 8 ||

praphullanīlapaṅkajaprapañcakālimaprabhā-

-vilambikaṇṭhakandalīruciprabaddhakandharam |

smaracchidaṃ puracchidaṃ bhavacchidaṃ makhacchidaṃ

gajacchidāndhakacchidaṃ tamantakacchidaṃ bhaje || 9 ||

agarvasarvamaṅgalākalākadambamañjarī

rasapravāhamādhurī vijṛmbhaṇāmadhuvratam |

smarāntakaṃ purāntakaṃ bhavāntakaṃ makhāntakaṃ

gajāntakāndhakāntakaṃ tamantakāntakaṃ bhaje || 10 ||

jayatvadabhravibhramabhramadbhujaṅgamaśvasa-

-dvinirgamatkramasphuratkarālaphālahavyavāṭ |

dhimiddhimiddhimidhvananmṛdaṅgatuṅgamaṅgala

dhvanikramapravartita pracaṇḍatāṇḍavaḥ śivaḥ || 11 ||

dṛṣadvicitratalpayorbhujaṅgamauktikasrajor-

-gariṣṭharatnaloṣṭhayoḥ suhṛdvipakṣapakṣayoḥ |

tṛṣṇāravindacakṣuṣoḥ prajāmahīmahendrayoḥ

samaṃ pravartayanmanaḥ kadā sadāśivaṃ bhaje || 12 ||

kadā nilimpanirjharīnikuñjakoṭare vasan

vimuktadurmatiḥ sadā śiraḥsthamañjaliṃ vahan |

vimuktalolalocano lalāṭaphālalagnakaḥ

śiveti mantramuccaran sadā sukhī bhavāmyaham || 13 ||

imaṃ hi nityamevamuktamuttamottamaṃ stavaṃ

paṭhansmaranbruvannaro viśuddhimetisantatam |

hare gurau subhaktimāśu yāti nānyathā gatiṃ

vimohanaṃ hi dehināṃ suśaṅkarasya cintanam || 14 ||

pūjāvasānasamaye daśavaktragītaṃ yaḥ

śambhupūjanaparaṃ paṭhati pradoṣe |

tasya sthirāṃ rathagajendraturaṅgayuktāṃ

lakṣmīṃ sadaiva sumukhiṃ pradadāti śambhuḥ || 15 ||