Shiva Sahasra Nama Stotram

ॐ

ஶிவ ஸஹஸ்ர நாம ஸ்தோத்ரம்

Shiva Stotram Tamil

பூர்வபீடிகா ॥

வாஸுதேவ உவாச ।

ததஃ ஸ ப்ரயதோ பூத்வா மம தாத யுதிஷ்டிர ।

ப்ராஞ்ஜலிஃ ப்ராஹ விப்ரர்ஷிர்நாமஸங்க்ரஹமாதிதஃ ॥ 1 ॥

உபமந்யுருவாச ।

ப்ரஹ்மப்ரோக்தைர்ரு'ஷிப்ரோக்தைர்வேதவேதாங்கஸம்பவைஃ ।

ஸர்வலோகேஷு விக்யாதம் ஸ்துத்யம் ஸ்தோஷ்யாமி நாமபிஃ ॥ 2 ॥

மஹத்பிர்விஹிதைஃ ஸத்யைஃ ஸித்தைஃ ஸர்வார்தஸாதகைஃ ।

ரு'ஷிணா தண்டிநா பக்த்யா க்ரு'தைர்வேதக்ரு'தாத்மநா ॥ 3 ॥

யதோக்தைஃ ஸாதுபிஃ க்யாதைர்முநிபிஸ்தத்த்வதர்ஶிபிஃ ।

ப்ரவரம் ப்ரதமம் ஸ்வர்க்யம் ஸர்வபூதஹிதம் ஶுபம் ॥ 4 ॥

ஶ்ருதைஃ ஸர்வத்ர ஜகதி ப்ரஹ்மலோகாவதாரிதைஃ ।

ஸத்யைஸ்தத்பரமம் ப்ரஹ்ம ப்ரஹ்மப்ரோக்தம் ஸநாதநம் ॥ 5 ॥

வக்ஷ்யே யதுகுலஶ்ரேஷ்ட ஶ்ரு'ணுஷ்வாவஹிதோ மம ।

வரயைநம் பவம் தேவம் பக்தஸ்த்வம் பரமேஶ்வரம் ॥ 6 ॥

தேந தே ஶ்ராவயிஷ்யாமி யத்தத்ப்ரஹ்ம ஸநாதநம் ।

ந ஶக்யம் விஸ்தராத்க்ரு'த்ஸ்நம் வக்தும் ஸர்வஸ்ய கேநசித் ॥ 7 ॥

யுக்தேநாபி விபூதீநாமபி வர்ஷஶதைரபி ।

யஸ்யாதிர்மத்யமந்தம் ச ஸுரைரபி ந கம்யதே ॥ 8 ॥

கஸ்தஸ்ய ஶக்நுயாத்வக்தும் குணாந் கார்த்ஸ்ந்யேந மாதவ ।

கிம் து தேவஸ்ய மஹதஃ ஸங்க்ஷிப்தார்தபதாக்ஷரம் ॥ 9 ॥

ஶக்திதஶ்சரிதம் வக்ஷ்யே ப்ரஸாதாத்தஸ்ய தீமதஃ ।

அப்ராப்ய து ததோऽநுஜ்ஞாம் ந ஶக்யஃ ஸ்தோதுமீஶ்வரஃ ॥ 10 ॥

யதா தேநாப்யநுஜ்ஞாதஃ ஸ்துதோ வை ஸ ததா மயா ।

அநாதிநிதநஸ்யாஹம் ஜகத்யோநேர்மஹாத்மநஃ ॥ 11 ॥

நாம்நாம் கிஞ்சித்ஸமுத்தேஶம் வக்ஷ்யாம்யவ்யக்தயோநிநஃ ।

வரதஸ்ய வரேண்யஸ்ய விஶ்வரூபஸ்ய தீமதஃ ॥ 12 ॥

ஶ்ரு'ணு நாம்நாம் ச யம் க்ரு'ஷ்ண யதுக்தம் பத்மயோநிநா ।

தஶநாமஸஹஸ்ராணி யாந்யாஹ ப்ரபிதாமஹஃ ॥ 13 ॥

தாநி நிர்மத்ய மநஸா தத்நோ க்ரு'தமிவோத்த்ரு'தம் ।

கிரேஃ ஸாரம் யதா ஹேம புஷ்பஸாரம் யதா மது ॥ 14 ॥

க்ரு'தாத்ஸாரம் யதா மண்டஸ்ததைதத்ஸாரமுத்த்ரு'தம் ।

ஸர்வபாபாபஹமிதம் சதுர்வேதஸமந்விதம் ॥ 15 ॥

ப்ரயத்நேநாதிகந்தவ்யம் தார்யம் ச ப்ரயதாத்மநா ।

மாங்கல்யம் பௌஷ்டிகம் சைவ ரக்ஷோக்நம் பாவநம் மஹத் ॥ 16 ॥

இதம் பக்தாய தாதவ்யம் ஶ்ரத்ததாநாஸ்திகாய ச ।

நாஶ்ரத்ததாநரூபாய நாஸ்திகாயாஜிதாத்மநே ॥ 17 ॥

யஶ்சாப்யஸூயதே தேவம் காரணாத்மாநமீஶ்வரம் ।

ஸ க்ரு'ஷ்ண நரகம் யாதி ஸஹ பூர்வைஃ ஸஹாத்மஜைஃ ॥ 18 ॥

இதம் த்யாநமிதம் யோகமிதம் த்யேயமநுத்தமம் ।

இதம் ஜப்யமிதம் ஜ்ஞாநம் ரஹஸ்யமிதமுத்தமம் ॥ 19 ॥

யம் ஜ்ஞாத்வா அந்தகாலேபி கச்சேத பரமாம் கதிம் ।

பவித்ரம் மங்கலம் மேத்யம் கல்யாணமிதமுத்தமம் ॥ 20 ॥

இதம் ப்ரஹ்மா புரா க்ரு'த்வா ஸர்வலோகபிதாமஹஃ ।

ஸர்வ ஸ்தவாநாம் ராஜத்வே திவ்யாநாம் ஸமகல்பயத் ॥ 21 ॥

ததா ப்ரப்ரு'தி சைவாயமீஶ்வரஸ்ய மஹாத்மநஃ ।

ஸ்தவராஜ இதி க்யாதோ ஜகத்யமரபூஜிதஃ ॥ 22 ॥

ப்ரஹ்மலோகாதயம் ஸ்வர்கே ஸ்தவராஜோऽவதாரிதஃ ।

யதஸ்தண்டிஃ புரா ப்ராப தேந தண்டிக்ரு'தோऽபவத் ॥ 23 ॥

ஸ்வர்காச்சைவாத்ர பூர்லோகம் தண்டிநா ஹ்யவதாரிதஃ ।

ஸர்வமங்கலமாங்கல்யம் ஸர்வபாபப்ரணாஶநம் ॥ 24 ॥

நிகதிஷ்யே மஹாபாஹோ ஸ்தவாநாமுத்தமம் ஸ்தவம் ।

ப்ரஹ்மணாமபி யத்ப்ரஹ்ம பராணாமபி யத்பரம் ॥ 25 ॥

தேஜஸாமபி யத்தேஜஸ்தபஸாமபி யத்தபஃ ।

ஶாந்தாநாமபி யஃ ஶாந்தோ த்யுதீநாமபி யா த்யுதிஃ ॥ 26 ॥

தாந்தாநாமபி யோ தாந்தோ தீமதாமபி யா ச தீஃ ।

தேவாநாமபி யோ தேவ ரு'ஷீணாமபி யஸ்த்வ்ரு'ஷிஃ ॥ 27 ॥

யஜ்ஞாநாமபி யோ யஜ்ஞஃ ஶிவாநாமபி யஃ ஶிவஃ ।

ருத்ராணாமபி யோ ருத்ரஃ ப்ரபா ப்ரபவதாமபி ॥ 28 ॥

யோகிநாமபி யோ யோகீ காரணாநாம் ச காரணம் ।

யதோ லோகாஃ ஸம்பவந்தி ந பவந்தி யதஃ புநஃ ॥ 29 ॥

ஸர்வபூதாத்மபூதஸ்ய ஹரஸ்யாமிததேஜஸஃ ।

அஷ்டோத்தரஸஹஸ்ரம் து நாம்நாம் ஶர்வஸ்ய மே ஶ்ரு'ணு ।

யச்ச்ருத்வா மநுஜவ்யாக்ர ஸர்வாந்காமாநவாப்ஸ்யஸி ॥ 30 ॥

த்யாநம் ।

ஶாந்தம் பத்மாஸநஸ்தம் ஶஶிதரமுகுடம் பஞ்சவக்த்ரம் த்ரிநேத்ரம்

ஶூலம் வஜ்ரம் ச கட்கம் பரஶுமபயதம் தக்ஷபாகே வஹந்தம் ।

நாகம் பாஶம் ச கண்டாம் ப்ரலயஹுதவஹம் ஸாங்குஶம் வாமபாகே

நாநாலங்காரயுக்தம் ஸ்படிகமணிநிபம் பார்வதீஶம் நமாமி ॥

ஸ்தோத்ரம் ।

ௐ ஸ்திரஃ ஸ்தாணுஃ ப்ரபுர்பீமஃ ப்ரவரோ வரதோ வரஃ ।

ஸர்வாத்மா ஸர்வவிக்யாதஃ ஸர்வஃ ஸர்வகரோ பவஃ ॥ 1 ॥

ஜடீ சர்மீ ஶிகண்டீ ச ஸர்வாங்கஃ ஸர்வபாவநஃ ।

ஹரஶ்ச ஹரிணாக்ஷஶ்ச ஸர்வபூதஹரஃ ப்ரபுஃ ॥ 2 ॥

ப்ரவ்ரு'த்திஶ்ச நிவ்ரு'த்திஶ்ச நியதஃ ஶாஶ்வதோ த்ருவஃ ।

ஶ்மஶாநவாஸீ பகவாந் கசரோ கோசரோऽர்தநஃ ॥ 3 ॥

அபிவாத்யோ மஹாகர்மா தபஸ்வீ பூதபாவநஃ ।

உந்மத்தவேஷப்ரச்சந்நஃ ஸர்வலோகப்ரஜாபதிஃ ॥ 4 ॥

மஹாரூபோ மஹாகாயோ வ்ரு'ஷரூபோ மஹாயஶாஃ ।

மஹாத்மா ஸர்வபூதாத்மா விஶ்வரூபோ மஹாஹநுஃ ॥ 5 ॥

லோகபாலோऽந்தர்ஹிதாத்மா ப்ரஸாதோ ஹயகர்தபிஃ ।

பவித்ரம் ச மஹாம்ஶ்சைவ நியமோ நியமாஶ்ரிதஃ ॥ 6 ॥

ஸர்வகர்மா ஸ்வயம்பூத ஆதிராதிகரோ நிதிஃ ।

ஸஹஸ்ராக்ஷோ விஶாலாக்ஷஃ ஸோமோ நக்ஷத்ரஸாதகஃ ॥ 7 ॥

சந்த்ரஃ ஸூர்யஃ ஶநிஃ கேதுர்க்ரஹோ க்ரஹபதிர்வரஃ ।

அத்ரிரத்ர்யா நமஸ்கர்தா ம்ரு'கபாணார்பணோऽநகஃ ॥ 8 ॥ [ஆத்யந்தலயகர்தா ச]

மஹாதபா கோரதபா அதீநோ தீநஸாதகஃ ।

ஸம்வத்ஸரகரோ மந்த்ரஃ ப்ரமாணம் பரமம் தபஃ ॥ 9 ॥

யோகீ யோஜ்யோ மஹாபீஜோ மஹாரேதா மஹாபலஃ ।

ஸுவர்ணரேதாஃ ஸர்வஜ்ஞஃ ஸுபீஜோ பீஜவாஹநஃ ॥ 10 ॥

தஶபாஹுஸ்த்வநிமிஷோ நீலகண்ட உமாபதிஃ ।

விஶ்வரூபஃ ஸ்வயம் ஶ்ரேஷ்டோ பலவீரோ பலோ கணஃ ॥ 11 ॥

கணகர்தா கணபதிர்திக்வாஸாஃ காம ஏவ ச ।

மந்த்ரவித்பரமோ மந்த்ரஃ ஸர்வபாவகரோ ஹரஃ ॥ 12 ॥

கமண்டலுதரோ தந்வீ பாணஹஸ்தஃ கபாலவாந் ।

அஶநீ ஶதக்நீ கட்கீ பட்டிஶீ சாயுதீ மஹாந் ॥ 13 ॥

ஸ்ருவஹஸ்தஃ ஸுரூபஶ்ச தேஜஸ்தேஜஸ்கரோ நிதிஃ ।

உஷ்ணீஷீ ச ஸுவக்த்ரஶ்ச உதக்ரோ விநதஸ்ததா ॥ 14 ॥

தீர்கஶ்ச ஹரிகேஶஶ்ச ஸுதீர்தஃ க்ரு'ஷ்ண ஏவ ச ।

ஸ்ரு'காலரூபஃ ஸித்தார்தோ முண்டஃ ஸர்வஶுபங்கரஃ ॥ 15 ॥

அஜஶ்ச பஹுரூபஶ்ச கந்ததாரீ கபர்த்யபி ।

ஊர்த்வரேதா ஊர்த்வலிங்க ஊர்த்வஶாயீ நபஃஸ்தலஃ ॥ 16 ॥

த்ரிஜடீ சீரவாஸாஶ்ச ருத்ரஃ ஸேநாபதிர்விபுஃ ।

அஹஶ்சரோ நக்தஞ்சரஸ்திக்மமந்யுஃ ஸுவர்சஸஃ ॥ 17 ॥

கஜஹா தைத்யஹா காலோ லோகதாதா குணாகரஃ ।

ஸிம்ஹஶார்தூலரூபஶ்ச ஆர்த்ரசர்மாம்பராவ்ரு'தஃ ॥ 18 ॥

காலயோகீ மஹாநாதஃ ஸர்வகாமஶ்சதுஷ்பதஃ ।

நிஶாசரஃ ப்ரேதசாரீ பூதசாரீ மஹேஶ்வரஃ ॥ 19 ॥

பஹுபூதோ பஹுதரஃ ஸ்வர்பாநுரமிதோ கதிஃ ।

ந்ரு'த்யப்ரியோ நித்யநர்தோ நர்தகஃ ஸர்வலாலஸஃ ॥ 20 ॥

கோரோ மஹாதபாஃ பாஶோ நித்யோ கிரிருஹோ நபஃ ।

ஸஹஸ்ரஹஸ்தோ விஜயோ வ்யவஸாயோ ஹ்யதந்த்ரிதஃ ॥ 21 ॥

அதர்ஷணோ தர்ஷணாத்மா யஜ்ஞஹா காமநாஶகஃ । [மர்ஷ]

தக்ஷயாகாபஹாரீ ச ஸுஸஹோ மத்யமஸ்ததா ॥ 22 ॥

தேஜோபஹாரீ பலஹா முதிதோऽர்தோऽஜிதோऽவரஃ ।

கம்பீரகோஷோ கம்பீரோ கம்பீரபலவாஹநஃ ॥ 23 ॥

ந்யக்ரோதரூபோ ந்யக்ரோதோ வ்ரு'க்ஷகர்ணஸ்திதிர்விபுஃ ।

ஸுதீக்ஷ்ணதஶநஶ்சைவ மஹாகாயோ மஹாநநஃ ॥ 24 ॥

விஷ்வக்ஸேநோ ஹரிர்யஜ்ஞஃ ஸம்யுகாபீடவாஹநஃ ।

தீக்ஷ்ணதாபஶ்ச ஹர்யஶ்வஃ ஸஹாயஃ கர்மகாலவித் ॥ 25 ॥

விஷ்ணுப்ரஸாதிதோ யஜ்ஞஃ ஸமுத்ரோ படபாமுகஃ ।

ஹுதாஶநஸஹாயஶ்ச ப்ரஶாந்தாத்மா ஹுதாஶநஃ ॥ 26 ॥

உக்ரதேஜா மஹாதேஜா ஜந்யோ விஜயகாலவித் ।

ஜ்யோதிஷாமயநம் ஸித்திஃ ஸர்வவிக்ரஹ ஏவ ச ॥ 27 ॥

ஶிகீ முண்டீ ஜடீ ஜ்வாலீ மூர்திஜோ மூர்தகோ பலீ ।

வேணவீ பணவீ தாலீ கலீ காலகடங்கடஃ ॥ 28 ॥

நக்ஷத்ரவிக்ரஹமதிர்குணபுத்திர்லயோऽகமஃ ।

ப்ரஜாபதிர்விஶ்வபாஹுர்விபாகஃ ஸர்வகோऽமுகஃ ॥ 29 ॥

விமோசநஃ ஸுஸரணோ ஹிரண்யகவசோத்பவஃ ।

மேட்ரஜோ பலசாரீ ச மஹீசாரீ ஸ்ருதஸ்ததா ॥ 30 ॥ [மேகஜோ]

ஸர்வதூர்யநிநாதீ ச ஸர்வாதோத்யபரிக்ரஹஃ ।

வ்யாலரூபோ குஹாவாஸீ குஹோ மாலீ தரங்கவித் ॥ 31 ॥

த்ரிதஶஸ்த்ரிகாலத்ரு'க்கர்மஸர்வபந்தவிமோசநஃ ।

பந்தநஸ்த்வஸுரேந்த்ராணாம் யுதிஶத்ருவிநாஶநஃ ॥ 32 ॥

ஸாங்க்யப்ரஸாதோ துர்வாஸாஃ ஸர்வஸாதுநிஷேவிதஃ ।

ப்ரஸ்கந்தநோ விபாகஜ்ஞோ அதுல்யோ யஜ்ஞபாகவித் ॥ 33 ॥

ஸர்வவாஸஃ ஸர்வசாரீ துர்வாஸா வாஸவோऽமரஃ ।

ஹைமோ ஹேமகரோऽயஜ்ஞஃ ஸர்வதாரீ தரோத்தமஃ ॥ 34 ॥ [யஜ்ஞஃ]

லோஹிதாக்ஷோ மஹாக்ஷஶ்ச விஜயாக்ஷோ விஶாரதஃ ।

ஸங்க்ரஹோ நிக்ரஹஃ கர்தா ஸர்பசீரநிவாஸநஃ ॥ 35 ॥

முக்யோऽமுக்யஶ்ச தேஹஶ்ச காஹலிஃ ஸர்வகாமதஃ ।

ஸர்வகாலப்ரஸாதஶ்ச ஸுபலோ பலரூபத்ரு'த் ॥ 36 ॥

ஸர்வகாமவரஶ்சைவ ஸர்வதஃ ஸர்வதோமுகஃ ।

ஆகாஶநிர்விரூபஶ்ச நிபாதீ ஹ்யவஶஃ ககஃ ॥ 37 ॥

ரௌத்ரரூபோऽம்ஶுராதித்யோ பஹுரஶ்மிஃ ஸுவர்சஸீ ।

வஸுவேகோ மஹாவேகோ மநோவேகோ நிஶாசரஃ ॥ 38 ॥

ஸர்வவாஸீ ஶ்ரியாவாஸீ உபதேஶகரோऽகரஃ ।

முநிராத்மநிராலோகஃ ஸம்பக்நஶ்ச ஸஹஸ்ரதஃ ॥ 39 ॥

பக்ஷீ ச பக்ஷரூபஶ்ச அதிதீப்தோ விஶாம் பதிஃ ।

உந்மாதோ மதநஃ காமோ ஹ்யஶ்வத்தோऽர்தகரோ யஶஃ ॥ 40 ॥

வாமதேவஶ்ச வாமஶ்ச ப்ராக்தக்ஷிணஶ்ச வாமநஃ ।

ஸித்தயோகீ மஹர்ஷிஶ்ச ஸித்தார்தஃ ஸித்தஸாதகஃ ॥ 41 ॥

பிக்ஷுஶ்ச பிக்ஷுரூபஶ்ச விபணோ ம்ரு'துரவ்யயஃ ।

மஹாஸேநோ விஶாகஶ்ச ஷஷ்டிபாகோ கவாம் பதிஃ ॥ 42 ॥

வஜ்ரஹஸ்தஶ்ச விஷ்கம்பீ சமூஸ்தம்பந ஏவ ச ।

வ்ரு'த்தாவ்ரு'த்தகரஸ்தாலோ மதுர்மதுகலோசநஃ ॥ 43 ॥

வாசஸ்பத்யோ வாஜஸநோ நித்யமாஶ்ரமபூஜிதஃ । [நித்யமாஶ்ரிதபூஜிதஃ]

ப்ரஹ்மசாரீ லோகசாரீ ஸர்வசாரீ விசாரவித் ॥ 44 ॥

ஈஶாந ஈஶ்வரஃ காலோ நிஶாசாரீ பிநாகப்ரு'த் ।

நிமித்தஸ்தோ நிமித்தம் ச நந்திர்நந்திகரோ ஹரிஃ ॥ 45 ॥

நந்தீஶ்வரஶ்ச நந்தீ ச நந்தநோ நந்திவர்தநஃ ।

பகஹாரீ நிஹந்தா ச காலோ ப்ரஹ்மா பிதாமஹஃ ॥ 46 ॥

சதுர்முகோ மஹாலிங்கஶ்சாருலிங்கஸ்ததைவ ச ।

லிங்காத்யக்ஷஃ ஸுராத்யக்ஷோ யோகாத்யக்ஷோ யுகாவஹஃ ॥ 47 ॥

பீஜாத்யக்ஷோ பீஜகர்தா அத்யாத்மாநுகதோ பலஃ ।

இதிஹாஸஃ ஸகல்பஶ்ச கௌதமோऽத நிஶாகரஃ ॥ 48 ॥

தம்போ ஹ்யதம்போ வைதம்போ வஶ்யோ வஶகரஃ கலிஃ ।

லோககர்தா பஶுபதிர்மஹாகர்தா ஹ்யநௌஷதஃ ॥ 49 ॥

அக்ஷரம் பரமம் ப்ரஹ்ம பலவச்சக்ர ஏவ ச ।

நீதிர்ஹ்யநீதிஃ ஶுத்தாத்மா ஶுத்தோ மாந்யோ கதாகதஃ ॥ 50 ॥

பஹுப்ரஸாதஃ ஸுஸ்வப்நோ தர்பணோऽத த்வமித்ரஜித் ।

வேதகாரோ மந்த்ரகாரோ வித்வாந் ஸமரமர்தநஃ ॥ 51 ॥

மஹாமேகநிவாஸீ ச மஹாகோரோ வஶீகரஃ ।

அக்நிஜ்வாலோ மஹாஜ்வாலோ அதிதூம்ரோ ஹுதோ ஹவிஃ ॥ 52 ॥

வ்ரு'ஷணஃ ஶங்கரோ நித்யவர்சஸ்வீ தூமகேதநஃ ।

நீலஸ்ததாங்கலுப்தஶ்ச ஶோபநோ நிரவக்ரஹஃ ॥ 53 ॥

ஸ்வஸ்திதஃ ஸ்வஸ்திபாவஶ்ச பாகீ பாககரோ லகுஃ ।

உத்ஸங்கஶ்ச மஹாங்கஶ்ச மஹாகர்பபராயணஃ ॥ 54 ॥

க்ரு'ஷ்ணவர்ணஃ ஸுவர்ணஶ்ச இந்த்ரியம் ஸர்வதேஹிநாம் ।

மஹாபாதோ மஹாஹஸ்தோ மஹாகாயோ மஹாயஶாஃ ॥ 55 ॥

மஹாமூர்தா மஹாமாத்ரோ மஹாநேத்ரோ நிஶாலயஃ ।

மஹாந்தகோ மஹாகர்ணோ மஹோஷ்டஶ்ச மஹாஹநுஃ ॥ 56 ॥

மஹாநாஸோ மஹாகம்புர்மஹாக்ரீவஃ ஶ்மஶாநபாக் ।

மஹாவக்ஷா மஹோரஸ்கோ ஹ்யந்தராத்மா ம்ரு'காலயஃ ॥ 57 ॥

லம்பநோ லம்பிதோஷ்டஶ்ச மஹாமாயஃ பயோநிதிஃ ।

மஹாதந்தோ மஹாதம்ஷ்ட்ரோ மஹாஜிஹ்வோ மஹாமுகஃ ॥ 58 ॥

மஹாநகோ மஹாரோமா மஹாகேஶோ மஹாஜடஃ ।

ப்ரஸந்நஶ்ச ப்ரஸாதஶ்ச ப்ரத்யயோ கிரிஸாதநஃ ॥ 59 ॥

ஸ்நேஹநோऽஸ்நேஹநஶ்சைவ அஜிதஶ்ச மஹாமுநிஃ ।

வ்ரு'க்ஷாகாரோ வ்ரு'க்ஷகேதுரநலோ வாயுவாஹநஃ ॥ 60 ॥

கண்டலீ மேருதாமா ச தேவாதிபதிரேவ ச ।

அதர்வஶீர்ஷஃ ஸாமாஸ்ய ரு'க்ஸஹஸ்ராமிதேக்ஷணஃ ॥ 61 ॥

யஜுஃ பாதபுஜோ குஹ்யஃ ப்ரகாஶோ ஜங்கமஸ்ததா ।

அமோகார்தஃ ப்ரஸாதஶ்ச அபிகம்யஃ ஸுதர்ஶநஃ ॥ 62 ॥

உபகாரஃ ப்ரியஃ ஸர்வஃ கநகஃ காஞ்சநச்சவிஃ ।

நாபிர்நந்திகரோ பாவஃ புஷ்கரஸ்தபதிஃ ஸ்திரஃ ॥ 63 ॥

த்வாதஶஸ்த்ராஸநஶ்சாத்யோ யஜ்ஞோ யஜ்ஞஸமாஹிதஃ ।

நக்தம் கலிஶ்ச காலஶ்ச மகரஃ காலபூஜிதஃ ॥ 64 ॥

ஸகணோ கணகாரஶ்ச பூதவாஹநஸாரதிஃ ।

பஸ்மஶயோ பஸ்மகோப்தா பஸ்மபூதஸ்தருர்கணஃ ॥ 65 ॥

லோகபாலஸ்ததாऽலோகோ மஹாத்மா ஸர்வபூஜிதஃ ।

ஶுக்லஸ்த்ரிஶுக்லஃ ஸம்பந்நஃ ஶுசிர்பூதநிஷேவிதஃ ॥ 66 ॥

ஆஶ்ரமஸ்தஃ க்ரியாவஸ்தோ விஶ்வகர்மமதிர்வரஃ ।

விஶாலஶாகஸ்தாம்ரோஷ்டோ ஹ்யம்புஜாலஃ ஸுநிஶ்சலஃ ॥ 67 ॥

கபிலஃ கபிஶஃ ஶுக்ல ஆயுஶ்சைவ பரோ¶ஃ ।

கந்தர்வோ ஹ்யதிதிஸ்தார்க்ஷ்யஃ ஸுவிஜ்ஞேயஃ ஸுஶாரதஃ ॥ 68 ॥

பரஶ்வதாயுதோ தேவோ ஹ்யநுகாரீ ஸுபாந்தவஃ ।

தும்பவீணோ மஹாக்ரோத ஊர்த்வரேதா ஜலேஶயஃ ॥ 69 ॥

உக்ரோ வம்ஶகரோ வம்ஶோ வம்ஶநாதோ ஹ்யநிந்திதஃ ।

ஸர்வாங்கரூபோ மாயாவீ ஸுஹ்ரு'தோ ஹ்யநிலோऽநலஃ ॥ 70 ॥

பந்தநோ பந்தகர்தா ச ஸுபந்தநவிமோசநஃ ।

ஸ யஜ்ஞாரிஃ ஸ காமாரிர்மஹாதம்ஷ்ட்ரோ மஹாயுதஃ ॥ 71 ॥

பஹுதா நிந்திதஃ ஶர்வஃ ஶங்கரஃ ஶங்கரோऽதநஃ ।

அமரேஶோ மஹாதேவோ விஶ்வதேவஃ ஸுராரிஹா ॥ 72 ॥

அஹிர்புத்ந்யோऽநிலாபஶ்ச சேகிதாநோ ஹவிஸ்ததா । [ஹரி]

அஜைகபாச்ச காபாலீ த்ரிஶங்குரஜிதஃ ஶிவஃ ॥ 73 ॥

தந்வந்தரிர்தூமகேதுஃ ஸ்கந்தோ வைஶ்ரவணஸ்ததா ।

தாதா ஶக்ரஶ்ச விஷ்ணுஶ்ச மித்ரஸ்த்வஷ்டா த்ருவோ தரஃ ॥ 74 ॥

ப்ரபாவஃ ஸர்வகோ வாயுரர்யமா ஸவிதா ரவிஃ ।

உஷங்குஶ்ச விதாதா ச மாந்தாதா பூதபாவநஃ ॥ 75 ॥

விபுர்வர்ணவிபாவீ ச ஸர்வகாமகுணாவஹஃ ।

பத்மநாபோ மஹாகர்பஶ்சந்த்ரவக்த்ரோऽநிலோऽநலஃ ॥ 76 ॥

பலவாம்ஶ்சோபஶாந்தஶ்ச புராணஃ புண்யசஞ்சுரீ ।

குருகர்தா குருவாஸீ குருபூதோ குணௌஷதஃ ॥ 77 ॥

ஸர்வாஶயோ தர்பசாரீ ஸர்வேஷாம் ப்ராணிநாம் பதிஃ ।

தேவதேவஃ ஸுகாஸக்தஃ ஸதஸத்ஸர்வரத்நவித் ॥ 78 ॥

கைலாஸகிரிவாஸீ ச ஹிமவத்கிரிஸம்ஶ்ரயஃ ।

கூலஹாரீ கூலகர்தா பஹுவித்யோ பஹுப்ரதஃ ॥ 79 ॥

வணிஜோ வர்தகீ வ்ரு'க்ஷோ வகுலஶ்சந்தநஶ்சதஃ ।

ஸாரக்ரீவோ மஹாஜத்ருரலோலஶ்ச மஹௌஷதஃ ॥ 80 ॥

ஸித்தார்தகாரீ ஸித்தார்தஶ்சந்தோவ்யாகரணோத்தரஃ ।

ஸிம்ஹநாதஃ ஸிம்ஹதம்ஷ்ட்ரஃ ஸிம்ஹகஃ ஸிம்ஹவாஹநஃ ॥ 81 ॥

ப்ரபாவாத்மா ஜகத்காலஸ்தாலோ லோகஹிதஸ்தருஃ ।

ஸாரங்கோ நவசக்ராங்கஃ கேதுமாலீ ஸபாவநஃ ॥ 82 ॥

பூதாலயோ பூதபதிரஹோராத்ரமநிந்திதஃ ॥ 83 ॥

வாஹிதா ஸர்வபூதாநாம் நிலயஶ்ச விபுர்பவஃ ।

அமோகஃ ஸம்யதோ ஹ்யஶ்வோ போஜநஃ ப்ராணதாரணஃ ॥ 84 ॥

த்ரு'திமாந் மதிமாந் தக்ஷஃ ஸத்க்ரு'தஶ்ச யுகாதிபஃ ।

கோபாலிர்கோபதிர்க்ராமோ கோசர்மவஸநோ ஹரிஃ ॥ 85 ॥

ஹிரண்யபாஹுஶ்ச ததா குஹாபாலஃ ப்ரவேஶிநாம் ।

ப்ரக்ரு'ஷ்டாரிர்மஹாஹர்ஷோ ஜிதகாமோ ஜிதேந்த்ரியஃ ॥ 86 ॥

காந்தாரஶ்ச ஸுவாஸஶ்ச தபஃஸக்தோ ரதிர்நரஃ ।

மஹாகீதோ மஹாந்ரு'த்யோ ஹ்யப்ஸரோகணஸேவிதஃ ॥ 87 ॥

மஹாகேதுர்மஹாதாதுர்நைகஸாநுசரஶ்சலஃ ।

ஆவேதநீய ஆதேஶஃ ஸர்வகந்தஸுகாவஹஃ ॥ 88 ॥

தோரணஸ்தாரணோ வாதஃ பரிதீ பதிகேசரஃ ।

ஸம்யோகோ வர்தநோ வ்ரு'த்தோ அதிவ்ரு'த்தோ குணாதிகஃ ॥ 89 ॥

நித்ய ஆத்மஸஹாயஶ்ச தேவாஸுரபதிஃ பதிஃ ।

யுக்தஶ்ச யுக்தபாஹுஶ்ச தேவோ திவிஸுபர்வணஃ ॥ 90 ॥

ஆஷாடஶ்ச ஸுஷாடஶ்ச த்ருவோऽத ஹரிணோ ஹரஃ ।

வபுராவர்தமாநேப்யோ வஸுஶ்ரேஷ்டோ மஹாபதஃ ॥ 91 ॥

ஶிரோஹாரீ விமர்ஶஶ்ச ஸர்வலக்ஷணலக்ஷிதஃ ।

அக்ஷஶ்ச ரதயோகீ ச ஸர்வயோகீ மஹாபலஃ ॥ 92 ॥

ஸமாம்நாயோऽஸமாம்நாயஸ்தீர்ததேவோ மஹாரதஃ ।

நிர்ஜீவோ ஜீவநோ மந்த்ரஃ ஶுபாக்ஷோ பஹுகர்கஶஃ ॥ 93 ॥

ரத்நப்ரபூதோ ரக்தாங்கோ மஹார்ணவநிபாநவித் । [ரத்நாங்கோ]

மூலம் விஶாலோ ஹ்யம்ரு'தோ வ்யக்தாவ்யக்தஸ்தபோநிதிஃ ॥ 94 ॥

ஆரோஹணோऽதிரோஹஶ்ச ஶீலதாரீ மஹாயஶாஃ ।

ஸேநாகல்போ மஹாகல்போ யோகோ யுககரோ ஹரிஃ ॥ 95 ॥ [யோககரோ]

யுகரூபோ மஹாரூபோ மஹாநாகஹநோ வதஃ ।

ந்யாயநிர்வபணஃ பாதஃ பண்டிதோ ஹ்யசலோபமஃ ॥ 96 ॥

பஹுமாலோ மஹாமாலஃ ஶஶீ ஹரஸுலோசநஃ ।

விஸ்தாரோ லவணஃ கூபஸ்த்ரியுகஃ ஸபலோதயஃ ॥ 97 ॥

த்ரிலோசநோ விஷண்ணாங்கோ மணிவித்தோ ஜடாதரஃ ।

பிந்துர்விஸர்கஃ ஸுமுகஃ ஶரஃ ஸர்வாயுதஃ ஸஹஃ ॥ 98 ॥

நிவேதநஃ ஸுகாஜாதஃ ஸுகந்தாரோ மஹாதநுஃ ।

கந்தபாலீ ச பகவாநுத்தாநஃ ஸர்வகர்மணாம் ॥ 99 ॥

மந்தாநோ பஹுலோ வாயுஃ ஸகலஃ ஸர்வலோசநஃ ।

தலஸ்தாலஃ கரஸ்தாலீ ஊர்த்வஸம்ஹநநோ மஹாந் ॥ 100 ॥

சத்ரம் ஸுச்சத்ரோ விக்யாதோ லோகஃ ஸர்வாஶ்ரயஃ க்ரமஃ ।

முண்டோ விரூபோ விக்ரு'தோ தண்டீ குண்டீ விகுர்வணஃ ॥ 101 ॥

ஹர்யக்ஷஃ ககுபோ வஜ்ரீ ஶதஜிஹ்வஃ ஸஹஸ்ரபாத் ।

ஸஹஸ்ரமூர்தா தேவேந்த்ரஃ ஸர்வதேவமயோ குருஃ ॥ 102 ॥

ஸஹஸ்ரபாஹுஃ ஸர்வாங்கஃ ஶரண்யஃ ஸர்வலோகக்ரு'த் ।

பவித்ரம் த்ரிககுந்மந்த்ரஃ கநிஷ்டஃ க்ரு'ஷ்ணபிங்கலஃ ॥ 103 ॥

ப்ரஹ்மதண்டவிநிர்மாதா ஶதக்நீபாஶஶக்திமாந் ।

பத்மகர்போ மஹாகர்போ ப்ரஹ்மகர்போ ஜலோத்பவஃ ॥ 104 ॥

கபஸ்திர்ப்ரஹ்மக்ரு'த்ப்ரஹ்மீ ப்ரஹ்மவித்ப்ராஹ்மணோ கதிஃ ।

அநந்தரூபோ நைகாத்மா திக்மதேஜாஃ ஸ்வயம்புவஃ ॥ 105 ॥

ஊர்த்வகாத்மா பஶுபதிர்வாதரம்ஹா மநோஜவஃ ।

சந்தநீ பத்மநாலாக்ரஃ ஸுரப்யுத்தரணோ நரஃ ॥ 106 ॥

கர்ணிகாரமஹாஸ்ரக்வீ நீலமௌலிஃ பிநாகத்ரு'த் ।

உமாபதிருமாகாந்தோ ஜாஹ்நவீத்ரு'துமாதவஃ ॥ 107 ॥

வரோ வராஹோ வரதோ வரேண்யஃ ஸுமஹாஸ்வநஃ ।

மஹாப்ரஸாதோ தமநஃ ஶத்ருஹா ஶ்வேதபிங்கலஃ ॥ 108 ॥

பீதாத்மா பரமாத்மா ச ப்ரயதாத்மா ப்ரதாநத்ரு'த் । [ப்ரீதாத்மா]

ஸர்வபார்ஶ்வமுகஸ்த்ர்யக்ஷோ தர்மஸாதாரணோ வரஃ ॥ 109 ॥

சராசராத்மா ஸூக்ஷ்மாத்மா அம்ரு'தோ கோவ்ரு'ஷேஶ்வரஃ ।

ஸாத்யர்ஷிர்வஸுராதித்யோ விவஸ்வாந்ஸவிதாம்ரு'தஃ ॥ 110 ॥

வ்யாஸஃ ஸர்கஃ ஸுஸங்க்ஷேபோ விஸ்தரஃ பர்யயோ நரஃ ।

ரு'துஃ ஸம்வத்ஸரோ மாஸஃ பக்ஷஃ ஸங்க்யாஸமாபநஃ ॥ 111 ॥

கலா காஷ்டா லவா மாத்ரா முஹூர்தாஹஃ க்ஷபாஃ க்ஷணாஃ ।

விஶ்வக்ஷேத்ரம் ப்ரஜாபீஜம் லிங்கமாத்யஸ்து நிர்கமஃ ॥ 112 ॥

ஸதஸத்வ்யக்தமவ்யக்தம் பிதா மாதா பிதாமஹஃ ।

ஸ்வர்கத்வாரம் ப்ரஜாத்வாரம் மோக்ஷத்வாரம் த்ரிவிஷ்டபம் ॥ 113 ॥

நிர்வாணம் ஹ்லாதநஶ்சைவ ப்ரஹ்மலோகஃ பரா கதிஃ ।

தேவாஸுரவிநிர்மாதா தேவாஸுரபராயணஃ ॥ 114 ॥

தேவாஸுரகுருர்தேவோ தேவாஸுரநமஸ்க்ரு'தஃ ।

தேவாஸுரமஹாமாத்ரோ தேவாஸுரகணாஶ்ரயஃ ॥ 115 ॥

தேவாஸுரகணாத்யக்ஷோ தேவாஸுரகணாக்ரணீஃ ।

தேவாதிதேவோ தேவர்ஷிர்தேவாஸுரவரப்ரதஃ ॥ 116 ॥ [தேவாதி]

தேவாஸுரேஶ்வரோ விஶ்வோ தேவாஸுரமஹேஶ்வரஃ ।

ஸர்வதேவமயோऽசிந்த்யோ தேவதாத்மாऽऽத்மஸம்பவஃ ॥ 117 ॥

உத்பித்த்ரிவிக்ரமோ வைத்யோ விரஜோ நீரஜோऽமரஃ ।

ஈட்யோ ஹஸ்தீஶ்வரோ வ்யாக்ரோ தேவஸிம்ஹோ நரர்ஷபஃ ॥ 118 ॥

விபுதோऽக்ரவரஃ ஸூக்ஷ்மஃ ஸர்வதேவஸ்தபோமயஃ ।

ஸுயுக்தஃ ஶோபநோ வஜ்ரீ ப்ராஸாநாம் ப்ரபவோऽவ்யயஃ ॥ 119 ॥

குஹஃ காந்தோ நிஜஃ ஸர்கஃ பவித்ரம் ஸர்வபாவநஃ ।

ஶ்ரு'ங்கீ ஶ்ரு'ங்கப்ரியோ பப்ரூ ராஜராஜோ நிராமயஃ ॥ 120 ॥

அபிராமஃ ஸுரகணோ விராமஃ ஸர்வஸாதநஃ ।

லலாடாக்ஷோ விஶ்வதேவோ ஹரிணோ ப்ரஹ்மவர்சஸஃ ॥ 121 ॥

ஸ்தாவராணாம் பதிஶ்சைவ நியமேந்த்ரியவர்தநஃ ।

ஸித்தார்தஃ ஸித்தபூதார்தோऽசிந்த்யஃ ஸத்யவ்ரதஃ ஶுசிஃ ॥ 122 ॥

வ்ரதாதிபஃ பரம் ப்ரஹ்ம பக்தாநாம் பரமா கதிஃ । [பக்தாநுக்ரஹகாரகஃ]

விமுக்தோ முக்ததேஜாஶ்ச ஶ்ரீமாந் ஶ்ரீவர்தநோ ஜகத் ॥ 123 ॥

உத்தரபீடிகா (பலஶ்ரு'தி)

யதா ப்ரதாநம் பகவாநிதி பக்த்யா ஸ்துதோ மயா ।

யம் ந ப்ரஹ்மாதயோ தேவா விதுஸ்தத்த்வேந நர்ஷயஃ ॥ 1 ॥

ஸ்தோதவ்யமர்ச்யம் வந்த்யம் ச கஃ ஸ்தோஷ்யதி ஜகத்பதிம் ।

பக்த்யா த்வேவம் புரஸ்க்ரு'த்ய மயா யஜ்ஞபதிர்விபுஃ ॥ 2 ॥

ததோऽப்யநுஜ்ஞாம் ஸம்ப்ராப்ய ஸ்துதோ மதிமதாம் வரஃ ।

ஶிவமேபிஃ ஸ்துவந் தேவம் நாமபிஃ புஷ்டிவர்தநைஃ ॥ 3 ॥

நித்யயுக்தஃ ஶுசிர்பக்தஃ ப்ராப்நோத்யாத்மாநமாத்மநா ।

ஏதத்தி பரமம் ப்ரஹ்ம பரம் ப்ரஹ்மாதிகச்சதி ॥ 4 ॥

ரு'ஷயஶ்சைவ தேவாஶ்ச ஸ்துவந்த்யேதேந தத்பரம் ।

ஸ்தூயமாநோ மஹாதேவஸ்துஷ்யதே நியதாத்மபிஃ ॥ 5 ॥

பக்தாநுகம்பீ பகவாநாத்மஸம்ஸ்தாகரோ விபுஃ ।

ததைவ ச மநுஷ்யேஷு யே மநுஷ்யாஃ ப்ரதாநதஃ ॥ 6 ॥

ஆஸ்திகாஃ ஶ்ரத்ததாநாஶ்ச பஹுபிர்ஜந்மபிஃ ஸ்தவைஃ ।

பக்த்யா ஹ்யநந்யமீஶாநம் பரம் தேவம் ஸநாதநம் ॥ 7 ॥

கர்மணா மநஸா வாசா பாவேநாமிததேஜஸஃ ।

ஶயாநா ஜாக்ரமாணாஶ்ச வ்ரஜந்நுபவிஶம்ஸ்ததா ॥ 8 ॥

உந்மிஷந்நிமிஷம்ஶ்சைவ சிந்தயந்தஃ புநஃ புநஃ ।

ஶ்ரு'ண்வந்தஃ ஶ்ராவயந்தஶ்ச கதயந்தஶ்ச தே பவம் ॥ 9 ॥

ஸ்துவந்தஃ ஸ்தூயமாநாஶ்ச துஷ்யந்தி ச ரமந்தி ச ।

ஜந்மகோடிஸஹஸ்ரேஷு நாநாஸம்ஸாரயோநிஷு ॥ 10 ॥

ஜந்தோர்விகதபாபஸ்ய பவே பக்திஃ ப்ரஜாயதே ।

உத்பந்நா ச பவே பக்திரநந்யா ஸர்வபாவதஃ ॥ 11 ॥

பாவிநஃ காரணே சாஸ்ய ஸர்வயுக்தஸ்ய ஸர்வதா ।

ஏதத்தேவேஷு துஷ்ப்ராபம் மநுஷ்யேஷு ந லப்யதே ॥ 12 ॥

நிர்விக்நா நிஶ்சலா ருத்ரே பக்திரவ்யபிசாரிணீ ।

தஸ்யைவ ச ப்ரஸாதேந பக்திருத்பத்யதே ந்ரு'ணாம் ॥ 13 ॥

யேந யாந்தி பராம் ஸித்திம் தத்பாவகதசேதஸஃ ।

யே ஸர்வபாவாநுகதாஃ ப்ரபத்யந்தே மஹேஶ்வரம் ॥ 14 ॥

ப்ரபந்நவத்ஸலோ தேவஃ ஸம்ஸாராத்தாந்ஸமுத்தரேத் ।

ஏவமந்யே விகுர்வந்தி தேவாஃ ஸம்ஸாரமோசநம் ॥ 15 ॥

மநுஷ்யாணாம்ரு'தே தேவம் நாந்யா ஶக்திஸ்தபோபலம் ।

இதி தேநேந்த்ரகல்பேந பகவாந் ஸதஸத்பதிஃ ॥ 16 ॥

க்ரு'த்திவாஸாஃ ஸ்துதஃ க்ரு'ஷ்ண தண்டிநா ஶுபபுத்திநா ।

ஸ்தவமேதம் பகவதோ ப்ரஹ்மா ஸ்வயமதாரயத் ॥ 17 ॥

கீயதே ச ஸ புத்த்யேத ப்ரஹ்மா ஶங்கரஸந்நிதௌ ।

இதம் புண்யம் பவித்ரம் ச ஸர்வதா பாபநாஶநம் ॥ 18 ॥

யோகதம் மோக்ஷதம் சைவ ஸ்வர்கதம் தோஷதம் ததா ।

ஏவமேதத்படந்தே ய ஏகபக்த்யா து ஶங்கரம் ॥ 19 ॥

யா கதிஃ ஸாங்க்யயோகாநாம் வ்ரஜந்த்யேதாம் கதிம் ததா ।

ஸ்தவமேதம் ப்ரயத்நேந ஸதா ருத்ரஸ்ய ஸந்நிதௌ ॥ 20 ॥

அப்தமேகம் சரேத்பக்தஃ ப்ராப்நுயாதீப்ஸிதம் பலம் ।

ஏதத்ரஹஸ்யம் பரமம் ப்ரஹ்மணோ ஹ்ரு'தி ஸம்ஸ்திதம் ॥ 21 ॥

ப்ரஹ்மா ப்ரோவாச ஶக்ராய ஶக்ரஃ ப்ரோவாச ம்ரு'த்யவே ।

ம்ரு'த்யுஃ ப்ரோவாச ருத்ரேப்யோ ருத்ரேப்யஸ்தண்டிமாகமத் ॥ 22 ॥

மஹதா தபஸா ப்ராப்தஸ்தண்டிநா ப்ரஹ்மஸத்மநி ।

தண்டிஃ ப்ரோவாச ஶுக்ராய கௌதமாய ச பார்கவஃ ॥ 23 ॥

வைவஸ்வதாய மநவே கௌதமஃ ப்ராஹ மாதவ ।

நாராயணாய ஸாத்யாய ஸமாதிஷ்டாய தீமதே ॥ 24 ॥

யமாய ப்ராஹ பகவாந் ஸாத்யோ நாராயணோऽச்யுதஃ ।

நாசிகேதாய பகவாநாஹ வைவஸ்வதோ யமஃ ॥ 25 ॥

மார்கண்டேயாய வார்ஷ்ணேய நாசிகேதோऽப்யபாஷத ।

மார்கண்டேயாந்மயா ப்ராப்தோ நியமேந ஜநார்தந ॥ 26 ॥

தவாப்யஹமமித்ரக்ந ஸ்தவம் தத்யாம் ஹ்யவிஶ்ருதம் ।

ஸ்வர்க்யமாரோக்யமாயுஷ்யம் தந்யம் வேதேந ஸம்மிதம் ॥ 27 ॥

நாஸ்ய விக்நம் விகுர்வந்தி தாநவா யக்ஷராக்ஷஸாஃ ।

பிஶாசா யாதுதாநா வா குஹ்யகா புஜகா அபி ॥ 28 ॥

யஃ படேத ஶுசிஃ பார்த ப்ரஹ்மசாரீ ஜிதேந்த்ரியஃ । [பூத்வா]

அபக்நயோகோ வர்ஷம் து ஸோऽஶ்வமேதபலம் லபேத் ॥ 29 ॥

இதி ஶ்ரீமஹாபாரதே அநுஶாஸநபர்வணி மஹாதேவஸஹஸ்ரநாம ஸ்தோத்ரம் நாம ஸப்ததஶோऽத்யாயஃ ॥

Roman (IAST) Transliteration

pūrvapīṭhikā ||

vāsudeva uvāca |

tataḥ sa prayato bhūtvā mama tāta yudhiṣṭhira |

prāñjaliḥ prāha viprarṣirnāmasaṅgrahamāditaḥ || 1 ||

upamanyuruvāca |

brahmaproktairṛṣiproktairvedavedāṅgasambhavaiḥ |

sarvalokeṣu vikhyātaṃ stutyaṃ stoṣyāmi nāmabhiḥ || 2 ||

mahadbhirvihitaiḥ satyaiḥ siddhaiḥ sarvārthasādhakaiḥ |

ṛṣiṇā taṇḍinā bhaktyā kṛtairvedakṛtātmanā || 3 ||

yathoktaiḥ sādhubhiḥ khyātairmunibhistattvadarśibhiḥ |

pravaraṃ prathamaṃ svargyaṃ sarvabhūtahitaṃ śubham || 4 ||

śrutaiḥ sarvatra jagati brahmalokāvatāritaiḥ |

satyaistatparamaṃ brahma brahmaproktaṃ sanātanam || 5 ||

vakṣye yadukulaśreṣṭha śṛṇuṣvāvahito mama |

varayainaṃ bhavaṃ devaṃ bhaktastvaṃ parameśvaram || 6 ||

tena te śrāvayiṣyāmi yattadbrahma sanātanam |

na śakyaṃ vistarātkṛtsnaṃ vaktuṃ sarvasya kenacit || 7 ||

yuktenāpi vibhūtīnāmapi varṣaśatairapi |

yasyādirmadhyamantaṃ ca surairapi na gamyate || 8 ||

kastasya śaknuyādvaktuṃ guṇān kārtsnyena mādhava |

kiṃ tu devasya mahataḥ saṅkṣiptārthapadākṣaram || 9 ||

śaktitaścaritaṃ vakṣye prasādāttasya dhīmataḥ |

aprāpya tu tato'nujñāṃ na śakyaḥ stotumīśvaraḥ || 10 ||

yadā tenābhyanujñātaḥ stuto vai sa tadā mayā |

anādinidhanasyāhaṃ jagadyonermahātmanaḥ || 11 ||

nāmnāṃ kiñcitsamuddeśaṃ vakṣyāmyavyaktayoninaḥ |

varadasya vareṇyasya viśvarūpasya dhīmataḥ || 12 ||

śṛṇu nāmnāṃ ca yaṃ kṛṣṇa yaduktaṃ padmayoninā |

daśanāmasahasrāṇi yānyāha prapitāmahaḥ || 13 ||

tāni nirmathya manasā dadhno ghṛtamivoddhṛtam |

gireḥ sāraṃ yathā hema puṣpasāraṃ yathā madhu || 14 ||

ghṛtātsāraṃ yathā maṇḍastathaitatsāramuddhṛtam |

sarvapāpāpahamidaṃ caturvedasamanvitam || 15 ||

prayatnenādhigantavyaṃ dhāryaṃ ca prayatātmanā |

māṅgalyaṃ pauṣṭikaṃ caiva rakṣoghnaṃ pāvanaṃ mahat || 16 ||

idaṃ bhaktāya dātavyaṃ śraddadhānāstikāya ca |

nāśraddadhānarūpāya nāstikāyājitātmane || 17 ||

yaścābhyasūyate devaṃ kāraṇātmānamīśvaram |

sa kṛṣṇa narakaṃ yāti saha pūrvaiḥ sahātmajaiḥ || 18 ||

idaṃ dhyānamidaṃ yogamidaṃ dhyeyamanuttamam |

idaṃ japyamidaṃ jñānaṃ rahasyamidamuttamam || 19 ||

yaṃ jñātvā antakālepi gaccheta paramāṃ gatim |

pavitraṃ maṅgalaṃ medhyaṃ kalyāṇamidamuttamam || 20 ||

idaṃ brahmā purā kṛtvā sarvalokapitāmahaḥ |

sarva stavānāṃ rājatve divyānāṃ samakalpayat || 21 ||

tadā prabhṛti caivāyamīśvarasya mahātmanaḥ |

stavarāja iti khyāto jagatyamarapūjitaḥ || 22 ||

brahmalokādayaṃ svarge stavarājo'vatāritaḥ |

yatastaṇḍiḥ purā prāpa tena taṇḍikṛto'bhavat || 23 ||

svargāccaivātra bhūrlokaṃ taṇḍinā hyavatāritaḥ |

sarvamaṅgalamāṅgalyaṃ sarvapāpapraṇāśanam || 24 ||

nigadiṣye mahābāho stavānāmuttamaṃ stavam |

brahmaṇāmapi yadbrahma parāṇāmapi yatparam || 25 ||

tejasāmapi yattejastapasāmapi yattapaḥ |

śāntānāmapi yaḥ śānto dyutīnāmapi yā dyutiḥ || 26 ||

dāntānāmapi yo dānto dhīmatāmapi yā ca dhīḥ |

devānāmapi yo deva ṛṣīṇāmapi yastvṛṣiḥ || 27 ||

yajñānāmapi yo yajñaḥ śivānāmapi yaḥ śivaḥ |

rudrāṇāmapi yo rudraḥ prabhā prabhavatāmapi || 28 ||

yogināmapi yo yogī kāraṇānāṃ ca kāraṇam |

yato lokāḥ sambhavanti na bhavanti yataḥ punaḥ || 29 ||

sarvabhūtātmabhūtasya harasyāmitatejasaḥ |

aṣṭottarasahasraṃ tu nāmnāṃ śarvasya me śṛṇu |

yacchrutvā manujavyāghra sarvānkāmānavāpsyasi || 30 ||

dhyānam |

śāntaṃ padmāsanasthaṃ śaśidharamukuṭaṃ pañcavaktraṃ trinetraṃ

śūlaṃ vajraṃ ca khaḍgaṃ paraśumabhayadaṃ dakṣabhāge vahantam |

nāgaṃ pāśaṃ ca ghaṇṭāṃ pralayahutavahaṃ sāṅkuśaṃ vāmabhāge

nānālaṅkārayuktaṃ sphaṭikamaṇinibhaṃ pārvatīśaṃ namāmi ||

stotram |

oṃ sthiraḥ sthāṇuḥ prabhurbhīmaḥ pravaro varado varaḥ |

sarvātmā sarvavikhyātaḥ sarvaḥ sarvakaro bhavaḥ || 1 ||

jaṭī carmī śikhaṇḍī ca sarvāṅgaḥ sarvabhāvanaḥ |

haraśca hariṇākṣaśca sarvabhūtaharaḥ prabhuḥ || 2 ||

pravṛttiśca nivṛttiśca niyataḥ śāśvato dhruvaḥ |

śmaśānavāsī bhagavān khacaro gocaro'rdanaḥ || 3 ||

abhivādyo mahākarmā tapasvī bhūtabhāvanaḥ |

unmattaveṣapracchannaḥ sarvalokaprajāpatiḥ || 4 ||

mahārūpo mahākāyo vṛṣarūpo mahāyaśāḥ |

mahātmā sarvabhūtātmā viśvarūpo mahāhanuḥ || 5 ||

lokapālo'ntarhitātmā prasādo hayagardabhiḥ |

pavitraṃ ca mahāṃścaiva niyamo niyamāśritaḥ || 6 ||

sarvakarmā svayambhūta ādirādikaro nidhiḥ |

sahasrākṣo viśālākṣaḥ somo nakṣatrasādhakaḥ || 7 ||

candraḥ sūryaḥ śaniḥ keturgraho grahapatirvaraḥ |

atriratryā namaskartā mṛgabāṇārpaṇo'naghaḥ || 8 || [ādyantalayakartā ca]

mahātapā ghoratapā adīno dīnasādhakaḥ |

saṃvatsarakaro mantraḥ pramāṇaṃ paramaṃ tapaḥ || 9 ||

yogī yojyo mahābījo mahāretā mahābalaḥ |

suvarṇaretāḥ sarvajñaḥ subījo bījavāhanaḥ || 10 ||

daśabāhustvanimiṣo nīlakaṇṭha umāpatiḥ |

viśvarūpaḥ svayaṃ śreṣṭho balavīro balo gaṇaḥ || 11 ||

gaṇakartā gaṇapatirdigvāsāḥ kāma eva ca |

mantravitparamo mantraḥ sarvabhāvakaro haraḥ || 12 ||

kamaṇḍaludharo dhanvī bāṇahastaḥ kapālavān |

aśanī śataghnī khaḍgī paṭṭiśī cāyudhī mahān || 13 ||

sruvahastaḥ surūpaśca tejastejaskaro nidhiḥ |

uṣṇīṣī ca suvaktraśca udagro vinatastathā || 14 ||

dīrghaśca harikeśaśca sutīrthaḥ kṛṣṇa eva ca |

sṛgālarūpaḥ siddhārtho muṇḍaḥ sarvaśubhaṅkaraḥ || 15 ||

ajaśca bahurūpaśca gandhadhārī kapardyapi |

ūrdhvaretā ūrdhvaliṅga ūrdhvaśāyī nabhaḥsthalaḥ || 16 ||

trijaṭī cīravāsāśca rudraḥ senāpatirvibhuḥ |

ahaścaro naktañcarastigmamanyuḥ suvarcasaḥ || 17 ||

gajahā daityahā kālo lokadhātā guṇākaraḥ |

siṃhaśārdūlarūpaśca ārdracarmāmbarāvṛtaḥ || 18 ||

kālayogī mahānādaḥ sarvakāmaścatuṣpathaḥ |

niśācaraḥ pretacārī bhūtacārī maheśvaraḥ || 19 ||

bahubhūto bahudharaḥ svarbhānuramito gatiḥ |

nṛtyapriyo nityanarto nartakaḥ sarvalālasaḥ || 20 ||

ghoro mahātapāḥ pāśo nityo giriruho nabhaḥ |

sahasrahasto vijayo vyavasāyo hyatandritaḥ || 21 ||

adharṣaṇo dharṣaṇātmā yajñahā kāmanāśakaḥ | [marṣa]

dakṣayāgāpahārī ca susaho madhyamastathā || 22 ||

tejopahārī balahā mudito'rtho'jito'varaḥ |

gambhīraghoṣo gambhīro gambhīrabalavāhanaḥ || 23 ||

nyagrodharūpo nyagrodho vṛkṣakarṇasthitirvibhuḥ |

sutīkṣṇadaśanaścaiva mahākāyo mahānanaḥ || 24 ||

viṣvakseno hariryajñaḥ saṃyugāpīḍavāhanaḥ |

tīkṣṇatāpaśca haryaśvaḥ sahāyaḥ karmakālavit || 25 ||

viṣṇuprasādito yajñaḥ samudro baḍabāmukhaḥ |

hutāśanasahāyaśca praśāntātmā hutāśanaḥ || 26 ||

ugratejā mahātejā janyo vijayakālavit |

jyotiṣāmayanaṃ siddhiḥ sarvavigraha eva ca || 27 ||

śikhī muṇḍī jaṭī jvālī mūrtijo mūrdhago balī |

veṇavī paṇavī tālī khalī kālakaṭaṅkaṭaḥ || 28 ||

nakṣatravigrahamatirguṇabuddhirlayo'gamaḥ |

prajāpatirviśvabāhurvibhāgaḥ sarvago'mukhaḥ || 29 ||

vimocanaḥ susaraṇo hiraṇyakavacodbhavaḥ |

meḍhrajo balacārī ca mahīcārī srutastathā || 30 || [meghajo]

sarvatūryaninādī ca sarvātodyaparigrahaḥ |

vyālarūpo guhāvāsī guho mālī taraṅgavit || 31 ||

tridaśastrikāladhṛkkarmasarvabandhavimocanaḥ |

bandhanastvasurendrāṇāṃ yudhiśatruvināśanaḥ || 32 ||

sāṅkhyaprasādo durvāsāḥ sarvasādhuniṣevitaḥ |

praskandano vibhāgajño atulyo yajñabhāgavit || 33 ||

sarvavāsaḥ sarvacārī durvāsā vāsavo'maraḥ |

haimo hemakaro'yajñaḥ sarvadhārī dharottamaḥ || 34 || [yajñaḥ]

lohitākṣo mahākṣaśca vijayākṣo viśāradaḥ |

saṅgraho nigrahaḥ kartā sarpacīranivāsanaḥ || 35 ||

mukhyo'mukhyaśca dehaśca kāhaliḥ sarvakāmadaḥ |

sarvakālaprasādaśca subalo balarūpadhṛt || 36 ||

sarvakāmavaraścaiva sarvadaḥ sarvatomukhaḥ |

ākāśanirvirūpaśca nipātī hyavaśaḥ khagaḥ || 37 ||

raudrarūpo'ṃśurādityo bahuraśmiḥ suvarcasī |

vasuvego mahāvego manovego niśācaraḥ || 38 ||

sarvavāsī śriyāvāsī upadeśakaro'karaḥ |

munirātmanirālokaḥ sambhagnaśca sahasradaḥ || 39 ||

pakṣī ca pakṣarūpaśca atidīpto viśāṃ patiḥ |

unmādo madanaḥ kāmo hyaśvattho'rthakaro yaśaḥ || 40 ||

vāmadevaśca vāmaśca prāgdakṣiṇaśca vāmanaḥ |

siddhayogī maharṣiśca siddhārthaḥ siddhasādhakaḥ || 41 ||

bhikṣuśca bhikṣurūpaśca vipaṇo mṛduravyayaḥ |

mahāseno viśākhaśca ṣaṣṭibhāgo gavāṃ patiḥ || 42 ||

vajrahastaśca viṣkambhī camūstambhana eva ca |

vṛttāvṛttakarastālo madhurmadhukalocanaḥ || 43 ||

vācaspatyo vājasano nityamāśramapūjitaḥ | [nityamāśritapūjitaḥ]

brahmacārī lokacārī sarvacārī vicāravit || 44 ||

īśāna īśvaraḥ kālo niśācārī pinākabhṛt |

nimittastho nimittaṃ ca nandirnandikaro hariḥ || 45 ||

nandīśvaraśca nandī ca nandano nandivardhanaḥ |

bhagahārī nihantā ca kālo brahmā pitāmahaḥ || 46 ||

caturmukho mahāliṅgaścāruliṅgastathaiva ca |

liṅgādhyakṣaḥ surādhyakṣo yogādhyakṣo yugāvahaḥ || 47 ||

bījādhyakṣo bījakartā adhyātmānugato balaḥ |

itihāsaḥ sakalpaśca gautamo'tha niśākaraḥ || 48 ||

dambho hyadambho vaidambho vaśyo vaśakaraḥ kaliḥ |

lokakartā paśupatirmahākartā hyanauṣadhaḥ || 49 ||

akṣaraṃ paramaṃ brahma balavacchakra eva ca |

nītirhyanītiḥ śuddhātmā śuddho mānyo gatāgataḥ || 50 ||

bahuprasādaḥ susvapno darpaṇo'tha tvamitrajit |

vedakāro mantrakāro vidvān samaramardanaḥ || 51 ||

mahāmeghanivāsī ca mahāghoro vaśīkaraḥ |

agnijvālo mahājvālo atidhūmro huto haviḥ || 52 ||

vṛṣaṇaḥ śaṅkaro nityavarcasvī dhūmaketanaḥ |

nīlastathāṅgalubdhaśca śobhano niravagrahaḥ || 53 ||

svastidaḥ svastibhāvaśca bhāgī bhāgakaro laghuḥ |

utsaṅgaśca mahāṅgaśca mahāgarbhaparāyaṇaḥ || 54 ||

kṛṣṇavarṇaḥ suvarṇaśca indriyaṃ sarvadehinām |

mahāpādo mahāhasto mahākāyo mahāyaśāḥ || 55 ||

mahāmūrdhā mahāmātro mahānetro niśālayaḥ |

mahāntako mahākarṇo mahoṣṭhaśca mahāhanuḥ || 56 ||

mahānāso mahākamburmahāgrīvaḥ śmaśānabhāk |

mahāvakṣā mahorasko hyantarātmā mṛgālayaḥ || 57 ||

lambano lambitoṣṭhaśca mahāmāyaḥ payonidhiḥ |

mahādanto mahādaṃṣṭro mahājihvo mahāmukhaḥ || 58 ||

mahānakho mahāromā mahākeśo mahājaṭaḥ |

prasannaśca prasādaśca pratyayo girisādhanaḥ || 59 ||

snehano'snehanaścaiva ajitaśca mahāmuniḥ |

vṛkṣākāro vṛkṣaketuranalo vāyuvāhanaḥ || 60 ||

gaṇḍalī merudhāmā ca devādhipatireva ca |

atharvaśīrṣaḥ sāmāsya ṛksahasrāmitekṣaṇaḥ || 61 ||

yajuḥ pādabhujo guhyaḥ prakāśo jaṅgamastathā |

amoghārthaḥ prasādaśca abhigamyaḥ sudarśanaḥ || 62 ||

upakāraḥ priyaḥ sarvaḥ kanakaḥ kāñcanacchaviḥ |

nābhirnandikaro bhāvaḥ puṣkarasthapatiḥ sthiraḥ || 63 ||

dvādaśastrāsanaścādyo yajño yajñasamāhitaḥ |

naktaṃ kaliśca kālaśca makaraḥ kālapūjitaḥ || 64 ||

sagaṇo gaṇakāraśca bhūtavāhanasārathiḥ |

bhasmaśayo bhasmagoptā bhasmabhūtastarurgaṇaḥ || 65 ||

lokapālastathā'loko mahātmā sarvapūjitaḥ |

śuklastriśuklaḥ sampannaḥ śucirbhūtaniṣevitaḥ || 66 ||

āśramasthaḥ kriyāvastho viśvakarmamatirvaraḥ |

viśālaśākhastāmroṣṭho hyambujālaḥ suniścalaḥ || 67 ||

kapilaḥ kapiśaḥ śukla āyuścaiva paro¶ḥ |

gandharvo hyaditistārkṣyaḥ suvijñeyaḥ suśāradaḥ || 68 ||

paraśvadhāyudho devo hyanukārī subāndhavaḥ |

tumbavīṇo mahākrodha ūrdhvaretā jaleśayaḥ || 69 ||

ugro vaṃśakaro vaṃśo vaṃśanādo hyaninditaḥ |

sarvāṅgarūpo māyāvī suhṛdo hyanilo'nalaḥ || 70 ||

bandhano bandhakartā ca subandhanavimocanaḥ |

sa yajñāriḥ sa kāmārirmahādaṃṣṭro mahāyudhaḥ || 71 ||

bahudhā ninditaḥ śarvaḥ śaṅkaraḥ śaṅkaro'dhanaḥ |

amareśo mahādevo viśvadevaḥ surārihā || 72 ||

ahirbudhnyo'nilābhaśca cekitāno havistathā | [hari]

ajaikapācca kāpālī triśaṅkurajitaḥ śivaḥ || 73 ||

dhanvantarirdhūmaketuḥ skando vaiśravaṇastathā |

dhātā śakraśca viṣṇuśca mitrastvaṣṭā dhruvo dharaḥ || 74 ||

prabhāvaḥ sarvago vāyuraryamā savitā raviḥ |

uṣaṅguśca vidhātā ca māndhātā bhūtabhāvanaḥ || 75 ||

vibhurvarṇavibhāvī ca sarvakāmaguṇāvahaḥ |

padmanābho mahāgarbhaścandravaktro'nilo'nalaḥ || 76 ||

balavāṃścopaśāntaśca purāṇaḥ puṇyacañcurī |

kurukartā kuruvāsī kurubhūto guṇauṣadhaḥ || 77 ||

sarvāśayo darbhacārī sarveṣāṃ prāṇināṃ patiḥ |

devadevaḥ sukhāsaktaḥ sadasatsarvaratnavit || 78 ||

kailāsagirivāsī ca himavadgirisaṃśrayaḥ |

kūlahārī kūlakartā bahuvidyo bahupradaḥ || 79 ||

vaṇijo vardhakī vṛkṣo vakulaścandanaśchadaḥ |

sāragrīvo mahājatruralolaśca mahauṣadhaḥ || 80 ||

siddhārthakārī siddhārthaśchandovyākaraṇottaraḥ |

siṃhanādaḥ siṃhadaṃṣṭraḥ siṃhagaḥ siṃhavāhanaḥ || 81 ||

prabhāvātmā jagatkālasthālo lokahitastaruḥ |

sāraṅgo navacakrāṅgaḥ ketumālī sabhāvanaḥ || 82 ||

bhūtālayo bhūtapatirahorātramaninditaḥ || 83 ||

vāhitā sarvabhūtānāṃ nilayaśca vibhurbhavaḥ |

amoghaḥ saṃyato hyaśvo bhojanaḥ prāṇadhāraṇaḥ || 84 ||

dhṛtimān matimān dakṣaḥ satkṛtaśca yugādhipaḥ |

gopālirgopatirgrāmo gocarmavasano hariḥ || 85 ||

hiraṇyabāhuśca tathā guhāpālaḥ praveśinām |

prakṛṣṭārirmahāharṣo jitakāmo jitendriyaḥ || 86 ||

gāndhāraśca suvāsaśca tapaḥsakto ratirnaraḥ |

mahāgīto mahānṛtyo hyapsarogaṇasevitaḥ || 87 ||

mahāketurmahādhāturnaikasānucaraścalaḥ |

āvedanīya ādeśaḥ sarvagandhasukhāvahaḥ || 88 ||

toraṇastāraṇo vātaḥ paridhī patikhecaraḥ |

saṃyogo vardhano vṛddho ativṛddho guṇādhikaḥ || 89 ||

nitya ātmasahāyaśca devāsurapatiḥ patiḥ |

yuktaśca yuktabāhuśca devo divisuparvaṇaḥ || 90 ||

āṣāḍhaśca suṣāḍhaśca dhruvo'tha hariṇo haraḥ |

vapurāvartamānebhyo vasuśreṣṭho mahāpathaḥ || 91 ||

śirohārī vimarśaśca sarvalakṣaṇalakṣitaḥ |

akṣaśca rathayogī ca sarvayogī mahābalaḥ || 92 ||

samāmnāyo'samāmnāyastīrthadevo mahārathaḥ |

nirjīvo jīvano mantraḥ śubhākṣo bahukarkaśaḥ || 93 ||

ratnaprabhūto raktāṅgo mahārṇavanipānavit | [ratnāṅgo]

mūlaṃ viśālo hyamṛto vyaktāvyaktastaponidhiḥ || 94 ||

ārohaṇo'dhirohaśca śīladhārī mahāyaśāḥ |

senākalpo mahākalpo yogo yugakaro hariḥ || 95 || [yogakaro]

yugarūpo mahārūpo mahānāgahano vadhaḥ |

nyāyanirvapaṇaḥ pādaḥ paṇḍito hyacalopamaḥ || 96 ||

bahumālo mahāmālaḥ śaśī harasulocanaḥ |

vistāro lavaṇaḥ kūpastriyugaḥ saphalodayaḥ || 97 ||

trilocano viṣaṇṇāṅgo maṇividdho jaṭādharaḥ |

bindurvisargaḥ sumukhaḥ śaraḥ sarvāyudhaḥ sahaḥ || 98 ||

nivedanaḥ sukhājātaḥ sugandhāro mahādhanuḥ |

gandhapālī ca bhagavānutthānaḥ sarvakarmaṇām || 99 ||

manthāno bahulo vāyuḥ sakalaḥ sarvalocanaḥ |

talastālaḥ karasthālī ūrdhvasaṃhanano mahān || 100 ||

chatraṃ succhatro vikhyāto lokaḥ sarvāśrayaḥ kramaḥ |

muṇḍo virūpo vikṛto daṇḍī kuṇḍī vikurvaṇaḥ || 101 ||

haryakṣaḥ kakubho vajrī śatajihvaḥ sahasrapāt |

sahasramūrdhā devendraḥ sarvadevamayo guruḥ || 102 ||

sahasrabāhuḥ sarvāṅgaḥ śaraṇyaḥ sarvalokakṛt |

pavitraṃ trikakunmantraḥ kaniṣṭhaḥ kṛṣṇapiṅgalaḥ || 103 ||

brahmadaṇḍavinirmātā śataghnīpāśaśaktimān |

padmagarbho mahāgarbho brahmagarbho jalodbhavaḥ || 104 ||

gabhastirbrahmakṛdbrahmī brahmavidbrāhmaṇo gatiḥ |

anantarūpo naikātmā tigmatejāḥ svayambhuvaḥ || 105 ||

ūrdhvagātmā paśupatirvātaraṃhā manojavaḥ |

candanī padmanālāgraḥ surabhyuttaraṇo naraḥ || 106 ||

karṇikāramahāsragvī nīlamauliḥ pinākadhṛt |

umāpatirumākānto jāhnavīdhṛdumādhavaḥ || 107 ||

varo varāho varado vareṇyaḥ sumahāsvanaḥ |

mahāprasādo damanaḥ śatruhā śvetapiṅgalaḥ || 108 ||

pītātmā paramātmā ca prayatātmā pradhānadhṛt | [prītātmā]

sarvapārśvamukhastryakṣo dharmasādhāraṇo varaḥ || 109 ||

carācarātmā sūkṣmātmā amṛto govṛṣeśvaraḥ |

sādhyarṣirvasurādityo vivasvānsavitāmṛtaḥ || 110 ||

vyāsaḥ sargaḥ susaṅkṣepo vistaraḥ paryayo naraḥ |

ṛtuḥ saṃvatsaro māsaḥ pakṣaḥ saṅkhyāsamāpanaḥ || 111 ||

kalā kāṣṭhā lavā mātrā muhūrtāhaḥ kṣapāḥ kṣaṇāḥ |

viśvakṣetraṃ prajābījaṃ liṅgamādyastu nirgamaḥ || 112 ||

sadasadvyaktamavyaktaṃ pitā mātā pitāmahaḥ |

svargadvāraṃ prajādvāraṃ mokṣadvāraṃ triviṣṭapam || 113 ||

nirvāṇaṃ hlādanaścaiva brahmalokaḥ parā gatiḥ |

devāsuravinirmātā devāsuraparāyaṇaḥ || 114 ||

devāsuragururdevo devāsuranamaskṛtaḥ |

devāsuramahāmātro devāsuragaṇāśrayaḥ || 115 ||

devāsuragaṇādhyakṣo devāsuragaṇāgraṇīḥ |

devātidevo devarṣirdevāsuravarapradaḥ || 116 || [devādi]

devāsureśvaro viśvo devāsuramaheśvaraḥ |

sarvadevamayo'cintyo devatātmā''tmasambhavaḥ || 117 ||

udbhittrivikramo vaidyo virajo nīrajo'maraḥ |

īḍyo hastīśvaro vyāghro devasiṃho nararṣabhaḥ || 118 ||

vibudho'gravaraḥ sūkṣmaḥ sarvadevastapomayaḥ |

suyuktaḥ śobhano vajrī prāsānāṃ prabhavo'vyayaḥ || 119 ||

guhaḥ kānto nijaḥ sargaḥ pavitraṃ sarvapāvanaḥ |

śṛṅgī śṛṅgapriyo babhrū rājarājo nirāmayaḥ || 120 ||

abhirāmaḥ suragaṇo virāmaḥ sarvasādhanaḥ |

lalāṭākṣo viśvadevo hariṇo brahmavarcasaḥ || 121 ||

sthāvarāṇāṃ patiścaiva niyamendriyavardhanaḥ |

siddhārthaḥ siddhabhūtārtho'cintyaḥ satyavrataḥ śuciḥ || 122 ||

vratādhipaḥ paraṃ brahma bhaktānāṃ paramā gatiḥ | [bhaktānugrahakārakaḥ]

vimukto muktatejāśca śrīmān śrīvardhano jagat || 123 ||

uttarapīṭhikā (phalaśṛti)

yathā pradhānaṃ bhagavāniti bhaktyā stuto mayā |

yaṃ na brahmādayo devā vidustattvena narṣayaḥ || 1 ||

stotavyamarcyaṃ vandyaṃ ca kaḥ stoṣyati jagatpatim |

bhaktyā tvevaṃ puraskṛtya mayā yajñapatirvibhuḥ || 2 ||

tato'bhyanujñāṃ samprāpya stuto matimatāṃ varaḥ |

śivamebhiḥ stuvan devaṃ nāmabhiḥ puṣṭivardhanaiḥ || 3 ||

nityayuktaḥ śucirbhaktaḥ prāpnotyātmānamātmanā |

etaddhi paramaṃ brahma paraṃ brahmādhigacchati || 4 ||

ṛṣayaścaiva devāśca stuvantyetena tatparam |

stūyamāno mahādevastuṣyate niyatātmabhiḥ || 5 ||

bhaktānukampī bhagavānātmasaṃsthākaro vibhuḥ |

tathaiva ca manuṣyeṣu ye manuṣyāḥ pradhānataḥ || 6 ||

āstikāḥ śraddadhānāśca bahubhirjanmabhiḥ stavaiḥ |

bhaktyā hyananyamīśānaṃ paraṃ devaṃ sanātanam || 7 ||

karmaṇā manasā vācā bhāvenāmitatejasaḥ |

śayānā jāgramāṇāśca vrajannupaviśaṃstathā || 8 ||

unmiṣannimiṣaṃścaiva cintayantaḥ punaḥ punaḥ |

śṛṇvantaḥ śrāvayantaśca kathayantaśca te bhavam || 9 ||

stuvantaḥ stūyamānāśca tuṣyanti ca ramanti ca |

janmakoṭisahasreṣu nānāsaṃsārayoniṣu || 10 ||

jantorvigatapāpasya bhave bhaktiḥ prajāyate |

utpannā ca bhave bhaktirananyā sarvabhāvataḥ || 11 ||

bhāvinaḥ kāraṇe cāsya sarvayuktasya sarvathā |

etaddeveṣu duṣprāpaṃ manuṣyeṣu na labhyate || 12 ||

nirvighnā niścalā rudre bhaktiravyabhicāriṇī |

tasyaiva ca prasādena bhaktirutpadyate nṛṇām || 13 ||

yena yānti parāṃ siddhiṃ tadbhāvagatacetasaḥ |

ye sarvabhāvānugatāḥ prapadyante maheśvaram || 14 ||

prapannavatsalo devaḥ saṃsārāttānsamuddharet |

evamanye vikurvanti devāḥ saṃsāramocanam || 15 ||

manuṣyāṇāmṛte devaṃ nānyā śaktistapobalam |

iti tenendrakalpena bhagavān sadasatpatiḥ || 16 ||

kṛttivāsāḥ stutaḥ kṛṣṇa taṇḍinā śubhabuddhinā |

stavametaṃ bhagavato brahmā svayamadhārayat || 17 ||

gīyate ca sa buddhyeta brahmā śaṅkarasannidhau |

idaṃ puṇyaṃ pavitraṃ ca sarvadā pāpanāśanam || 18 ||

yogadaṃ mokṣadaṃ caiva svargadaṃ toṣadaṃ tathā |

evametatpaṭhante ya ekabhaktyā tu śaṅkaram || 19 ||

yā gatiḥ sāṅkhyayogānāṃ vrajantyetāṃ gatiṃ tadā |

stavametaṃ prayatnena sadā rudrasya sannidhau || 20 ||

abdamekaṃ caredbhaktaḥ prāpnuyādīpsitaṃ phalam |

etadrahasyaṃ paramaṃ brahmaṇo hṛdi saṃsthitam || 21 ||

brahmā provāca śakrāya śakraḥ provāca mṛtyave |

mṛtyuḥ provāca rudrebhyo rudrebhyastaṇḍimāgamat || 22 ||

mahatā tapasā prāptastaṇḍinā brahmasadmani |

taṇḍiḥ provāca śukrāya gautamāya ca bhārgavaḥ || 23 ||

vaivasvatāya manave gautamaḥ prāha mādhava |

nārāyaṇāya sādhyāya samādhiṣṭhāya dhīmate || 24 ||

yamāya prāha bhagavān sādhyo nārāyaṇo'cyutaḥ |

nāciketāya bhagavānāha vaivasvato yamaḥ || 25 ||

mārkaṇḍeyāya vārṣṇeya nāciketo'bhyabhāṣata |

mārkaṇḍeyānmayā prāpto niyamena janārdana || 26 ||

tavāpyahamamitraghna stavaṃ dadyāṃ hyaviśrutam |

svargyamārogyamāyuṣyaṃ dhanyaṃ vedena sammitam || 27 ||

nāsya vighnaṃ vikurvanti dānavā yakṣarākṣasāḥ |

piśācā yātudhānā vā guhyakā bhujagā api || 28 ||

yaḥ paṭheta śuciḥ pārtha brahmacārī jitendriyaḥ | [bhūtvā]

abhagnayogo varṣaṃ tu so'śvamedhaphalaṃ labhet || 29 ||

iti śrīmahābhārate anuśāsanaparvaṇi mahādevasahasranāma stotraṃ nāma saptadaśo'dhyāyaḥ ||