Navaratna Malika Stotram

ॐ

நவரத்ந மாலிகா ஸ்தோத்ரம்

Stotram Adi Shankaracharya Tamil

ஹாரநூபுரகிரீடகுண்டலவிபூஷிதாவயவஶோபிநீம்

காரணேஶவரமௌலிகோடிபரிகல்ப்யமாநபதபீடிகாம் ।

காலகாலபணிபாஶபாணதநுரங்குஶாமருணமேகலாம்

பாலபூதிலகலோசநாம் மநஸி பாவயாமி பரதேவதாம் ॥ 1 ॥

கந்தஸாரகநஸாரசாருநவநாகவல்லிரஸவாஸிநீம்

ஸாந்த்யராகமதுராதராபரணஸுந்தராநநஶுசிஸ்மிதாம் ।

மந்தராயதவிலோசநாமமலபாலசந்த்ரக்ரு'தஶேகரீம்

இந்திராரமணஸோதரீம் மநஸி பாவயாமி பரதேவதாம் ॥ 2 ॥

ஸ்மேரசாருமுகமண்டலாம் விமலகண்டலம்பிமணிமண்டலாம்

ஹாரதாமபரிஶோபமாநகுசபாரபீருதநுமத்யமாம் ।

வீரகர்வஹரநூபுராம் விவிதகாரணேஶவரபீடிகாம்

மாரவைரிஸஹசாரிணீம் மநஸி பாவயாமி பரதேவதாம் ॥ 3 ॥

பூரிபாரதரகுண்டலீந்த்ரமணிபத்தபூவலயபீடிகாம்

வாரிராஶிமணிமேகலாவலயவஹ்நிமண்டலஶரீரிணீம் ।

வாரிஸாரவஹகுண்டலாம் ககநஶேகரீம் ச பரமாத்மிகாம்

சாருசந்த்ரவிலோசநாம் மநஸி பாவயாமி பரதேவதாம் ॥ 4 ॥

குண்டலத்ரிவிதகோணமண்டலவிஹாரஷட்தலஸமுல்லஸ-

த்புண்டரீகமுகபேதிநீம் ச ப்ரசண்டபாநுபாஸமுஜ்ஜ்வலாம் ।

மண்டலேந்துபரிவாஹிதாம்ரு'ததரங்கிணீமருணரூபிணீம்

மண்டலாந்தமணிதீபிகாம் மநஸி பாவயாமி பரதேவதாம் ॥ 5 ॥

வாரணாநநமயூரவாஹமுகதாஹவாரணபயோதராம்

சாரணாதிஸுரஸுந்தரீசிகுரஶேகரீக்ரு'தபதாம்புஜாம் ।

காரணாதிபதிபஞ்சகப்ரக்ரு'திகாரணப்ரதமமாத்ரு'காம்

வாரணாந்தமுகபாரணாம் மநஸி பாவயாமி பரதேவதாம் ॥ 6 ॥

பத்மகாந்திபதபாணிபல்லவபயோதராநநஸரோருஹாம்

பத்மராகமணிமேகலாவலயநீவிஶோபிதநிதம்பிநீம் ।

பத்மஸம்பவஸதாஶிவாந்தமயபஞ்சரத்நபதபீடிகாம்

பத்மிநீம் ப்ரணவரூபிணீம் மநஸி பாவயாமி பரதேவதாம் ॥ 7 ॥

ஆகமப்ரணவபீடிகாமமலவர்ணமங்கலஶரீரிணீம்

ஆகமாவயவஶோபிநீமகிலவேதஸாரக்ரு'தஶேகரீம் ।

மூலமந்த்ரமுகமண்டலாம் முதிதநாதபிந்துநவயௌவநாம்

மாத்ரு'காம் த்ரிபுரஸுந்தரீம் மநஸி பாவயாமி பரதேவதாம் ॥ 8 ॥

காலிகாதிமிரகுந்தலாந்தகநப்ரு'ங்கமங்கலவிராஜிநீம்

சூலிகாஶிகரமாலிகாவலயமல்லிகாஸுரபிஸௌரபாம் ।

வாலிகாமதுரகண்டமண்டலமநோஹராநநஸரோருஹாம்

காலிகாமகிலநாயிகாம் மநஸி பாவயாமி பரதேவதாம் ॥ 9 ॥

நித்யமேவ நியமேந ஜல்பதாம் – புக்திமுக்திபலதாமபீஷ்டதாம் ।

ஶங்கரேண ரசிதாம் ஸதா ஜபேந்நாமரத்நநவரத்நமாலிகாம் ॥ 10 ॥

Roman (IAST) Transliteration

hāranūpurakirīṭakuṇḍalavibhūṣitāvayavaśobhinīṃ

kāraṇeśavaramaulikoṭiparikalpyamānapadapīṭhikām |

kālakālaphaṇipāśabāṇadhanuraṅkuśāmaruṇamekhalāṃ

phālabhūtilakalocanāṃ manasi bhāvayāmi paradevatām || 1 ||

gandhasāraghanasāracārunavanāgavallirasavāsinīṃ

sāndhyarāgamadhurādharābharaṇasundarānanaśucismitām |

mandharāyatavilocanāmamalabālacandrakṛtaśekharīṃ

indirāramaṇasodarīṃ manasi bhāvayāmi paradevatām || 2 ||

smeracārumukhamaṇḍalāṃ vimalagaṇḍalambimaṇimaṇḍalāṃ

hāradāmapariśobhamānakucabhārabhīrutanumadhyamām |

vīragarvaharanūpurāṃ vividhakāraṇeśavarapīṭhikāṃ

māravairisahacāriṇīṃ manasi bhāvayāmi paradevatām || 3 ||

bhūribhāradharakuṇḍalīndramaṇibaddhabhūvalayapīṭhikāṃ

vārirāśimaṇimekhalāvalayavahnimaṇḍalaśarīriṇīm |

vārisāravahakuṇḍalāṃ gaganaśekharīṃ ca paramātmikāṃ

cārucandravilocanāṃ manasi bhāvayāmi paradevatām || 4 ||

kuṇḍalatrividhakoṇamaṇḍalavihāraṣaḍdalasamullasa-

tpuṇḍarīkamukhabhedinīṃ ca pracaṇḍabhānubhāsamujjvalām |

maṇḍalenduparivāhitāmṛtataraṅgiṇīmaruṇarūpiṇīṃ

maṇḍalāntamaṇidīpikāṃ manasi bhāvayāmi paradevatām || 5 ||

vāraṇānanamayūravāhamukhadāhavāraṇapayodharāṃ

cāraṇādisurasundarīcikuraśekarīkṛtapadāmbujām |

kāraṇādhipatipañcakaprakṛtikāraṇaprathamamātṛkāṃ

vāraṇāntamukhapāraṇāṃ manasi bhāvayāmi paradevatām || 6 ||

padmakāntipadapāṇipallavapayodharānanasaroruhāṃ

padmarāgamaṇimekhalāvalayanīviśobhitanitambinīm |

padmasambhavasadāśivāntamayapañcaratnapadapīṭhikāṃ

padminīṃ praṇavarūpiṇīṃ manasi bhāvayāmi paradevatām || 7 ||

āgamapraṇavapīṭhikāmamalavarṇamaṅgalaśarīriṇīṃ

āgamāvayavaśobhinīmakhilavedasārakṛtaśekharīm |

mūlamantramukhamaṇḍalāṃ muditanādabindunavayauvanāṃ

mātṛkāṃ tripurasundarīṃ manasi bhāvayāmi paradevatām || 8 ||

kālikātimirakuntalāntaghanabhṛṅgamaṅgalavirājinīṃ

cūlikāśikharamālikāvalayamallikāsurabhisaurabhām |

vālikāmadhuragaṇḍamaṇḍalamanoharānanasaroruhāṃ

kālikāmakhilanāyikāṃ manasi bhāvayāmi paradevatām || 9 ||

nityameva niyamena jalpatāṃ – bhuktimuktiphaladāmabhīṣṭadām |

śaṅkareṇa racitāṃ sadā japennāmaratnanavaratnamālikām || 10 ||