Nataraja Stotram (patanjali Kritam)

ॐ

நடராஜ ஸ்தோத்ரம் (பதஞ்ஜலி க்ரு'தம்)

Shiva Stotram Patanjali Tamil

அத சரணஶ்ரு'ங்கரஹித ஶ்ரீ நடராஜ ஸ்தோத்ரம்

ஸதஞ்சித-முதஞ்சித நிகுஞ்சித பதம் சலசலம்-சலித மஞ்ஜு கடகம் ।

பதஞ்ஜலி த்ரு'கஞ்ஜந-மநஞ்ஜந-மசஞ்சலபதம் ஜநந பஞ்ஜந கரம் ।

கதம்பருசிமம்பரவஸம் பரமமம்புத கதம்ப கவிடம்பக கலம்

சிதம்புதி மணிம் புத ஹ்ரு'தம்புஜ ரவிம் பர சிதம்பர நடம் ஹ்ரு'தி பஜ ॥ 1 ॥

ஹரம் த்ரிபுர பஞ்ஜந-மநந்தக்ரு'தகங்கண-மகண்டதய-மந்தரஹிதம்

விரிஞ்சிஸுரஸம்ஹதிபுரந்தர விசிந்திதபதம் தருணசந்த்ரமகுடம் ।

பரம் பத விகண்டிதயமம் பஸித மண்டிததநும் மதநவஞ்சந பரம்

சிரந்தநமமும் ப்ரணவஸஞ்சிதநிதிம் பர சிதம்பர நடம் ஹ்ரு'தி பஜ ॥ 2 ॥

அவந்தமகிலம் ஜகதபங்க குணதுங்கமமதம் த்ரு'தவிதும் ஸுரஸரித்-

தரங்க நிகுரும்ப த்ரு'தி லம்பட ஜடம் ஶமநதம்பஸுஹரம் பவஹரம் ।

ஶிவம் தஶதிகந்தர விஜ்ரு'ம்பிதகரம் கரலஸந்ம்ரு'கஶிஶும் பஶுபதிம்

ஹரம் ஶஶிதநஞ்ஜயபதங்கநயநம் பர சிதம்பர நடம் ஹ்ரு'தி பஜ ॥ 3 ॥

அநந்தநவரத்நவிலஸத்கடககிங்கிணிசலம் சலசலம் சலரவம்

முகுந்தவிதி ஹஸ்தகதமத்தல லயத்வநிதிமித்திமித நர்தந பதம் ।

ஶகுந்தரத பர்ஹிரத நந்திமுக ப்ரு'ங்கிரிடிஸங்கநிகடம் பயஹரம்

ஸநந்த ஸநக ப்ரமுக வந்தித பதம் பர சிதம்பர நடம் ஹ்ரு'தி பஜ ॥ 4 ॥

அநந்தமஹஸம் த்ரிதஶவந்த்ய சரணம் முநி ஹ்ரு'தந்தர வஸந்தமமலம்

கபந்த வியதிந்த்வவநி கந்தவஹ வஹ்நிமக பந்துரவிமஞ்ஜு வபுஷம் ।

அநந்தவிபவம் த்ரிஜகதந்தர மணிம் த்ரிநயநம் த்ரிபுர கண்டந பரம்

ஸநந்த முநி வந்தித பதம் ஸகருணம் பர சிதம்பர நடம் ஹ்ரு'தி பஜ ॥ 5 ॥

அசிந்த்யமலிவ்ரு'ந்த ருசி பந்துரகலம் குரித குந்த நிகுரும்ப தவலம்

முகுந்த ஸுர வ்ரு'ந்த பல ஹந்த்ரு' க்ரு'த வந்தந லஸந்தமஹிகுண்டல தரம் ।

அகம்பமநுகம்பித ரதிம் ஸுஜந மங்கலநிதிம் கஜஹரம் பஶுபதிம்

தநஞ்ஜய நுதம் ப்ரணத ரஞ்ஜநபரம் பர சிதம்பர நடம் ஹ்ரு'தி பஜ ॥ 6 ॥

பரம் ஸுரவரம் புரஹரம் பஶுபதிம் ஜநித தந்திமுக ஷண்முகமமும்

ம்ரு'டம் கநக பிங்கல ஜடம் ஸநக பங்கஜ ரவிம் ஸுமநஸம் ஹிமருசிம் ।

அஸங்கமநஸம் ஜலதி ஜந்மகரலம் கவலயந்த மதுலம் குணநிதிம்

ஸநந்த வரதம் ஶமிதமிந்து வதநம் பர சிதம்பர நடம் ஹ்ரு'தி பஜ ॥ 7 ॥

அஜம் க்ஷிதிரதம் புஜகபுங்கவகுணம் கநக ஶ்ரு'ங்கி தநுஷம் கரலஸத்

குரங்க ப்ரு'து டங்க பரஶும் ருசிர குங்கும ருசிம் டமருகம் ச தததம் ।

முகுந்த விஶிகம் நமதவந்த்ய பலதம் நிகம வ்ரு'ந்த துரகம் நிருபமம்

ஸ சண்டிகமமும் சடிதி ஸம்ஹ்ரு'தபுரம் பர சிதம்பர நடம் ஹ்ரு'தி பஜ ॥ 8 ॥

அநங்கபரிபந்திநமஜம் க்ஷிதி துரந்தரமலம் கருணயந்தமகிலம்

ஜ்வலந்தமநலம் தததமந்தகரிபும் ஸததமிந்த்ர ஸுரவந்திதபதம் ।

உதஞ்சதரவிந்தகுல பந்துஶத பிம்பருசி ஸம்ஹதி ஸுகந்தி வபுஷம்

பதஞ்ஜலி நுதம் ப்ரணவ பஞ்ஜர ஶுகம் பர சிதம்பர நடம் ஹ்ரு'தி பஜ ॥ 9 ॥

இதி ஸ்தவமமும் புஜகபுங்கவ க்ரு'தம் ப்ரதிதிநம் படதி யஃ க்ரு'தமுகஃ

ஸதஃ ப்ரபுபத த்விதயதர்ஶநபதம் ஸுலலிதம் சரண ஶ்ரு'ங்க ரஹிதம் ।

ஸரஃ ப்ரபவ ஸம்பவ ஹரித்பதி ஹரிப்ரமுக திவ்யநுத ஶங்கரபதம்

ஸ கச்சதி பரம் ந து ஜநுர்ஜலநிதிம் பரமதுஃகஜநகம் துரிததம் ॥ 10 ॥

இதி ஶ்ரீ பதஞ்ஜலிமுநி ப்ரணீதம் சரணஶ்ரு'ங்கரஹித நடராஜ ஸ்தோத்ரம் ஸம்பூர்ணம் ॥

Roman (IAST) Transliteration

atha caraṇaśṛṅgarahita śrī naṭarāja stotraṃ

sadañcita-mudañcita nikuñcita padaṃ jhalajhalaṃ-calita mañju kaṭakam |

patañjali dṛgañjana-manañjana-macañcalapadaṃ janana bhañjana karam |

kadambarucimambaravasaṃ paramamambuda kadamba kaviḍambaka galam

cidambudhi maṇiṃ budha hṛdambuja raviṃ para cidambara naṭaṃ hṛdi bhaja || 1 ||

haraṃ tripura bhañjana-manantakṛtakaṅkaṇa-makhaṇḍadaya-mantarahitaṃ

viriñcisurasaṃhatipurandhara vicintitapadaṃ taruṇacandramakuṭam |

paraṃ pada vikhaṇḍitayamaṃ bhasita maṇḍitatanuṃ madanavañcana paraṃ

cirantanamamuṃ praṇavasañcitanidhiṃ para cidambara naṭaṃ hṛdi bhaja || 2 ||

avantamakhilaṃ jagadabhaṅga guṇatuṅgamamataṃ dhṛtavidhuṃ surasarit-

taraṅga nikurumba dhṛti lampaṭa jaṭaṃ śamanadambhasuharaṃ bhavaharam |

śivaṃ daśadigantara vijṛmbhitakaraṃ karalasanmṛgaśiśuṃ paśupatiṃ

haraṃ śaśidhanañjayapataṅganayanaṃ para cidambara naṭaṃ hṛdi bhaja || 3 ||

anantanavaratnavilasatkaṭakakiṅkiṇijhalaṃ jhalajhalaṃ jhalaravaṃ

mukundavidhi hastagatamaddala layadhvanidhimiddhimita nartana padam |

śakuntaratha barhiratha nandimukha bhṛṅgiriṭisaṅghanikaṭaṃ bhayaharam

sananda sanaka pramukha vandita padaṃ para cidambara naṭaṃ hṛdi bhaja || 4 ||

anantamahasaṃ tridaśavandya caraṇaṃ muni hṛdantara vasantamamalam

kabandha viyadindvavani gandhavaha vahnimakha bandhuravimañju vapuṣam |

anantavibhavaṃ trijagadantara maṇiṃ trinayanaṃ tripura khaṇḍana param

sananda muni vandita padaṃ sakaruṇaṃ para cidambara naṭaṃ hṛdi bhaja || 5 ||

acintyamalivṛnda ruci bandhuragalaṃ kurita kunda nikurumba dhavalam

mukunda sura vṛnda bala hantṛ kṛta vandana lasantamahikuṇḍala dharam |

akampamanukampita ratiṃ sujana maṅgalanidhiṃ gajaharaṃ paśupatim

dhanañjaya nutaṃ praṇata rañjanaparaṃ para cidambara naṭaṃ hṛdi bhaja || 6 ||

paraṃ suravaraṃ puraharaṃ paśupatiṃ janita dantimukha ṣaṇmukhamamuṃ

mṛḍaṃ kanaka piṅgala jaṭaṃ sanaka paṅkaja raviṃ sumanasaṃ himarucim |

asaṅghamanasaṃ jaladhi janmagaralaṃ kavalayanta matulaṃ guṇanidhim

sananda varadaṃ śamitamindu vadanaṃ para cidambara naṭaṃ hṛdi bhaja || 7 ||

ajaṃ kṣitirathaṃ bhujagapuṅgavaguṇaṃ kanaka śṛṅgi dhanuṣaṃ karalasat

kuraṅga pṛthu ṭaṅka paraśuṃ rucira kuṅkuma ruciṃ ḍamarukaṃ ca dadhatam |

mukunda viśikhaṃ namadavandhya phaladaṃ nigama vṛnda turagaṃ nirupamaṃ

sa caṇḍikamamuṃ jhaṭiti saṃhṛtapuraṃ para cidambara naṭaṃ hṛdi bhaja || 8 ||

anaṅgaparipanthinamajaṃ kṣiti dhurandharamalaṃ karuṇayantamakhilaṃ

jvalantamanalaṃ dadhatamantakaripuṃ satatamindra suravanditapadam |

udañcadaravindakula bandhuśata bimbaruci saṃhati sugandhi vapuṣaṃ

patañjali nutaṃ praṇava pañjara śukaṃ para cidambara naṭaṃ hṛdi bhaja || 9 ||

iti stavamamuṃ bhujagapuṅgava kṛtaṃ pratidinaṃ paṭhati yaḥ kṛtamukhaḥ

sadaḥ prabhupada dvitayadarśanapadaṃ sulalitaṃ caraṇa śṛṅga rahitam |

saraḥ prabhava sambhava haritpati haripramukha divyanuta śaṅkarapadaṃ

sa gacchati paraṃ na tu janurjalanidhiṃ paramaduḥkhajanakaṃ duritadam || 10 ||

iti śrī patañjalimuni praṇītaṃ caraṇaśṛṅgarahita naṭarāja stotraṃ sampūrṇam ||