Narayaniyam Dashaka 98 - Nishkalabrahmopasanam

ॐ

நாராயணீயம் தஶக 98 - நிஷ்கலப்ரஹ்மோபாஸநம்

Vishnu Tamil

யஸ்மிந்நேதத்விபாதம் யத இதமபவத்யேந சேதம் ய ஏத-

த்யோऽஸ்மாதுத்தீர்ணரூபஃ கலு ஸகலமிதம் பாஸிதம் யஸ்ய பாஸா ।

யோ வாசாம் தூரதூரே புநரபி மநஸாம் யஸ்ய தேவா முநீந்த்ராஃ

நோ வித்யுஸ்தத்த்வரூபம் கிமு புநரபரே க்ரு'ஷ்ண தஸ்மை நமஸ்தே ॥1॥

ஜந்மாதோ கர்ம நாம ஸ்புடமிஹ குணதோஷாதிகம் வா ந யஸ்மிந்

லோகாநாமூதயே யஃ ஸ்வயமநுபஜதே தாநி மாயாநுஸாரீ ।

விப்ரச்சக்தீரரூபோऽபி ச பஹுதரரூபோऽவபாத்யத்புதாத்மா

தஸ்மை கைவல்யதாம்நே பரரஸபரிபூர்ணாய விஷ்ணோ நமஸ்தே ॥2॥

நோ திர்யஞ்சந்ந மர்த்யம் ந ச ஸுரமஸுரம் ந ஸ்த்ரியம் நோ பும்மாம்ஸம்

ந த்ரவ்யம் கர்ம ஜாதிம் குணமபி ஸதஸத்வாபி தே ரூபமாஹுஃ ।

ஶிஷ்டம் யத் ஸ்யாந்நிஷேதே ஸதி நிகமஶதைர்லக்ஷணாவ்ரு'த்திதஸ்தத்

க்ரு'ச்ச்ரேணாவேத்யமாநம் பரமஸுகமயம் பாதி தஸ்மை நமஸ்தே ॥3॥

மாயாயாம் பிம்பிதஸ்த்வம் ஸ்ரு'ஜஸி மஹதஹங்காரதந்மாத்ரபேதை-

ர்பூதக்ராமேந்த்ரியாத்யைரபி ஸகலஜகத்ஸ்வப்நஸங்கல்பகல்பம் ।

பூயஃ ஸம்ஹ்ரு'த்ய ஸர்வம் கமட இவ பதாந்யாத்மநா காலஶக்த்யா

கம்பீரே ஜாயமாநே தமஸி விதிமிரோ பாஸி தஸ்மை நமஸ்தே ॥4॥

ஶப்தப்ரஹ்மேதி கர்மேத்யணுரிதி பகவந் கால இத்யாலபந்தி

த்வாமேகம் விஶ்வஹேதும் ஸகலமயதயா ஸர்வதா கல்ப்யமாநம் ।

வேதாந்தைர்யத்து கீதம் புருஷபரசிதாத்மாபிதம் தத்து தத்த்வம்

ப்ரேக்ஷாமாத்ரேண மூலப்ரக்ரு'திவிக்ரு'திக்ரு'த் க்ரு'ஷ்ண தஸ்மை நமஸ்தே ॥5॥

ஸத்த்வேநாஸத்தயா வா ந ச கலு ஸதஸத்த்வேந நிர்வாச்யரூபா

தத்தே யாஸாவவித்யா குணபணிமதிவத்விஶ்வத்ரு'ஶ்யாவபாஸம் ।

வித்யாத்வம் ஸைவ யாதா ஶ்ருதிவசநலவைர்யத்க்ரு'பாஸ்யந்தலாபே

ஸம்ஸாராரண்யஸத்யஸ்த்ருடநபரஶுதாமேதி தஸ்மை நமஸ்தே ॥6॥

பூஷாஸு ஸ்வர்ணவத்வா ஜகதி கடஶராவாதிகே ம்ரு'த்திகாவ-

த்தத்த்வே ஸஞ்சிந்த்யமாநே ஸ்புரதி தததுநாப்யத்விதீயம் வபுஸ்தே ।

ஸ்வப்நத்ரஷ்டுஃ ப்ரபோதே திமிரலயவிதௌ ஜீர்ணரஜ்ஜோஶ்ச யத்வ-

த்வித்யாலாபே ததைவ ஸ்புடமபி விகஸேத் க்ரு'ஷ்ண தஸ்மை நமஸ்தே ॥7॥

யத்பீத்யோதேதி ஸூர்யோ தஹதி ச தஹநோ வாதி வாயுஸ்ததாந்யே

யத்பீதாஃ பத்மஜாத்யாஃ புநருசிதபலீநாஹரந்தேऽநுகாலம் ।

யேநைவாரோபிதாஃ ப்ராங்நிஜபதமபி தே ச்யாவிதாரஶ்ச பஶ்சாத்

தஸ்மை விஶ்வம் நியந்த்ரே வயமபி பவதே க்ரு'ஷ்ண குர்மஃ ப்ரணாமம் ॥8॥

த்ரைலோக்யம் பாவயந்தம் த்ரிகுணமயமிதம் த்ர்யக்ஷரஸ்யைகவாச்யம்

த்ரீஶாநாமைக்யரூபம் த்ரிபிரபி நிகமைர்கீயமாநஸ்வரூபம் ।

திஸ்ரோவஸ்தா விதந்தம் த்ரியுகஜநிஜுஷம் த்ரிக்ரமாக்ராந்தவிஶ்வம்

த்ரைகால்யே பேதஹீநம் த்ரிபிரஹமநிஶம் யோகபேதைர்பஜே த்வாம் ॥9॥

ஸத்யம் ஶுத்தம் விபுத்தம் ஜயதி தவ வபுர்நித்யமுக்தம் நிரீஹம்

நிர்த்வந்த்வம் நிர்விகாரம் நிகிலகுணகணவ்யஞ்ஜநாதாரபூதம் ।

நிர்மூலம் நிர்மலம் தந்நிரவதிமஹிமோல்லாஸி நிர்லீநமந்த-

ர்நிஸ்ஸங்காநாம் முநீநாம் நிருபமபரமாநந்தஸாந்த்ரப்ரகாஶம் ॥10॥

துர்வாரம் த்வாதஶாரம் த்ரிஶதபரிமிலத்ஷஷ்டிபர்வாபிவீதம்

ஸம்ப்ராம்யத் க்ரூரவேகம் க்ஷணமநு ஜகதாச்சித்ய ஸந்தாவமாநம் ।

சக்ரம் தே காலரூபம் வ்யதயது ந து மாம் த்வத்பதைகாவலம்பம்

விஷ்ணோ காருண்யஸிந்தோ பவநபுரபதே பாஹி ஸர்வாமயௌகாத் ॥11॥

Roman (IAST) Transliteration

yasminnetadvibhātaṃ yata idamabhavadyena cedaṃ ya eta-

dyo'smāduttīrṇarūpaḥ khalu sakalamidaṃ bhāsitaṃ yasya bhāsā |

yo vācāṃ dūradūre punarapi manasāṃ yasya devā munīndrāḥ

no vidyustattvarūpaṃ kimu punarapare kṛṣṇa tasmai namaste ||1||

janmātho karma nāma sphuṭamiha guṇadoṣādikaṃ vā na yasmin

lokānāmūtaye yaḥ svayamanubhajate tāni māyānusārī |

vibhracchaktīrarūpo'pi ca bahutararūpo'vabhātyadbhutātmā

tasmai kaivalyadhāmne pararasaparipūrṇāya viṣṇo namaste ||2||

no tiryañcanna martyaṃ na ca suramasuraṃ na striyaṃ no pummāṃsaṃ

na dravyaṃ karma jātiṃ guṇamapi sadasadvāpi te rūpamāhuḥ |

śiṣṭaṃ yat syānniṣedhe sati nigamaśatairlakṣaṇāvṛttitastat

kṛcchreṇāvedyamānaṃ paramasukhamayaṃ bhāti tasmai namaste ||3||

māyāyāṃ bimbitastvaṃ sṛjasi mahadahaṅkāratanmātrabhedai-

rbhūtagrāmendriyādyairapi sakalajagatsvapnasaṅkalpakalpam |

bhūyaḥ saṃhṛtya sarvaṃ kamaṭha iva padānyātmanā kālaśaktyā

gambhīre jāyamāne tamasi vitimiro bhāsi tasmai namaste ||4||

śabdabrahmeti karmetyaṇuriti bhagavan kāla ityālapanti

tvāmekaṃ viśvahetuṃ sakalamayatayā sarvathā kalpyamānam |

vedāntairyattu gītaṃ puruṣaparacidātmābhidhaṃ tattu tattvaṃ

prekṣāmātreṇa mūlaprakṛtivikṛtikṛt kṛṣṇa tasmai namaste ||5||

sattvenāsattayā vā na ca khalu sadasattvena nirvācyarūpā

dhatte yāsāvavidyā guṇaphaṇimativadviśvadṛśyāvabhāsam |

vidyātvaṃ saiva yātā śrutivacanalavairyatkṛpāsyandalābhe

saṃsārāraṇyasadyastruṭanaparaśutāmeti tasmai namaste ||6||

bhūṣāsu svarṇavadvā jagati ghaṭaśarāvādike mṛttikāva-

ttattve sañcintyamāne sphurati tadadhunāpyadvitīyaṃ vapuste |

svapnadraṣṭuḥ prabodhe timiralayavidhau jīrṇarajjośca yadva-

dvidyālābhe tathaiva sphuṭamapi vikaset kṛṣṇa tasmai namaste ||7||

yadbhītyodeti sūryo dahati ca dahano vāti vāyustathānye

yadbhītāḥ padmajādyāḥ punarucitabalīnāharante'nukālam |

yenaivāropitāḥ prāṅnijapadamapi te cyāvitāraśca paścāt

tasmai viśvaṃ niyantre vayamapi bhavate kṛṣṇa kurmaḥ praṇāmam ||8||

trailokyaṃ bhāvayantaṃ triguṇamayamidaṃ tryakṣarasyaikavācyaṃ

trīśānāmaikyarūpaṃ tribhirapi nigamairgīyamānasvarūpam |

tisrovasthā vidantaṃ triyugajanijuṣaṃ trikramākrāntaviśvaṃ

traikālye bhedahīnaṃ tribhirahamaniśaṃ yogabhedairbhaje tvām ||9||

satyaṃ śuddhaṃ vibuddhaṃ jayati tava vapurnityamuktaṃ nirīhaṃ

nirdvandvaṃ nirvikāraṃ nikhilaguṇagaṇavyañjanādhārabhūtam |

nirmūlaṃ nirmalaṃ tanniravadhimahimollāsi nirlīnamanta-

rnissaṅgānāṃ munīnāṃ nirupamaparamānandasāndraprakāśam ||10||

durvāraṃ dvādaśāraṃ triśataparimilatṣaṣṭiparvābhivītaṃ

sambhrāmyat krūravegaṃ kṣaṇamanu jagadācchidya sandhāvamānam |

cakraṃ te kālarūpaṃ vyathayatu na tu māṃ tvatpadaikāvalambaṃ

viṣṇo kāruṇyasindho pavanapurapate pāhi sarvāmayaughāt ||11||