Narayaniyam Dashaka 97 - Uttamabhaktiprarthana Tatha Markandeya Katha

ॐ

நாராயணீயம் தஶக 97 - உத்தமபக்திப்ரார்தநா ததா மார்கண்டேய கதா

Vishnu Tamil

த்ரைகுண்யாத்பிந்நரூபம் பவதி ஹி புவநே ஹீநமத்யோத்தமம் யத்

ஜ்ஞாநம் ஶ்ரத்தா ச கர்தா வஸதிரபி ஸுகம் கர்ம சாஹாரபேதாஃ ।

த்வத்க்ஷேத்ரத்வந்நிஷேவாதி து யதிஹ புநஸ்த்வத்பரம் தத்து ஸர்வம்

ப்ராஹுர்நைகுண்யநிஷ்டம் ததநுபஜநதோ மங்க்ஷு ஸித்தோ பவேயம் ॥1॥

த்வய்யேவ ந்யஸ்தசித்தஃ ஸுகமயி விசரந் ஸர்வசேஷ்டாஸ்த்வதர்தம்

த்வத்பக்தைஃ ஸேவ்யமாநாநபி சரிதசராநாஶ்ரயந் புண்யதேஶாந் ।

தஸ்யௌ விப்ரே ம்ரு'காதிஷ்வபி ச ஸமமதிர்முச்யமாநாவமாந-

ஸ்பர்தாஸூயாதிதோஷஃ ஸததமகிலபூதேஷு ஸம்பூஜயே த்வாம் ॥2॥

த்வத்பாவோ யாவதேஷு ஸ்புரதி ந விஶதம் தாவதேவம் ஹ்யுபாஸ்திம்

குர்வந்நைகாத்ம்யபோதே சடிதி விகஸதி த்வந்மயோऽஹம் சரேயம் ।

த்வத்தர்மஸ்யாஸ்ய தாவத் கிமபி ந பகவந் ப்ரஸ்துதஸ்ய ப்ரணாஶ-

ஸ்தஸ்மாத்ஸர்வாத்மநைவ ப்ரதிஶ மம விபோ பக்திமார்கம் மநோஜ்ஞம் ॥3॥

தம் சைநம் பக்தியோகம் த்ரடயிதுமயி மே ஸாத்யமாரோக்யமாயு-

ர்திஷ்ட்யா தத்ராபி ஸேவ்யம் தவ சரணமஹோ பேஷஜாயேவ துக்தம் ।

மார்கண்டேயோ ஹி பூர்வம் கணகநிகதிதத்வாதஶாப்தாயுருச்சைஃ

ஸேவித்வா வத்ஸரம் த்வாம் தவ படநிவஹைர்த்ராவயாமாஸ ம்ரு'த்யும் ॥4॥

மார்கண்டேயஶ்சிராயுஃ ஸ கலு புநரபி த்வத்பரஃ புஷ்பபத்ரா-

தீரே நிந்யே தபஸ்யந்நதுலஸுகரதிஃ ஷட் து மந்வந்தராணி ।

தேவேந்த்ரஃ ஸப்தமஸ்தம் ஸுரயுவதிமருந்மந்மதைர்மோஹயிஷ்யந்

யோகோஷ்மப்லுஷ்யமாணைர்ந து புநரஶகத்த்வஜ்ஜநம் நிர்ஜயேத் கஃ ॥5॥

ப்ரீத்யா நாராயணாக்யஸ்த்வமத நரஸகஃ ப்ராப்தவாநஸ்ய பார்ஶ்வம்

துஷ்ட்யா தோஷ்டூயமாநஃ ஸ து விவிதவரைர்லோபிதோ நாநுமேநே ।

த்ரஷ்டும் மாய़ஆம் த்வதீயாம் கில புநரவ்ரு'ணோத்பக்தித்ரு'ப்தாந்தராத்மா

மாயாதுஃகாநபிஜ்ஞஸ்ததபி ம்ரு'கயதே நூநமாஶ்சர்யஹேதோஃ ॥6॥

யாதே த்வய்யாஶு வாதாகுலஜலதகலத்தோயபூர்ணாதிகூர்ணத்-

ஸப்தார்ணோராஶிமக்நே ஜகதி ஸ து ஜலே ஸம்ப்ரமந் வர்ஷகோடீஃ ।

தீநஃ ப்ரைக்ஷிஷ்ட தூரே வடதலஶயநம் கஞ்சிதாஶ்சர்யபாலம்

த்வாமேவ ஶ்யாமலாங்கம் வதநஸரஸிஜந்யஸ்தபாதாங்குலீகம் ॥7॥

த்ரு'ஷ்ட்வா த்வாம் ஹ்ரு'ஷ்டரோமா த்வரிதமுபகதஃ ஸ்ப்ரஷ்டுகாமோ முநீந்த்ரஃ

ஶ்வாஸேநாந்தர்நிவிஷ்டஃ புநரிஹ ஸகலம் த்ரு'ஷ்டவாந் விஷ்டபௌகம் ।

பூயோऽபி ஶ்வாஸவாதைர்பஹிரநுபதிதோ வீக்ஷிதஸ்த்வத்கடாக்ஷை-

ர்மோதாதாஶ்லேஷ்டுகாமஸ்த்வயி பிஹிததநௌ ஸ்வாஶ்ரமே ப்ராக்வதாஸீத் ॥8॥

கௌர்யா ஸார்தம் ததக்ரே புரபிதத கதஸ்த்வத்ப்ரியப்ரேக்ஷணார்தீ

ஸித்தாநேவாஸ்ய தத்வா ஸ்வயமயமஜராம்ரு'த்யுதாதீந் கதோऽபூத் ।

ஏவம் த்வத்ஸேவயைவ ஸ்மரரிபுரபி ஸ ப்ரீயதே யேந தஸ்மா-

ந்மூர்தித்ரய்யாத்மகஸ்த்வம் நநு ஸகலநியந்தேதி ஸுவ்யக்தமாஸீத் ॥9॥

த்ர்யம்ஶேஸ்மிந் ஸத்யலோகே விதிஹரிபுரபிந்மந்திராண்யூர்த்வமூர்த்வம்

தேபோऽப்யூர்த்வம் து மாயாவிக்ரு'திவிரஹிதோ பாதி வைகுண்டலோகஃ ।

தத்ர த்வம் காரணாம்பஸ்யபி பஶுபகுலே ஶுத்தஸத்த்வைகரூபீ

ஸச்சித்ப்ரஹ்மாத்வயாத்மா பவநபுரபதே பாஹி மாம் ஸர்வரோகாத் ॥10॥

Roman (IAST) Transliteration

traiguṇyādbhinnarūpaṃ bhavati hi bhuvane hīnamadhyottamaṃ yat

jñānaṃ śraddhā ca kartā vasatirapi sukhaṃ karma cāhārabhedāḥ |

tvatkṣetratvanniṣevādi tu yadiha punastvatparaṃ tattu sarvaṃ

prāhurnaiguṇyaniṣṭhaṃ tadanubhajanato maṅkṣu siddho bhaveyam ||1||

tvayyeva nyastacittaḥ sukhamayi vicaran sarvaceṣṭāstvadarthaṃ

tvadbhaktaiḥ sevyamānānapi caritacarānāśrayan puṇyadeśān |

dasyau vipre mṛgādiṣvapi ca samamatirmucyamānāvamāna-

spardhāsūyādidoṣaḥ satatamakhilabhūteṣu sampūjaye tvām ||2||

tvadbhāvo yāvadeṣu sphurati na viśadaṃ tāvadevaṃ hyupāstiṃ

kurvannaikātmyabodhe jhaṭiti vikasati tvanmayo'haṃ careyam |

tvaddharmasyāsya tāvat kimapi na bhagavan prastutasya praṇāśa-

stasmātsarvātmanaiva pradiśa mama vibho bhaktimārgaṃ manojñam ||3||

taṃ cainaṃ bhaktiyogaṃ draḍhayitumayi me sādhyamārogyamāyu-

rdiṣṭyā tatrāpi sevyaṃ tava caraṇamaho bheṣajāyeva dugdham |

mārkaṇḍeyo hi pūrvaṃ gaṇakanigaditadvādaśābdāyuruccaiḥ

sevitvā vatsaraṃ tvāṃ tava bhaṭanivahairdrāvayāmāsa mṛtyum ||4||

mārkaṇḍeyaścirāyuḥ sa khalu punarapi tvatparaḥ puṣpabhadrā-

tīre ninye tapasyannatulasukharatiḥ ṣaṭ tu manvantarāṇi |

devendraḥ saptamastaṃ surayuvatimarunmanmathairmohayiṣyan

yogoṣmapluṣyamāṇairna tu punaraśakattvajjanaṃ nirjayet kaḥ ||5||

prītyā nārāyaṇākhyastvamatha narasakhaḥ prāptavānasya pārśvaṃ

tuṣṭyā toṣṭūyamānaḥ sa tu vividhavarairlobhito nānumene |

draṣṭuṃ māya़āṃ tvadīyāṃ kila punaravṛṇodbhaktitṛptāntarātmā

māyāduḥkhānabhijñastadapi mṛgayate nūnamāścaryahetoḥ ||6||

yāte tvayyāśu vātākulajaladagalattoyapūrṇātighūrṇat-

saptārṇorāśimagne jagati sa tu jale sambhraman varṣakoṭīḥ |

dīnaḥ praikṣiṣṭa dūre vaṭadalaśayanaṃ kañcidāścaryabālaṃ

tvāmeva śyāmalāṅgaṃ vadanasarasijanyastapādāṅgulīkam ||7||

dṛṣṭvā tvāṃ hṛṣṭaromā tvaritamupagataḥ spraṣṭukāmo munīndraḥ

śvāsenāntarniviṣṭaḥ punariha sakalaṃ dṛṣṭavān viṣṭapaugham |

bhūyo'pi śvāsavātairbahiranupatito vīkṣitastvatkaṭākṣai-

rmodādāśleṣṭukāmastvayi pihitatanau svāśrame prāgvadāsīt ||8||

gauryā sārdhaṃ tadagre purabhidatha gatastvatpriyaprekṣaṇārthī

siddhānevāsya datvā svayamayamajarāmṛtyutādīn gato'bhūt |

evaṃ tvatsevayaiva smararipurapi sa prīyate yena tasmā-

nmūrtitrayyātmakastvaṃ nanu sakalaniyanteti suvyaktamāsīt ||9||

tryaṃśesmin satyaloke vidhiharipurabhinmandirāṇyūrdhvamūrdhvaṃ

tebho'pyūrdhvaṃ tu māyāvikṛtivirahito bhāti vaikuṇṭhalokaḥ |

tatra tvaṃ kāraṇāmbhasyapi paśupakule śuddhasattvaikarūpī

saccitbrahmādvayātmā pavanapurapate pāhi māṃ sarvarogāt ||10||