Narayaniyam Dashaka 96 - Bhagavadvibhutayah Tatha Jnanakarmabhaktiyogah

ॐ

நாராயணீயம் தஶக 96 - பகவத்விபூதயஃ ததா ஜ்ஞாநகர்மபக்தியோகாஃ

Vishnu Narayana Bhattatiri Tamil

த்வம் ஹி ப்ரஹ்மைவ ஸாக்ஷாத் பரமுருமஹிமந்நக்ஷராணாமகார-

ஸ்தாரோ மந்த்ரேஷு ராஜ்ஞாம் மநுரஸி முநிஷு த்வம் ப்ரு'குர்நாரதோऽபி ।

ப்ரஹ்லாதோ தாநவாநாம் பஶுஷு ச ஸுரபிஃ பக்ஷிணாம் வைநதேயோ

நாகாநாமஸ்யநந்தஸ்ஸுரஸரிதபி ச ஸ்ரோதஸாம் விஶ்வமூர்தே ॥1॥

ப்ரஹ்மண்யாநாம் பலிஸ்த்வம் க்ரதுஷு ச ஜபயஜ்ஞோऽஸி வீரேஷு பார்தோ

பக்தாநாமுத்தவஸ்த்வம் பலமஸி பலிநாம் தாம தேஜஸ்விநாம் த்வம் ।

நாஸ்த்யந்தஸ்த்வத்விபூதேர்விகஸததிஶயம் வஸ்து ஸர்வம் த்வமேவ

த்வம் ஜீவஸ்த்வம் ப்ரதாநம் யதிஹ பவத்ரு'தே தந்ந கிஞ்சித் ப்ரபஞ்சே ॥2॥

தர்மம் வர்ணாஶ்ரமாணாம் ஶ்ருதிபதவிஹிதம் த்வத்பரத்வேந பக்த்யா

குர்வந்தோऽந்தர்விராகே விகஸதி ஶநகைஃ ஸந்த்யஜந்தோ லபந்தே ।

ஸத்தாஸ்பூர்திப்ரியத்வாத்மகமகிலபதார்தேஷு பிந்நேஷ்வபிந்நம்

நிர்மூலம் விஶ்வமூலம் பரமமஹமிதி த்வத்விபோதம் விஶுத்தம் ॥3॥

ஜ்ஞாநம் கர்மாபி பக்திஸ்த்ரிதயமிஹ பவத்ப்ராபகம் தத்ர தாவ-

ந்நிர்விண்ணாநாமஶேஷே விஷய இஹ பவேத் ஜ்ஞாநயோகேऽதிகாரஃ ।

ஸக்தாநாம் கர்மயோகஸ்த்வயி ஹி விநிஹிதோ யே து நாத்யந்தஸக்தாஃ

நாப்யத்யந்தம் விரக்தாஸ்த்வயி ச த்ரு'தரஸா பக்தியோகோ ஹ்யமீஷாம் ॥4॥

ஜ்ஞாநம் த்வத்பக்ததாம் வா லகு ஸுக்ரு'தவஶாந்மர்த்யலோகே லபந்தே

தஸ்மாத்தத்ரைவ ஜந்ம ஸ்ப்ரு'ஹயதி பகவந் நாககோ நாரகோ வா ।

ஆவிஷ்டம் மாம் து தைவாத்பவஜலநிதிபோதாயிதே மர்த்யதேஹே

த்வம் க்ரு'த்வா கர்ணதாரம் குருமநுகுணவாதாயிதஸ்தாரயேதாஃ ॥5॥

அவ்யக்தம் மார்கயந்தஃ ஶ்ருதிபிரபி நயைஃ கேவலஜ்ஞாநலுப்தாஃ

க்லிஶ்யந்தேऽதீவ ஸித்திம் பஹுதரஜநுஷாமந்த ஏவாப்நுவந்தி ।

தூரஸ்தஃ கர்மயோகோऽபி ச பரமபலே நந்வயம் பக்தியோக-

ஸ்த்வாமூலாதேவ ஹ்ரு'த்யஸ்த்வரிதமயி பவத்ப்ராபகோ வர்ததாம் மே ॥6॥

ஜ்ஞாநாயைவாதியத்நம் முநிரபவததே ப்ரஹ்மதத்த்வம் து ஶ்ரு'ண்வந்

காடம் த்வத்பாதபக்திம் ஶரணமயதி யஸ்தஸ்ய முக்திஃ கராக்ரே ।

த்வத்த்யாநேऽபீஹ துல்யா புநரஸுகரதா சித்தசாஞ்சல்யஹேதோ-

ரப்யாஸாதாஶு ஶக்யம் ததபி வஶயிதும் த்வத்க்ரு'பாசாருதாப்யாம் ॥7॥

நிர்விண்ணஃ கர்மமார்கே கலு விஷமதமே த்வத்கதாதௌ ச காடம்

ஜாதஶ்ரத்தோऽபி காமாநயி புவநபதே நைவ ஶக்நோமி ஹாதும் ।

தத்பூயோ நிஶ்சயேந த்வயி நிஹிதமநா தோஷபுத்த்யா பஜம்ஸ்தாந்

புஷ்ணீயாம் பக்திமேவ த்வயி ஹ்ரு'தயகதே மங்க்ஷு நங்க்ஷ்யந்தி ஸங்காஃ ॥8॥

கஶ்சித் க்லேஶார்ஜிதார்தக்ஷயவிமலமதிர்நுத்யமாநோ ஜநௌகைஃ

ப்ராகேவம் ப்ராஹ விப்ரோ ந கலு மம ஜநஃ காலகர்மக்ரஹா வா।

சேதோ மே துஃகஹேதுஸ்ததிஹ குணகணம் பாவயத்ஸர்வகாரீ-

த்யுக்த்வா ஶாந்தோ கதஸ்த்வாம் மம ச குரு விபோ தாத்ரு'ஶீ சித்தஶாந்திம் ॥9॥

ஐலஃ ப்ராகுர்வஶீம் ப்ரத்யதிவிவஶமநாஃ ஸேவமாநஶ்சிரம் தாம்

காடம் நிர்வித்ய பூயோ யுவதிஸுகமிதம் க்ஷுத்ரமேவேதி காயந் ।

த்வத்பக்திம் ப்ராப்ய பூர்ணஃ ஸுகதரமசரத்தத்வதுத்தூதஸங்கம்

பக்தோத்தம்ஸம் க்ரியா மாம் பவநபுரபதே ஹந்த மே ருந்தி ரோகாந் ॥10॥

Roman (IAST) Transliteration

tvaṃ hi brahmaiva sākṣāt paramurumahimannakṣarāṇāmakāra-

stāro mantreṣu rājñāṃ manurasi muniṣu tvaṃ bhṛgurnārado'pi |

prahlādo dānavānāṃ paśuṣu ca surabhiḥ pakṣiṇāṃ vainateyo

nāgānāmasyanantassurasaridapi ca srotasāṃ viśvamūrte ||1||

brahmaṇyānāṃ balistvaṃ kratuṣu ca japayajño'si vīreṣu pārtho

bhaktānāmuddhavastvaṃ balamasi balināṃ dhāma tejasvināṃ tvam |

nāstyantastvadvibhūtervikasadatiśayaṃ vastu sarvaṃ tvameva

tvaṃ jīvastvaṃ pradhānaṃ yadiha bhavadṛte tanna kiñcit prapañce ||2||

dharmaṃ varṇāśramāṇāṃ śrutipathavihitaṃ tvatparatvena bhaktyā

kurvanto'ntarvirāge vikasati śanakaiḥ santyajanto labhante |

sattāsphūrtipriyatvātmakamakhilapadārtheṣu bhinneṣvabhinnaṃ

nirmūlaṃ viśvamūlaṃ paramamahamiti tvadvibodhaṃ viśuddham ||3||

jñānaṃ karmāpi bhaktistritayamiha bhavatprāpakaṃ tatra tāva-

nnirviṇṇānāmaśeṣe viṣaya iha bhavet jñānayoge'dhikāraḥ |

saktānāṃ karmayogastvayi hi vinihito ye tu nātyantasaktāḥ

nāpyatyantaṃ viraktāstvayi ca dhṛtarasā bhaktiyogo hyamīṣām ||4||

jñānaṃ tvadbhaktatāṃ vā laghu sukṛtavaśānmartyaloke labhante

tasmāttatraiva janma spṛhayati bhagavan nākago nārako vā |

āviṣṭaṃ māṃ tu daivādbhavajalanidhipotāyite martyadehe

tvaṃ kṛtvā karṇadhāraṃ gurumanuguṇavātāyitastārayethāḥ ||5||

avyaktaṃ mārgayantaḥ śrutibhirapi nayaiḥ kevalajñānalubdhāḥ

kliśyante'tīva siddhiṃ bahutarajanuṣāmanta evāpnuvanti |

dūrasthaḥ karmayogo'pi ca paramaphale nanvayaṃ bhaktiyoga-

stvāmūlādeva hṛdyastvaritamayi bhavatprāpako vardhatāṃ me ||6||

jñānāyaivātiyatnaṃ munirapavadate brahmatattvaṃ tu śṛṇvan

gāḍhaṃ tvatpādabhaktiṃ śaraṇamayati yastasya muktiḥ karāgre |

tvaddhyāne'pīha tulyā punarasukaratā cittacāñcalyaheto-

rabhyāsādāśu śakyaṃ tadapi vaśayituṃ tvatkṛpācārutābhyām ||7||

nirviṇṇaḥ karmamārge khalu viṣamatame tvatkathādau ca gāḍhaṃ

jātaśraddho'pi kāmānayi bhuvanapate naiva śaknomi hātum |

tadbhūyo niścayena tvayi nihitamanā doṣabuddhyā bhajaṃstān

puṣṇīyāṃ bhaktimeva tvayi hṛdayagate maṅkṣu naṅkṣyanti saṅgāḥ ||8||

kaścit kleśārjitārthakṣayavimalamatirnudyamāno janaughaiḥ

prāgevaṃ prāha vipro na khalu mama janaḥ kālakarmagrahā vā|

ceto me duḥkhahetustadiha guṇagaṇaṃ bhāvayatsarvakārī-

tyuktvā śānto gatastvāṃ mama ca kuru vibho tādṛśī cittaśāntim ||9||

ailaḥ prāgurvaśīṃ pratyativivaśamanāḥ sevamānaściraṃ tāṃ

gāḍhaṃ nirvidya bhūyo yuvatisukhamidaṃ kṣudrameveti gāyan |

tvadbhaktiṃ prāpya pūrṇaḥ sukhataramacarattadvaduddhūtasaṅgaṃ

bhaktottaṃsaṃ kriyā māṃ pavanapurapate hanta me rundhi rogān ||10||