Narayaniyam Dashaka 94 - Tattvajnanotpattih

ॐ

நாராயணீயம் தஶக 94 - தத்த்வஜ்ஞாநோத்பத்திஃ

Vishnu Narayana Bhattathiri Tamil

ஶுத்தா நிஷ்காமதர்மைஃ ப்ரவரகுருகிரா தத்ஸ்வரூபம் பரம் தே

ஶுத்தம் தேஹேந்த்ரியாதிவ்யபகதமகிலவ்யாப்தமாவேதயந்தே ।

நாநாத்வஸ்தௌல்யகார்ஶ்யாதி து குணஜவபுஸ்ஸங்கதோऽத்யாஸிதம் தே

வஹ்நேர்தாருப்ரபேதேஷ்விவ மஹதணுதாதீப்ததாஶாந்ததாதி ॥1॥

ஆசார்யாக்யாதரஸ்தாரணிஸமநுமிலச்சிஷ்யரூபோத்தரார-

ண்யாவேதோத்பாஸிதேந ஸ்புடதரபரிபோதாக்நிநா தஹ்யமாநே ।

கர்மாலீவாஸநாதத்க்ரு'ததநுபுவநப்ராந்திகாந்தாரபூரே

தாஹ்யாபாவேந வித்யாஶிகிநி ச விரதே த்வந்மயீ கல்வவஸ்தா ॥2॥

ஏவம் த்வத்ப்ராப்திதோऽந்யோ நஹி கலு நிகிலக்லேஶஹாநேருபாயோ

நைகாந்தாத்யந்திகாஸ்தே க்ரு'ஷிவதகதஷாட்குண்யஷட்கர்மயோகாஃ ।

துர்வைகல்யைரகல்யா அபி நிகமபதாஸ்தத்பலாந்யப்யவாப்தா

மத்தாஸ்த்வாம் விஸ்மரந்தஃ ப்ரஸஜதி பதநே யாந்த்யநந்தாந் விஷாதாந்॥3॥

த்வல்லோகாதந்யலோகஃ க்வநு பயரஹிதோ யத் பரார்தத்வயாந்தே

த்வத்பீதஸ்ஸத்யலோகேऽபி ந ஸுகவஸதிஃ பத்மபூஃ பத்மநாப ।

ஏவம் பாவே த்வதர்மார்ஜிதபஹுதமஸாம் கா கதா நாரகாணாம்

தந்மே த்வம் சிந்தி பந்தம் வரத் க்ரு'பணபந்தோ க்ரு'பாபூரஸிந்தோ ॥4॥

யாதார்த்யாத்த்வந்மயஸ்யைவ ஹி மம ந விபோ வஸ்துதோ பந்தமோக்ஷௌ

மாயாவித்யாதநுப்யாம் தவ து விரசிதௌ ஸ்வப்நபோதோபமௌ தௌ ।

பத்தே ஜீவத்விமுக்திம் கதவதி ச பிதா தாவதீ தாவதேகோ

புங்க்தே தேஹத்ருமஸ்தோ விஷயபலரஸாந்நாபரோ நிர்வ்யதாத்மா ॥5॥

ஜீவந்முக்தத்வமேவம்விதமிதி வசஸா கிம் பலம் தூரதூரே

தந்நாமாஶுத்தபுத்தேர்ந ச லகு மநஸஶ்ஶோதநம் பக்திதோऽந்யத் ।

தந்மே விஷ்ணோ க்ரு'ஷீஷ்டாஸ்த்வயி க்ரு'தஸகலப்ரார்பணம் பக்திபாரம்

யேந ஸ்யாம் மங்க்ஷு கிஞ்சித் குருவசநமிலத்த்வத்ப்ரபோதஸ்த்வதாத்மா ॥6॥

ஶப்த்ப்ரஹ்மண்யபீஹ ப்ரயதிதமநஸஸ்த்வாம் ந ஜாநந்தி கேசித்

கஷ்டம் வந்த்யஶ்ரமாஸ்தே சிரதரமிஹ காம் பிப்ரதே நிஷ்ப்ரஸூதிம் ।

யஸ்யாம் விஶ்வாபிராமாஸ்ஸகலமலஹரா திவ்யலீலாவதாராஃ

ஸச்சித்ஸாந்த்ரம் ச ரூபம் தவ ந நிகதிதம் தாம் ந வாசம் ப்ரியாஸம் ॥7॥

யோ யாவாந் யாத்ரு'ஶோ வா த்வமிதி கிமபி நைவாவகச்சாமி பூம்-

ந்நேவஞ்சாநந்யபாவஸ்த்வதநுபஜநமேவாத்ரியே சைத்யவைரிந் ।

த்வல்லிங்காநாம் த்வதங்க்ரிப்ரியஜநஸதஸாம் தர்ஶநஸ்பர்ஶநாதி-

ர்பூயாந்மே த்வத்ப்ரபூஜாநதிநுதிகுணகர்மாநுகீர்த்யாதரோऽபி ॥8॥

யத்யல்லப்யேத தத்தத்தவ ஸமுபஹ்ரு'தம் தேவ தாஸோऽஸ்மி தேऽஹம்

த்வத்கேஹோந்மார்ஜநாத்யம் பவது மம முஹுஃ கர்ம நிர்மாயமேவ ।

ஸூர்யாக்நிப்ராஹ்மணாத்மாதிஷு லஸிதசதுர்பாஹுமாராதயே த்வாம்

த்வத்ப்ரேமார்த்ரத்வரூபோ மம ஸததமபிஷ்யந்ததாம் பக்தியோகஃ ॥9॥

ஐக்யம் தே தாநஹோமவ்ரதநியமதபஸ்ஸாங்க்யயோகைர்துராபம்

த்வத்ஸங்கேநைவ கோப்யஃ கில ஸுக்ரு'திதமா ப்ராபுராநந்தஸாந்த்ரம் ।

பக்தேஷ்வந்யேஷு பூயஸ்ஸ்வபி பஹுமநுஷே பக்திமேவ த்வமாஸாம்

தந்மே த்வத்பக்திமேவ த்ரடய ஹர கதாந் க்ரு'ஷ்ண வாதாலயேஶ ॥10॥

Roman (IAST) Transliteration

śuddhā niṣkāmadharmaiḥ pravaragurugirā tatsvarūpaṃ paraṃ te

śuddhaṃ dehendriyādivyapagatamakhilavyāptamāvedayante |

nānātvasthaulyakārśyādi tu guṇajavapussaṅgato'dhyāsitaṃ te

vahnerdāruprabhedeṣviva mahadaṇutādīptatāśāntatādi ||1||

ācāryākhyādharasthāraṇisamanumilacchiṣyarūpottarāra-

ṇyāvedhodbhāsitena sphuṭataraparibodhāgninā dahyamāne |

karmālīvāsanātatkṛtatanubhuvanabhrāntikāntārapūre

dāhyābhāvena vidyāśikhini ca virate tvanmayī khalvavasthā ||2||

evaṃ tvatprāptito'nyo nahi khalu nikhilakleśahānerupāyo

naikāntātyantikāste kṛṣivadagadaṣāḍguṇyaṣaṭkarmayogāḥ |

durvaikalyairakalyā api nigamapathāstatphalānyapyavāptā

mattāstvāṃ vismarantaḥ prasajati patane yāntyanantān viṣādān||3||

tvallokādanyalokaḥ kvanu bhayarahito yat parārdhadvayānte

tvadbhītassatyaloke'pi na sukhavasatiḥ padmabhūḥ padmanābha |

evaṃ bhāve tvadharmārjitabahutamasāṃ kā kathā nārakāṇāṃ

tanme tvaṃ chindhi bandhaṃ varad kṛpaṇabandho kṛpāpūrasindho ||4||

yāthārthyāttvanmayasyaiva hi mama na vibho vastuto bandhamokṣau

māyāvidyātanubhyāṃ tava tu viracitau svapnabodhopamau tau |

baddhe jīvadvimuktiṃ gatavati ca bhidā tāvatī tāvadeko

bhuṅkte dehadrumastho viṣayaphalarasānnāparo nirvyathātmā ||5||

jīvanmuktatvamevaṃvidhamiti vacasā kiṃ phalaṃ dūradūre

tannāmāśuddhabuddherna ca laghu manasaśśodhanaṃ bhaktito'nyat |

tanme viṣṇo kṛṣīṣṭhāstvayi kṛtasakalaprārpaṇaṃ bhaktibhāraṃ

yena syāṃ maṅkṣu kiñcid guruvacanamilattvatprabodhastvadātmā ||6||

śabdbrahmaṇyapīha prayatitamanasastvāṃ na jānanti kecit

kaṣṭaṃ vandhyaśramāste cirataramiha gāṃ bibhrate niṣprasūtim |

yasyāṃ viśvābhirāmāssakalamalaharā divyalīlāvatārāḥ

saccitsāndraṃ ca rūpaṃ tava na nigaditaṃ tāṃ na vācaṃ bhriyāsam ||7||

yo yāvān yādṛśo vā tvamiti kimapi naivāvagacchāmi bhūm-

nnevañcānanyabhāvastvadanubhajanamevādriye caidyavairin |

tvalliṅgānāṃ tvadaṅghripriyajanasadasāṃ darśanasparśanādi-

rbhūyānme tvatprapūjānatinutiguṇakarmānukīrtyādaro'pi ||8||

yadyallabhyeta tattattava samupahṛtaṃ deva dāso'smi te'haṃ

tvadgehonmārjanādyaṃ bhavatu mama muhuḥ karma nirmāyameva |

sūryāgnibrāhmaṇātmādiṣu lasitacaturbāhumārādhaye tvāṃ

tvatpremārdratvarūpo mama satatamabhiṣyandatāṃ bhaktiyogaḥ ||9||

aikyaṃ te dānahomavrataniyamatapassāṅkhyayogairdurāpaṃ

tvatsaṅgenaiva gopyaḥ kila sukṛtitamā prāpurānandasāndram |

bhakteṣvanyeṣu bhūyassvapi bahumanuṣe bhaktimeva tvamāsāṃ

tanme tvadbhaktimeva draḍhaya hara gadān kṛṣṇa vātālayeśa ||10||