Narayaniyam Dashaka 89 - Vrikasuravadham - Bhriguparikshanam

ॐ

நாராயணீயம் தஶக 89 - வ்ரு'காஸுரவதம் - ப்ரு'குபரீக்ஷணம்

Vishnu Tamil

ரமாஜாநே ஜாநே யதிஹ தவ பக்தேஷு விபவோ

ந ஸத்யஸ்ஸம்பத்யஸ்ததிஹ மதக்ரு'த்த்வாதஶமிநாம் ।

ப்ரஶாந்திம் க்ரு'த்வைவ ப்ரதிஶஸி ததஃ காமமகிலம்

ப்ரஶாந்தேஷு க்ஷிப்ரம் ந கலு பவதீயே ச்யுதிகதா ॥1॥

ஸத்யஃ ப்ரஸாதருஷிதாந் விதிஶங்கராதீந்

கேசித்விபோ நிஜகுணாநுகுணம் பஜந்தஃ ।

ப்ரஷ்டா பவந்தி பத கஷ்டமதீர்கத்ரு'ஷ்ட்யா

ஸ்பஷ்டம் வ்ரு'காஸுர உதாஹரணம் கிலாஸ்மிந் ॥2॥

ஶகுநிஜஃ ஸ து நாரதமேகதா

த்வரிததோஷமப்ரு'ச்சததீஶ்வரம் ।

ஸ ச திதேஶ கிரீஶமுபாஸிதும்

ந து பவந்தமபந்துமஸாதுஷு ॥3॥

தபஸ்தப்த்வா கோரம் ஸ கலு குபிதஃ ஸப்தமதிநே

ஶிரஃ சித்வா ஸத்யஃ புரஹரமுபஸ்தாப்ய புரதஃ ।

அதிக்ஷுத்ரம் ரௌத்ரம் ஶிரஸி கரதாநேந நிதநம்

ஜகந்நாதாத்வவ்ரே பவதி விமுகாநாம் க்வ ஶுபதீஃ ॥4॥

மோக்தாரம் பந்தமுக்தோ ஹரிணபதிரிவ ப்ராத்ரவத்ஸோऽத ருத்ரம்

தைத்யாத் பீத்யா ஸ்ம தேவோ திஶி திஶி வலதே ப்ரு'ஷ்டதோ தத்தத்ரு'ஷ்டிஃ ।

தூஷ்ணீகே ஸர்வலோகே தவ பதமதிரோக்ஷ்யந்தமுத்வீக்ஷ்ய ஶர்வம்

தூராதேவாக்ரதஸ்த்வம் படுவடுவபுஷா தஸ்திஷே தாநவாய ॥5॥

பத்ரம் தே ஶாகுநேய ப்ரமஸி கிமதுநா த்வம் பிஶாசஸ்ய வாசா

ஸந்தேஹஶ்சேந்மதுக்தௌ தவ கிமு ந கரோஷ்யங்குலீமங்கமௌலௌ ।

இத்தம் த்வத்வாக்யமூடஃ ஶிரஸி க்ரு'தகரஃ ஸோऽபதச்சிந்நபாதம்

ப்ரம்ஶோ ஹ்யேவம் பரோபாஸிதுரபி ச கதிஃ ஶூலிநோऽபி த்வமேவ ॥6॥

ப்ரு'கும் கில ஸரஸ்வதீநிகடவாஸிநஸ்தாபஸா-

ஸ்த்ரிமூர்திஷு ஸமாதிஶந்நதிகஸத்த்வதாம் வேதிதும் ।

அயம் புநரநாதராதுதிதருத்தரோஷே விதௌ

ஹரேऽபி ச ஜிஹிம்ஸிஷௌ கிரிஜயா த்ரு'தே த்வாமகாத் ॥7॥

ஸுப்தம் ரமாங்கபுவி பங்கஜலோசநம் த்வாம்

விப்ரே விநிக்நதி பதேந முதோத்திதஸ்த்வம் ।

ஸர்வம் க்ஷமஸ்வ முநிவர்ய பவேத் ஸதா மே

த்வத்பாதசிந்ஹமிஹ பூஷணமித்யவாதீஃ ॥8॥

நிஶ்சித்ய தே ச ஸுத்ரு'டம் த்வயி பத்தபாவாஃ

ஸாரஸ்வதா முநிவரா ததிரே விமோக்ஷம் ।

த்வாமேவமச்யுத புநஶ்ச்யுதிதோஷஹீநம்

ஸத்த்வோச்சயைகதநுமேவ வயம் பஜாமஃ ॥9॥

ஜகத்ஸ்ரு'ஷ்ட்யாதௌ த்வாம் நிகமநிவஹைர்வந்திபிரிவ

ஸ்துதம் விஷ்ணோ ஸச்சித்பரமரஸநிர்த்வைதவபுஷம் ।

பராத்மாநம் பூமந் பஶுபவநிதாபாக்யநிவஹம்

பரிதாபஶ்ராந்த்யை பவநபுரவாஸிந் பரிபஜே ॥10॥

Roman (IAST) Transliteration

ramājāne jāne yadiha tava bhakteṣu vibhavo

na sadyassampadyastadiha madakṛttvādaśaminām |

praśāntiṃ kṛtvaiva pradiśasi tataḥ kāmamakhilaṃ

praśānteṣu kṣipraṃ na khalu bhavadīye cyutikathā ||1||

sadyaḥ prasādaruṣitān vidhiśaṅkarādīn

kecidvibho nijaguṇānuguṇaṃ bhajantaḥ |

bhraṣṭā bhavanti bata kaṣṭamadīrghadṛṣṭyā

spaṣṭaṃ vṛkāsura udāharaṇaṃ kilāsmin ||2||

śakunijaḥ sa tu nāradamekadā

tvaritatoṣamapṛcchadadhīśvaram |

sa ca dideśa girīśamupāsituṃ

na tu bhavantamabandhumasādhuṣu ||3||

tapastaptvā ghoraṃ sa khalu kupitaḥ saptamadine

śiraḥ chitvā sadyaḥ puraharamupasthāpya purataḥ |

atikṣudraṃ raudraṃ śirasi karadānena nidhanaṃ

jagannāthādvavre bhavati vimukhānāṃ kva śubhadhīḥ ||4||

moktāraṃ bandhamukto hariṇapatiriva prādravatso'tha rudraṃ

daityāt bhītyā sma devo diśi diśi valate pṛṣṭhato dattadṛṣṭiḥ |

tūṣṇīke sarvaloke tava padamadhirokṣyantamudvīkṣya śarvaṃ

dūrādevāgratastvaṃ paṭuvaṭuvapuṣā tasthiṣe dānavāya ||5||

bhadraṃ te śākuneya bhramasi kimadhunā tvaṃ piśācasya vācā

sandehaścenmaduktau tava kimu na karoṣyaṅgulīmaṅgamaulau |

itthaṃ tvadvākyamūḍhaḥ śirasi kṛtakaraḥ so'patacchinnapātaṃ

bhraṃśo hyevaṃ paropāsiturapi ca gatiḥ śūlino'pi tvameva ||6||

bhṛguṃ kila sarasvatīnikaṭavāsinastāpasā-

strimūrtiṣu samādiśannadhikasattvatāṃ veditum |

ayaṃ punaranādarāduditaruddharoṣe vidhau

hare'pi ca jihiṃsiṣau girijayā dhṛte tvāmagāt ||7||

suptaṃ ramāṅkabhuvi paṅkajalocanaṃ tvāṃ

vipre vinighnati padena mudotthitastvam |

sarvaṃ kṣamasva munivarya bhavet sadā me

tvatpādacinhamiha bhūṣaṇamityavādīḥ ||8||

niścitya te ca sudṛḍhaṃ tvayi baddhabhāvāḥ

sārasvatā munivarā dadhire vimokṣam |

tvāmevamacyuta punaścyutidoṣahīnaṃ

sattvoccayaikatanumeva vayaṃ bhajāmaḥ ||9||

jagatsṛṣṭyādau tvāṃ nigamanivahairvandibhiriva

stutaṃ viṣṇo saccitparamarasanirdvaitavapuṣam |

parātmānaṃ bhūman paśupavanitābhāgyanivahaṃ

paritāpaśrāntyai pavanapuravāsin paribhaje ||10||